ശ്രേയസ് സ്വാശ്രയ സംഘങ്ങളുടെ ഏരിയ മീറ്റിംഗും വാർഷികവും സംഘടിപ്പിച്ചു.

ശ്രേയസ് നെല്ലിമാളം യൂണിറ്റിലെ ദർശന, മഹിമ,ചൈതന്യ,ശ്രുതി സ്വാശ്രയ സംഘങ്ങളുടെ ഏരിയ മീറ്റിംഗും, വാർഷികവും, കുടുംബസംഗമവും ബത്തേരി മേഖല പ്രോഗ്രാം ഓഫീസർ പോൾ പി.എഫ്.ഉദ്ഘാടനം ചെയ്തു. യൂണിറ്റ് പ്രസിഡന്റ് ബീന ദേവസ്യ അധ്യക്ഷത വഹിച്ചു. സംഘങ്ങളുടെ വാർഷിക റിപ്പോർട്ടും കണക്കും അവതരിപ്പിച്ചു. മുതിർന്ന അംഗമായ ശാരദാമ്മയെ ഷാൾ അണിയിച്ച് ആദരിച്ചു.ക്രിസ്തുമസ് പുതുവത്സര ആഘോഷങ്ങളുടെ ഭാഗമായി കേക്ക് മുറിച്ച് ആശംസകൾ പങ്കുവെച്ചു. സി ഡി ഒ സെലീന സാബു, ജിഷ സുരേഷ് മിനി,ഷൈല എന്നിവർ സംസാരിച്ചു. വിവിധ കലാപരിപാടികളോടെ സമാപിച്ചു.