കല്‍പ്പറ്റ: കേരളത്തിലെ ഫിസിയോതെറാപ്പി ബിരുദധാരികളുടെ സംഘടനയായ കേരള അസോസിയേഷന്‍ ഫോര്‍ ഫിസിയോതെറാപ്പിസ്റ്റ്‌സ് കോര്‍ഡിനേഷന്‍ (കെ.എ.പി.സി) ലോക ഫിസിയോതെറാപ്പി ദിനാഘോഷങ്ങളുടെ ഭാഗമായി വായനാട് ജില്ലയില്‍ സൗജന്യ ഫിസിയോതെറാപ്പി ക്യാമ്പുകള്‍ ,സെമിനാറുകള്‍, അവബോധ ക്ലാസ്സുകള്‍,കലാകായിക മത്സരങ്ങള്‍ എന്നിവ സംഘടിപ്പിക്കും. ഇതിന്റെ ഭാഗമായിട്ടുള്ള പൊതുജന ബോധവത്കരണത്തിനായ് വാതരോഗങ്ങളില്‍ ഫിസിയോതെറാപ്പി എന്ന ലോക ഫിസിയോ തെറാപ്പി ദിന വിഷയത്തെ ആസ്പദമാക്കി തയ്യാറാക്കിയ പോസ്റ്ററുകളുടെ ജില്ലാ തല പ്രകാശനം കല്‍പ്പറ്റ നിയോജയക മണ്ഡലം എംഎല്‍എ അഡ്വ.ടി സിദ്ദീഖ് നിര്‍വഹിച്ചു.
കെ.എ.പി .സി വയനാട് ജില്ലാ സെക്രട്ടറി സനല്‍ രാജ്, ജില്ലാ വൈസ് പ്രസിഡന്റ് ജീന കുരിയന്‍ എന്നിവര്‍ക്ക് നല്‍കിയാണ് പ്രകാശനം നിര്‍വഹിച്ചത്. ഫിസിയോതെറാപ്പി ദിനാഘോഷത്തിന്റെ ഭാഗമായി സൗജന്യ ഫിസിയോതെറാപ്പി ക്യാമ്പ് ഇക്ഷാന ഫിസിയോതെറാപ്പി സെന്റര്‍ കോറോം വെച്ച് 17-9-23 (ഞായര്‍) നടത്തപ്പെടും
