മാനന്തവാടി: കുടുംബശ്രീ ജില്ലാമിഷന്റെയും മാനന്തവാടി സി.ഡി.എസിന്റെയും ക്രിയേറ്റിവ് മാര്‍ക്കറ്റിന്റെയും ആഭിമുഖ്യത്തില്‍ മാനന്തവാടി സെന്‍ട്രല്‍ മാര്‍ക്കറ്റില്‍ കുടുംബശ്രീ ഉല്‍പ്പന്നങ്ങളുടെ സ്ഥിരം ഉല്‍പ്പന്ന പ്രദര്‍ശന മേളയായ നാനോ മാര്‍ക്കറ്റ് ആരംഭിച്ചു. കുടുംബശ്രീ ഉല്‍പ്പന്നങ്ങള്‍ ഗുണമേന്‍മയോടെ മിതമായ വിലയില്‍ ലഭ്യമാക്കുക എന്നുള്ളതാണ് നാനോ മാര്‍ക്കറ്റിന്റെ ലക്ഷ്യം. മാനന്തവാടി മുനിസിപ്പല്‍ ചെയര്‍പേഴ്‌സണ്‍ രത്‌നവല്ലി ഉദ്ഘാടനം ചെയ്തു. സി.ഡി.എസ് ചെയര്‍പേഴ്‌സണ്‍ ഡോളി രജ്ഞിത്ത് അദ്ധ്യക്ഷത വഹിച്ചു.ക്ഷേമ കാര്യ സ്ഥിരസമിതി അദ്ധ്യക്ഷന്‍ വിപിന്‍ വേണുഗോപാല്‍ ആദ്യ വില്‍പ്പന നടത്തി. കൗണ്‍സിലര്‍ ബെന്നി, എ.ഡി.എം.സി റജീന, ഹരീഷ്, അതുല്യ,നീതു എന്നിവര്‍ സംസാരിച്ചു.
മാര്‍ക്കറ്റിങ് മാനേജര്‍ നിയമനം
മാനന്തവാടി ട്രൈബല്‍ പ്ലാന്റേഷന്‍ കോ-ഓപറേറ്റീവ് ലിമിറ്റഡിലേക്ക് കരാര്‍ അടിസ്ഥാനത്തില്‍ മാര്‍ക്കറ്റിങ് മാനേജര്‍ തസ്തികയില്‍ നിയമനം നടത്തുന്നു. എം.ബി.എ, ടീ/ മറ്റ് അനുബന്ധ പ്ലാന്റേഷന്‍ ഉത്പന്നങ്ങളുടെ മാര്‍ക്കറ്റിങ് മാനേജ്മെന്റില്‍ അഞ്ച് വര്‍ഷത്തെ പ്രവൃത്തി പരിചയവും കമ്പ്യൂട്ടര്‍
