സിരകള്‍ക്ക് യഥാര്‍ഥ രൂപം നഷ്ടമായശേഷം വീര്‍ത്തും വളഞ്ഞുപുളഞ്ഞും കാണപ്പെടുന്ന അവസ്ഥയാണ് വെരിക്കോസ് വെയ്ന്‍. ഇതിനെ സിരാവീക്കം എന്നും അറിയപ്പെടുന്നു. കാലുകളിലാണ് സാധാരണയായി ഇവ കൂടുതലും കണ്ടുവരുന്നത്. ഗുരുത്വാകര്‍ഷണത്തിന് വിപരീതമായി പ്രവര്‍ത്തിച്ച്‌ കാലുകളിലെ രക്തം ഹൃദയത്തിലെത്തിക്കുന്നതിന് സിരകള്‍ക്കുള്ള ക്ഷമത കുറയുന്നതാണ് ഈ രോഗാവസ്ഥയിലേക്ക് നയിക്കുന്ന കാരണം.
വെരിക്കോസ് വെയ്നിന് തുടക്കത്തില്‍ ലക്ഷണങ്ങള്‍ പ്രകടമായ രീതിയില്‍ കാണണമെന്നില്ല. അതിനാല്‍ തന്നെ ലക്ഷണങ്ങള്‍ അവഗണിക്കുന്നത് രോഗാവസ്ഥയെ ഗുരുതരമാക്കുന്നു. ക്രമേണ ഈ ഭാഗത്ത് മുറിവുകള്‍ ഉണ്ടാകുന്നതിനും രക്തം പുറത്തേക്കൊഴുകുന്നതിനും കാരണമാകും.
