എംപ്ലോയ്മെന്റ് എക്സ്ചേഞ്ചിന്റെ തൊഴില്‍ മാര്‍ഗ്ഗനിര്‍ദേശ പ്രവര്‍ത്തനങ്ങളുടെ ഭാഗമായി ഉദ്യോഗാര്‍ത്ഥികള്‍ക്കായി സൗജന്യ പി.എസ്.സി പരിശീലനം നടത്തും. ഒരു മാസത്തെ ക്രാഷ് കോച്ചിങ്ങാണ് നടത്തുന്നത്. എസ്.എസ്.എല്‍.സിയാണ് അടിസ്ഥാന യോഗ്യത. 18 നും 36 നും ഇടയില്‍ പ്രായമുള്ള വിവിധ തസ്തികകളിലേക്ക് പി.എസ്.സിയില്‍ അപേക്ഷിച്ചവര്‍ക്കും അപേക്ഷിക്കാന്‍ ഉദ്ദേശിക്കുന്നവര്‍ക്കും പങ്കെടുക്കാം. പട്ടിക വിഭാഗക്കാര്‍ക്കും പിന്നോക്കാര്‍ക്കും വയസ്സിളവുണ്ട്. ഉദ്യോഗാര്‍ത്ഥികള്‍ ഒക്ടോബര്‍ 30 നകം ജില്ലാ എംപ്ലോയ്മെന്റ് എക്സ്ചേഞ്ചില്‍ നേരിട്ട് അപേക്ഷ നല്‍കണം. ഫോണ്‍: 04936 202534.
ക്വട്ടേഷന്‍ ക്ഷണിച്ചു.
ജില്ലയിലെ വില്ലേജ് ഓഫീസുകളിലെ ഫീല്‍ഡ് പരിശോധനക്ക് ഒരു വര്‍ഷത്തേക്ക് വാഹനം വാടകയ്ക്ക് നല്‍കാന്‍ താത്പര്യമുള്ള ഉടമകളില്‍ നിന്ന് ക്വട്ടേഷന്‍ ക്ഷണിച്ചു. താത്പര്യമുള്ള വാഹന ഉടമകള്‍ ക്വട്ടേഷനുകള്‍ ഓഗസ്റ്റ് അഞ്ചിന് വൈകിട്ട് നാലിനകം കളക്ടറേറ്റില്‍ നല്‍കണം.
