ഫിഷറീസ് വകുപ്പിന്റെ നേതൃത്വത്തില്‍ കല്‍പ്പറ്റ ബ്ലോക്ക് പഞ്ചായത്ത്തലത്തില്‍ മത്സ്യകര്‍ഷക ദിനാചരണവും കര്‍ഷക സംഗമവും സംഘടിപ്പിച്ചു. കല്‍പ്പറ്റ ബ്ലോക്ക് പഞ്ചായത്ത് പ്രസിഡന്റ് ചന്ദ്രിക കൃഷ്ണന്‍ ഉദ്ഘാടനം ചെയ്തു. പരിപാടിയില്‍ മത്സ്യ കൃഷിയില്‍ മികവ് തെളിയിച്ച പൊഴുതന സ്വദേശി കെ ഹാഷിഖ്, മുട്ടില്‍ സ്വദേശി ഷൗക്കത്തലി എന്നിവരെ ആദരിച്ചു. വികസനകാര്യ സ്റ്റാന്റിങ് കമ്മിറ്റി ചെയര്‍പേഴ്സണ്‍ ആയിഷാബി അധ്യക്ഷയായ പരിപാടിയില്‍ ബ്ലോക്ക് പഞ്ചായത്ത് അംഗങ്ങളായ ഉഷാകുമാരി, ഷിബു പോള്‍, നഗരസഭാ ഡിവിഷന്‍ കൗണ്‍സിലര്‍ പി അബ്ദുള്ള, തളിപ്പുഴ മത്സ്യഭവന്‍ ഫിഷറീസ് എക്സ്റ്റന്‍ഷന്‍ ഓഫിസര്‍ കെ. ഡോണ ജേക്കബ്, പ്രൊജക്റ്റ് കോ-ഓര്‍ഡിനേറ്റര്‍ അനു വി മത്തായി എന്നിവര്‍ സംസാരിച്ചു.
മാര്‍ക്കറ്റിങ് മാനേജര്‍ നിയമനം
മാനന്തവാടി ട്രൈബല്‍ പ്ലാന്റേഷന്‍ കോ-ഓപറേറ്റീവ് ലിമിറ്റഡിലേക്ക് കരാര്‍ അടിസ്ഥാനത്തില്‍ മാര്‍ക്കറ്റിങ് മാനേജര്‍ തസ്തികയില്‍ നിയമനം നടത്തുന്നു. എം.ബി.എ, ടീ/ മറ്റ് അനുബന്ധ പ്ലാന്റേഷന്‍ ഉത്പന്നങ്ങളുടെ മാര്‍ക്കറ്റിങ് മാനേജ്മെന്റില്‍ അഞ്ച് വര്‍ഷത്തെ പ്രവൃത്തി പരിചയവും കമ്പ്യൂട്ടര്‍
