കുപ്പാടിത്തറ: നിരവധി കാരുണ്യപ്രവര്‍ത്തനങ്ങളിലൂടെയും, കലാ കായിക രംഗങ്ങളിലൂടെയും പ്രഗത്ഭരായ കുപ്പാടിത്തറയിലെ യംഗ് സ്ട്രൈക്കേഴ് അണിയിച്ചൊരുക്കിയ കുപ്പാടിത്തറ പ്രീമിയര്‍ ലീഗ് സീസണ്‍ 2 ക്രിക്കറ്റ് ടൂര്‍ണ്ണമെന്റില്‍ യുണൈറ്റഡ് പാണ്ടങ്കോട് ചാമ്പ്യന്മാരായി. 2024 ഡിസംബര്‍ 14, 15 തിയ്യതികളിലായി പടിഞ്ഞാറത്തറ ഹൈസ്കൂള്‍ ഗ്രൗണ്ടില്‍ വെച്ച് നടന്ന ടൂര്‍ണ്ണമെന്റില്‍ ചലഞ്ചേഴ്സ് ചെന്നലോടിനെ പരാചയപ്പെടുത്തിയാണ് യുണൈറ്റഡ് പാണ്ടങ്കോട് ചാമ്പ്യന്മാരായത്. ഫൈനല്‍ മത്സരത്തില്‍ ജിബിന്‍ ജോര്‍ജ്ജ് കളിയിലെ താരമായി. ടൂര്‍ണ്ണമെന്റിലെ ഏറ്റവും വിലപ്പെട്ട കളിക്കാരനായി യുണൈറ്റഡ് പാണ്ടങ്കോടിന്റെ അഭി ഗ്ലെയ്സിനെ തെരെഞ്ഞെടുത്തു. റോക്കേഴ്സ് കുപ്പാടിയുടെ അഖില്‍ ചക്കുവിനെ ടൂര്‍ണ്ണമെന്റിലെ മികച്ച ബാറ്റ്സ്മാനായും, റോയല്‍ ക്ലബ്ബിലെ ബിനു എം.കെ മികച്ച ബോളറായും, അരുണ്‍ എമ്മിനെ മികച്ച ഫീല്‍ഡറായും തെരെഞ്ഞെടുത്തു. രണ്ട് ദിവസങ്ങളിലായി നടന്ന ടൂര്‍ണ്ണമെന്റില്‍ പന്ത്രണ്ട് ടീമുകള്‍ പങ്കെടുത്തു.
മാര്‍ക്കറ്റിങ് മാനേജര്‍ നിയമനം
മാനന്തവാടി ട്രൈബല്‍ പ്ലാന്റേഷന്‍ കോ-ഓപറേറ്റീവ് ലിമിറ്റഡിലേക്ക് കരാര്‍ അടിസ്ഥാനത്തില്‍ മാര്‍ക്കറ്റിങ് മാനേജര്‍ തസ്തികയില്‍ നിയമനം നടത്തുന്നു. എം.ബി.എ, ടീ/ മറ്റ് അനുബന്ധ പ്ലാന്റേഷന്‍ ഉത്പന്നങ്ങളുടെ മാര്‍ക്കറ്റിങ് മാനേജ്മെന്റില്‍ അഞ്ച് വര്‍ഷത്തെ പ്രവൃത്തി പരിചയവും കമ്പ്യൂട്ടര്‍
