വെള്ളമുണ്ട ഇലക്ട്രിക്കല്‍ സെക്ഷന്‍ പരിധിയിലെ ഒഴുക്കന്‍മൂല-വിവേകാനന്ദ റോഡില്‍ പുതിയതായി നിര്‍മ്മിച്ച 11 കെ.വി വൈദ്യുതി ലൈനിലും, 100 കെ.വി.എ വിവേകാനന്ദ ട്രാന്‍സ്‌ഫോര്‍മറിലും സെപ്റ്റംബര്‍ നാല് മുതല്‍ വൈദ്യുതി പ്രവഹിക്കുമെന്ന് വെള്ളമുണ്ട ഇലക്ട്രിക്കല്‍ സെക്ഷന്‍ അസിസ്റ്റന്റ് എന്‍ജിനീയര്‍ അറിയിച്ചു. പൊതുജനങ്ങള്‍ ജാഗ്രതപാലിക്കണം. ട്രാന്‍സ്‌ഫോര്‍മര്‍, അനുബന്ധ ഉപകരണങ്ങളില്‍ സ്പര്‍ശിക്കാനോ, വൈദ്യുതി തൂണ്‍, സ്റ്റേവയറുകളില്‍ വളര്‍ത്തു മൃഗങ്ങളെ കെട്ടാനോ, വൃക്ഷലതാദികള്‍ വെച്ചു പിടിപ്പിക്കാനോ, പരസ്യ ബോര്‍ഡുകള്‍, കൊടി തോരണങ്ങള്‍ കെട്ടാനോ പാടില്ല. നിര്‍ദേശങ്ങള്‍ പാലിക്കാതെ സംഭവിക്കുന്ന അപകടങ്ങള്‍ക്ക് സംസ്ഥാന ഇലക്ട്രിസിറ്റി ബോര്‍ഡ് ഉത്തരവാദികളല്ലെന്നും അധികൃതര്‍ അറിയിച്ചു.
ട്രേഡ്‌സ്മാന്‍ നിയമനം
വയനാട് ഗവ എന്‍ജിനീയറിങ് കോളെജില്‍ മെക്കാനിക്കല്‍ എന്‍ജിനിയറിങ് വിഭാഗത്തില്‍ ഓട്ടോമൊബൈല്‍, ഫിറ്റര്‍, കാര്‍പെന്ററി, മേഷനിസ്റ്റ്, പ്ലംബര്‍ ട്രേഡുകളില്‍ ട്രേഡ്സ്മാനെ നിയമിക്കുന്നു. ഡിപ്ലോമ, ഐ.ടി.ഐ, എന്‍.സി.വി.റ്റി, എസ്.സി.വി.റ്റി, കെ.ജി.സി.ഇ, ടി.എച്ച്.എസ്.എല്‍.സിയാണ് യോഗ്യത. പി.എസ്.സി അനുശാസിക്കുന്ന പ്രായ
