പദ്ധതിയുടെ ഉദ്ഘാടനം മുഖ്യമന്ത്രി പിണറായി വിജയൻ ഓൺലൈനായി നിർവ്വഹിച്ചു. ഒരു ഫോൺ കോളിലൂടെ കെ.എസ്.ഇ.ബി സേവനങ്ങൾ ഓഫീസിൽ എത്താതെ തന്നെ ലഭ്യമാക്കുന്നതാണ് പദ്ധതി. 1912 എന്ന കസ്റ്റമർ കെയർ നമ്പറിലാണ് സേവനങ്ങൾക്കായി ബന്ധപ്പെടേണ്ടത്. പുതിയ വൈദ്യുതി കണക്ഷൻ, ഉടമസ്ഥാവകാശം മാറ്റൽ, ഫേസ്/ കണക്റ്റഡ് ലോഡ് മാറ്റൽ, താരിഫ് മാറ്റൽ, വൈദ്യുതി ലൈൻ/ മീറ്റർ മാറ്റിവയ്ക്കൽ എന്നീ സേവനങ്ങളാണ് പദ്ധതി പ്രകാരം നൽകുന്നത്. ജില്ലയിൽ മാനന്തവാടി ഡിവിഷന് കീഴിലെ പാടിച്ചിറ, കോറോം ഇലക്ട്രിക്കൽ സെക്ഷനുകളിലും, കൽപ്പറ്റ ഡിവിഷനിലെ കമ്പളക്കാട് ഇലക്ട്രിക്കൽ സെക്ഷനിലുമാണ് പദ്ധതി നടപ്പിലാക്കുന്നത്. കമ്പളക്കാട് സെക്ഷനിൽ നടന്ന ഉദ്ഘാടന ചടങ്ങിൽ സി.കെ. ശശീന്ദ്രൻ എം.എൽ.എ, ജില്ലാ പഞ്ചായത്ത് പ്രസിഡൻ്റ് സംഷാദ് മരക്കാർ, കോട്ടത്തറ ഗ്രാമ പഞ്ചായത്ത് പ്രസിഡൻ്റ് പി.പി. റെനീഷ്, പനമരം ബ്ലോക്ക് പഞ്ചായത്ത് വൈസ് പ്രസിഡൻ്റ് അബ്ദുൾ ഗഫൂർ കാട്ടി, കണിയാമ്പറ്റ ഗ്രാമ പഞ്ചായത്ത് വൈസ് പ്രസിഡൻ്റ് നജീബ് കരണി, മെമ്പർ നൂറിഷ ചേനോത്ത് തുടങ്ങിയവർ പങ്കെടുത്തു.
കത്തിക്കയറി വെളിച്ചെണ്ണ വില; ഡിസ്കൗണ്ട് തട്ടിപ്പുകളിൽ വീണു പോകല്ലേ! വ്യാജനെ ഒഴിവാക്കാന്‍ ഭക്ഷ്യ സുരക്ഷാ വകുപ്പിന്റെ കര്‍ശന പരിശോധന
തിരുവനന്തപുരം: വിപണിയിലെ വെളിച്ചെണ്ണയുടെ സുരക്ഷിതത്വം ഉറപ്പുവരുത്തുന്നതിനായി ഭക്ഷ്യസുരക്ഷാ വകുപ്പിന്റെ നേതൃത്വത്തില്‍ സംസ്ഥാന വ്യാപകമായി പരിശോധന നടത്തിയതായി ആരോഗ്യ വകുപ്പ് മന്ത്രി വീണാ ജോര്‍ജ്. വെളിച്ചെണ്ണ നിര്‍മ്മാണ യൂണിറ്റുകളിലും മൊത്ത, ചില്ലറ വ്യാപാര കേന്ദ്രങ്ങളിലുമാണ് ഓപ്പറേഷന്‍
