മീനങ്ങാടി : ആഗസ്റ്റ് 17 മുതല്‍ 23 വരെ തൊടുപുഴയില്‍ നടക്കുന്ന സംസ്ഥാന ചാമ്പ്യന്‍ ഷിപ്പില്‍ പങ്കെടുക്കുന്ന സബ് ജുനിയര്‍ ബോയ്‌സ് ഫുട്‌ബോള്‍ ടീം ജഴ്‌സി ജില്ലാ ഫുട്‌ബോള്‍ അസോസിയേഷന്‍ പ്രസിഡന്റ് കെ. റഫീഖ് പ്രകാശനം ചെയ്തു. മീനങ്ങാടി പഞ്ചായത്ത് സ്റ്റേഡിയത്തില്‍ നടന്ന ചടങ്ങില്‍ ഡി.എഫ്.എ സെക്രട്ടറി ബിനു തോമസ് സ്വാഗതം പറഞ്ഞു. ട്രഷറര്‍ ബൈജു കെ.എസ്, എക്‌സിക്യുട്ടീവ് അംഗങ്ങളായ സന്തോഷ് കെ.എസ്, പ്രവീണ്‍ പി.എസ് എന്നിവര്‍ ആശംസകളര്‍പ്പിച്ചു. രക്ഷിതാക്കളും, വിവിധ മെമ്പര്‍ ക്ലബ്ബ് പ്രതിനിധികളും സന്നിഹിതരായി.
ജില്ലാ സബ് ജൂനിയിര്‍ ഫുട്‌ബോള്‍ ടീം ക്യാപ്റ്റനായി അനന്തു സുരേഷിനെയും, വൈസ് ക്യാപ്റ്റനായി ഷോണ്‍ സജിയെയും തെരഞ്ഞടുത്തു. കെവിന്‍ എസ് ജോണി, അമന്‍ അബ്ദുള്ള, ജിബിന്‍, മുഹമ്മദ് ഷഹബിന്‍, മുഹമ്മദ് ഫസല്‍, വിനായക്, വസുദേവ്, നിഷാന്‍ ഫിറോസ് എം, അജ്‌നാസ് ടി, അലക്‌സ് ബിനു, അനൂജ് വി.എസ്, ശ്രീരൂപ് ശ്രീനി, റിന്‍ഷിന്‍, അദുന്‍ വി.എസ്, അമല്‍ മുരളി, നൈതന്‍ പോള്‍, തനവ് കൃഷ്ണ, അനന്തു വി.എസ് എന്നിവരാണ് മറ്റംഗങ്ങള്‍. മീനങ്ങാടി സ്വദേശി ബിനോയ് സി.പി മുഖ്യ പരിശീലകനും, മാനന്തവാടി സ്വദേശി ശരത്ത്‌ലാല്‍ സഹ പരിശീലകനുമാണ്. ആസിഫ് ബത്തേരിയാണ് മാനേജര്‍. ആഗസ്റ്റ് 17, 18 തിയ്യതികളിലായാണ് വയനാട് ടീമിന്റെ ഗ്രൂപ്പ് തല മത്സരങ്ങള്‍. തിരുവനന്തപുരം, എറണാകുളം, കണ്ണൂര്‍ എന്നിവരാണ് ഗ്രൂപ്പിലെ മറ്റ് ടീമുകള്‍.
ക്യാഷ് അവാര്‍ഡിന് അപേക്ഷിക്കാം
2024-2024 അധ്യായന വര്‍ഷത്തില്‍ കേരള സിലബസില്‍ എസ്.എസ്.എല്‍.സി, പ്ലസ് ടു പരീക്ഷകളില്‍ എല്ലാ വിഷയങ്ങളിലും എ1/എ+ ലഭിച്ചവര്‍, സി.ബി.എസ്.ഇ/ ഐ.സി.എസ്.സി സിലബസില്‍ 90 ശതമാനത്തില്‍ കൂടുതല്‍ മാര്‍ക്ക് നേടിയ വിമുക്തഭടന്മാരുടെ മക്കള്‍ക്ക് ഒറ്റത്തവണ ക്യാഷ്
