ബഹ്റൈനിൽ മലയാളി വിദ്യാർഥി ബാൽക്കണിയിൽ നിന്ന് വീണ് മരിച്ചു. കണ്ണൂർ പഴയങ്ങായി മുട്ടം വെള്ളച്ചാൽ സ്വദേശി സയാൻ അഹമ്മദ് (14) ആണ് മരിച്ചത്.
ബഹ്‌റൈനിലെ ജുഫൈറിൽ താമസിക്കുക്കുകയായിരുന്ന സയാൻ കെട്ടിടത്തിന്റെ 11ാം നിലയിൽ നിന്ന് വീണ നിലയിലാണ് കാണപ്പെട്ടത്.
ശനിയാഴ് വൈകിട്ടായിരുന്നു സംഭവം. ഈ അടുത്തിടെയാണ് ഒമാനിൽനിന്നും ഇവർ കുടുംബ സമേതം ബഹ്‌റൈനിലേക്ക് താമസം മാറ്റിയത്.
ബഹ്‌റൈൻ ന്യൂ മില്ലേനിയം സ്‌കൂൾ പത്താംക്ലാസ് വിദ്യാർഥിയാണ് സയാൻ. ബിസിനസുകാരനായ ഷജീറിന്റെയും ഫായിസയുടെയും മകനാണ് സയാൻ. മൃതദേഹം സൽമാനിയ ആശുപത്രിയിലെ മോർച്ചറിയിലാണ്.
