എംഡിഎംഎ കേസ്: സ്വകാര്യ ആശുപത്രിയിലെ ഡോക്ടറും അറസ്റ്റിൽ
വയനാട് ലക്കിടിയിൽ 8.520 ഗ്രാം എം.ഡി.എം.എ പിടികൂടിയകേസിൽ മൂന്നാം പ്രതിയായ ഡോക്ടറെ വൈത്തിരി പൊലീസ് അറസ്റ്റ് ചെയ്തു. മലപ്പുറം മൊറയൂർ സ്വദേശി ഡോ. മുഹമ്മദ് ഫാബിൻ (41) ആണ് പിടിയിലായത്.കോഴിക്കോട്ടെ സ്വകാര്യ സൂപ്പർ സ്പെഷാലിറ്റി ആശു പത്രിയിൽ എമർജൻസി ക്രിട്ടിക്കൽ കെയർ വിഭാഗം മേധാവിയായി ജോലി ചെയ്തുവരികയായിരുന്നു ഇദ്ദേഹം. കേസുമായി ബന്ധപ്പെട്ട് തമിഴ്നാട് എരുമാട് സ്വദേശികളായ നൗഫൽ, മുഹമ്മദ് നസീബ് എന്നിവരെ ഒക്ടോബർ 22ന് വൈത്തിരി പൊലീസ് അറസ്റ്റ് ചെയ്തിരുന്നു. തുടർന്ന് നടത്തിയ അന്വേഷണത്തിലാണ് കേസിലെ മൂന്നാം പ്രതിയായ ഡോ. മുഹമ്മദ് ഫാബിനെക്കുറിച്ച് സൂചന ലഭിച്ചത്. കഴിഞ്ഞ ദിവസം കോഴിക്കോട് മണാ ശ്ശേരിയിലെ വാടകവീടിന് സമീപത്തുനിന്ന് വൈത്തിരി സർക്കിൾ ഇൻസ്പെ ക്ടർ രാംജിത്ത് പി.ജി.യുടെ നേതൃത്വത്തിലുള്ള പൊലീസ് സംഘം ഇയാളെ കസ്റ്റഡിയിലെടുക്കുകയായിരുന്നു. തുടർന്ന് അറസ്റ്റ് രേഖപ്പെടുത്തി.
മീനങ്ങാടി സ്കൂൾ വിനോദയാത്ര വിവാദം: വിദ്യാർഥികൾക്കെതിരെ സൈബർ ആക്രമണം; പോക്സോ, ഐ.ടി ആക്ട് പ്രകാരം കേസെടുത്തു
മീനങ്ങാടി സ്കൂൾ വിനോദയാത്രയുമായി ബന്ധപ്പെട്ട വിവാദത്തിന്പിന്നാലെ വിദ്യാർഥികൾക്കെതിരെ സാമൂഹിക മാധ്യമങ്ങളിലൂടെ അശ്ലീല പരാ മർശങ്ങൾ നടത്തിയവർക്കെതിരെ പൊലീസ് കേസെടുത്തു. വിദ്യാർഥികളു ടെ പരാതിയിൽ വയനാട് സൈബർ പൊലീസ് സ്റ്റേഷനിലാണ് പോക്സോ നിയമപ്രകാരവും വിദ്യാർഥികൾക്കെതിരെ സൈബർ ആക്രമണം; പോക്സോ, ഐ.ടി ആക്ട് പ്രകാരം കേസെടുത്തു ഐ.ടി ആക്ട് പ്രകാരവും എഫ്.ഐ.ആർ രജിസ്റ്റർ ചെയ് തത്.വിനോദയാത്രയ്ക്കിടെ പ്രിൻസിപ്പലും, പി.ടി.എ പ്രസിഡന്റും മദ്യപിച്ചെന്ന ആരോപണം ഉയർന്നതോടെയാണ് സംഭവം വിവാദമായത്. ഇതിനു പിന്നാലെ സ്കൂൾ ബസിനുള്ളിൽ നിന്നുള്ള വിദ്യാർഥികളുടെ ദൃശ്യങ്ങളും പ്രതികരണ ങ്ങളുമുൾപ്പെടെ സമൂഹമാധ്യമങ്ങളിൽ വ്യാപകമായി പ്രചരിച്ചിരുന്നു.വിവിധ മാധ്യമങ്ങളും ദൃശ്യങ്ങൾ വാർത്തയാക്കിയിരുന്നു. ഇതിൻ്റെ ചുവടുപിടിച്ച് സമൂഹമാധ്യമങ്ങളിലെ കമൻ്റ് ബോക്സുകളിൽ വിദ്യാർഥികളെ ലക്ഷ്യമിട്ട് ചിലർ അശ്ലീലവും അപകീർത്തികരവുമായ പരാമർശങ്ങൾ നടത്തിയെന്നാ ണ് പരാതി. വിദ്യാർഥികളുടെ സ്വകാര്യതയെയും അന്തസ്സിനെയും ബാധിക്കു ന്ന തരത്തിലുള്ള പരാമർശങ്ങൾക്കെതിരെയാണ് പൊലീസ് നടപടി. സംഭവ ത്തിൽ സൈബർ പൊലീസ് അന്വേഷണം ആരംഭിച്ചിട്ടുണ്ട്.
വനിതാ സംരംഭകരുടെ ഉത്പന്നങ്ങള്ക്ക് വിപണന സൗകര്യം ഉറപ്പാക്കും: മന്ത്രി ബിന്ദു കൃഷ്ണ വനിതാ വിപണന കേന്ദ്രം മന്ത്രി ഉദ്ഘാടനം ചെയ്തു
വനിതാ സംരംഭകരുടെ ഉത്പന്നങ്ങള്ക്ക് വിപണന സൗകര്യം ഉറപ്പാക്കുമെന്ന് വനിതാ-ശിശുവികസന വകുപ്പ് മന്ത്രി ബിന്ദു കൃഷ്ണ. കര്ഷകര്-സംരംഭകര് എന്നിവരുടെ ഉത്പന്നങ്ങള്ക്ക് കൃത്യമായ വിപണന സൗകര്യം ഉറപ്പാക്കുക ലക്ഷ്യമിട്ട് മാനന്തവാടി ബ്ലോക്ക് പഞ്ചായത്ത് ജനകീയാസൂത്രണ പദ്ധതിയിലുള്പ്പെടുത്തി നിര്മിച്ച വനിതാ വിപണന കേന്ദ്രത്തിന്റെ ഉദ്ഘാടനം നിര്വഹിച്ച് സംസാരിക്കുകയായിരുന്നു മന്ത്രി. കാര്ഷിക പ്രാധാന്യവുമുള്ള വയനാട്ടിലെ ജനങ്ങളുടെ ക്ഷേമത്തിനും അതിജീവനത്തിനും ഊന്നല് നല്കുന്ന പദ്ധതികള് നടപ്പാക്കാന് സര്ക്കാര് പ്രതിജ്ഞാബദ്ധമാണെന്നും മന്ത്രി പറഞ്ഞു. മാനന്തവാടി ബ്ലോക്ക്പഞ്ചായത്ത് പരിസരത്ത് നിര്മിച്ച ടേക്ക് എ ബ്രേക്ക് കെട്ടിടം ബ്ലോക്ക് പഞ്ചായത്ത് പ്രസിഡന്റ് മീനാക്ഷി രാമന് ഉദ്ഘാടനം ചെയ്തു. മാനന്തവാടി ബ്ലോക്ക്പഞ്ചായത്ത് പ്രസിഡന്റ് അധ്യക്ഷയായ പരിപാടിയില് തദ്ദേശ സ്വയംഭരണ വകുപ്പ് ജോയിന്റ് ഡയറക്ടര് പി.സി മജീദ്, മാനന്തവാടി നഗരസഭാ വൈസ് ചെയര്പേഴ്സണ് സിന്ധു സെബാസ്റ്റ്യന്, തവിഞ്ഞാല്-വെള്ളമുണ്ട-തൊണ്ടര്നാട് ഗ്രാമപഞ്ചായത്ത് അധ്യക്ഷന്മാരായ എം.ജി ബിജു, ഖമര് ലൈല, പ്രമോദ് മാസ്റ്റര്, ബ്ലോക്ക് പഞ്ചായത്ത് വൈസ് പ്രസിഡന്റ് സി.പി മൊയ്തീന് ഹാജി, ബ്ലോക്ക് പഞ്ചായത്ത് സ്ഥിരം സമിതി അധ്യക്ഷരായ ഒ.ടി മുഹമ്മദ് ഉനൈസ്, ചിന്നമ്മ ജോസ്, ആസ്യ മൊയ്തു, ജില്ലാ പഞ്ചായത്ത് അംഗങ്ങളായ ജില്സണ് തൂപ്പുംകര, ലിയി ജോസ്, ആസൂത്രണ സമിതി ഉപാധ്യക്ഷന് എ പ്രഭാകരന് മാസ്റ്റര്, ജനപ്രതിനിധികള്, രാഷ്ട്രീയ പാര്ട്ടി പ്രതിനിധികള്, ഉദ്യോഗസ്ഥര് എന്നിവര് സംസാരിച്ചു.
പഞ്ചാബിൽ ട്രെയിനിന് തീപിടിച്ചു, 4 കോച്ചുകളിൽ തീപിടുത്തം; ആളപായം ഇല്ലെന്ന് നോർത്തേൺ റെയിൽവേ
പഞ്ചാബ്: പഞ്ചാബിൽ ട്രെയിനിന് തീപിടിച്ചു, 4 കോച്ചുകളിൽ തീപിടുത്തം. ആളപായം ഇല്ലെന്ന് നോർത്തേൺ റെയിൽവേ അറിയിച്ചു. പഞ്ചാബിലെ സരായ് ബഞ്ചാര റെയിൽവേ സ്റ്റേഷന് സമീപം കർമ്മഭൂമി എക്സ്പ്രസിന്റെ നാല് കോച്ചുകളിലാണ് തീപിടുത്തമുണ്ടായത്. ഇതുവരെ ആളപായമൊന്നും റിപ്പോർട്ട് ചെയ്തിട്ടില്ല. അമൃത്സറിനും ന്യൂ ജൽപൈഗുരിക്കും ഇടയിൽ ഓടുന്ന ട്രെയിൻ നമ്പർ 12508 കർമ്മഭൂമി എക്സ്പ്രസിന്റെ എഞ്ചിനിൽ നിന്നാണ് തീപിടിത്തമുണ്ടായത്.തീപിടിത്തത്തിന് കാരണം ഷോർട്ട് സർക്യൂട്ടാണെന്ന് സംശയിക്കുന്നതായി വൃത്തങ്ങൾ അറിയിച്ചു. എന്നിരുന്നാലും, കൃത്യമായ കാരണം ഇതുവരെ ഔദ്യോഗികമായി സ്ഥിരീകരിച്ചിട്ടില്ല. റെയിൽവേ ഉദ്യോഗസ്ഥരും അടിയന്തര സേവന ജീവനക്കാരും സംഭവ സ്ഥലത്തെത്തി, നിരവധി കോച്ചുകളിൽ നിന്ന് തീയും പുകയും ഉയരുന്നത് സംഭവസ്ഥലത്തു നിന്നുള്ള ദൃശ്യങ്ങളിൽ കാണാം.അമൃത്സറിൽ നിന്ന് പുറപ്പെട്ട ട്രെയിൻ രാജ്പുരയിൽ നിന്ന് 15 കിലോമീറ്റർ അകലെ ഒരു ഗ്രാമത്തിനടുത്തായി സ്ഥിതി ചെയ്യുന്ന ബസന്ത്പുര റെയിൽവേ സ്റ്റേഷന് സമീപമാണ് തീപിടിച്ചതെന്ന് വൃത്തങ്ങൾ അറിയിച്ചു.സംഭവത്തിൽ ഇതുവരെ ആർക്കും പരിക്കുകളോ ജീവഹാനിയോ ഉണ്ടായതായി റിപ്പോർട്ടുകൾ ഇല്ല.
മുട്ടക്കോഴി വളർത്തൽ പരിശീലനം
സുൽത്താൻ ബത്തേരി മൃഗസംരക്ഷണ പരിശീലന കേന്ദ്രം നവംബർ 12,13 തീയ്യതികളില് രാവിലെ 10 മുതൽ വൈകുന്നേരം അഞ്ച് വരെ "മുട്ടക്കോഴി വളർത്തൽ" എന്ന വിഷയത്തിൽ പരിശീലനം നടത്തുന്നു. താത്പര്യമുള്ളവർ 04936-297084 എന്ന നമ്പറിൽ നവംബര് 10 ന് വൈകുന്നേരം മൂന്നിനകം പേര് രജിസ്റ്റർ ചെയ്യണം.
വൈദ്യുതി മുടങ്ങും
വെള്ളമുണ്ട ഇലക്ട്രിക്കൽ സെക്ഷനിലെ ആറുവാൾ, അടിവാരം ട്രാൻസ്ഫോർമർ പരിധിയിൽ നാളെ (നവംബര് 7) രാവിലെ 8.30 മുതൽ വൈകുന്നേരം 5.30 വരെ വൈദ്യുതി വിതരണം തടസ്സപ്പെടും.
മൊബൈൽ ഫോട്ടോഗ്രഫി മത്സരം
അന്താരാഷ്ട്ര മണ്ണ് ദിനാആഘോഷത്തിന്റെ ഭാഗമായി ജില്ലാ മണ്ണ് പര്യവേക്ഷണ മണ്ണ് സംരക്ഷണ വകുപ്പ് സംസ്ഥാനതല മൊബൈൽ ഫോട്ടോഗ്രഫി മത്സരം സംഘടിപ്പിക്കുന്നു. മണ്ണിൽ വിരിയുന്ന പ്രതീക്ഷകൾ എന്നതാണ് വിഷയം. ഒന്നും രണ്ടും മൂന്നും സ്ഥാനക്കാര്ക്ക് യഥാക്രമം 5000, 3000, 1000 രൂപ ക്യാഷ് പ്രൈസും സര്ട്ടിഫിക്കറ്റും ലഭിക്കും. ഫോട്ടോകൾ https://forms.gle/zEc55ocPKkGY5e4Z7 ഗൂഗിൾ ഫോം വഴി നവംബര് 20 നകം സമർപ്പിക്കണം.
തൊഴിലധിഷ്ഠിത കോഴ്സുകളില് അഡ്മിഷൻ
കെൽട്രോൺ സുൽത്താൻ ബത്തേരി സെൻ്ററിൽ പ്രൊഫഷണൽ ഡിപ്ലോമ ഇൻ കമ്പ്യൂട്ടർ ടീച്ചേഴ്സ് ട്രെയിനിംഗ്, കമ്പ്യൂട്ടറൈസ്ഡ് ഫിനാൻഷ്യൽ അക്കൗണ്ടിംഗ്, ഡിപ്ലോമ ഇൻ ടാലി ആന്ഡ് ഫോറിൻ അക്കൗണ്ടിംഗ് മാനേജ്മെന്റ്റ്, പ്രൊഫഷണൽ ഡിപ്ലോമ ഇൻ ഫയർ ആന്ഡ് സേഫ്റ്റി തൊഴിലധിഷ്ഠിത കോഴ്സുകളിലേക്ക് അഡ്മിഷൻ ആരംഭിച്ചു. ഫോൺ: 7902281422
മെഡിക്കൽ കോളേജിൽ താത്കാലിക നിയമനം
മാനന്തവാടി ഗവ മെഡിക്കൽ കോളേജിൽ വിവിധ വകുപ്പുകളിലായി ട്യൂട്ടർ/ ഡെമോൺസ്ട്രേറ്റർ, ജൂനിയർ റസിഡൻറ് തസ്തികകളില് കരാർ അടിസ്ഥാനത്തിൽ ഒരു വർഷത്തേക്ക് നിയമനം നടത്തുന്നു. എംബിബിഎസ് യോഗ്യതയും, ടിസിഎംസി/കേരള സ്റ്റേറ്റ് മെഡിക്കൽ കൗൺസിൽ രജിസ്ട്രേഷനുമുള്ള ഡോക്ടർമാർക്ക് അപേക്ഷിക്കാം. ഉദ്യോഗാർത്ഥികൾ വിദ്യാഭ്യാസ യോഗ്യത തെളിയിക്കുന്ന അസ്സൽ സർട്ടിഫിക്കറ്റുകൾ, പ്രവൃത്തി പരിചയം തെളിയിക്കുന്ന സാക്ഷ്യപത്രം, ആധാർ, പാൻ, വയസ്സ് തെളിയിക്കുന്ന അസ്സൽ രേഖകൾ സഹിതം നവംബര് 19 ന് രാവിലെ 11 ന് കോളേജ് പ്രിൻസിപ്പല് ഓഫീസിൽ അഭിമുഖത്തിന് എത്തണം. ഫോണ്- 04935 299424
ക്വട്ടേഷന് ക്ഷണിച്ചു
എം.ആർ.എസ്/പ്രീ മെട്രിക്ക് ഹോസ്റ്റൽ വിദ്യാർത്ഥികൾക്കായി തിരുവനന്തപുരത്ത് സംഘടിപ്പിക്കുന്ന "കളിക്കളം" സംസ്ഥാനതല കായികമേളയിൽ പങ്കെടുക്കുന്ന നൂൽപ്പുഴ രാജീവ്ഗാന്ധി സ്മാരക ആശ്രമ വിദ്യാലയത്തിലെ 40 കുട്ടികള്ക്കാവശ്യമായ ജേഴ്സി, റണ്ണിംഗ് ഷൂസ് ഉള്പ്പെടെയുള്ള സ്പോർട്സ് അനുബന്ധ സാധനങ്ങൾ വിതരണം ചെയ്യുന്നതിന് ഏജൻസികളിൽ നിന്നും ക്വട്ടേഷൻ ക്ഷണിച്ചു. ക്വട്ടേഷനുകള് നവംബര് 12 ന് ഉച്ചക്ക് ഒന്നിനകം ലഭിക്കണം. ഫോണ്- 04936 270139✨✨✨✨✨✨✨✨എം.ആർ.എസ്/പ്രീ മെട്രിക്ക് ഹോസ്റ്റൽ വിദ്യാർത്ഥികൾക്കായി നവംബർ 20,21,22 തീയതികളില് തിരുവനന്തപുരത്ത് സംഘടിപ്പിക്കുന്ന "കളിക്കളം" സംസ്ഥാനതല കായികമേളയിൽ നൂൽപ്പുഴ രാജീവ്ഗാന്ധി സ്മാരക ആശ്രമ വിദ്യാലയത്തിലെ കുട്ടികളെ കൊണ്ടുപോകുന്നതിനും മത്സരാർത്ഥികളെ സ്റ്റേഡിയത്തിലേക്കും അവിടെ നിന്നും താമസ സ്ഥലത്തേക്കും പരിപാടി പൂർത്തിയായതിനുശേഷം തിരികെ സ്കൂളിലേക്കും എത്തിക്കുന്നതിനായി (യാത്ര വേളയിലെ ഭക്ഷണം ഉൾപ്പെടെ) ഏ.സി./ നോൺ ഏ.സി ടൂറിസ്റ്റ് ബസ്സുകൾ (45 സീറ്റ്) വാടകക്ക് നൽകാൻ തയ്യാറുള്ള ഉടമകൾ /ഏജൻസികളിൽ നിന്നും ക്വട്ടേഷൻ ക്ഷണിച്ചു. ക്വട്ടേഷനുകള് നവംബര് 12 ന് രാവിലെ 11 നകം ലഭിക്കണം. ഫോണ്- 04936 270139
മന്ത്രി ബിന്ദുകൃഷ്ണക്ക് സ്വീകരണം നല്കി വയനാടിന്റെ തൊഴില്മേഖലയുമായി ബന്ധപ്പെട്ട പ്രശ്നങ്ങള്ക്ക് പരിഹാരം കാണുമെന്ന് മന്ത്രി
കല്പ്പറ്റ: വനിതാ - ശിശുക്ഷേമ, തൊഴില്, ക്ഷീരവികസന, മൃഗസംരക്ഷണ വകുപ്പ് മന്ത്രി ബിന്ദുകൃഷ്ണക്ക് ജില്ലാ കോണ്ഗ്രസ് കമ്മിറ്റിയുടെ നേതൃത്വത്തില് സ്വീകരണം നല്കി. മന്ത്രിയായതിന് ശേഷം ആദ്യമായി ജില്ലയിലെത്തിയ ബിന്ദു കൃഷ്ണയെ ഡി സി സി പ്രസിഡന്റ് അഡ്വ. ടി ജെ ഐസകിന്റെ നേതൃത്വത്തില് സ്വീകരിച്ചു. തുടര്ന്ന് ഡി സി സി പ്രസിഡന്റിന്റെ അധ്യക്ഷതയില് ചേര്ന്ന യോഗത്തില് മന്ത്രി സംസാരിച്ചു. വയനാടിന്റെ തൊഴില്മേഖലയുമായി ബന്ധപ്പെട്ട് പ്രശ്നങ്ങള് പരിഹാരം കാണാന് എല്ലാവിധ ശ്രമങ്ങളുമുണ്ടാകുമെന്ന് മന്ത്രി പറഞ്ഞു. ഉഷാവിജയന് എം എല് എ, കെ പി സി സി ജനറല് സെക്രട്ടറി കെ എല് പൗലോസ്, എ ഐ സി സി അംഗം എന് ഡി അപ്പച്ചന്, പി കെ ജയലക്ഷ്മി, പി പി ആലി, കെ കെ വിശ്വനാഥന്മാസ്റ്റര്, എച്ച് ബി പ്രദീപ്മാസ്റ്റര് തുടങ്ങിയവര് സംസാരിച്ചു.
വിദ്യാലയങ്ങളിലെ 'കതിര്' കാര്ഷിക പദ്ധതിയുടെ ബ്രാൻഡ് അംബാസഡര് മോഹൻലാല്
വിദ്യാര്ത്ഥികളില് കാര്ഷിക അവബോധം വളര്ത്തുന്നതിനായുള്ള കൃഷി വകുപ്പിന്റെ കതിര് പദ്ധതിയുടെ ബ്രാന്ഡ് അംബാസഡറായി മോഹന്ലാല്.പൊതുവിദ്യാഭ്യാസ വകുപ്പിന്റെ സഹകരണത്തോടെയാണ് പദ്ധതി നടപ്പാക്കുന്നത്.കൃഷിവകുപ്പും പൊതുവിദ്യാഭ്യാസ വകുപ്പും സംയുക്തമായി നടപ്പാക്കുന്ന ഈ പദ്ധതിയുടെ ആദ്യഘട്ടത്തില് സംസ്ഥാനത്തെ 500 വിദ്യാലയങ്ങളിലാണ് കാർഷിക ക്ലബ്ബുകള് ആരംഭിക്കുന്നത്. 'മാറ്റം തുടങ്ങേണ്ടത് കുട്ടികളില് നിന്നാണ്. വെര്ച്വല് ലോകത്തെ സ്ക്രീനുകളില്നിന്ന് മാറി മണ്ണിലേക്കിറങ്ങാന് കുട്ടികളും തയ്യാറാകണം. ഓരോ കുട്ടിക്കും ഇന്നുതന്നെ ഒരു വിത്തെങ്കിലും നട്ടുതുടങ്ങാന് കഴിയട്ടെ എന്ന് മോഹൻലാല് ആശംസിച്ചുതന്റെ മാതാപിതാക്കളുടെ സ്മരണാർഥം പ്രവർത്തിക്കുന്ന വിശ്വശാന്തി ഫൗണ്ടേഷന്റെ എല്ലാ പിന്തുണയും പദ്ധതിക്ക് മോഹൻലാല് വാഗ്ദാനം ചെയ്തു.മലയാളികളുടെ പ്രിയപ്പെട്ട ലാലേട്ടൻ കതിർ കാർഷിക പദ്ധതിയുടെ ബ്രാൻഡ് അംബാസഡറായതിലൂടെ വലിയൊരു മുന്നേറ്റത്തിനാണ് തുടക്കമാകുന്നതെന്ന് കൃഷിവകുപ്പ് മന്ത്രി അഡ്വ. ടി. സിദ്ദിഖ് പറഞ്ഞു.
ഇന്നും നല്ല മഴയും കാറ്റുമുണ്ടാകും; അഞ്ച് ജില്ലകളില് യെല്ലോ അലേര്ട്ട്
സംസ്ഥാനത്ത് മഴ ശക്തമാകും. തിങ്കളാഴ്ച വരെ ശക്തമായ മഴയ്ക്കും ഇടിമിന്നലിനും സാധ്യത. ഇന്ന് പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളില് കേന്ദ്ര കാലാവസ്ഥ വകുപ്പ് യെല്ലോ അലേര്ട്ട് പ്രഖ്യാപിച്ചിട്ടുണ്ട്. നാളെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം ജില്ലകളിലും യെല്ലോ അലേര്ട്ട് ഉണ്ട്. മഴയോടൊപ്പം 40 കിലോമീറ്റര് വരെ ശക്തമായ കാറ്റിനും സാധ്യതയുണ്ട്. (kerala rains yellow alert in 5 districts)കാലാവസ്ഥ നിരീക്ഷണ കേന്ദ്രം നല്കുന്ന നിര്ദേശങ്ങള്:പ്രതീക്ഷിയ്ക്കാവുന്ന ആഘാതങ്ങള്പ്രധാന റോഡുകളിലെ വെള്ളക്കെട്ട് / വാഹനങ്ങളിലെ കാഴ്ച മങ്ങല് എന്നിവയ്ക്ക് സാധ്യതയുള്ളതിനാല് ഗതാഗതക്കുരുക്ക് ഉണ്ടാകാം.താഴ്ന്ന പ്രദേശങ്ങളിലും നദീതീരങ്ങളിലും വെള്ളക്കെട്ട് / വെള്ളപ്പൊക്കം എന്നിവയ്ക്ക് സാധ്യത.മരങ്ങള് കടപുഴകി വീണാല് വൈദ്യുതി തടസം/അപകടം എന്നിവയിലേക്ക് നയിച്ചേയ്ക്കാം.വീടുകള്ക്കും കുടിലുകള്ക്കും ഭാഗിക കേടുപാടുകള്ക്ക് സാധ്യത.ഉരുള്പൊട്ടലിനും മണ്ണിടിച്ചിലിനും സാധ്യത.മഴ മനുഷ്യരെയും കന്നുകാലികളെയും പ്രതികൂലമായി ബാധിയ്ക്കാനും തീരപ്രദേശത്തെ സുരക്ഷിതമല്ലാത്ത ഘടനകള്ക്കു നാശമുണ്ടാക്കാനും സാധ്യതയുണ്ട്.നിര്ദേശങ്ങള്ഗതാഗതം കാര്യക്ഷമമായി നിയന്ത്രിയ്ക്കുകഅത്യാവശ്യമല്ലാത്ത യാത്രകള് ഒഴിവാക്കി ആളുകള് സുരക്ഷിത മേഖലകളില് തുടരുക.
മുടങ്ങി കിടക്കുന്ന പ്രവാസി ക്ഷേമ പെൻഷൻ കൃത്യമായി വിതരണം ചെയ്യുക:പ്രവാസി കോൺഗ്രസ് മുട്ടിൽ
പ്രവാസി കോൺഗ്രസ് മുട്ടിൽ മണ്ഡല കൺവെൻഷൻ ഓലൻ ഓഡിറ്റോറിയത്തിൽ വെച്ച് സംഘടിപ്പിച്ചു. പ്രവാസി കോൺഗ്രസ് ജില്ല പ്രസിഡന്റ് സജി മണ്ഡലത്തിൽ ഉദ്ഘാടനം നിർവഹിച്ചു.കല്പറ്റ ബ്ലോക്ക് പ്രസിഡന്റ് സുനിൽ കുന്നിതൊടി അധ്യക്ഷത വഹിച്ചു. സിദ്ദിഖ് ഓണാട്ട്, ബാബു പിണ്ടിപ്പുഴ, വിപിൻ വി. ജെ, ബോബൻ ആന്റണി എന്നിവർ നേർന്ന് സംസാരിച്ചു. പ്രവാസി കോൺഗ്രസ് മുട്ടിൽ മണ്ഡലം പ്രസിഡന്റായി അഖിൽ കുന്നുമലിനെയും ജനറൽ സെക്രട്ടറിയായി അരുൺ കുമാറിനെയും ട്രഷററായി മുജീബ് റഹ്മാനെയും തിരഞ്ഞെടുത്തു.കല്പറ്റ ബ്ലോക്ക് വൈസ് പ്രസിഡന്റ് ആയി സിദീഖ് ഓണാട്ടിനേയും, മണ്ഡലം വൈസ് പ്രസിഡന്റ് മാരായി ഫൈസൽ എൻ. ടി, നൗഷാദ് കുന്നത്ത് എന്നിവരെയും, ജോയിൻ സെക്രട്ടറി മാരായി കാദർ പരിയാരം, ബഷീർ നരിക്കോടൻ, അബ്ദുൽ അസീസ് എന്നിവരെയും, എക്സി കുട്ടീവ് അംഗങ്ങൾ ആയി സൗമ്യ അരുൺ, ഉസ്മാൻ സാറതൊടിയിൽ ബൈജു കുമാർ, ജോസഫ് ചാക്കോ,എന്നിവരെയും തിരഞ്ഞെടുത്തു.അഖിൽ കുന്നുമ്മൽ സ്വാഗതവും അരുൺ കുമാർ നന്ദിയും പറഞ്ഞു
മുൻഗണനാ റേഷൻ കാർഡുകൾ സറണ്ടർ ചെയ്യണം
മുൻഗണനാ വിഭാഗം എ.എ.വൈ/പി.എച്ച്.എച്ച് റേഷൻ കാർഡുകൾ കൈവശമുള്ള ഗുണഭോക്താക്കൾക്ക് ഡിസംബർ ഒൻപത് വരെ പിഴ യില്ലാതെ സ്വമേധയാ റേഷൻ കാർഡ് സറണ്ടർ ചെയ്യാമെന്ന് ജില്ലാ സപ്ലൈ ഓഫീസർ അറിയിച്ചു.ബന്ധപ്പെട്ട രേഖകളുമായി അതത് താലൂക്ക് സപ്ലൈ ഓഫീസുകളിലെ ത്തി അപേക്ഷ നൽകി റേഷൻ കാർഡുകൾ തരം മാറ്റാവുന്നതാണ്.ഒരു ഏക്കറിന് മുകളിൽ സ്ഥലം ഉള്ളവർ, 1000 സ്ക്വയർ ഫീറ്റിന് മുകളിൽ വീടുള്ളവർ, നാല് ചക്രവാഹനമുള്ളവർ, സർക്കാർ ജീവന ക്കാർ, 25,000 രൂപയ്ക്ക് മുകളിൽ വരുമാനമുള്ളവർ,ആദായ നികുതി അടയ്ക്കുന്നവർ എന്നിവരാണ് മുൻഗണന വിഭാഗം റേഷൻ കാർഡു കൾക്ക് അർഹതയില്ലാത്തവർ.കൂടുതൽ വിവരങ്ങൾക്കായി വൈത്തിരി (04936 255222), ബത്തേരി (04936 220213), മാനന്തവാടി (04935 240252) നമ്പറുകളിൽ ബന്ധപ്പെടാം.
സമൂഹ മാധ്യമങ്ങള്ക്ക് കടിഞ്ഞാണിടാന് കേന്ദ്രം: നിയമപരമായ പരിരക്ഷ എടുത്ത് കളയാന് നീക്കം
ന്യൂഡല്ഹി: സമൂഹ മാധ്യമങ്ങള്ക്ക് കടിഞ്ഞാണിടാന് നീക്കവുമായി കേന്ദ്ര സര്ക്കാര്. സമൂഹ മാധ്യമങ്ങള്ക്കുള്ള നിയമപരമായ പരിരക്ഷ എടുത്തു കളയാനാണ് കേന്ദ്ര സര്ക്കാര് നീക്കം നടത്തുന്നത്. ഐടി ആക്ടിലെ 79-ാം വകുപ്പിലെ മാറ്റങ്ങളാണ് പരിഗണനയില് ഉള്ളത്. 79-ാം വകുപ്പ് പ്രകാരം ഉപയോക്താക്കള് പോസ്റ്റ് ചെയ്യുന്ന ഉള്ളടക്കങ്ങള്ക്ക് കമ്പനികള് നേരിട്ട് നിയമപരമായി ഉത്തരവാദികളാകില്ല. ഉള്ളടക്കങ്ങളുടെ പേരില് കമ്പനികള്ക്കെതിരെ നേരിട്ട് കേസെടുക്കാവുന്ന തരത്തിലാണ് മാറ്റങ്ങള് പരിഗണിക്കുന്നത്.ലോകത്തിലെ ഏറ്റവും വലിയ ഇന്റര്നെറ്റ് കമ്പനികളില് പലതിന്റെയും ബിസിനസ്സ് മാതൃകകളില് ഈ സംരക്ഷണം നിര്ണായക ഘടകമാണ്. വിവരങ്ങള് കൈമാറുകയോ എത്തിക്കുകയോ ചെയ്യുന്ന സേവനങ്ങള്ക്ക് (ഇന്റര്നെറ്റ് സേവന ദാതാക്കള് (ISPs), ടെലികോം സേവന ദാതാക്കള് (TSPs), പിയര്-ടു-പിയര് മെസേജിംഗ് പ്ലാറ്റ്ഫോമുകള്) മാത്രമായി ഈ സംരക്ഷണം പരിമിതപ്പെടുത്താമോ എന്നാണ് സര്ക്കാര് പരിശോധിച്ചുവരുന്നത്.
വനങ്ങളിൽ പ്ലാസ്റ്റിക് വലിച്ചെറിഞ്ഞാൽ ഇനി 𝟮,𝟬𝟬𝟬 രൂപ പിഴ; ഡിസംബർ 𝟭 മുതൽ കർശന നടപടി!
നമ്മുടെ പ്രകൃതിയെയും വന്യജീവികളെയും സംരക്ഷിക്കുന്നതിന്റെ ഭാഗമായി കേരളത്തിൽ പുതിയ നിയമങ്ങൾ നിലവിൽ വരുന്നു.സംരക്ഷിത വനമേഖലകൾ, ദേശീയോദ്യാനങ്ങൾ, വന്യജീവി സങ്കേതങ്ങൾ എന്നിവിടങ്ങളിൽ പ്ലാസ്റ്റിക്കോ മറ്റ് മണ്ണിൽ ലയിക്കാത്ത മാലിന്യങ്ങളോ വലിച്ചെറിഞ്ഞാൽ ഡിസംബർ 𝟭 മുതൽ 𝟮,𝟬𝟬𝟬 രൂപ പിഴ ഈടാക്കുന്നതാണ്. *പ്രധാന വിവരങ്ങൾ:* • പിഴ ഈടാക്കാൻ അധികാരം: ബീറ്റ് ഫോറസ്റ്റ് ഓഫീസർ റാങ്കിലോ അതിനുമുകളിലോ ഉള്ള ഉദ്യോഗസ്ഥർക്ക് ഇതിനുള്ള അധികാരമുണ്ട്. പിഴയടയ്ക്കാൻ തയ്യാറാകാത്തവർക്കെതിരെ വന്യജീവി സംരക്ഷണ നിയമപ്രകാരം ഔദ്യോഗികമായി കേസ് എടുക്കും. 🚶 • നിയമം ബാധകമായവർ: വിനോദസഞ്ചാരികൾക്ക് പുറമെ, വനത്തിനുള്ളിലെ ജനവാസമേഖലയിലുള്ളവർക്കും സംരക്ഷിത പ്രദേശങ്ങളിലൂടെ യാത്ര ചെയ്യുന്ന മറ്റു യാത്രക്കാർക്കും ഈ നിയമം പൂർണ്ണമായി ബാധകമാണ്. 💰 • ശുചീകരണ ഫണ്ട്: പിഴയിലൂടെ ശേഖരിക്കുന്ന തുക പൂർണ്ണമായും ആ സംരക്ഷിത പ്രദേശം ശുചീകരിക്കുന്നതിന് മാത്രമായി വിനിയോഗിക്കും. 🦌 • വന്യജീവികൾക്ക് ഭീഷണി: സന്ദർശകർ ഉപേക്ഷിക്കുന്ന ഭക്ഷണാവശിഷ്ടങ്ങൾ പ്ലാസ്റ്റിക് കവറുകളോടൊപ്പം വന്യമൃഗങ്ങൾ ഭക്ഷിക്കുന്നത് അവയുടെ ആരോഗ്യത്തെ ഗുരുതരമായി ബാധിക്കുന്നുണ്ട്. 🌿 നമ്മുടെ കാടുകളെയും വന്യജീവികളെയും പ്ലാസ്റ്റിക് മാലിന്യങ്ങളിൽ നിന്ന് സംരക്ഷിക്കാൻ എല്ലാവരുടെയും സഹകരണം ഉണ്ടാകുക. ഈ സന്ദേശം മറ്റുള്ളവരിലേക്കും പങ്കുവെക്കൂ!
നവംബര് 12ന് സംസ്ഥാനത്ത് ഓട്ടോ-ടാക്സി പണിമുടക്ക്; നിരക്ക് വര്ധന ആവശ്യപ്പെട്ട് സമരം
ഓട്ടോ-ടാക്സി നിരക്ക് പുതുക്കി നിശ്ചയിക്കണമെന്ന് ആവശ്യപ്പെട്ട് വിവിധ ട്രേഡ് യൂണിയനുകള് സര്ക്കാരിന് നിവേദനം നല്കിയിട്ടും ചര്ച്ചയ്ക്ക് തയ്യാറാകാത്തതില് പ്രതിഷേധിച്ച് സംസ്ഥാനത്ത് ഓട്ടോ-ടാക്സി തൊഴിലാളികള് പണിമുടക്കുന്നു.നവംബര് 12ന് രാത്രി 12 മണി മുതല് നവംബര് 12 രാത്രി 12 മണി വരെ 24 മണിക്കൂറാണ് പണിമുടക്ക്. പാലക്കാട് ചേര്ന്ന വിവിധ മോട്ടോര് തൊഴിലാളി സംഘടനകളുടെ യോഗത്തിലാണ് പണിമുടക്ക് വിജയിപ്പിക്കാന് തീരുമാനമായത്.ബിഎംഎസ് യൂണിയന് ജില്ലാ സെക്രട്ടറി വി ശിവദാസന് അധ്യക്ഷത വഹിച്ച യോഗം സിഐടിയു ജില്ലാ സെക്രട്ടറി എ വി സുരേഷ് ഉദ്ഘാടനം ചെയ്തു. എഐടിയുസി സംസ്ഥാന സെക്രട്ടറി കെ സി ജയപാലന് സംയുക്ത സമരസമിതിയുടെ സംസ്ഥാന കമ്മിറ്റി തീരുമാനങ്ങള് വിശദീകരിച്ചു.അഷറഫ് പറക്കുന്നം (എസ്ടിയു), എം ലെനിന് (എച്ച്എംഎസ്), അബ്ദുള് സുക്കൂര്, അഡ്വ: ജിഞ്ചു ജോസ് (സിഐടിയു), ഇല്യാസ് കാവല്പ്പാട് (എസ്ഡിടിയു), പ്രേമകുമാര് (എഐടിയുസി), ആര് സുരേഷ് (കെടിയുസി-എം) തുടങ്ങിയ വിവിധ സംഘടനാ ഭാരവാഹികള് സംസാരിച്ചു.പണിമുടക്കുന്ന തൊഴിലാളികള് അന്നേ ദിവസം രാവിലെ അഞ്ച് വിളക്ക് പരിസരത്ത് നിന്ന് കലക്ടറേറ്റിലേക്ക് മാര്ച്ച് നടത്തും. പണിമുടക്കിലും തുടര്ന്ന് നടക്കുന്ന കലക്ടറേറ്റ് മാര്ച്ചിലും മുഴുവന് തൊഴിലാളികളും അണിനിരക്കണമെന്ന് സംഘടനാ നേതാക്കള് ആഹ്വാനം ചെയ്തു. ഇനിയും വിഷയം പരിഹരിച്ചില്ലെങ്കില് അനിശ്ചിതകാല പണിമുടക്കിലേക്ക് പോകുമെന്നും സംയുക്ത സമരസമിതി നേതാക്കള് മുന്നറിയിപ്പ് നല്കി.
ലഹരിക്കെതിരെ ജാഗ്രതയുടെ മതിലൊരുക്കി വാകേരി സ്കൂൾ
വാകേരി:വിദ്യാർത്ഥികൾക്കിടയിൽ ലഹരിവിരുദ്ധ അവബോധം ശക്തമാക്കുന്നതിനും ആരോഗ്യകരമായ ജീവിതശൈലി പ്രോത്സാഹിപ്പിക്കുന്നതിനുമായി വാകേരി ജി.വി.എച്ച്.എസ്.എസിൽ വിപുലമായ ബോധവൽക്കരണ പരിപാടി സംഘടിപ്പിച്ചു. സ്കൂളിലെ ആന്റി നാർക്കോട്ടിക് ക്ലബ്ബിന്റെ ആഭിമുഖ്യത്തിൽ "ഉണർവ്വ്: തെറ്റാത്ത ചുവടുകൾ, തളരാത്ത നാളുകൾ" എന്ന തലക്കെട്ടിൽ സംഘടിപ്പിച്ച പ്രത്യേക സെമിനാറിന് എക്സൈസ് വിമുക്തി മിഷൻ വയനാട് ജില്ലാ കോർഡിനേറ്റർ എൻ.സി. സജിത്ത്കുമാർ അച്ചൂരാനം നേതൃത്വം നൽകി.പുതിയ കാലഘട്ടത്തിൽ വിദ്യാർത്ഥികളെ ലക്ഷ്യമിട്ട് പ്രവർത്തിക്കുന്ന ലഹരിമാഫിയകൾക്കെതിരെ സ്വയം പ്രതിരോധം തീർക്കേണ്ടതിന്റെ ആവശ്യകത അദ്ദേഹം വിശദീകരിച്ചു. ലഹരിയുടെ കാണാച്ചരടുകളിൽ വീഴാതെ കായികപരിശീലനം, വായന,സാമൂഹിക സേവനം എന്നിവയിലൂടെ സർഗ്ഗാത്മകമായ 'പോസിറ്റീവ് ലഹരി' കണ്ടെത്താൻ യുവതലമുറ തയ്യാറാകണമെന്ന് അദ്ദേഹം ഓർമ്മിപ്പിച്ചു. വഴിതെറ്റിക്കുന്ന പ്രലോഭനങ്ങളോട് ഉറച്ച ശബ്ദത്തിൽ 'നോ' പറയാൻ ആർജ്ജവം കാട്ടണമെന്നും, സൗഹൃദങ്ങളിൽ കരുതൽ വേണമെന്നും അദ്ദേഹം കൂട്ടിച്ചേർത്തു.ചടങ്ങിന്റെ ഭാഗമായി ആന്റി നാർക്കോട്ടിക് ക്ലബ്ബിലെ വിദ്യാർത്ഥികൾ ലഹരിക്കെതിരെ തയ്യാറാക്കിയ പോസ്റ്ററുകൾ വിമുക്തി ജില്ലാ കോർഡിനേറ്റർ പ്രകാശനം ചെയ്തു. തുടർന്ന് അധ്യാപകരും വിദ്യാർത്ഥികളും ചേർന്ന് ലഹരിവിരുദ്ധ പ്രതിജ്ഞ ഏറ്റുചൊല്ലി.സ്കൂൾ അങ്കണത്തിൽ നടന്ന ചടങ്ങിൽ ഹെഡ്മിസ്ട്രസ് സി.എൽ. ലിസ അദ്ധ്യക്ഷത വഹിച്ചു.സീനിയർ അസിസ്റ്റന്റ് കെ.ബി. ദിവാകരൻ സ്വാഗതം ആശംസിച്ചു.ആന്റി നാർക്കോട്ടിക് ക്ലബ്ബ് കൺവീനർ ഇ.എസ്. ബബിത,അധ്യാപകരായ സുജിത്ത് വാസുദേവൻ, എം.എം.സ്മിത തുടങ്ങിയവർ ആശംസകളർപ്പിച്ചു സംസാരിച്ചു.ലിലിയ തോമസ് നന്ദി രേഖപ്പെടുത്തി.വരും ദിവസങ്ങളിലും സ്കൂൾ കേന്ദ്രീകരിച്ച് ശക്തമായ തുടർ ബോധവൽക്കരണ പ്രവർത്തനങ്ങൾ നടത്താൻ യോഗം തീരുമാനിച്ചു.
കലകൾ മാനവികത ഉയർത്തിപ്പിടിക്കുന്നു ;കെ.ടി ഹംസ മുസ് ലിയാർ
മാനവീകത ഉയർത്തിപ്പിടിക്കുന്നതിലും സമൂഹത്തിൻ്റെ ഐക്യവും വികാസവും രൂപപ്പെടുത്തുന്നതിലും ലോകത്ത് എക്കാലത്തും കലകൾ വഹിച്ച പങ്ക് തുല്യതയില്ലാത്തതാണെന്നും ഓരോ വിഭാഗവും കലയെ ഉപയോഗപ്പെടുത്തുന്ന രീതി അവലംബിച്ചാണ് സമൂഹത്തിൽ അത് സ്വാധീനം ചെലുത്തുന്നതെന്നും സമസ്ത കേരളാ മദ്റസാ മാനേജ്മെൻ്റ് അസോസിയേഷൻ സംസ്ഥാന പ്രസിഡണ്ട് കെ ടി ഹംസ മുസ് ലിയാർ പറഞ്ഞു. വാരാമ്പറ്റ സആദാ കോളേജിൽ ജില്ലാ മുസാബഖയുടെ സംഘാടക സമിതി രൂപീകരണ കൺവെൻഷൻ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. വർത്തമാന കാലത്ത് സംവദിക്കാൻ നവ തലമുറയെ പ്രാപ്തരാക്കുന്നതിൽ മുസാബഖ വലിയ പങ്കു വഹിക്കുന്നുവെന്ന് അദ്ദേഹം പറഞ്ഞു. ജില്ലാ മുസാബഖ സമിതി ചെയർമാൻ അശ്റഫ് ഫൈസി പനമരം അദ്ധ്യക്ഷനായി.ജില്ലാ പ്രസിഡണ്ട് കെ.വി .എസ് ഇമ്പിച്ചിക്കോയ തങ്ങൾ പ്രാർഥനക്ക് നേതൃത്വം നൽകി. സമസ്ത ജില്ലാ ട്രഷറർ ഇബ്റാഹിം ഫൈസി വാളാട് , എസ്. ഇ. എ സെക്രട്ടറി കെ.സി മുനീർ, ജില്ലാ കമ്മിറ്റി അംഗങ്ങളായ ഹാശിം ദാരിമി തരുവണ , നൗഷാദ് ദാരിമി മാനന്തവാടി, ശംസുദ്ദീൻ ദാരിമി പന്തിപ്പൊയിൽ, സുബൈർ വാഫി പൊഴുതന , കബീർ യമാനി , മാമുക്കോയ ചുണ്ടേൽ , മഹല്ല് ഭാരവാഹികളായ എ.സി മായൻ ഹാജി, എ.സി പോക്കു, എ. കെ അന്ത്രു ഹാജി, കമ്പ അബ്ദുള്ള , കൊടുവേരി നാസർ, റാഫി യമാനി , ഫൈസൽ ദാരിമി എന്നിവർ സംസാരിച്ചു. ജില്ലാ സെക്രട്ടറിമാരായ ഹാരിസ് ബാഖവി കമ്പളക്കാട് സ്വാഗതവും അബ്ദുൽ മജീദ് അൻസ്വരി നന്ദിയും പറഞ്ഞു

