അടുത്തിടെയായിരുന്നു ജയറാമിന്റെയും പാർവതിയുടെയും മകള്‍ മാളവിക ജയറാമും നവനീത് ഗിരീഷും തമ്മിലുള്ള വിവാഹം. ഗുരുവായൂർ ക്ഷേത്രത്തില്‍ വച്ച്‌ നടന്ന വിവാഹത്തെ തുടർന്ന് തൃശൂരും കൊച്ചിയിലും പാലക്കാടുമെല്ലാം വിവാഹ സത്കാരങ്ങളും സംഘടിപ്പിച്ചിരുന്നു. വിവാഹത്തിന്റെ തലേദിവസം നടന്ന പ്രീ വെഡ്ഡിംഗ് പാർട്ടിയില്‍ നിന്നുള്ള രസകരമായൊരു വീഡിയോ ആണ് ഇപ്പോള്‍ വൈറലാവുന്നത്.
പാർട്ടിയ്ക്കിടയില്‍ ജയറാമിനു മുന്നില്‍ സർപ്രൈസ് ഡാൻസ് പെർഫോമൻസ് കാഴ്ച വച്ചിരിക്കുകയാണ് നവനീത്.ജയറാമിന്റെ പ്രശസ്തമായ ഡാൻസ് രംഗങ്ങളിലൊന്നു തന്നെയാണ് നവനീത് റീക്രിയേറ്റ് ചെയ്തത്. സമ്മർ ഇൻ ബത്ലഹേമിലെ കണ്‍ഫ്യൂഷൻ തീർക്കണമേ എന്ന ഗാനത്തിനൊപ്പമാണ് നവനീത് ചുവടുവച്ചത്. മരുമകന്റെ സർപ്രൈസ് കണ്ട് ചിരിയോടെ ഇരിക്കുന്ന ജയറാമിനെയും പാർവതിയേയും വീഡിയോയില്‍ കാണാം.
https://www.instagram.com/reel/C61R16uPxon/?igsh=aGVobHFvYWh0bDcw
എന്തായാലും, പ്രീ വെഡ്ഡിംഗ് പാർട്ടിയിലെ ഏറ്റവും ഹൃദ്യമായ ഈ വീഡിയോ സോഷ്യല്‍ മീഡിയയുടെ ശ്രദ്ധ നേടി കഴിഞ്ഞു.പാലക്കാട് നെന്മാറ സ്വദേശിയാണ് നവനീത് ഗിരീഷാണ് വരൻ. കഴിഞ്ഞ വർഷം ഡിസംബറിലായിരുന്നു മാളവികയുടെയും നവനീതിന്റെയും വിവാഹ നിശ്ചയം. ചാർട്ടേഡ് അക്കൗണ്ടന്റായി ജോലി ചെയ്യുകയാണ് നവനീത്.കാളിദാസിനു പുറമെ തനിക്കൊരു മകനെ കൂടി കിട്ടി എന്നാണ് അടുത്തിടെ ഒരു അഭിമുഖത്തില്‍ ജയറാം നവനീതിനെ കുറിച്ചു പറഞ്ഞത്.
