മാനന്തവാടി: പാചക വാതക വില വര്‍ദ്ധനവിനെതിരെ മഹിളാ കോണ്‍ഗ്രസ് മാനന്തവാടി നിയോജക മണ്ഡലം കമ്മിറ്റി മാനന്തവാടി പോസ്റ്റ് ഓഫീസിന് മുന്നില്‍ ഗ്യാസ് സിലണ്ടറില്‍ റീത്ത് വെച്ച് പ്രതിഷേധിച്ചു.
നിത്യോപയോഗ സാധനങ്ങള്‍ക്ക് വില വര്‍ദ്ധിച്ച് ജനങ്ങള്‍ വറുതിയിലേക്ക് പോകുന്ന സാഹചര്യത്തിലാണ് കേന്ദ്ര സര്‍ക്കാര്‍ പാചക വാതക വില വര്‍ദ്ധിപ്പിച്ച് അടുക്കളയില്‍ ഇരുട്ട് സൃഷ്ടിച്ചിരിക്കുന്നതെന്ന് മഹിളാ കോണ്‍ഗ്രസ് കുറ്റപ്പെടുത്തി.
ഇത്രയും കാലും ഘട്ട ഘട്ടമായി പാചകവാതകത്തിന് വില വര്‍ദ്ധിപ്പിച്ച് സിലണ്ടര്‍ ഒന്നിന് 1125 രൂപയിലെത്തിയിരിക്കുകയാണ്. കഴിഞ്ഞ യു.പി.എ സര്‍ക്കാരിന്റെ കാലത്ത് ഗ്യാസിന് നല്‍കി വന്നിരുന്ന സബ്‌സിഡി നിര്‍ത്തിയിട്ട് വര്‍ഷങ്ങളായിട്ടും അത് ജനങ്ങള്‍ക്ക് പുന:സ്ഥാപിച്ച് നല്‍കാന്‍ കേന്ദ്രം ഭരിക്കുന്ന ബി.ജെ.പി സര്‍ക്കാര്‍ തയ്യാറായിട്ടില്ല. നിത്യ വേതന തുക ദൈന ദിന ചിലവിലേക്ക് പോലും തികയാത്ത അവസ്ഥയിലാണ് വീണ്ടും പാചക വാതക വില വര്‍ദ്ധിപ്പിച്ചത്. മഹിളാ കോണ്‍ഗ്രസ് വയനാട് ജില്ലാ കമ്മിറ്റി പ്രസിഡണ്ട് ചിന്നമ്മ ജോസ് പ്രതിഷേധ സമരം ഉദ്ഘാടനം ചെയ്തു. ആശ ഐപ്പ് അധ്യക്ഷത വഹിച്ചു.
ലേഖാ രാജീവന്‍, എ.എം.ശാന്ത കുമാരി, റീത്താ സ്റ്റാന്‍ലി, ഉഷാ വിജയന്‍, ഗ്രേയ്‌സി ജോര്‍ജ്ജ്, ഗിരിജാ സുധാകരന്‍, ലൈല സജി, സിനി കെ, സ്വപ്ന ബിനോയി, സാല്‍വി ജോസ്, എല്‍സി ജോര്‍ജ്ജ് എന്നിവര്‍ സംസാരിച്ചു.
