പത്താം തരം തുല്യതാ പരീക്ഷയില്‍ ജില്ലയില്‍ 96.80 ശതമാനം വിജയം. മൂന്ന് സ്‌ക്കൂളുകളില്‍ പഠിച്ച മുഴുവന്‍ തുല്യത പഠിതാക്കളും എല്ലാ വിഷയങ്ങളിലും വിജയിച്ചു. സുല്‍ത്താന്‍ ബത്തേരി സര്‍വ്വജന സ്‌ക്കൂള്‍, മേപ്പാടി ജി.എച്ച്.എസ്.എസ്, അച്ചൂര്‍ ജി.എച്ച്.എസ്.എസ് സ്‌കൂളുകളില്‍ പഠിച്ചവരാണ് എല്ലാ വിഷയങ്ങള്‍ക്കും ഡി പ്ലസ് നേടിയത്. ആകെ ഒന്‍പത് വിഷയങ്ങളിലാണ് പരീക്ഷ നടന്നത്. 80 മാര്‍ക്ക് എഴുത്ത് പരീക്ഷക്കും 20 മാര്‍ക്ക് നിരന്തര മൂല്യനിര്‍ണയത്തിനുമാണ്്. വിജയികള്‍ക്ക് സാക്ഷരതാ മിഷന്റെ ഹയര്‍സെക്കണ്ടറി തുല്യതാ കോഴ്‌സില്‍ ചേരാം. ജില്ലയില്‍ നിന്ന് എസ്.ടി വിഭാഗത്തില്‍ 44 പേരാണ് പരീക്ഷ എഴുതി പാസായിരിക്കുന്നത്. വിജയികളെ ജില്ലാ പഞ്ചായത്ത് പ്രസിഡന്റ് സംഷാദ് മരക്കാര്‍ അഭിനന്ദിച്ചു.
സ്‌പോട്ട് അഡ്മിഷന്‍
കേരള മീഡിയ അക്കാദമിയുടെ കൊച്ചി കേന്ദ്രത്തില്‍ ജേണലിസം ആന്‍ഡ് കമ്മ്യൂണിക്കേഷന്‍, ടെലിവിഷന്‍ ആന്‍ഡ് ജേണലിസം, പി.ആര്‍ ആന്‍ഡ് അഡ്വവര്‍ടൈസിങ് പി.ജി ഡിപ്ലോമ കോഴ്‌സുകളില്‍ ഒഴിവുള്ള സീറ്റുകളിലേക്ക് ഇന്ന് (ജൂലൈ 1) രാവിലെ 10 ന്
