വനം-വന്യജീവി നിയമത്തിൽ കാലോചിത ഭേദഗതി അനിവാര്യം

കൽപ്പറ്റ: മലയോര ജനതയുടെ ജീവനും സ്വത്തിനും സംരക്ഷണം നൽകുന്ന വിധം 1972 ലെ വനം – വന്യജീവി നിയമത്തിൽ കാലോചിതമായ ഭേദഗതി വരുത്താൻ കേന്ദ്ര-സംസ്ഥാന സർക്കാറുകൾ തയ്യാറാവണമെന്ന് ജില്ലയിലെ വന്യമൃഗശല്യം സംബന്ധിച്ച് സംഘടിപ്പിച്ച സെമിനാർ ആവശ്യപ്പെട്ടു. കൈനാട്ടി പത്മപ്രഭാ ലൈബ്രറി എം.പി.വീരേന്ദ്രകുമാർ ഹാളിൽ സീനിയർ ജർണലിസ്റ്റ്സ് ഫോറം കേരള ജില്ലാ കമ്മിറ്റി സംഘടിപ്പിച്ച സെമിനാർ ജില്ലാ പഞ്ചായത്ത് പ്രസിഡന്റ് സംഷാദ് മരക്കാർ ഉദ്ഘാടനം ചെയ്തു. ഫോറം ജില്ലാ പ്രസിഡന്റ് പി.കെ.അബ്ദുൽ അസീസ് അധ്യക്ഷത വഹിച്ചു.

വനമേഖലയുടെ വിസ്തൃതിയും വർദ്ധിച്ച ജനസാന്ദ്രതയും കാരണം വന്യജീവി താണ്ഡവങ്ങൾക്ക് കൂടുതൽ ഇരയാവുന്ന ജില്ലയാണ് വയനാട്. കാടിറങ്ങി ജനവാസ കേന്ദ്രങ്ങളിലെത്തുന്ന വന്യജീവികൾ ജനജീവിതം ദുസ്സഹമാക്കുകയാണ്. കാട്ടാന, കാട്ടുപന്നി, കടുവ തുടങ്ങി എല്ലാ തരം വന്യജീവികളുടെയും അക്രമണത്തിൽ കനത്ത കൃഷിനാശവും ധാരാളം വളർത്തുമൃഗങ്ങൾ കൊല്ലപ്പെടുകയും ചെയ്യുന്നുണ്ട്. നിരവധി പേർ പരിക്കേറ്റ് ചികിത്സയിലാണ്. മരണങ്ങളും സംഭവിച്ചിട്ടുണ്ട്.
വന്യജീവികളെ കാടിന് പുറത്തേക്കും ജനവാസ കേന്ദ്രങ്ങളിലെക്കും ആകർഷിക്കാതിരിക്കാൻ അവക്ക് ആവശ്യമായ ജല- ഭക്ഷണ ലഭ്യതയും പ്രത്യേക സംരക്ഷണവും കാട്ടിനുളളിൽ ഉറപ്പു വരുത്തണമന്ന് സെമിനാർ ആവശ്യപ്പെട്ടു.

പരിപാടിയിൽ സെകട്ടറി ടി.വി. രവീന്ദ്രൻ സ്വാഗതം പറഞ്ഞു. ഡി.സി.സി ജനറൽ സെക്രട്ടറി കെ.ഇ. വിനയൻ, സി.കെ.ശിവരാമൻ (സി.പി.എം), കെ.കെ.ഹംസ (ആർ.ജെ.ഡി), പി.എം. ജോയ് (സി.പി.ഐ), റസാഖ് കൽപ്പറ്റ (മുസ്‌ലിം ലീഗ്), കെ.ജെ. ദേവസ്യ (കേ.കോൺ), കെ.സദാനന്ദൻ ( ബി.ജെ.പി), അഡ്വ.പി. ചാത്തുക്കുട്ടി, പ്രദീപ് മാനന്തവാടി, കെ.സജീവൻ പ്രസംഗിച്ചു.
വയനാട് വൈൽഡ് ലൈഫ് ഡിവിഷൻ കൺസർവേഷൻ ബയോളജിസ്റ്റ് വിഷ്ണു ഓമനക്കുട്ടൻ വന്യജീവി – മനുഷ്യ സംഘർഷം സംബന്ധിച്ച് വിഷയാവതരണം നടത്തി. ഡോ.സുമ ടി. ആർ (ഹ്യൂം സെന്റർ ഫോർ എക്കോളജിക്കൽ ആന്റ് വൈൽഡ് ലൈഫ് ഡിവിഷൻ) മോഡറേറ്ററായിരുന്നു.
എൻ. ഒ. ദേവസ്യ, വർഗ്ഗീസ് വട്ടക്കാട്ടിൽ, പി.വി.മത്തായി, ജേക്കബ് വൈദ്യർ, പി.പത്മരാജ്, കെ.പ്രകാശൻ, വി.പി. വർക്കി, പി.ജി. മോഹൻ ദാസ് ചർച്ചയിൽ പങ്കെടുത്തു.
ഫോറം ട്രഷറർ പി.രാജഗോപാലൻ നന്ദി പറഞ്ഞു

വയനാട്ടിൽ വിനോദ സഞ്ചാര കേന്ദ്രങ്ങളിലും സാഹസിക ടൂറിസം കേന്ദ്രങ്ങളിലും നിരോധനം പിൻവലിച്ചു.

ജില്ലയിൽ മഞ്ഞ ജാഗ്രത നിർദ്ദേശം ലഭിച്ചതിനാൽ വിനോദ സഞ്ചാര കേന്ദ്രങ്ങളിലും സാഹസിക ടൂറിസം കേന്ദ്രങ്ങളിലും ഏർപ്പെടുത്തിയ നിരോധനം പിൻവലിച്ച് ജില്ലാ കളക്ടർ ഡി.ആർ മേഘശ്രീ ഉത്തരവിട്ടു. ജില്ലയിലെ ടൂറിസ്റ്റ് കേന്ദ്രങ്ങളായ കുറുവ ദ്വീപ്, സൂചിപ്പാറ,

ചൂരൽമല – മുണ്ടക്കൈ പ്രദേശത്ത് നിരോധനം പിൻവലിച്ചു

ജില്ലയിൽ മഞ്ഞ ജാഗ്രത നിർദ്ദേശം ലഭിച്ചതിനാൽ മുണ്ടക്കൈ – ചൂരൽമല പ്രദേശത്തേക്കുള്ള പ്രവേശന നിരോധനം പിൻവലിച്ചതായി ജില്ലാ ദുരന്ത നിവാരണ അതോറിറ്റി ചെയർമാനായ ജില്ലാ കളക്ടർ ഡി. ആർ മേഘശ്രീ അറിയിച്ചു. മേപ്പാടി ഗ്രാമ

അതിശക്ത മഴ കേരളത്തിലേക്ക് തിരിച്ചെത്തുന്നു, ഭീഷണിയാകുന്നത് ജൂലൈ 24 ന് രൂപപ്പെടുന്ന പുതിയ ന്യൂന മർദ്ദം; 2 ദിവസം വിവിധ ജില്ലകളിൽ ഓറഞ്ച് അലർട്ട്

തിരുവനന്തപുരം: കർക്കിടക മാസം തുടങ്ങിയതുമുതൽ കേരളത്തിൽ പെയ്ത അതിശക്ത മഴക്ക് താത്കാലിക ശമനമായെങ്കിലും മഴ ഭീഷണി തുടരുന്നു. ബംഗാൾ ഉൾക്കടലിൽ പുതിയ ചക്രവാത ചുഴി രൂപപ്പെട്ടതും ഇത് ജൂലൈ 24 ന് ന്യൂനമർദ്ദമായി ശക്തിപ്രാപിക്കാൻ

ഹോസ്റ്റൽ വാർഡൻ നിയമനം

സുൽത്താൻ ബത്തേരി പട്ടിക വർഗ്ഗ വികസന ഓഫീസിന് കീഴിലെ  പ്രീ-മെട്രിക് ഹോസ്റ്റലുകളിലേക്ക്  ഹോസ്റ്റൽ വാർഡനെ ദിവസവേതനത്തിന് നിയമിക്കുന്നു. ബി.എഡ് യോഗ്യതയുള്ള 20- 45 നും മധ്യേ പ്രായമുള്ള പട്ടികവർഗ്ഗക്കാരായ യുവതി – യുവാക്കൾക്ക് കൂടിക്കാഴ്ചയിൽ പങ്കെടുക്കാം. താത്പര്യമുള്ളവർ

ജില്ലാ പഞ്ചായത്ത്: മണ്ഡല വിഭജനത്തിന്റെ കരട് വിജ്ഞാപനം വെബ്സൈറ്റിൽ

വയനാട് ജില്ലാ പഞ്ചായത്തിൻ്റെ കരട് നിയോജകമണ്ഡല വിഭജന റിപ്പോർട്ട് സംബന്ധിച്ച കരട് വിജ്ഞാപനം ഡീലിമിറ്റേഷൻ കമ്മീഷൻ വെബ്സൈറ്റിൽ ലഭ്യമാണ്. ഇതിന്മേലുള്ള ആക്ഷേപങ്ങളും അഭിപ്രായങ്ങളും ജൂലൈ 26 നകം ഡീലിമിറ്റേഷൻ കമ്മിഷൻ സെക്രട്ടറി മുമ്പാകെയോ ജില്ലാ

ക്വട്ടേഷന്‍ ക്ഷണിച്ചു.

മീനങ്ങാടി ഗവ പോളിടെക്‌നിക്ക് കോളെജിലെ സ്റ്റാഫ് ക്വാര്‍ട്ടേഴ്‌സിലേക്ക് പ്രധാന കെട്ടിടത്തില്‍ നിന്നും ഇന്റര്‍നെറ്റ് കണക്ഷന്‍ ദീര്‍ഘിപ്പിക്കാന്‍ താത്പര്യമുള്ള വ്യക്തികള്‍/സ്ഥാപനങ്ങളില്‍ നിന്നും ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ഓഗസ്റ്റ് ഏട്ടിന് ഉച്ചയ്ക്ക് ഒന്നിനകം പ്രിന്‍സിപ്പാള്‍, സര്‍ക്കാര്‍ പോളിടെക്‌നിക്ക്

Latest News

WAYANAD EDITOR'S PICK

TOP NEWS

RECOMMENDED

കമന്റിൽ വരുന്ന അഭിപ്രായങ്ങൾ വയനാട് ലൈവ് ന്യൂസിന്റെ അഭിപ്രായങ്ങൾ അല്ല.