മുള്ളന്‍കൊല്ലി:പട്ടാണിക്കുപ്പ് സ്വദേശിയായ ഗുഡ്‌സ് ഓട്ടോറിക്ഷയില്‍ കപ്പ,ചോളം ഇവ വില്‍പ്പന നടത്തുന്ന യുവാവ് പുല്‍പ്പള്ളി ടൗണില്‍ വില്‍പ്പന നടത്തവെ വീണ് പരിക്കേറ്റതിനെ (6.9.120) തുടര്‍ന്ന് ജിജി കളരി സംഘം,സിഎച്ച്‌സി പുല്‍പ്പള്ളി,ബത്തേരി താലൂക്കാശുപത്രി,ഡിഎം വിംസ് എന്നീ ആശുപത്രികളില്‍ പോവുകയും അന്ന് തന്നെ രാത്രി 10 മണിയോടെ കല്‍പ്പറ്റ ജനറല്‍ ആശുപത്രിയില്‍ കിടത്തി ചികില്‍സക്കായി പ്രവേശിപ്പിക്കുകയും ചെയ്തു. അവിടെ വെച്ച് നടത്തിയ കോവിഡ് പരിശോധനാ ഫലം പോസിറ്റീവാണ്.ഇയാള്‍ പുല്‍പ്പള്ളി താഴെയങ്ങാടിയിലും,വണ്ടിയില്‍ സഞ്ചരിച്ച് ചെറ്റപ്പാലം, കാപ്പിസെറ്റ്,വണ്ടിക്കടവ്,പാറക്കടവ്,സിതാമൗണ്ട്,കൊളവള്ളി,പെരി കല്ലൂര്‍ ഭാഗങ്ങളിലുമാണ് കച്ചവടം നടത്തി വന്നിരുന്നത്.12 പേരെ പ്രാഥമിക സമ്പര്‍ക്കകരായി കണ്ടെത്തിയിട്ടുണ്ട്.രോഗി സമ്പര്‍ക്കമുള്ളവര്‍ എത്രയും പെട്ടെന്ന് തന്നെ വിവരം ആരോഗ്യ പ്രവര്‍ത്തകരെ അറിയിക്കുകയും,അവരുടെ നിദ്ദേശങ്ങള്‍ക്ക് അനുസരിച്ച് സ്വയംനിരീക്ഷണത്തിലോ,ക്വാറന്റൈനിലോ പോകേണ്ടതാണെന്ന് മുള്ളന്‍കൊല്ലി സിഎച്ച്‌സി മെഡിക്കല്‍ ഓഫീസര്‍ അറിയിച്ചു.
രക്തദാന ക്യാമ്പ് നടത്തി
മാനന്തവാടി : ടീം ജ്യോതിർഗമയയും ശതാവരി മകര ആയുർവേദ ആശുപത്രിയും ചേർന്ന് രക്തദാന ക്യാമ്പ് നടത്തി. മെഡിയ്ക്കൽ കോളജ് ബ്ലഡ് ബാങ്കിൽ നടന്ന ക്യാപ് ബ്ലോക്ക് പഞ്ചായത്ത് പ്രസിഡന്റ് ജസ്റ്റിൻ ബേബി ഉദ്ഘാടനം ചെയ്തു.
