തിരുവനന്തപുരം: കനത്ത മഴയില് ജാഗ്രത വേണമെന്ന് മുഖ്യമന്ത്രി പിണറായി വിജയന്. അതിതീവ്ര മഴ അപകടങ്ങൾ ഉണ്ടാക്കിയേക്കും. ഉരുള്പൊട്ടല്, മണ്ണിടിച്ചില് സാധ്യത നിലനില്ക്കുന്നുണ്ട്. അതീവ ജാഗ്രത പുലർത്തണം. അപകട ഭീഷണി മേഖലയിലുള്ളവര് മാറി താമസിക്കണമെന്ന് മുഖ്യമന്ത്രി നിര്ദേശിച്ചു. പല നദികളിലും ജലനിരപ്പ് ഉയരുന്നുണ്ട്. സംസ്ഥാനത്ത് 59 ക്യാമ്പുകള് തുറന്നിട്ടുണ്ടെന്നും 1296 പേരെ ഇതുവരെ മാറ്റിപ്പാര്പ്പിച്ചുവെന്നും മുഖ്യമന്ത്രി വാര്ത്താസമ്മേളനത്തില് പറഞ്ഞു.
പഞ്ചായത്ത് തലത്തില് എമര്ജനി റെസ്പോന്സ് ടീമുകളുണ്ട്. വാട്സ്ആപ്പ് കൂട്ടായ്മ ഉണ്ടാക്കി മഴ വിവരങ്ങള് കൈമാറണമെന്നും മുഖ്യമന്ത്രി കൂട്ടിച്ചേര്ത്തു. വിദ്യാലയങ്ങള് ജൂണ് 2 ന് തുറക്കും. സ്കൂള് തുറക്കുന്നതിന് മുമ്പ് സ്കൂളും പരിസരവും വൃത്തിയാക്കണം. സ്കൂള് കെട്ടിടങ്ങള്ക്ക് ഫിറ്റ്നസ് വേണമെന്നും മുഖ്യമന്ത്രി നിര്ദേശിച്ചു.
