ഡിഗ്രി സീറ്റൊഴിവ്
മീനങ്ങാടി: മീനങ്ങാടി ഐ.എച്ച്.ആർ.ഡി മോഡൽ കോളേജിൽ ബി.കോം കംപ്യൂട്ടർ ആപ്ലിക്കേഷൻസ്, ബി.എസ്.സി കംപ്യൂട്ടർ സയൻസ് കോഴ്സുകളിൽ സീറ്റൊഴിവ്. താത്പര്യമുള്ളവർക്ക് അസൽ സർട്ടിഫിക്കറ്റുകളുമായി കോളേജ് ഓഫീസിൽ എത്തണം ഫോൺ : 04936 246446, 8547005077
വീട്ടിലെ ഗ്യാസ് സിലിണ്ടറിന് തീപിടിച്ചു; അഗ്നി രക്ഷാ സേനാ രക്ഷകരായി
സുൽത്താൻ ബത്തേരി നെന്മേനി ഗ്രാമപഞ്ചായത്ത് റഹ്മത്ത് നഗർ പുളിക്കൽ സക്കീനയുടെ വീട്ടിലെ ഗ്യാസ് സിലിണ്ടറാണ് വ്യാഴാഴ്ച വൈകുന്നേരം ലീക്കായി തീപ്പിടിച്ചത്. സിലിണ്ടർ പുറത്ത് എത്തിച്ച് പ്രത്യേക രീതിയിൽ കമഴ്ത്തി വെച്ച് തീ അണയ്ക്കുകയായിരുന്നു.ബത്തേരി അഗ്നിരക്ഷാസേനയിലെ സ്റ്റേഷൻ ഓഫീസർ അർജുൻ, അസിസ്റ്റന്റ് സ്റ്റേഷൻ ഓഫീസർ ശിവദാസൻ, മാർട്ടിൻ, മുകേഷ്, സുധീഷ്, ശ്യാം കുരിയൻ, രാജേഷ് എന്നിവർ രക്ഷാപ്രവർത്തനത്തിന് നേതൃത്വം നൽകി.
സംസ്ഥാനത്ത് മഴ രണ്ട് ദിവസം കൂടി; എട്ട് ജില്ലകളിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധി, മറ്റന്നാളോടെ മഴയുടെ ശക്തി കുറയും
സംസ്ഥാനത്ത് രണ്ട് ദിവസം കൂടി ശക്തമായ മഴയ്ക്ക് സാധ്യത. എട്ട് ജില്ലകളിൽ ഇന്ന് ഓറഞ്ച് അലർട്ട് പ്രഖ്യാപിച്ചിരിക്കുകയാണ്. മറ്റു ജില്ലകളിൽ യെല്ലോ അലർട്ടും പുറപ്പെടുവിച്ചിട്ടുണ്ട്. എട്ട് ജില്ലകളിലെ വിദ്യാഭ്യാസ സ്ഥാപനങ്ങൾക്ക് അവധി. മറ്റന്നാളോടെ മഴയുടെ ശക്തി കുറയും. പസഫിക് സമുദ്രത്തിലെ ഡോൾഫിൻ ചുഴലിക്കാറ്റിന്റെ സ്വാധീനത്തിലാണ് കേരളത്തിൽ മഴ ശക്തമായത്. മഴ മുന്നറിയിപ്പിന്റെ പശ്ചാത്തലത്തിൽ ഇന്ന് പത്തനംതിട്ട, ആലപ്പുഴ, കോട്ടയം, വയനാട്, കണ്ണൂർ, കാസർകോട്, എറണാകുളം, തൃശൂർ ജില്ലകളിലെ എല്ലാ വിദ്യാഭ്യാസ സ്ഥാപനങ്ങൾക്കും ആണ് അവധി നൽകിയിരിക്കുന്നത്.
കിടക്കുന്നതിന് മുമ്പുള്ള ഫോൺ ഉപയോഗം: തലച്ചോറിന് സംഭവിക്കുന്നത് എന്ത്? വിദഗ്ധർ നൽകുന്ന മുന്നറിയിപ്പുകൾ
രാത്രി കിടക്കയിൽ കിടന്ന് സോഷ്യൽ മീഡിയ പേജുകൾ സ്ക്രോൾ ചെയ്യുന്നതും, വീഡിയോകൾ കാണുന്നതും നിങ്ങളുടെ പതിവാണോ? ദിവസേനയുള്ള മാനസിക സമ്മർദ്ദങ്ങളിൽ നിന്ന് ആശ്വാസം കണ്ടെത്താൻ ഇതിലൂടെ കഴിയുമെങ്കിലും, ഇത് നിങ്ങളുടെ ആരോഗ്യത്തെ പ്രത്യേകിച്ച് തലച്ചോറിന്റെ പ്രവർത്തനങ്ങളെ ഗുരുതരമായി ബാധിക്കുമെന്ന് വിദഗ്ദ്ധർ പറയുന്നു.കൂടുതൽ സമയം ഉറങ്ങിയാൽ ഈ ആഘാതം പരിഹരിക്കാനാകുമോ?വൈകി ഉറങ്ങാൻ കിടന്നാലും രാവിലെ കൂടുതൽ സമയം ഉറങ്ങുന്നതുകൊണ്ട് ഈ പ്രശ്നം പരിഹരിക്കാൻ കഴിയില്ല. തലച്ചോറിന്റെ ശരിയായ പ്രവർത്തനത്തിന് ഉറക്കം അത്യന്താപേക്ഷിതമാണ്. പുതിയ വിവരങ്ങൾ പ്രോസസ്സ് ചെയ്യുക, ഓർമ്മകൾ ക്രമീകരിക്കുക, കോശങ്ങളെ പുനരുജ്ജീവിപ്പിക്കുക, മാനസികാവസ്ഥ നിയന്ത്രിക്കുക, പകൽ സമയത്ത് അടിഞ്ഞുകൂടുന്ന വിഷാംശങ്ങളെ പുറന്തള്ളുക എന്നിവയൊക്കെ ഉറക്കത്തിനിടയിലാണ് തലച്ചോറ് ചെയ്യുന്നത്.സ്ക്രോളിംഗ് ഉറക്കത്തെ തടസ്സപ്പെടുത്തുന്നത് എങ്ങനെ?തലച്ചോറിനെ കൂടുതൽ ഉദ്ദീപിപ്പിക്കും: ഉറങ്ങാൻ കിടക്കുമ്പോഴും മെസ്സേജുകൾ അയക്കുന്നതും വീഡിയോകൾ കാണുന്നതും തലച്ചോറിനെ വിശ്രമിക്കാൻ അനുവദിക്കാതെ നിരന്തരം ഉത്തേജിപ്പിച്ചു കൊണ്ടിരിക്കുന്നു.മെലാടോണിന്റെ കുറവ്: സ്ക്രീനുകളിൽ നിന്നുവരുന്ന നീല വെളിച്ചം ശരീരത്തിൽ ഉറക്കത്തിന് സഹായിക്കുന്ന മെലാടോണിൻ എന്ന ഹോർമോണിന്റെ ഉത്പാദനത്തെ തടയുന്നു.ആന്തരിക ക്ലോക്കിന്റെ തകരാറ്: രാത്രി സമയങ്ങളിൽ ശരീരം സ്വാഭാവികമായി വിശ്രമത്തിലേക്ക് പോകുമ്പോൾ, നീല വെളിച്ചം തലച്ചോറിനെ ജാഗരൂകമാക്കി നിർത്തുന്നു. ഇതിനാൽ എട്ട് മണിക്കൂർ ഉറങ്ങിയാൽ പോലും രാവിലെ ഉണരുമ്പോൾ ക്ഷീണവും അസ്വസ്ഥതയും അനുഭവപ്പെടാം.ഉറക്കമില്ലായ്മ തലച്ചോറിനെ എങ്ങനെ ബാധിക്കുന്നു?1. ബുദ്ധിശക്തി, ഓർമ്മശക്തി എന്നിവയെ ബാധിക്കുംകാര്യങ്ങൾ ഓർത്തു വെക്കാനുള്ള കഴിവ് കുറയുന്നു. ശ്രദ്ധ കേന്ദ്രീകരിക്കാനുള്ള കഴിവ്, തീരുമാനങ്ങൾ എടുക്കാനുള്ള ശേഷി എന്നിവ മന്ദഗതിയിലാകുന്നു. പഠനത്തിലും ജോലിയിലും കാര്യക്ഷമത കുറയുന്നു.2. വൈകാരിക തലത്തിൽ മാറ്റങ്ങൾ ഉണ്ടാവുംമാനസികാവസ്ഥ നിയന്ത്രിക്കാൻ പ്രയാസം നേരിടുന്നു. ദേഷ്യം, ഉത്കണ്ഠ, അനാവശ്യമായ മാനസിക സമ്മർദ്ദം എന്നിവ വർദ്ധിക്കുന്നു. ബ്രയിൻ ഫോഗ് അഥവാ ചിന്തകളിൽ വ്യക്തതയില്ലാത്ത അവസ്ഥ അനുഭവപ്പെടുന്നു.3. ശാരീരിക പ്രശ്നങ്ങൾതലവേദന വർദ്ധിക്കുകയും മൈഗ്രേൻ ഉള്ളവരിൽ രോഗലക്ഷണങ്ങൾ കൂടുതൽ രൂക്ഷമാകുകയും ചെയ്യുന്നു.നിങ്ങളുടെ ഉറക്കത്തെ ഫോൺ ഉപയോഗം ബാധിച്ചിട്ടുണ്ടോ? ഈ ലക്ഷണങ്ങൾ ശ്രദ്ധിക്കൂ.ക്ഷീണം തോന്നുമ്പോഴും ഉറങ്ങാൻ സാധിക്കാതെ വരിക2. രാത്രിയിൽ അടിക്കടി ഉറക്കത്തിൽ നിന്ന് ഉണരുക3. രാവിലെ ഉണരുമ്പോൾ ഉന്മേഷക്കുറവ് തോന്നുക4. രാവിലെ അനുഭവപ്പെടുന്ന തലവേദന5. ശ്രദ്ധക്കുറവും മറവിയും6. പകൽ സമയത്തെ കാര്യക്ഷമതക്കുറവ്7. പെട്ടെന്നുണ്ടാകുന്ന ദേഷ്യം, ഉത്കണ്ഠ8. പകൽ സമയത്ത് അമിതമായ ഉറക്കംഈ ലക്ഷണങ്ങൾ ആഴ്ചകളോളം തുടരുകയാണെങ്കിൽ, കൃത്യമായ വിദഗ്ദ്ധ ഉപദേശത്തിനായി ഒരു ന്യൂറോളജിസ്റ്റിനെയോ സ്ലീപ്പ് സ്പെഷ്യലിസ്റ്റിനെയോ കാണേണ്ടത് അത്യാവശ്യമാണ്
ഹൃദയത്തിന്റെ കാര്യത്തിൽ മാത്രം എന്തുകൊണ്ടാണ് പ്രതിരോധം ചികിത്സയേക്കാൾ മികച്ചതാണെന്ന് പറയുന്നത്
ഹൃദ്രോഗം ചെറുപ്പക്കാരിലും പിടിമുറുക്കിക്കഴിഞ്ഞു. എന്നാല് സാങ്കേതികവിദ്യ മുന്നേറുകയും കൃത്രിമബുദ്ധി രോഗനിര്ണയത്തില് പ്രധാനപങ്ക് വഹിക്കുകയും ചെയ്യുമ്പോള്, ഏറ്റവും വലിയ നേട്ടം ചികിത്സയെക്കാള് പ്രതിരോധത്തിലാണെന്ന് വിദഗ്ദ്ധര് പറയുന്നു. ന്യൂഡല്ഹിയിലെ എയിംസിലെ കാര്ഡിയോളജി പ്രൊഫസര് ഡോ. അംബുജ് റോയ് ഒരു മാധ്യമത്തിന് നല്കിയ വിവരങ്ങളില് നിന്ന്.ഹൃദയാഘാതം ഇനി വാര്ദ്ധക്യത്തില് മാത്രം ഉണ്ടാകുന്ന രോഗമല്ല. 30-കളിലും 40-കളിലും പ്രായമുള്ള കൂടുതല് ആളുകള് ആശുപത്രികളില് എത്തുന്നത് ധമനികളില് തടസ്സങ്ങളുമായാണ്. ജീവിതശൈലിയിലെ മാറ്റങ്ങളാണ് ഇതിന് കാരണമെന്ന് വ്യക്തമാണ്. ഡോക്ടര് റോയ് പറയുന്നു. ദ്രുതഗതിയിലുള്ള സാമ്പത്തിക, സാമൂഹിക മാറ്റങ്ങള് ആളുകളുടെ ജീവിതരീതി, ഭക്ഷണം, ജോലി എന്നിവയെ മാറ്റിമറിച്ചു.പലരും ശാരീരിക അദ്ധ്വാനം ഇല്ലാതെ മണിക്കൂറുകള് സ്ക്രീനുകള്ക്ക് പിന്നിലായി ചെലവഴിക്കുന്നു. വീട്ടില് പാകം ചെയ്ത ഭക്ഷണത്തിന് പകരം പുറത്തുനിന്നുള്ള ഭക്ഷണം കഴിക്കുന്നു. അതേസമയം വിട്ടുമാറാത്ത സമ്മര്ദ്ദവും വായു മലിനീകരണവും ഹൃദയ സംബന്ധമായ അസുഖങ്ങള്ക്ക് പ്രധാന കാരണക്കാരായി മാറിയിരിക്കുന്നു.ഉയര്ന്ന രക്തസമ്മര്ദ്ദം, പ്രമേഹം, ഉയര്ന്ന കൊളസ്ട്രോള്, പുകയില ഉപയോഗം തുടങ്ങിയ നിയന്ത്രണവിധേയമല്ലാത്ത അപകട ഘടകങ്ങളാണ് പ്രശ്നം കൂടുതല് വഷളാക്കുന്നത്. ഇവയെല്ലാം ചേര്ന്ന് അകാല ഹൃദ്രോഗത്തിന്റെ വര്ദ്ധനവിന് കാരണമാകുന്നു. പക്ഷേ മുന്കരുതല് സ്വീകരിച്ചാല് ഹൃദയാഘാതം ഉണ്ടാകാനുള്ള സാധ്യത ഏകദേശം 70 മുതല് 80% വരെ കുറയ്ക്കാന് കഴിയും. heart attack, heart healthകൂടുതല് പരിശോധനകള് മികച്ചതല്ലാത്തത് എന്തുകൊണ്ട്സിടി ആന്ജിയോഗ്രാഫി ഹൃദ്രോഗത്തിനുള്ള ശക്തമായ രോഗനിര്ണയ മാര്ഗമാണെങ്കിലും ഇത് പതിവ് സ്ക്രീനിംഗ് പരിശോധനയായി ഉപയോഗിക്കുന്നതിനെതിരെ ഡോ. റോയ് വാദിക്കുന്നു. അപകടസാധ്യത ഘടകങ്ങളുടെ ശ്രദ്ധാപൂര്വ്വമായ മാനേജ്മെന്റുമായി താരതമ്യപ്പെടുത്തുമ്പോള് വ്യാപകമായ സ്ക്രീനിംഗ് ഹൃദയാഘാതമോ മരണമോ കുറയ്ക്കുന്നു എന്നതിന് ഇതുവരെ തെളിവുകളൊന്നുമില്ലന്ന് ഡോ.റോയ് പറയുന്നു. രോഗികള്ക്ക് ഉചിതമായ ചികിത്സ ലഭിക്കുന്നുണ്ടെന്ന് ഉറപ്പാക്കുകയും അപകടസാധ്യത ഘടകങ്ങളെ ഫലപ്രദമായി നിയന്ത്രിക്കുകയും ചെയ്യുക എന്നതാണ് പ്രധാനമെന്ന് അദ്ദേഹം പറയുന്നു.
കെഎസ്ആര്ടിസിയിൽ വാട്സ്ആപ്പ് ടിക്കറ്റിങ് സംവിധാനവും ടോൾഫ്രീ നമ്പറും എത്തി; എഐ പുതിയ യുഗത്തിലേക്ക് നയിക്കുമെന്ന് മന്ത്രി സിപി ജോൺ
എഐ സാങ്കേതികവിദ്യ പ്രയോജനപ്പെടുത്തി കെഎസ്ആർടിസിയെ പുതിയ യുഗത്തിലേക്ക് നയിക്കുകയാണെന്ന് ഗതാഗത മന്ത്രി സിപി ജോൺ കെഎസ്ആർടിസിയുടെ എഐ അധിഷ്ഠിത വാട്സ്ആപ്പ് ടിക്കറ്റിങ് സംവിധാനം, 24 മണിക്കൂറും പ്രവർത്തിക്കുന്ന 149 എന്ന ടോൾഫ്രീ കസ്റ്റമർ കെയർ നമ്പർ, നവീകരിച്ച കൊറിയർ സർവീസ് എന്നിവ തിരുവനന്തപുരം മസ്കറ്റ് ഹോട്ടലിലെ സിംഫണി ഹാളിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സ്വാതന്ത്ര്യത്തിനു മുമ്പ് തിരുവിതാംകൂർ ആരംഭിച്ച കെഎസ്ആർടിസി നിരവധി പ്രതിസന്ധികൾ നേരിട്ടിട്ടുണ്ടെന്നും സർക്കാരിന്റെ ശക്തമായ പിന്തുണയോടെയാണ് ഇന്ന് സ്ഥാപനത്തെ മുന്നോട്ടു കൊണ്ടുപോകുന്നതെന്നും മന്ത്രി വ്യക്തമാക്കി.സാമ്പത്തിക പ്രതിസന്ധികൾ പരിഹരിക്കാൻ ധനകാര്യ വകുപ്പിന്റെ പിന്തുണ ലഭിക്കുന്നുണ്ട്. ജീവനക്കാരുടെ ശമ്പളവും പെൻഷനും മുടങ്ങാതിരിക്കാൻ സർക്കാർ നടപടികൾ സ്വീകരിച്ചിട്ടുണ്ട്. ഒന്നാം തീയതി തന്നെ ശമ്പളം വിതരണം ചെയ്യുന്ന സംവിധാനം തുടരും. സ്ത്രീകൾക്കായുള്ള പ്രിയദർശിനി പദ്ധതി കൂടുതൽ ജനകീയമാകുകയാണെന്നും പുതിയ എഐ അധിഷ്ഠിത വാട്സ്ആപ്പ് ടിക്കറ്റിങ് സംവിധാനത്തിലൂടെ യാത്രക്കാർക്ക് എളുപ്പത്തിൽ ടിക്കറ്റ് ബുക്ക് ചെയ്യാനാകുമെന്നും അദ്ദേഹം കൂട്ടിച്ചേർത്തു. ജീവനക്കാരെ പ്രോത്സാഹിപ്പിക്കുന്നതിനായി മികച്ച ഡ്രൈവർ, കണ്ടക്ടർ എന്നിവരെ എല്ലാ മാസവും തെരഞ്ഞെടുത്ത് ഡിപ്പോകളിൽ പ്രദർശിപ്പിക്കുന്ന പദ്ധതി ആരംഭിച്ചു. കെഎസ്ആർടിസിയുടെ വികസനത്തിനും ജനപങ്കാളിത്തം വർധിപ്പിക്കുന്നതിനുമായി എംഎൽഎമാരുടെ നേതൃത്വത്തിൽ ട്രാൻസ്പോർട്ട് ഡെവലപ്മെന്റ് കമ്മിറ്റികൾ രൂപീകരിച്ചു വരികയാണ്.
നരേന്ദ്ര മോദിയുടെ വിദേശയാത്രയ്ക്ക് 2021 മുതല് ചെലവായത് 558കോടി രൂപ; കേന്ദ്രം രാജ്യസഭയില്
ന്യൂഡല്ഹി: 2021 മുതല് 2026വരെ പ്രധാനമന്ത്രി നരേന്ദ്രമോദിയുടെ വിദേശയാത്രയ്ക്കായി ചെലവായത് 558.01 കോടി രൂപയാണെന്ന് കേന്ദ്രസര്ക്കാര് രാജ്യസഭയെ അറിയിച്ചു. എംപിമാരായ ഡോ വി ശിവദാസന്, സഞ്ജയ് സിംഗ് എന്നിവരുടെ ചോദ്യത്തിനാണ് വിദേശകാര്യ മന്ത്രാലയം മറുപടി നല്കിയത്. 2026ൽ ഓഗസ്റ്റ് മാസം വരെ 74.59കോടി രൂപയാണ് പ്രധാനമന്ത്രിയുടെ വിദേശയാത്രയ്ക്ക് ചെലവായതെന്ന് വിദേശകാര്യ സഹമന്ത്രി പബിത്ര മാര്ഗരീറ്റ പറഞ്ഞു. 2026ൽ മലേഷ്യ, ഇസ്രയേല്, നോര്വേ എന്നിവയടക്കം പതിമൂന്ന് രാജ്യങ്ങളിലാണ് പ്രധാനമന്ത്രി സന്ദര്ശനം നടത്തിയത്
ഇനി എന്താണ് സംഭവിക്കാന് പോകുന്നതെന്ന് കാണാം’; അര്ജുന് ആയങ്കിയുടെ വെല്ലുവിളിയില് പ്രതികരിച്ച് രമേശ് ചെന്നിത്തല
പൊലീസിനെ വെല്ലുവിളിച്ച അര്ജുന് ആയങ്കിക്ക് മറുപടിയുമായി ആഭ്യന്തര വകുപ്പ് മന്ത്രി രമേശ് ചെന്നിത്തല. ഒളിവിലുള്ള തന്നെ പിടിക്കാന് പറ്റുമെങ്കില് പിടിക്ക് എന്ന അര്ജുന്റെ വെല്ലുവിളിക്ക് ഇനി എന്താണ് സംഭവിക്കാന് പോകുന്നതെന്ന് കാണാമെന്നാണ് രമേശ് ചെന്നിത്തലയുടെ മറുപടി. നിരവധി ക്രിമിനല് കേസുകളില് പ്രതിയായ അര്ജുന് ആയങ്കി മുമ്പും പൊലീസിനെ ഭീഷണിപ്പെടുത്തിയിരുന്നു. ഒളിവിലിരുന്ന് പൊലീസിനെ വെല്ലുവിളിച്ച് ഭീഷണിപ്പെടുത്തിയതിന് ഊന്നുകല് പൊലീസ് കേസെടുത്തിട്ടുമുണ്ട്.
കർണാടക–കോഴിക്കോട് ‘ഫ്ലൈ ബസ്’; ആദ്യ സർവീസ് 15ന്, ടിക്കറ്റ് നിരക്ക് ഇങ്ങനെ
കോഴിക്കോട്∙ കർണാടക സ്റ്റേറ്റ് റോഡ് ട്രാൻസ്പോർട്ട് കോർപറേഷന്റെ കേരളത്തിലേക്കുള്ള പുതിയ ഫ്ലൈ ബസിന്റെ ആദ്യ സർവീസ് ഈ മാസം 15 ന് ആരംഭിക്കും. സ്വാതന്ത്ര്യദിന സമ്മാനം എന്ന വിധത്തിലാണ് ആദ്യ സർവീസ് ബെംഗളൂരു കെംപെഗൗഡ രാജ്യാന്തര വിമാനത്താവളത്തിലെ ടെർമിനൽ ഒന്നിൽനിന്ന് അന്നു രാത്രി 10.40 ന് സർവീസ് തുടങ്ങുക. കേരളത്തിലേക്കുള്ള കർണാടക ആർടിസിയുടെ ആദ്യ ഫ്ലൈ ബസ് സർവീസാണ് ഇത്. www.ksrtc.in എന്ന വെബ്സൈറ്റിലൂടെ ഓൺലൈനായി ടിക്കറ്റുകൾ ബുക്ക് ചെയ്യാമെന്ന് കർണാടക ആർടിസി ലെയ്സൺ ഓഫിസർ ജി.പ്രശാന്ത് പറഞ്ഞു.ബെംഗളൂരു കെംപെഗൗഡ രാജ്യാന്തര വിമാനത്താവളത്തിൽനിന്നു കോഴിക്കോട്ടേക്കും തിരിച്ചുമാണ് ഈ പ്രതിദിന സർവീസ്. 41 സീറ്റുള്ള സെമി സ്ലീപ്പർ എസി ബസ് ഉപയോഗിച്ചാണ് സർവീസ്. ബെംഗളൂരു വിമാനത്താവളത്തിലെ ഒന്നാം ടെർമിനലിൽനിന്നു യാത്ര തുടങ്ങി രണ്ടാം ടെർമിനലിലെ യാത്രക്കാരെയും കയറ്റിയാകും യാത്ര തുടങ്ങുക. വിമാനത്താവളത്തിലെ ടെർമിനൽ രണ്ടിൽ രാത്രി 10:45ന് എത്തി അവിടെനിന്നു യാത്രക്കാരെ കയറ്റി കോഴിക്കോട്ടേക്കു പുറപ്പെടും. പിറ്റേദിവസം രാവിലെ 07:15 നു കോഴിക്കോട് എത്തും. മൈസൂരു: 02:45, ഹുൻസൂരു: 03:30, ഗോണികോപ്പ: 04:15, കുട്ട: 04:50, മാനന്തവാടി 05:20, കൽപറ്റ: 06:05, താമരശ്ശേരി: 06:30 എന്നിങ്ങനെയാണു മറ്റു സ്റ്റോപ്പുകളിലെ സമയക്രമം. കോഴിക്കോടുനിന്നു രാത്രി 07:30 നാണ് മടക്കയാത്ര. പിറ്റേദിവസം പുലർച്ചെ 05:15 ന് ബെംഗളൂരു വിമാനത്താവളത്തിൽ എത്തും.ബെംഗളൂരു സിറ്റിയിലെ നയന്ദഹള്ളി മെട്രോ സ്റ്റേഷനിലും ബസിന് സ്റ്റോപ് ഉണ്ടാകും. കൽപറ്റ: രാത്രി 08:40, മാനന്തവാടി: 09:15, കുട്ട: 10:15, ഗോണികോപ്പ: 10:50, ഹൻസൂർ: 11:00, മൈസൂരു: 12:30 എന്നിങ്ങനെയാണു മടക്കയാത്രയിൽ മറ്റു സ്റ്റോപ്പുകളിലെ സമയക്രമം. ബെംഗളൂരു-കോഴിക്കോട് യാത്രയ്ക്ക് 1,550 രൂപയാണ് ടിക്കറ്റ് നിരക്ക്. മലബാറിൽനിന്നുള്ള യാത്രക്കാർക്കു പുതിയ സർവീസ് ഏറെ പ്രയോജനപ്പെടുമെന്നാണു വിലയിരുത്തൽ. നിലവിൽ ബെംഗളൂരു വിമാനത്താവളത്തിൽനിന്ന് മൈസൂരു, മടിക്കേരി, കുന്ദാപുര എന്നിവിടങ്ങളിലേക്ക് കർണാടക ആർടിസിയുടെ ഫ്ലൈ ബസ് സർവീസ് നടത്തുന്നുണ്ട്. ബെംഗളൂരുവിൽ വിമാനമിറങ്ങി നാട്ടിലെത്താൻ വലിയ തുക മുടക്കി ടാക്സി വിളിക്കുന്നവർക്ക് കോഴിക്കോട്ടേക്കുള്ള ബസ് സർവീസ് സഹായകമാകും. ബെംഗളൂരു വിമാനത്താവളത്തിലിറങ്ങി കേരളത്തിലേക്ക് പോകാൻ റെയിൽവേ സ്റ്റേഷനിലേക്കു പോകാൻ ഗതാഗതക്കുരുക്കിലും മറ്റും നിലവിൽ രണ്ടു മണിക്കൂറോളം സമയം എടുക്കാറുണ്ട്. അത് ഒഴിവാക്കാനും ഫ്ലൈ ബസ് സഹായമാകുമെന്നാണ് പ്രതീക്ഷ.
കള്ള് ഷാപ്പുകളിലെ ഭക്ഷണ വിതരണത്തിന് ഭക്ഷ്യസുരക്ഷാ ലൈസന്സ് വേണം; കര്ശനമാക്കി എക്സൈസ്
തിരുവനന്തപുരം: കള്ള് ഷാപ്പുകളിലെ ഭക്ഷണ വിതരണത്തിന് ഭക്ഷ്യസുരക്ഷാ ലൈസന്സ് കര്ശനമാക്കി എക്സൈസ്. ലൈസന്സ് ഇല്ലാതെ ഭക്ഷണം വിളമ്പുന്ന ഷാപ്പുകള്ക്കെതിരെ കടുത്ത നടപടിയെടുക്കുമെന്ന് എക്സൈസ് അധികൃതർ വ്യക്തമാക്കി.നടപടിയെടുക്കാതെ കണ്ണടക്കുന്ന ഉദ്യോഗസ്ഥര്ക്കും ശിക്ഷാനടപടിയുണ്ടാകും. എക്സൈസ് കമ്മീഷണറാണ് കടുത്ത മുന്നറിയിപ്പുമായി ഉത്തരവ് പുറത്തിറക്കിയത്. ഓപ്പറേഷന് ശുദ്ധിയുടെ ഭാഗമായിട്ടാണ് നടപടി.ഷാപ്പുകളിലെ ഭക്ഷണവുമായി ബന്ധപ്പെട്ട് ഉയര്ന്ന പരാതിയെ തുടര്ന്നാണ് നടപടി. നേരത്തെ ലൈസന്സുമായി ബന്ധപ്പെട്ട ഉത്തരവ് എക്സൈസ് പുറത്തിറക്കിയിരുന്നു. എന്നാല് ആ ഉത്തരവ് കാര്യമായി പരിഗണിക്കാത്തതിനെ തുടര്ന്നാണ് പുതിയ ഉത്തരവ് പുറത്തിറക്കിയത്.
അതിതീവ്ര മഴയ്ക്ക് സാധ്യത, മൂന്ന് ജില്ലകളിൽ റെഡ് അലർട്ട് പ്രഖ്യാപിച്ചു; അഞ്ച് ജില്ലകളിൽ ഓറഞ്ച് അലർട്ട്
മൂന്ന് ജില്ലകളിൽ അതിതീവ്ര മഴയ്ക്ക് സാധ്യതയുള്ളതിനാൽ റെഡ് അലർട്ട് മുന്നറിപ്പ് നൽകി കാലാവസ്ഥാ വകുപ്പ്. പത്തനംതിട്ട, കോട്ടയം, ഇടുക്കി ജില്ലകളിലാണ് ഇന്ന് റെഡ് അലർട്ട് നൽകിയത്. ഈ ജില്ലകളിൽ 24 മണിക്കൂറിൽ 204.4 മില്ലീ മീറ്ററിൽ കൂടുതൽ മഴ ലഭിക്കാനുള്ള സാധ്യതയാണ് പ്രവചിച്ചിരിക്കുന്നത്. കൊല്ലം, ആലപ്പുഴ, എറണാകുളം, കണ്ണൂർ, കാസർഗോഡ് ജില്ലകളിൽ ഇന്ന് ഓറഞ്ച് അലർട്ട് പ്രഖ്യാപിച്ചു. പത്തനംതിട്ട, കോട്ടയം, ഇടുക്കി, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിൽ നാളെ ഓറഞ്ച് അലർട്ടാണ്.
സംസ്ഥാനത്ത് മഴക്കെടുതിയില് 28 മരണം, 58 വീടുകള് പൂര്ണമായും 687 വീടുകള് ഭാഗികമായും തകര്ന്നു, കുട്ടനാട്ടില് പ്രളയദുരിതം തുടരുന്നു
സംസ്ഥാനത്ത് ശക്തമായ മഴക്കെടുതികളില് രണ്ട് രക്ഷാപ്രവർത്തകർ അടക്കം ഇതുവരെ 28 പേർക്ക് ജീവൻ നഷ്ടമായി.മൂന്ന് പേരെ കാണാതായിട്ടുണ്ട്. ദുരന്തത്തില് സംസ്ഥാനത്താകെ 58 വീടുകള് പൂർണ്ണമായും 687 വീടുകള് ഭാഗികമായും തകർന്നിട്ടുണ്ട്. മഴയുടെ ശക്തി കുറഞ്ഞെങ്കിലും മധ്യകേരളത്തില് ദുരിതം ഒഴിയാതെ തുടരുകയാണ്. കോട്ടയം ജില്ലയുടെ പടിഞ്ഞാറൻ മേഖലകളിലും അപ്പർ കുട്ടനാട്, തിരുവല്ല ഭാഗങ്ങളിലും ഇപ്പോഴും വെള്ളക്കെട്ട് നിലനില്ക്കുന്നുണ്ട്. അഞ്ഞൂറോളം ദുരിതാശ്വാസ ക്യാമ്പുകളിലായി ഇരുപത്തിയേഴായിരത്തോളം ആളുകളാണ് വീടുകളിലേക്ക് മടങ്ങാനാവാതെ കഴിയുന്നത്. എ സി റോഡ്, എം സി റോഡ്, തിരുവല്ല - അമ്പലപ്പുഴ റോഡ്, തിരുവല്ല - കായംകുളം റോഡ് എന്നിവിടങ്ങളില് വെള്ളക്കെട്ടുണ്ടെങ്കിലും ഗതാഗതം ഭാഗികമായി പുനഃസ്ഥാപിച്ചിട്ടുണ്ട്.കുട്ടനാട്ടില് പ്രളയദുരിതം തുടരുന്നുഅതേസമയം, പമ്പാ നദിയിലെ ജലനിരപ്പ് താഴ്ന്നതോടെ പത്തനംതിട്ട ജില്ലയിലെ പ്രളയഭീതിക്ക് ശമനമായിട്ടുണ്ട്. മിക്കയിടങ്ങളിലും വെള്ളം ഇറങ്ങിത്തുടങ്ങിയതിനെ തുടർന്ന് വീടുകളിലും വ്യാപാര സ്ഥാപനങ്ങളിലും ശുചീകരണ പ്രവർത്തനങ്ങള് ആരംഭിച്ചു. എന്നാല് കിഴക്കൻ വെള്ളത്തിന്റെ ഒഴുക്ക് ശക്തമായത് കുട്ടനാടൻ മേഖലയെ വീണ്ടും ദുരിതത്തിലാക്കിയിരിക്കുകയാണ്. തോട്ടപ്പള്ളി സ്പില്വേയിലൂടെ കൂടുതല് വെള്ളം കടലിലേക്ക് ഒഴുകിപ്പോകാത്തതാണ് കുട്ടനാട്ടിലെ പ്രളയസ്ഥിതി സങ്കീർണ്ണമാക്കുന്നത്. ആലപ്പുഴ - ചങ്ങനാശ്ശേരി റോഡില് കിടങ്ങറയിലും മങ്കൊമ്പിലും പരിസരപ്രദേശങ്ങളിലും വെള്ളക്കെട്ട് തുടരുകയാണ്.എറണാകുളത്ത് 5 ക്യാമ്പുകളിലായി 21 കുടുംബങ്ങള്അതേസമയം എറണാകുളം ജില്ലയില് 5 ദുരിതാശ്വാസ ക്യാമ്പുകളിലായി 57 പേർ താമസിക്കുന്നുവെന്ന് അധികൃതർ അറിയിച്ചു. 21 കുടുംബങ്ങളെയാണ് വിവിധ ക്യാമ്പുകളില് പാർപ്പിച്ചിരിക്കുന്നത്. 20 പുരുഷന്മാരും 27 സ്ത്രീകളും 10 കുട്ടികളും ആണ് ഉള്ളത്. ഇതില് 12 പേർ വയോജനങ്ങളാണ്. കോതമംഗലം കുന്നത്തുനാട് താലൂക്കുകളില് രണ്ട് വീതവും മൂവാറ്റുപുഴയില് ഒരു ദുരിതാശ്വാസ ക്യാമ്പുമാണ് ഇപ്പോള് പ്രവർത്തിക്കുന്നത്.
വിറ്റുപോകുന്നത് കോടികളുടെ സ്വർണം; പക്ഷെ ആർക്കും പറ്റിക്കപ്പെട്ടോ എന്നറിയേണ്ട; സർക്കാർ ലാബ് 5 വർഷമായി 'അനാഥം
കാക്കനാട് ലീഗൽ മെട്രോളജി വകുപ്പിന്റെ ഗോൾഡ് അസെയിങ് സെന്ററിൽ കഴിഞ്ഞ 5 വർഷത്തിനിടെ ഒരു തരി പൊന്ന് പോലും പരിശോധനയ്ക്കെത്തിയില്ല. ദിവസേന കേരളത്തിൽ കോടികളുടെ സ്വർണവ്യാപരമാണ് നടക്കുന്നത്. എന്നാൽ ഒരാൾ പോലും പരിശുദ്ധി ബോധ്യപ്പെടാനായുള്ള പരിശോധനയ്ക്ക് സ്വർണം എത്തിക്കുന്നില്ല.സംസ്ഥാനത്ത് സ്വർണത്തിന്റെ പരിശുദ്ധി പരിശോധിക്കുന്ന ഏക സർക്കാർ ലാബ് ആണിത്. 2003ലാണ് ലാബ് ആരംഭിച്ചത്. ആദ്യമെല്ലാം പരിശോധനകള്ക്കായി സ്വർണം എത്തിയിരുന്നു. എന്നാൽ പിന്നീട് അത് ഇല്ലാതെയായി. വ്യാപാരസ്ഥലങ്ങളിൽ പോയി പരിശോധിക്കാനുള്ള ജീവനക്കാർ ഇല്ലാത്തതിനാൽ അത്തരത്തിലുള്ള പരിശോധനകളും നടക്കുന്നില്ല. ലാബിൽ ഇപ്പോൾ ആകെയുള്ളത് ഒരു അസെയ് മാസ്റ്ററും സഹായിയുമാണ്.പരിശോധനകൾ നടക്കുന്നില്ല എന്നതുകൊണ്ടുതന്നെ ഇതുമായി ബന്ധപ്പെട്ട് സംസ്ഥാനത്ത് ഒരു കേസ് പോലും രജിസ്റ്റർ ചെയ്തിട്ടില്ല. ലാബിൽ നിന്നുള്ള പരിശോധന റിപ്പോർട്ടുകൾ കോടതികളും മറ്റ് അന്വേഷണ ഏജൻസികളും ശാസ്ത്രീയ റിപ്പോർട്ടായി അംഗീകരിക്കാറുണ്ട്. നാമമാത്രമായ ഫീസ് മാത്രമാണ് പരിശോധനയ്ക്ക് വേണ്ടിവരിക. ശബരിമല സ്വർണക്കൊള്ള കേസിൽ അടക്കം എസ്ഐടി ടീമിനെ ലാബിൽ നിന്നുള്ളവർ സഹായിച്ചിരുന്നു.
ഒഴിഞ്ഞ കുപ്പി തിരികെ നൽകിയാൽ ഇനി 20 രൂപയില്ല; പദ്ധതി നിർത്തലാക്കി ബെവ്കോ
തിരുവനന്തപുരം : ഒഴിഞ്ഞ പ്ലാസ്റ്റിക് മദ്യക്കുപ്പികള് തിരിച്ചെടുക്കുന്ന പദ്ധതി നിര്ത്തലാക്കി ബെവ്കോ. നാളെ മുതല് കുപ്പിക്ക് 20 രൂപ ഈടാക്കില്ല. പ്ലാസ്റ്റിക് മദ്യക്കുപ്പികള് തിരികെ നല്കിയാല് 20 രൂപ ഡിപ്പോസിറ്റ് തുക തിരികെ ലഭിക്കുന്നതായിരുന്നു പദ്ധതി. പ്ലാസ്റ്റിക് കുപ്പിയിലുള്ള മദ്യം വാങ്ങുമ്പോള് 20 രൂപ അധികം നല്കണമായിരുന്നു.ഒഴിഞ്ഞ കുപ്പി തിരികെ നല്കിയാല് 20 രൂപ തിരികെ നല്കുന്നതായിരുന്നു രീതി. പദ്ധതിക്കെതിരെ നേരത്തെ വ്യാപകമായി പരാതി ഉയര്ന്നിരുന്നു. മദ്യശാലകളുടെ പ്രവര്ത്തനത്തെ പദ്ധതി ബാധിച്ചുവെന്നും കാലിയായ മദ്യക്കുപ്പികള് നീക്കം ചെയ്യാത്തത് ബുദ്ധിമുട്ടായെന്നുമായിരുന്നു ഉയര്ന്ന പരാതി. മദ്യം സംഭരിക്കേണ്ട സ്ഥലത്തിന്റെ വലിയൊരു ഭാഗം കാലിക്കുപ്പികള് സംഭരിച്ചതോടെ സ്റ്റോക്ക് സംഭരിക്കുന്നതിന് തടസ്സമായി.കുപ്പികള് ശേഖരിക്കുന്നത് ജീവനക്കാര്ക്കും ബുദ്ധിമുട്ടുണ്ടാക്കി. മദ്യശാലകള്ക്ക് സമീപം പ്ലാസ്റ്റിക് കുപ്പികള് കുമിഞ്ഞു കൂടുന്നതും വാര്ത്തയായിരുന്നു. പദ്ധതി പിന്വലിച്ചതായി നോട്ടീസ് പ്രദര്ശിപ്പിക്കാനും നിര്ദേശമുണ്ട്.
ക്വട്ടേഷന് ക്ഷണിച്ചു.
കല്പ്പറ്റ എന്.എം.എസ്.എം ഗവ കോളേജില് മാനുവല് നാപ്കിന് ഇന്സിനറേറ്റര് വിതരണം ചെയ്യുന്നതിന് ക്വട്ടേഷന് ക്ഷണിച്ചു. ഓഗസ്റ്റ് 19 നകം കോളേജ് പ്രിന്സിപ്പലിന്റെ ഓഫീസില് ക്വട്ടേഷനുകള് നല്കണം. ഫോണ്: 04936 204569.
ജലവിതരണം മുടങ്ങും
ജല അതോറിറ്റിയുടെ ഗൂഡലായി ബൂസ്റ്റര് ടാങ്ക് വൃത്തിയാക്കുന്നതിനാല് കല്പ്പറ്റ നഗരസഭ പരിധിയിലെ പുല്പ്പാറ, റാട്ടക്കൊല്ലി, പുത്തൂര്വയല്, ഓണിവയല്, വെള്ളാരംകുന്ന്, പെരുന്തട്ട, ചുഴലി, ചന്ത, ഗുഡലായി ഭാഗങ്ങളില് നാളെ (ഓഗസ്റ്റ് 7) ജല വിതരണം മുടങ്ങും.
ഡിഗ്രി സീറ്റൊഴിവ്
മീനങ്ങാടി ഐ.എച്ച്.ആര്.ഡി മോഡല് കോളേജില് ബി.കോം കംപ്യൂട്ടര് ആപ്ലിക്കേഷന്സ്, ബി.എസ്.സി കംപ്യൂട്ടര് സയന്സ് കോഴ്സുകളില് സീറ്റൊഴിവ്. താത്പര്യമുള്ളവര്ക്ക് അസല് സര്ട്ടിഫിക്കറ്റുകളുമായി കോളേജ് ഓഫീസില് എത്തണം. ഫോണ്: 04936 246446, 8547005077.
ഫാഷന് ഡിസൈനിങ്, ഇന്റീയര് ഡിസൈനിങ് കോഴ്സുകള്
കണ്ണൂര് തോട്ടടയിലെ ഇന്ത്യന് ഇന്സ്റ്റിറ്റ്യൂട്ട് ഓഫ് ഹാന്റ്ലൂം ടെക്നോളജിയുടെ കീഴില് പ്രവര്ത്തിക്കുന്ന കോസ്റ്റ്യൂം ആന്ഡ് ഫാഷന് ഡിസൈനിങ് കോളേജില് ബി.എസ്.സി കോസ്റ്റ്യൂം ആന്ഡ് ഫാഷന് ഡിസൈനിങ്, ബി.എസ്.സി ഇന്റീരിയര് ആന്ഡ് ഫര്ണിഷിങ് കോഴ്സുകളിലെ ഒഴിവുള്ള സീറ്റുകളിലേക്ക് പ്രവേശനം നേടാന് അവസരം. താത്പര്യമുള്ളവര് ആവശ്യമായ രേഖകളുമായി സെപ്തംബര് ഒന്പതിനകം കോളേജില് നേരിട്ടെത്തണം. ഫോണ്: 8281574390.
200 ഗ്രാം കഞ്ചാവുമായി സ്ഥിരം കുറ്റവാളി പിടിയിൽ
ബത്തേരി: വയനാട് ജില്ലയിൽ നടക്കുന്ന 'ഓപ്പറേഷൻ തണ്ടർ', ഓണം സ്പെഷ്യൽ ഡ്രൈവ് എന്നിവയുടെ ഭാഗമായി നടത്തിയ പരിശോധനയിൽ 200 ഗ്രാം ഉണക്ക കഞ്ചാവുമായി യുവാവ് പിടിയിലായി. കാര്യമ്പാടി ചൂതുപാറ എളമ്പില ക്കാട്ടിൽ വീട്ടിൽ നിൻസൺ വർഗ്ഗീസിനെയാണ് (28) വയനാട് എക്സൈസ് എൻഫോഴ്സ്മെന്റ് ആൻഡ് ആൻ്റി നാർകോട്ടിക് സ്പെഷ്യൽ സ്ക്വാഡ് അറസ്റ്റ് ചെയ്തത്. ഇന്ന് രാവിലെ കല്ലൂർകുന്ന് വാകേരി റോഡിൽ കല്ലൂർ കുന്ന് ഭാഗത്ത് വെച്ചാണ് ഇയാളെ എക്സൈസ് സംഘം കഞ്ചാവുമായി പിടികൂടിയത്. നിരവധി പോലീസ്, എക്സൈസൈസ് കേസുകളിൽ പ്രതിയാണ് ഇയാളെന്ന് ഉദ്യോഗസ്ഥർ പറഞ്ഞു.എക്സൈസ് ഇൻസ്പെക്ടർ സജിൻ എം.ജെ.യുടെ നേതൃത്വത്തിൽ നടന്ന പരിശോധനയിൽ പ്രിവെൻ്റീവ് ഓഫീ സർ വിജിത്ത് കെ.ജി, പ്രിവൻ്റീവ് ഓഫീസർ (ഗ്രേഡ്) രഘു എം.എ, സിവിൽ എക്സൈസ് ഓഫീസർമാരായ സുധീബ്.ബി, സുധീഷ്.വി, വനിതാ സിവിൽ എക്സൈസ് ഓഫീസർ സുദിവ്യഭായ് ടി.പി എന്നിവരും പങ്കെടുത്തു.
ഓപ്പറേഷൻ തൂഫാൻ ; ഐക്യ ദാർഢ്യവുമായി റെയ്ഞ്ച് ജംഇയ്യത്തുൽ മുഅല്ലിമീൻ
വെണ്ണിയോട് :ലഹരിക്കെതിരെ കേരള സർക്കാർ നടത്തുന്ന പോരാട്ടമായ ഓപ്പറേഷൻ തൂഫാന് പൂർണ പിന്തുണ പ്രഖ്യാപിച്ച് കമ്പളക്കാട് റെയ്ഞ്ച് ജംഇയ്യത്തുൽ മുഅല്ലിമീൻ ഐക്യദാർഢ്യ സംഗമം സംഘടിപ്പിച്ചു. പുതു തലമുറയെ നാശത്തിലേക്ക് തള്ളിയിടുന്ന വിപത്തിനെതിരെ വിദ്യാഭ്യാസ ബോർഡിൻ്റെ ആഭിമുഖ്യത്തിൽ മുഴുവൻ മദ്റസകളിലും സ്പെഷ്യൽ അസംബ്ലികളും എസ് കെ എസ് ബി വി യുടെ നേതൃത്വത്തിൽ ത്രൈമാസ ലഹരി വിരുദ്ധ കാംപയിനും ആചരിച്ചു വരികയാണ്. വിദ്യാർഥികളിലും രക്ഷിതാക്കളിലും ലഹരി വിരുദ്ധ സന്ദേശമെത്തിക്കാനും പള്ളികളിലൂടെയും മറ്റും ബോധവൽകരണം നടത്താനും റെയ്ഞ്ച് തീരുമാനിച്ചു. വെണ്ണിയോട് ദാറുൽ ഹുദാ മദ്റസയിൽ നടന്ന ഐക്യ ദാർഢ്യ സദസ്സിന് റെയ്ഞ്ച് ഭാരവാഹികളായ ടി വി അബ്ദുറഹ് മാൻ ഫൈസി , കെ മുഹമ്മദ് കുട്ടി ഹസനി, അബ്ദുൽ ഗഫൂർ ദാരിമി, ഹാരിസ് ബാഖവി കമ്പളക്കാട്, അബ്ബാസ് വാഫി, ശാഫി ഫൈസി, ശുഐബ് യമാനി , പി ഇബ്രാഹിം മൗലവി നേതൃത്വം നൽകി പടം ഓപ്പറേഷൻ തൂഫാൻ പിന്തുണ പ്രഖ്യാപിച്ച് കമ്പളക്കാട് റെയ്ഞ്ച് ജംഇയ്യത്തുൽ മുഅല്ലിമീൻ വെണ്ണിയോട് നടത്തിയ ഐക്യ ദാർഢ്യ സംഗമം
