മേപ്പാടി: ഉരുള്‍ ദുരന്തത്തില്‍ സര്‍വ്വവും നഷ്ടപ്പെട്ട മുണ്ടക്കെ പ്രദേശത്തെ ആളുകളുടെ ഒത്തുചേരലും പ്രാര്‍ഥന സദസും സംഘടിപ്പിച്ച് മുണ്ടക്കൈ മഹല്ല് കമ്മിറ്റി. ജില്ലയുടെ വിവിധ ഭാഗങ്ങളില്‍ താമസിക്കുന്ന മഹല്ലിന് കീഴിലെ 193 കുടുംബങ്ങളും ചൂരല്‍മലയിലെ നിരവധി കുടുംബങ്ങളും സംഗമത്തില്‍ പങ്കെടുത്തു. സമസ്ത പ്രസിഡന്റ് സയ്യിദ് ജിഫ്രി മുത്തുക്കോയ തങ്ങള്‍ ചടങ്ങ് ഉദ്ഘാടനം ചെയ്തു. മരണപ്പെട്ടവര്‍ക്കായുള്ള പ്രാര്‍ഥനക്കും തങ്ങള്‍ നേതൃത്വം നല്‍കി. സമസ്ത ജില്ലാ പ്രസിഡന്റ് കെ.ടി ഹംസ മുസ് ലിയാര്‍ ആമുഖപ്രഭാഷണം നിര്‍വഹിച്ചു. മഹല്ല് പ്രസിഡന്റ് പി.കെ അഷ്‌റഫ് അധ്യക്ഷനായി. സമാപന പ്രാര്‍ഥനക്ക് ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് സയ്യിദ് കെ.വി.എസ് ഇമ്പിച്ചിക്കോയ തങ്ങള്‍ നേതൃത്വം നല്‍കി. അഡ്വ. ടി. സിദ്ദിഖ് എം.എല്‍.എ, സമസ്ത ജില്ലാ ജനറല്‍ സെക്രട്ടറി എസ്. മുഹമ്മദ് ദാരിമി, ഇബ്രാഹിം ഫൈസി പേരാല്‍, സി.പി ഹാരിസ് ബാഖവി, കെ.എ നാസര്‍ മൗലവി, സൈനുല്‍ ആബിദീന്‍ ദാരിമി, ഷംസുദ്ദീന്‍ റഹ്മാനി, അഫ്‌സല്‍ ഫൈസി, സി.എച്ച് സുലൈമാന്‍, കെ സെയ്ത് സംസാരിച്ചു. മഹല്ല് സെക്രട്ടറി കെ. അബ്ദുല്‍ കലാം സ്വാഗതവും ട്രഷറര്‍ എം. ജമാല്‍ നന്ദിയും പറഞ്ഞു.
12 വയസുകാരിക്ക് വയറുവേദന, പരിശോധിച്ചപ്പോൾ ഗർഭിണി; ഡിഎൻഎ ഫലം വന്നു, താമരശ്ശേരിയിൽ അയൽവാസിയായ 62 കാരൻ അറസ്റ്റിൽ
താമരശ്ശേരി: കോഴിക്കോട് താമരശ്ശേരിയില്‍ 12 വയസുകാരിയെ പീഡിപ്പിച്ച് ഗര്‍ഭിണിയാക്കിയ കേസില്‍ പ്രതി പിടിയിൽ. കുട്ടിയുടെ അയല്‍വാസിയായ 62കാരനെയാണ് പൊലീസ് അറസ്റ്റ് ചെയ്തത്. രണ്ട് മാസം മുമ്പ് വയറു വേദനയെത്തുടര്‍ന്ന് പെണ്‍കുട്ടിയെ ആശുപത്രിയില്‍ പ്രവേശിപ്പിച്ചപ്പോളാണ് ഗര്‍ഭിണിയാണെന്ന
