ന്യൂഡല്‍ഹി: രാജ്യത്ത് കൊവിഡ് കുതിച്ചുയര്‍ന്നു. രണ്ടു ലക്ഷത്തിലേക്ക് അടുക്കുകയാണ് രാജ്യത്ത് റിപ്പോര്‍ട്ട് ചെയ്യുന്ന പ്രതിദിന കേസുകള്‍. 24 മണിക്കൂറിനിടെ 1,84.372 പേര്‍ക്കാണ് കൊവിഡ് സ്ഥിരീകരിച്ചത്. ഇന്നലെ മാത്രം 1024 മരണവും റിപ്പോര്‍ട്ട് ചെയ്തു.
പല സംസ്ഥാനങ്ങളും കൊവിഡ് നിയന്ത്രണങ്ങള്‍ ശക്തമാക്കിയിരിക്കുകയാണ്. ഹരിയാനയില്‍ ഇന്ന് രാത്രി മുതല്‍ കര്‍ഫ്യൂ പ്രഖ്യാപിച്ചിട്ടുണ്ട്. മഹാരാഷ്ട്രയില്‍ നിരോധനാജ്ഞയാണ് പ്രഖ്യാപിച്ചിട്ടുള്ളത്.
1,38,73,825 ആണ് രാജ്യത്ത് ഇതുവരെ റിപ്പോര്‍ട്ട് ചെയ്ത ആകെ കൊവിഡ് കേസുകള്‍. 1,23,36,036 പേര്‍ രോഗമുക്തി നേടി. 13,65,704 പേര്‍ ആണ് നിലവില്‍ ചികിത്സയില്‍ കഴിയുന്നത്. 1,72,085 പേരാണ് വൈറസ് ബാധിച്ച് മരണത്തിന് കീഴടങ്ങിയത്. 11,11,79,578 ആണ് ആണ് വാക്‌സിനേഷന്‍.
