തിരുവനന്തപുരം:
ഗതാഗത വകുപ്പ് ഒരുക്കുന്ന പുത്തൻ മൊബൈല്‍ ആപ്പ് വഴി ഡ്രൈവിംഗ് പഠനം ഇനി കൂടുതല്‍ എളുപ്പമാകും. ഡ്രൈവിംഗ് പരീക്ഷയ്ക്കുള്ള തയ്യാറെടുപ്പ് സുഗമമാക്കുന്ന പുതിയ മൊബൈല്‍ ആപ്പ് ഗതാഗത വകുപ്പ് ഉടൻ പുറത്തിറക്കുമെന്ന് മന്ത്രി കെ.ബി ഗണേഷ് കുമാർ അറിയിച്ചു. ഡ്രൈവിംഗ് സംബന്ധിച്ച എല്ലാ നിയമങ്ങളും വിശദമായി പഠിപ്പിക്കുന്ന വീഡിയോകള്‍ മലയാളം, ഹിന്ദി, ഇംഗ്ലീഷ്, തമിഴ്, കന്നഡ ഭാഷകളില്‍ ലഭ്യമാകും. ഇതോടെ മറ്റു സംസ്ഥാനങ്ങളില്‍ നിന്നുള്ളവർക്കും ഈ ആപ്പ് ഉപയോഗിക്കാം. ആപ്പിലെ വിവിധ ലെവലുകള്‍ പൂർത്തിയാക്കിയ ശേഷം വിജയകരമായി പരീക്ഷ പാസാകുന്നവർക്ക് ട്രാൻസ്‌പോർട്ട് കമ്മീഷണറില്‍ നിന്ന് സർട്ടിഫിക്കറ്റ് ലഭിക്കും. ഡ്രൈവിംഗ് പരിശീലനത്തിനൊപ്പം മോക്ക് ടെസ്റ്റുകളും ആപ്പില്‍ ഉള്‍പ്പെടുത്തിയിട്ടുണ്ട്. ഇത് പരീക്ഷയ്ക്കുള്ള തയ്യാറെടുപ്പ് കൂടുതല്‍ ഫലപ്രദമാക്കും. ഗതാഗത വകുപ്പിന്റെ എല്ലാ സേവനങ്ങളും ഒരു കുടക്കീഴില്‍ ലഭ്യമാക്കുന്ന മറ്റൊരു മൊബൈല്‍ ആപ്പും ഉടൻ പുറത്തിറക്കാനൊരുങ്ങുകയാണ് സർക്കാർ. റോഡ് സേഫ്റ്റി, കെഎസ്‌ആർടിസി റിസർവേഷൻ തുടങ്ങിയ സേവനങ്ങള്‍ ഈ ആപ്പില്‍ ലഭ്യമാകും. ഈ പുതിയ ആപ്പുകള്‍ വഴി ഗതാഗത വകുപ്പിന്റെ സേവനങ്ങള്‍ കൂടുതല്‍ ജനകീയമാക്കുകയും, പൊതുജനങ്ങള്‍ക്ക് സുരക്ഷിതമായ ഡ്രൈവിംഗ് അനുഭവം നല്‍കുകയുമാണ് സർക്കാരിന്റെ ലക്ഷ്യം.
ഉച്ചയൂണിന് ശേഷം മധുരം കഴിക്കാൻ തോന്നാറുണ്ടോ?; കുടലിന്റെ ആരോഗ്യക്കുറവ് കാരണമാകാം
ആരോഗ്യകരമായ ശരീരത്തിനും ദഹനത്തിനുമെല്ലാം ആരോഗ്യകരമായ കുടൽ ഏറെ പ്രധാനമാണ്. ആന്തരിക അവയവങ്ങളുടെ പ്രവർത്തനം സുഖകരമായി നടത്തുന്നതിൽ കുടലാരോഗ്യത്തിന് പ്രധാന റോളുണ്ട്. കുടലിന്റെ ആരോഗ്യത്തിന് നമ്മളുടെ ഇമ്മ്യൂണിറ്റിയെയും, എന്തിന് നമ്മുടെ മൂഡിനെയും വരെ സ്വാധീനിക്കാൻ സാധിക്കും.
