സ്വാതന്ത്ര്യ ദിനാഘോഷത്തോടനുബന്ധിച്ച് ഓഗസ്റ്റ് 15 ന് രാവിലെ ഒന്പതിന് കല്പ്പറ്റ എസ്.കെ.എം.ജെ ഹയര്സെക്കന്ഡറി സ്കൂള് ഗ്രൗണ്ടില് പട്ടികവര്ഗ്ഗ-പട്ടികജാതി-പിന്നാക്ക ക്ഷേമ വകുപ്പ് മന്ത്രി ഒ.ആര് കേളു പതാക ഉയര്ത്തി സല്യൂട്ട് സ്വീകരിക്കും. പോലീസ്, എക്സൈസ്, ഫയര്ഫോഴ്സ് വിഭാഗങ്ങളില് നിന്നും അഞ്ച് പ്ലാറ്റൂണുകള് പങ്കെടുക്കും. പരിപാടിയില് എം.എല്.എമാര് ,ജില്ലാ പഞ്ചായത്ത് പ്രസിഡന്റ്, ജില്ലാ പോലീസ് മേധാവി എന്നിവര് പങ്കെടുക്കും. മുണ്ടക്കൈ-ചൂരല്മല ഉരുള്പൊട്ടലിന്റെ പശ്ചാത്തലത്തില് ആഘോഷ പരിപാടികള്, പരേഡ് എന്നിവ പൂര്ണ്ണമായും ഒഴിവാക്കിയതായി കളക്ടറേറ്റ് മിനി കോണ്ഫറന്സ് ഹാളില് നടന്ന ആലോചനാ യോഗത്തില് ജില്ലാ കളക്ടര് ഡി.ആര് മേഘശ്രീ അറിയിച്ചു. എ.ഡി.എം കെ ദേവകി, അഡീഷണല് എസ്.പി വിനോദ് പിള്ള, ഉദ്യോഗസ്ഥര് എന്നിവര് പങ്കെടുത്തു.

ഉച്ചയൂണിന് ശേഷം മധുരം കഴിക്കാൻ തോന്നാറുണ്ടോ?; കുടലിന്റെ ആരോഗ്യക്കുറവ് കാരണമാകാം
ആരോഗ്യകരമായ ശരീരത്തിനും ദഹനത്തിനുമെല്ലാം ആരോഗ്യകരമായ കുടൽ ഏറെ പ്രധാനമാണ്. ആന്തരിക അവയവങ്ങളുടെ പ്രവർത്തനം സുഖകരമായി നടത്തുന്നതിൽ കുടലാരോഗ്യത്തിന് പ്രധാന റോളുണ്ട്. കുടലിന്റെ ആരോഗ്യത്തിന് നമ്മളുടെ ഇമ്മ്യൂണിറ്റിയെയും, എന്തിന് നമ്മുടെ മൂഡിനെയും വരെ സ്വാധീനിക്കാൻ സാധിക്കും.