അമ്പലവയൽ: ജീവാനന്ദം പദ്ധതി രൂപീകരിച്ച് ജീവനക്കാരുടെ ശമ്പളം പിടിക്കാൻ സർക്കാർ തുനിഞ്ഞാൽ കേരള എൻ.ജി.ഒ അസോസിയേഷൻ ശക്തമായ പ്രക്ഷോഭങ്ങൾക്ക് രൂപം നൽകുമെന്ന് കേരള എൻ.ജി.ഒ അസോസിയേഷൻ സംസ്ഥാന സെക്രട്ടറി രഞ്ജു.കെ.മാത്യു പറഞ്ഞു. കഴിഞ്ഞ എട്ട് വർഷമായി ജീവനക്കാരുടെ എല്ലാ ആനുകൂല്യങ്ങളും കവർന്നെടുത്ത് കൊണ്ടിരിക്കുകയാണ്, ഇനിയും ആനുകൂല്യ നിഷേധങ്ങൾ തുടരുന്നത് അനുവദിക്കുവാൻ സാധിക്കുകയില്ല, ശക്തമായ പ്രക്ഷോഭങ്ങളിലൂടെ നഷ്ടപ്പെട്ട ആനുകൂല്യങ്ങൾ നേടിയെടുക്കുവാൻ സംഘടന ജീവനക്കാരോടെപ്പം അടിയുറച്ച് ഉണ്ടാകുമെന്നും മീനങ്ങാടി ബ്രാഞ്ച് സമ്മേളനം ഉദ്ഘാടനം ചെയ്തു കൊണ്ട് പറഞ്ഞു. ജയിംസ് സെബാസ്റ്റ്യൻ അധ്യക്ഷത വഹിച്ചു.
ജില്ലാ പ്രസിഡണ്ട് മോബിഷ് പി. തോമസ് മുഖ്യ പ്രഭാഷണം നടത്തി. പി.ജെ. ഷൈജു, ഹനീഫ ചിറക്കൽ, കെ.ടി. ഷാജി, എൻ.ജെ.ഷിബു, സജി ജോൺ, ആർ.രാംപ്രമോദ്, കെ.ജി. പ്രശോഭ്, കെ.വി.ബിന്ദുലേഖ, ഗ്രഹൻ പി. തോമസ്, സി.ജി. ഷിബു, എം.ജി. അനിൽകുമാർ, ലൈജു ചാക്കോ, എൻ.വി. അഗസ്റ്റിൻ തുടങ്ങിയവർ പ്രസംഗിച്ചു.
പുതിയ ഭാരവാഹികൾ
പ്രസിഡണ്ട്: കെ.വി.ബിന്ദുലേഖ
സെക്രട്ടറി : ഗ്രഹൻ പി. തോമസ്
ട്രഷറർ : ജയിംസ് സെബാസ്റ്റ്യൻ
