കുടുംബശ്രീ സ്‌നേഹഭവനം താക്കോൽദാനം നടത്തി

പനമരം ഗ്രാമപഞ്ചായത്ത് കുടുംബശ്രീ പ്രവർത്തനങ്ങളുടെ ഭാഗമായി പഞ്ചായത്തിൽ സ്നേഹ ഭവനം പദ്ധതിയിലൂടെയുള്ള വീടിന്റെ താക്കോൽദാനം എംഎൽഎ ഒ. ആർ. കേളു നിർവഹിച്ചു. പഞ്ചായത്ത്‌ പ്രസിഡന്റ്‌ ആസ്യ ടീച്ചർ അധ്യക്ഷത വഹിച്ച ചടങ്ങിൽ കുടുംബശ്രീ സംസ്ഥാന തല കലോത്സവത്തിൽ A ഗ്രേഡ് നേടിയവരെ ബ്ലോക്ക്‌ പഞ്ചായത്ത് പ്രസിഡന്റ് ഗിരിജാ കൃഷ്ണൻ ആദരിച്ചു. ജില്ലാതല ഫുട്ബോൾ മത്സരത്തിൽ ഒന്നാം സ്ഥാനം നേടിയവരെ പഞ്ചായത്ത് വൈസ് പ്രസിഡണ്ട് തോമസ് പാറക്കാലയിൽ ആദരിച്ചു. ചടങ്ങിൽ കുടുംബശ്രീ ജില്ലാ കോഡിനേറ്റർ പികെ ബാലസുബ്രഹ്മണ്യൻ മുഖ്യപ്രഭാഷണം നടത്തി. ജനപ്രതിനിധികൾ,കുടുംബശ്രീ ജില്ലാ വൈസ് കോർഡിനേറ്റർ എന്നിവർ ചടങ്ങിന് ആശംസകൾ അറിയിച്ചു. സെക്രട്ടറി നന്ദി പ്രകാശനം നടത്തി