തിരുവനന്തപുരം:
ഉപയോഗിക്കുന്ന വൈദ്യുതിയുടെ തുക അവസാന തീയതിക്ക് മുമ്പ് അടയ്ക്കാനുള്ള ചുമതല ഉപഭോക്താവിനുണ്ടെങ്കിലും വൈദ്യുതി വിഛേദിക്കുന്നതടക്കമുള്ള നടപടി സ്വീകരിക്കുമ്പോള്‍ നടപടി ക്രമങ്ങള്‍ പാലിക്കണമെന്ന് മനുഷ്യാവകാശ കമ്മീഷൻ. ഉപഭോക്താവ് ബില്‍ തുക യഥാസമയം അടച്ചില്ലെങ്കില്‍ നടപടിയെടുക്കാൻ ബോർഡ് ഉദ്യോഗസ്ഥർക്ക് ചുമതലയുണ്ടെന്നും ഉത്തരവില്‍ പറയുന്നു. തന്നില്‍ അർപ്പിതമായ ചുമതല നിർവഹിക്കുന്ന ഉദ്യോഗസ്ഥനെ കൈയേറ്റം ചെയ്യുന്നത് ക്രിമിനല്‍ കുറ്റത്തിന്‍റെ പരിധിയില്‍ വരുന്ന കാര്യമാണ്. അതേസമയം, ഉപഭോക്താക്കളോട് ബോർഡ് ജീവനക്കാർ മാനുഷിക പരിഗണന കാണിക്കണം. നിയമാനുസൃതം നടപടിയെടുക്കുന്ന ബോർഡ് ജീവനക്കാരെ ഉപഭോക്താക്കള്‍ ശത്രുക്കളായി കാണരുതെന്നും കമ്മീഷൻ പറഞ്ഞു. വൈദ്യുതി കണക്ഷൻ വിഛേദിച്ചതുമായി ബന്ധപ്പെട്ട് സമർപ്പിച്ച വിവിധ ഹർജികള്‍ തീർപ്പാക്കി കൊണ്ടാണ് മനുഷ്യാവകാശ കമ്മീഷന്റെ ഉത്തരവ്.
ചേകാടി സ്കൂളിൽ കാട്ടാനക്കുട്ടി
പുൽപള്ളി: ചേകാടി ഗവ. എൽപി സ്കൂളിൽ എത്തിയ കാട്ടാനക്കുട്ടി കൗതുകമായി. സ്കൂൾ വരാന്തയിലും പരിസരത്തും ഓടി നടന്ന കാട്ടാനക്കുട്ടിയെ വനം വകുപ്പ് ഉദ്യോഗസ്ഥർ എത്തി കൊണ്ടുപോയി.
