സംസ്ഥാന വനിതാ കമ്മീഷനും പൊഴുതന ഗ്രാമപഞ്ചായത്തും സംയുക്തമായി ജാഗ്രതാ സമിതി അംഗങ്ങൾക്ക് പരിശീലനം സംഘടിപ്പിച്ചു. സ്ത്രീകൾക്കും കുട്ടികൾക്കുമെതിരെയുള്ള അതിക്രമങ്ങൾ തടയുന്നതിനായി ഗ്രാമപഞ്ചായത്ത്, വാർഡ് തലത്തിൽ പ്രവർത്തിക്കുന്ന സംവിധാനമാണ് ജാഗ്രത സമിതികൾ. സ്ത്രീകൾക്കും കുട്ടികൾക്കും സഹായകമാകുന്ന നിയമങ്ങൾ അടങ്ങിയ കൈപ്പുസ്തകം പൊതുബോധവത്കരണത്തിനായി തയ്യാറാക്കി വാർഡുതല ജാഗ്രത സമിതികൾക്ക് വിതരണം ചെയ്തിട്ടുണ്ട്. വനിതാ കമ്മീഷൻ റിസോഴ്സ് പേഴ്സൺ സുനിൽകുമാർ ക്ലാസ് എടുത്തു.
പരിശീലന പരിപാടി സംസ്ഥാന വനിതാ കമ്മീഷൻ അംഗം അഡ്വ. പി കുഞ്ഞായിഷ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡൻ്റ് അനസ് റോസ്ന സ്റ്റെഫി അധ്യക്ഷത വഹിച്ച പരിപാടിയിൽ വൈസ് പ്രസിഡന്റ് കെ.വി ബാബു, സ്ഥിരം സമിതി അധ്യക്ഷൻമാരായ ഷാഹിന ഷംസുദ്ദീൻ, സുധ അനിൽ, വാർഡ് അംഗങ്ങളായ സി. മമ്മി, തുഷാര സുരേഷ്, കെ ഗീത, ജുമൈലത്ത് ഷമീർ, പൊഴുതന മെഡിക്കൽ ഓഫീസർ വിജേഷ്, സി.ഡി.എസ് ചെയർപേഴ്സൺ നജ്മുന്നിസ, ഐ.സി.ഡി എസ് സൂപ്പർവൈസർ ഉഷ എന്നിവർ സംസാരിച്ചു. ആശാവർക്കർമാർ, അങ്കണവാടി വർക്കർമാർ, പ്രമോട്ടർമാർ,വാർഡ് കൺവീനർമാർ, കുടുംബശ്രീ അംഗങ്ങൾ എന്നിവർ പങ്കെടുത്തു.
മാര്‍ക്കറ്റിങ് മാനേജര്‍ നിയമനം
മാനന്തവാടി ട്രൈബല്‍ പ്ലാന്റേഷന്‍ കോ-ഓപറേറ്റീവ് ലിമിറ്റഡിലേക്ക് കരാര്‍ അടിസ്ഥാനത്തില്‍ മാര്‍ക്കറ്റിങ് മാനേജര്‍ തസ്തികയില്‍ നിയമനം നടത്തുന്നു. എം.ബി.എ, ടീ/ മറ്റ് അനുബന്ധ പ്ലാന്റേഷന്‍ ഉത്പന്നങ്ങളുടെ മാര്‍ക്കറ്റിങ് മാനേജ്മെന്റില്‍ അഞ്ച് വര്‍ഷത്തെ പ്രവൃത്തി പരിചയവും കമ്പ്യൂട്ടര്‍
