സംസ്ഥാനത്ത് പൾസ്പോളിയോ വിതരണം 24,690 ബൂത്തുകളിലായി ഇന്ന് നടക്കും . വട്ടിയൂർക്കാവ് കുടുംബാരോഗ്യ കേന്ദ്രത്തിൽ ആരോഗ്യമന്ത്രി കെ കെ ശൈലജ ആദ്യതുള്ളി നൽകി തുടക്കം കുറിക്കും.
സംസ്ഥാത്താകെ 24,49,222 കുട്ടികൾക്കാണ് പോളിയോ തുള്ളിമരുന്ന് നൽകുക. അഞ്ച് വയസ്സിന് താഴെയുള്ള എല്ലാ കുട്ടികൾക്കും പൾസ് പോളിയോ നൽകിയിരിക്കണം. രാവിലെ 8 മണിക്ക് തുടക്കം കുറിക്കുന്നത് വൈകുന്നേരം അഞ്ച് മണിയോടെ അവസാനിക്കും.
അങ്കണവാടികൾ, സ്കൂൾ, ബസ് സ്റ്റാൻഡുകൾ, ആരോഗ്യ കേന്ദ്രങ്ങൾ, വായനശാല, വിമാനത്താവളം, ബോട്ടുജെട്ടി, റെയിൽവേ സ്റ്റേഷൻ തുടങ്ങിയയിടങ്ങളിലെല്ലാം ബൂത്തുകൾ സജ്ജമാക്കും. കോവിഡ് മാർഗ്ഗനിർദ്ദേശങ്ങൾ കർശനമായി പാലിച്ചുകൊണ്ട് ആയിരിക്കും പോളിയോ നൽകുക.
കോവിഡ് ബാധിതരോ, നിരീക്ഷണത്തിലുള്ള കുട്ടികളോ ഉണ്ടെങ്കിൽ കൊറോണയിൽ കാലാവധി കഴിയുമ്പോൾ ആരോഗ്യപ്രവർത്തകർ വീട്ടിലെത്തി പൾസ്പോളിയോ നൽകുമെന്ന് ആരോഗ്യവകുപ്പ് അറിയിച്ചു.
