പാൻ ഇന്ത്യൻ ലെവലില്‍ വരെ അറിയപ്പെടുന്ന മലയാള താരങ്ങളില്‍ ഒരാളാണ് ദുല്‍ഖർ സല്‍മാൻ. മലയാളം, തെലുങ്ക്, തമിഴ്, ഹിന്ദി ഇൻഡസ്ട്രിയില്‍ നിറഞ്ഞുനില്‍ക്കുന്ന ദുല്‍ഖറിന് രാജ്യമെമ്ബാടും ആരാധകരുണ്ട്. കഴിഞ്ഞ കുറച്ചു വർഷങ്ങളായി തെലുങ്ക് ഇൻഡസ്ട്രിയിലാണ് ദുല്‍ഖർ കൂടുതലും ഫോക്കസ് ചെയ്യുന്നത്. കഴിഞ്ഞ വർഷം ഇറങ്ങിയ ദുല്‍ഖറിന്റെ തെലുങ്ക് ചിത്രം ലക്കി ഭാസ്കറും ബോക്സ് ഓഫീസില്‍ ഹിറ്റടിച്ചിരുന്നു.
മലയാള സിനിമയിലെ ഏറ്റവും സമ്ബന്നരായ നടന്മാരില്‍ ഒരാള്‍ കൂടിയാണ് ദുല്‍ഖർ സല്‍മാൻ. അഭിനയത്തില്‍ നിന്നുള്ള പ്രതിഫലം മാത്രമല്ല, പരസ്യങ്ങളിലൂടെയും പ്രതിവർഷം വലിയൊരു തുക ദുല്‍ഖർ സമ്ബാദിക്കുന്നുണ്ട്. അഭിനയത്തിനൊപ്പം തന്നെ നിർമാണരംഗത്തും ദുല്‍ഖർ ചുവടുറപ്പിച്ചു കഴിഞ്ഞു. വെഫെയര്‍ ഫിലിംസ് എന്ന പേരില്‍ ഒരു നിർമാണകമ്ബനിയും ദുല്‍ഖറിനുണ്ട്. ഇവ കൂടാതെ, റിയല്‍ എസ്റ്റേറ്റ് പ്രോപ്പർട്ടികളിലും ദുല്‍ഖർ നിക്ഷേപം നടത്തിയിട്ടുണ്ട്.
മമ്മൂട്ടിയെ പോലെ തന്നെ വാഹനങ്ങളോടു വലിയ ഭ്രമമുള്ള വ്യക്തിയാണ് ദുല്‍ഖർ സല്‍മാനും. ആരും കൊതിക്കുന്ന നിരവധി വാഹനങ്ങളും ദുല്‍ഖറിന്റെ വാഹന ശേഖരത്തിലുണ്ട്. അതില്‍ തന്നെ, വിന്റേജ് കാറുകളുടെ പ്രത്യേക കളക്ഷനുമുണ്ട്. മുൻപ്, ടോപ്പ് ഗിയർ ഇന്ത്യയുടെ അഭിമുഖത്തില്‍, എത്ര കാറുകളുണ്ട് സ്വകാര്യ ശേഖരത്തില്‍ എന്ന ചോദ്യത്തിന് ‘ഇത് എന്നെ കുഴപ്പത്തിലാക്കിയേക്കാം. എന്റെ കയ്യില്‍ ധാരാളം യൂസ്ഡ് കാറുകള്‍ ഉണ്ട്, ഞാൻ കാറുകള്‍ റീസ്റ്റോർ ചെയ്യുന്നു,’ എന്നായിരുന്നു ദുല്‍ഖറിന്റെ മറുപടി.
കേരളത്തിലും ദുബായിലുമായി റിയല്‍ എസ്റ്റേറ്റിലും ദുല്‍ഖർ സല്‍മാന് വലിയ നിക്ഷേപങ്ങളുണ്ട്. ഫിനാൻഷ്യല്‍ എക്സ്‌പ്രസിന്റെ റിപ്പോർട്ട് അനുസരിച്ച്‌, ദുബായില്‍ ഏകദേശം 1.6 മില്യണ്‍ യുഎസ് ഡോളർ (14 കോടി രൂപ) വിലമതിക്കുന്ന ഒരു ആഡംബര പെന്റ്ഹൗസ് ദുല്‍ഖറിന് സ്വന്തമായുണ്ട്. കൊച്ചി പനമ്ബള്ളി നഗറില്‍ മമ്മൂട്ടി സ്വന്തമാക്കിയ ആഢംബര വീട് കൂടാതെ, എറണാകുളം ഇളംകുളത്തും ദുല്‍ഖറിന് വീടുണ്ട്.ദുല്‍ഖർ സല്‍മാന്റെ ആസ്തി 7 മില്യണ്‍ യുഎസ് ഡോളർ (ഏകദേശം 60 കോടി രൂപ) ആണെന്നാണ് ലൈഫ്‌സ്റ്റൈല്‍ ഏഷ്യയുടെ 2023ലെ റിപ്പോർട്ടില്‍ പറയുന്നത്. സിനിമകള്‍ക്ക് പ്രതിഫലമായി 8 കോടി മുതല്‍ 10 കോടി വരെയാണ് ദുല്‍ഖർ ഈടാക്കുന്നത് എന്നും റിപ്പോർട്ടുകളുണ്ട്.
