പ്രമേഹ രോഗികൾക്ക് ആശ്വാസമായി പുതിയ പഠനങ്ങൾ. പല ഭക്ഷണ പദാർത്ഥങ്ങളിലേയും പഞ്ചസാരയുടെ അളവിനെ കുറിച്ച് ജനങ്ങൾ എന്നും ആശങ്കാകുലരാണ്. പ്രത്യേകിച്ചും പഴങ്ങളുടെ കാര്യത്തിൽ. എന്നാൽ ഈ വിഷയത്തിൽ തീർത്തും സന്തോഷപ്രദമായ ഒരു വാർത്തയാണ് ഇപ്പോൾ പുറത്തു വന്നിരിക്കുന്നത്.
ഉണക്കിയ പഴങ്ങൾ കഴിക്കുന്നതിലൂടെ ശരീരത്തിലെ പ്രമേഹത്തിന്റെ അളവ് വലിയ തോതിൽ ഉയരില്ലായെന്നാണ് പുതിയ പഠന റിപ്പോർട്ട്. നുട്രീഷൻ ആൻഡ് ഡയബറ്റീസ് എന്ന ജേണലിലാണ് പഠനം പ്രസിദ്ധീകരിച്ചിട്ടുള്ളത്. ഉണക്കമുന്തിയിരി, ഉണക്കിയ ആപ്രിക്കോട്ട്, വെള്ളമുന്തിരി (സുൽത്താന), ഈത്തപ്പഴം എന്നിവ ഇനി കുറച്ചു സമാധാനത്തോടെ പ്രമേഹ രോഗികൾക്ക് കഴിക്കാം. വെള്ള ബ്രഡിലെ അന്നജത്തിലെ പഞ്ചസാരയുടെ അളവിനേക്കാൾ ചെറുതാണ് ഉണക്കിയ പഴങ്ങളിലെ പ്രമേഹളവ് എന്നതാണ് ആരോഗ്യ രംഗത്തെ വിദഗ്ദർ നടത്തിയ പഠനത്തിൽ വ്യക്തമായത്.
