എസ്.എസ്.എല്‍.സി, പ്ലസ്ടു പരാജയപ്പെട്ട പട്ടികവര്‍ഗ വിദ്യാര്‍ത്ഥികളെ തുടര്‍ പഠനത്തിനു സജ്ജരാക്കുന്നതിനു ഗിരിവികാസ് അപേക്ഷ ക്ഷണിച്ചു. പട്ടികവര്‍ഗ വികസനവകുപ്പിന്റെ സഹകരണത്തോടെ നെഹ്റു യുവകേന്ദ്രയുടെ ആഭിമുഖ്യത്തില്‍ തിരുനെല്ലിയിലുള്ള ഗിരിവികാസില്‍ 10 മാസം താമസിച്ചു പഠിക്കാനുള്ള സൗകര്യമൊരുക്കും. പ്ലസ്ടു തലത്തില്‍ കൊമേഴ്സ്, ഹ്യൂമാനിറ്റീസ് വിഭാഗത്തിലുള്ള കുട്ടികള്‍ക്കാണ് അവസരം. മാനന്തവാടി താലൂക്കിലെ വിദ്യാര്‍ത്ഥികള്‍ മാര്‍ക്ക് ലിസ്റ്റിന്റെ ഒറിജിനലും പകര്‍പ്പുമായി രക്ഷിതാക്കളോടൊപ്പം മാനന്തവാടിയിലെ കരുണാകരന്‍ മെമ്മോറിയല്‍ ഹാളില്‍ ആഗസ്റ്റ് 2 ന് രാവിലെ 10 നും വൈത്തിരി താലൂക്കിലെ വിദ്യാര്‍ത്ഥികള്‍ കല്‍പ്പറ്റ കളക്ടറേറ്റ് കോണ്‍ഫറന്‍സ് ഹാളില്‍ ആഗസ്റ്റ് 4 ന് രാവിലെ 10 നും സുല്‍ത്താന്‍ ബത്തേരി താലൂക്കിലെ വിദ്യാര്‍ത്ഥികള്‍ മിനി സിവില്‍ സ്റ്റേഷന്‍ കോണ്‍ഫറന്‍സ് ഹാളില്‍ ആഗസ്റ്റ് 4 ന് ഉച്ചയ്ക്ക് 2 നും എത്തിച്ചേരണം. വിശദ വിവരങ്ങള്‍ക്കു എസ്.ടി പ്രൊമോട്ടര്‍മാരുമായോ 9037234752 എന്ന നമ്പറിലോ ബന്ധപ്പെടണം.
ചേകാടി സ്കൂളിൽ കാട്ടാനക്കുട്ടി
പുൽപള്ളി: ചേകാടി ഗവ. എൽപി സ്കൂളിൽ എത്തിയ കാട്ടാനക്കുട്ടി കൗതുകമായി. സ്കൂൾ വരാന്തയിലും പരിസരത്തും ഓടി നടന്ന കാട്ടാനക്കുട്ടിയെ വനം വകുപ്പ് ഉദ്യോഗസ്ഥർ എത്തി കൊണ്ടുപോയി.
