പൊതുവിദ്യാഭ്യാസ വകുപ്പില്‍ തീര്‍പ്പാകാത്ത ഫയലുകള്‍ തീര്‍പ്പാക്കാന്‍ ഫയല്‍ അദാലത്ത് സംഘടിപ്പിക്കുന്നു. 2023 ഡിസംബര്‍ 31 വരെ തീര്‍പ്പാകാത്ത ഫയലുകളിലെ പരാതികള്‍ വിദ്യാഭ്യാസ ഡയറക്ടര്‍, ജില്ലാ വിദ്യാഭ്യാസ ഓഫീസര്‍, ഉപജില്ലാ വിദ്യാഭ്യാസ ഓഫീസര്‍മാര്‍ എന്നിവരുടെ കാര്യാലയത്തില്‍ നല്‍കണം. ജൂലൈ 27 വരെ പരാതികള്‍ സ്വീകരിക്കും. അധ്യാപക നിയമന അപ്പ്രൂവല്‍, പെന്‍ഷന്‍, വിജിലന്‍സ് കേസുകള്‍, ഭിന്നശേഷി സംവരണം, നിയമനാംഗീകാര അപ്പീല്‍, തസ്തിക നിര്‍ണയം, പ്രീ-പ്രൈമറി തുടങ്ങിയ വിവിധ വിഷയങ്ങളില്‍ പരാതികള്‍ നല്‍ക്കാമെന്ന് വിദ്യാഭ്യാസ ഉപഡയറക്ടര്‍ അറിയിച്ചു. ഫോണ്‍ : 04936202593
മാര്‍ക്കറ്റിങ് മാനേജര്‍ നിയമനം
മാനന്തവാടി ട്രൈബല്‍ പ്ലാന്റേഷന്‍ കോ-ഓപറേറ്റീവ് ലിമിറ്റഡിലേക്ക് കരാര്‍ അടിസ്ഥാനത്തില്‍ മാര്‍ക്കറ്റിങ് മാനേജര്‍ തസ്തികയില്‍ നിയമനം നടത്തുന്നു. എം.ബി.എ, ടീ/ മറ്റ് അനുബന്ധ പ്ലാന്റേഷന്‍ ഉത്പന്നങ്ങളുടെ മാര്‍ക്കറ്റിങ് മാനേജ്മെന്റില്‍ അഞ്ച് വര്‍ഷത്തെ പ്രവൃത്തി പരിചയവും കമ്പ്യൂട്ടര്‍
