കൽപ്പറ്റ:
ഇത്തവണത്തെ ഓണാവധി പത്ത് ദിവസം തികച്ച് കിട്ടാത്തതിൻ്റെ വിഷമത്തില് ആയിരുന്നു വിദ്യാർഥികള് എന്നാല് ആ വിഷമം മാറും മുമ്പേ ക്രിസ്മസ് അവധിയും ദാ ഇങ്ങെത്തി. എന്നാല് അവിടെയും നിരാശ തന്നെ, ഇത്തവണ ക്രിസ്മസ് അവധിയും പത്ത് ദിവസം കിട്ടില്ല പകരം ഒൻപത് ദിവസം മാത്രമാണ് ലഭിക്കുക. സംസ്ഥാനത്തെ പൊതു വിദ്യാലയങ്ങളില് ഇത്തവണ ഓണത്തിനും ഒൻപത് ദിവസം മാത്രമാണ് അവധി നല്കിയത്. പരീക്ഷകള് പൂർത്തിയാക്കി 21-നാണ് സംസ്ഥാനത്ത് ഇത്തവണ ക്രിസ്മസ് അവധി ആരംഭിക്കുന്നത്. അവധി കഴിഞ്ഞ് ഡിസംബർ 30-ന് സ്കൂളുകള് തുറക്കും. സംസ്ഥാനത്തെ സ്കൂളുകളിലെ ഈ അധ്യയന വർഷത്തെ ക്രിസ്മസ് പരീക്ഷയുടെ ടൈം ടേബിള് കഴിഞ്ഞ ദിവസം പ്രസിദ്ധീകരിച്ചിരുന്നു. എല്പി, യുപി, ഹൈസ്കൂള് വിഭാഗത്തിന് ഡിസംബർ 11 മുതല് 19 വരെയാണ് ക്രിസ്മസ് പരീക്ഷ നടക്കുന്നത്. പരീക്ഷകള് പൂർത്തിയാക്കി 21 നാണ് സംസ്ഥാനത്ത് ഇത്തവണ ക്രിസ്മസ് അവധി ആരംഭിക്കുന്നത്. മേല്പ്പറഞ്ഞ പരീക്ഷാ ദിവസങ്ങളില് സർക്കാർ ഏതെങ്കിലും സാഹചര്യത്തില് അവധി പ്രഖ്യാപിക്കുകയാണെങ്കില് അന്നേ ദിവസത്തെ പരീക്ഷ ഡിസംബർ 20-ന് നടത്താനാണ് വിദ്യാഭ്യാസ വകുപ്പ് നിർദേശം നല്കിയിരിക്കുന്നത്. സംസ്ഥാനത്തെ പൊതു വിദ്യാലയങ്ങളിലെ ക്രിസ്മസ് അവധി ദിനങ്ങള് ഏതെല്ലാമെന്ന് നേരത്തെതന്നെ വിദ്യാഭ്യാസ വകുപ്പ് തീരുമാനിച്ചിരുന്നു. പത്ത് ദിവസത്തെ അവധി പ്രതീക്ഷിച്ചിരുന്ന കുട്ടികള്ക്ക് ഇത്തവണയും തിരിച്ചടിയായി ഒൻപത് ദിവസം മാത്രമാണ് അവധി ലഭിച്ചിരിക്കുന്നത്. കഴിഞ്ഞ വർഷവും ഒൻപത് ദിവസമാണ് ക്രിസ്മസ് അവധി ലഭിച്ചത്. അതിന് മുന്നത്തെ വർഷങ്ങളില് കൃത്യമായി 10 ദിവസം ഓണം, ക്രിസ്മസ് അവധി ലഭിച്ചിരുന്നു. വിദ്യാഭ്യാസ കലണ്ടറിലെ മാറ്റങ്ങളാണ് സംസ്ഥാനത്തെ സ്കൂള് അവധിയെയും ബാധിക്കുന്നത്. കഴിഞ്ഞ വർഷം 210 അധ്യയനദിനം ഉള്പ്പെടുത്തിയുള്ള കലണ്ടർ അധ്യാപക സംഘടനകള് ശക്തമായി എതിർത്തിരുന്നു. എന്നാല് ഈ എതിർപ്പ് പരിഗണിച്ച് ഇക്കൊല്ലം അധ്യയനദിനം 205 ആക്കി കുറച്ചിരുന്നു. ഇതിനെതിരെയും അധ്യാപക സംഘടനകള് അതിർപ്പ് അറിയിച്ചിരുന്നു.
തൊഴിലധിഷ്ഠിത കോഴ്സുകളിലേക്ക് അപേക്ഷ ക്ഷണിച്ചു
മീനങ്ങാടി ഗവ. പോളിടെക്നിക് കോളജിലെ തുടര്വിദ്യാഭ്യാസ കേന്ദ്രത്തില് ഓഗസ്റ്റിൽ ആരംഭിക്കുന്ന തൊഴിലധിഷ്ഠിത ഹ്രസ്വകാല കോഴ്സുകളിലേക്ക് അപേക്ഷ ക്ഷണിച്ചു. റഫ്രിജറേഷന് ആന്റ് എയര് കണ്ടീഷനിങ്, ഇലക്ട്രിക്കല് വയറിങ് ആന്ഡ് സര്വ്വീസിങ് (വയര്മാന് ലൈസന്സിങ് കോഴ്സ്) കോഴ്സുകളിലേക്ക്
