പനവല്ലിയിൽ വീണ്ടും കടുവയുടെ ആക്രമണം

പനവല്ലി തെങ്ങും മൂട്ടിൽ സന്തോഷിന്റെ വീട്ടിലാണ് ഇന്ന് വെളുപ്പിന് 4.30 ന് കടുവ കിടാവിനെ പിടിച്ചത്. അതേസമയം വീട്ടുടമ സന്തോഷ്‌ ആലയിൽ മറ്റ് പശുകൾക്കൊപ്പം ഉണ്ടായിരുന്നു. കടുവയെ കണ്ട് ഒച്ചവെച്ചതിനു ശേഷമാണു കിടാവിനെ പിടിവിട്ട് കടുവ പോകുന്നത്.ഒരു മാസം മുൻപ് പനവല്ലിയിൽ 3 പശുക്കളെ കടുവ പിടിച്ചിരുന്നു. കൂടു വെച്ച് പിടിച്ച കടുവയെ തൊട്ടടുത്തു വനത്തിൽ കൊണ്ടുപോയി വിട്ടത് വലിയ പ്രതിഷേധത്തിന് വഴിവെച്ചിരുന്നു.