നോർത്ത് വയനാട് വന വികസന ഏജൻസിയുടെ ആഭിമുഖ്യത്തിൽ കുഞ്ഞോം വന സംരക്ഷണ സമിതിയിൽ തളിർ വായനശാല പ്രവർത്തനം ആരംഭിച്ചു. നോർത്ത് വയനാട് ഡിവിഷനിലെ രണ്ടാമത്തെ വായനശാലയാണ് ആരംഭിച്ചത്. ഗ്രാമീണ മേഖലയിലും, ആദിവാസി വിഭാഗങ്ങൾക്കിടയിലും വായനാശീലം വർധിപ്പിക്കുക , സാംസ്കാരിക പ്രവർത്തനങ്ങൾക്ക് നേതൃത്വം നൽകുക എന്ന ലക്ഷ്യത്തോടുകൂടി നോർത്ത് വയനാട് എഫ്.ഡി.എയും കുഞ്ഞോം എ.വി.എസ് എസും സംയുക്തമായാണ് വായനശാല പ്രവർത്തനം ആരംഭിച്ചിട്ടുള്ളത്. വായനശാലയ്ക്ക് ആവശ്യമായിട്ടുള്ള അഞ്ഞൂറ് പുസ്തകങ്ങൾ എറണാകുളം ആസ്ഥാനമായിട്ടുള്ള ‘പഞ്ചമി പുസ്തകശാല’ ആണ് സൗജന്യമായി നൽകിയത്. വായനശാലയുടെ ഉദ്ഘാടനം തൊണ്ടർനാട് ഗ്രാമപഞ്ചായത്ത് പ്രസിഡൻ്റ് പ്രമോദ് എസ്.എം നിർവ്വഹിച്ചു. വൈസ് പ്രസിഡൻ്റ് പ്രീതാരാമൻ അധ്യക്ഷത വഹിച്ച പരിപാടിയിൽ നോർത്ത് വയനാട് ഡി.എഫ്.ഒ സന്തോഷ് കുമാർ IFS മുഖ്യ പ്രഭാഷണം നടത്തി. പഞ്ചമി പുസ്തകശാലയ്ക്ക് വേണ്ടി യേശുദാസ് വരാപ്പുഴ , ലൈബ്രറിയുടെ പ്രവർത്തനം ഗ്രാമീണ മേഖലയിൽ പഞ്ചമി പുസ്തകശാല നടത്തി വരുന്ന പ്രവർത്തനത്തെ പറ്റി വിശദീകരിച്ചു. പ്രദേശവാസികളുടെ സഹായത്താൽ പുസ്തക സമാഹരണം നടത്തി കൂടുതൽ പുസ്തകങ്ങൾ വായനാലയ്ക്ക് ലഭ്യമാക്കാനുള്ള പ്രവർത്തനങ്ങൾ ആരംഭിക്കും എന്ന് ഡി.എഫ് ഒ. അഭിപ്രായപ്പെട്ടു. ഇത്തരത്തിൽ നോർത്ത് വയനാട് എഫ്.ഡി.എ യുടെ കീഴിൽ തളിർ വായനശാല എന്ന പേരിൽ അഞ്ചോളം വായനശാലകൾ ആരംഭിക്കുന്നതിനുള്ള പ്രവർത്തനങ്ങളാണ് നിലവിൽ നടന്നു വരുന്നത്. പ്രസ്തുത പരിപാടിയിയിൽ നോർത്ത് വയനാട് എഫ്.ഡി. എ കോർഡിനേറ്റർ കെ.വി. ആനന്ദൻ സ്വാഗതം ആശംസിച്ചു. തൊണ്ടർനാട് ഗ്രാമപഞ്ചായത്ത് മെമ്പർമാർ , കുഞ്ഞോം ഹയർ സെക്കൻഡറി സ്കൂൾ പി. ടി. എ പ്രസിഡൻ്റ്, കുഞ്ഞോം ഫോറസ്റ്റ് സ്റ്റേഷൻ സ്റ്റാഫ് എന്നിവർ ആശംസകൾ അറിയിച്ച പരിപാടിയിൽ ശ്രീ.ഡി. ഹരിലാൽ, പേര്യ റേഞ്ച് ഓഫീസർ നന്ദി അറിയിച്ചു. കുഞ്ഞോം ഡെപ്യൂട്ടി റേഞ്ച് ഫോറസ്റ്റ് ഓഫീസർ വർഗീസ് , കെ ടി മനോജ്, എസ്. എഫ് ഒ., കുഞ്ഞോം എ.വി.എസ് എസ് സെക്രട്ടറി വിവേക് പദ്മനാഭൻ , കുഞ്ഞോം വന സംരക്ഷണ സമിതി പ്രസിഡൻ്റ് അച്ചപ്പൻ , കുഞ്ഞോം തളിർവായനശാല പ്രസിഡൻ്റ് ബാലകൃഷ്ണൻ കാട്ടി മൂല എന്നിവർ പരിപാടിക്കാവശ്യമായ നേതൃത്വം നൽകി.
വൈദ്യുതി മുടങ്ങും
വെള്ളമുണ്ട ഇലക്ട്രിക്കൽ സെക്ഷനു കീഴിലുള്ള വാളേരി, പാറക്കടവ്, കുനിക്കരച്ചാൽ ട്രാൻസ്ഫോർമർ പരിധികളിൽ നാളെ (തിങ്കളാഴ്ച) രാവിലെ 8.30 മുതൽ വൈകുന്നേരം 5.30 വരെ വൈദ്യുതി വിതരണം ഭാഗികമായി തടസപ്പെടും Facebook Twitter WhatsApp
