വെളിച്ചെണ്ണയും തേങ്ങയും വിലയില്‍ ചിരിത്ര കുതിപ്പ് നടത്തുകയാണ്. ഒരു കിലോ വെളിച്ചെണ്ണയ്ക്ക് 430 രൂപ വരെയായി വര്‍ധിച്ചു. ഒരു കിലോ തേങ്ങയ്ക്ക് 80 മുതല്‍ 90 രൂപവരെയാണ് വില. വില ഉടനെങ്ങും കുറയാന്‍ സാധ്യതയില്ലെന്നാണ് വ്യാപാരികള്‍ പറയുന്നത്. ഓണത്തിന് മുന്‍പ് വെളിച്ചെണ്ണ വില 500 കടക്കുമെന്നാണ് പ്രതീക്ഷിക്കുന്നത്. തേങ്ങക്ക് വില കുതിച്ച്‌ കയറിയതോടെ ചില ഹോട്ടലുടമകള്‍ തേങ്ങ ചമ്മന്തി നിര്‍ത്തലാക്കി. അതേസമയം തേങ്ങയ്ക്ക് വില കൂടിയതോടെ തെങ്ങുകയറ്റ തൊഴിലാളികള്‍ പ്രതിഫലം വര്‍ധിപ്പിച്ചു. കൂട്ടിയത് ഒരു തെങ്ങിന് പത്തുരൂപവെച്ചാണ് വര്‍ധിപ്പിച്ചത്. ഒരു തെങ്ങിന് 70 മുതല്‍ 100 രൂപ വരെയാണ് ഈടാക്കുന്നത്. തേങ്ങയ്ക്ക് വില വര്‍ധിക്കുമ്പോഴും തങ്ങള്‍ വലിയ പ്രതിസന്ധിയെയാണ് നേരിടുന്നത് കേരളത്തിലെ നാളികേര കര്‍ഷകര്‍ പറയുന്നു. കൂടാതെ തെങ്ങ് കയറ്റക്കാര്‍ പണിക്കൂലി കൂട്ടിയതും തിരിച്ചടിയാണ്. ഇത് താങ്ങാനാവില്ലെന്നും കര്‍ഷകര്‍ പറയുന്നു. കാലാവസ്ഥാ വ്യതിയാനം, മഴയുടെ കുറവ് തുടങ്ങിയവ കാരണവും ഉല്പാദനക്ഷമതയില്‍ കുറവ് വന്നു. തെങ്ങുകള്‍ക്കുണ്ടാകുന്ന കീടങ്ങളും രോഗബാധയും കര്‍ഷകരെ വലയ്ക്കുന്നു. ഒരു തെങ്ങിന് 50-ഓളം തേങ്ങകള്‍ ലഭിച്ചിരുന്ന സ്ഥാനത്ത് സമീപ വര്‍ഷങ്ങളില്‍ ഉല്പാദനക്ഷമത 10 മുതൽ 15 തേങ്ങകളായി കുറയുന്നതായും കര്‍ഷകര്‍ പറയുന്നു. പത്തില്‍ താഴെ തേങ്ങ കിട്ടുന്ന സമയങ്ങളും ഉണ്ട്. ഇതുണ്ടാക്കുന്നത് വലിയ പ്രതിസന്ധിയാണെന്നും കര്‍ഷകര്‍ പറയുന്നു.
മഴ കഴിഞ്ഞെന്ന് കരുതണ്ട! ന്യൂനമർദ്ദ പാത്തി രൂപപ്പെട്ടു, കേരളത്തിൽ വീണ്ടും അതിശക്ത മഴ മുന്നറിയിപ്പ്; ഓറഞ്ച് അലർട്ടടക്കം പുറപ്പെടുവിച്ചു.
തിരുവനന്തപുരം: കേരളത്തിൽ അതിശക്ത മഴ തുടരുമെന്ന് കാലാവസ്ഥ പ്രവചനം. മഹാരാഷ്ട തീരം മുതൽ കർണാടക തീരം വരെ പുതിയ ന്യൂനമർദ്ദ പാത്തി സ്ഥിതിചെയ്യുന്ന സാഹചര്യത്തിൽ കേരളത്തിൽ അടുത്ത 5 ദിവസം കൂടി മഴയ്ക്ക് സാധ്യതയെന്നാണ്
