പുല്പ്പള്ളി: പുൽപ്പള്ളി പഞ്ചായത്തിലെ പള്ളിച്ചിറ ചാത്തമംഗലത്ത് കാട്ടാനകള് വന്തോതില് കൃഷി നശിപ്പിച്ചു.
മാളപ്പുര സരോജിനി, കൈനികുടി ബേബി, സതീശന് ചാത്തമംഗലം എന്നിവരുടെ കൃഷിയാണ് നശിച്ചത്.
സതീശന്റെ കതിരിടാറായ അരയേക്കറോളം നെല്ക്കകൃഷി നശിച്ചു. തെങ്ങ്, കമുങ്ങ് ഉള്പ്പെടെയുള്ള കൃഷികളും നശിച്ചതില് ഉള്പ്പെടും. വീട്ടിമൂല വനാതിര്ത്തിയിലെ തകരാറിലായ കിടങ്ങും വൈദ്യുത വേലിയും മറികടന്നാണ് ആനകള് കൃഷിയിടങ്ങളില് ഇറങ്ങിയത്.
ചാത്തമംഗലത്തും സമീപങ്ങളിലും ആനശല്യം കലശലാണ്. എന്നിട്ടും വേലിയും കിടങ്ങും നന്നാക്കുന്നതിന് നടപടിയില്ല. രാത്രി കാടിറങ്ങുന്ന ആനകള് പലപ്പോഴും നേരം പുലര്ന്നശേഷമാണ് മടങ്ങുന്നത്. ആളുകള് രാത്രിയില് മാത്രമല്ല, പുലര്ച്ചെയും വീടിനു പുറത്തിറങ്ങാന് ഭയക്കുകയാണ്. ആനകളെ ഉള്വനത്തിലേക്ക് തുരത്തണമെന്നാണ് നാട്ടുകാരുടെ ആവശ്യം.
വൈകുന്നേരം 6നും രാത്രി 11നും ഇടയിൽ വൈദ്യുതി ഉപയോഗം പരമാവധി കുറച്ച് സഹകരിക്കണം; അഭ്യർത്ഥിച്ച് KSEB
തിരുവനന്തപുരം : വേനല്ച്ചൂട് കടുത്തതോടെ പീക് മണിക്കൂറുകളിലെ വൈദ്യുതി ഉപയോഗം കുറച്ച് സഹകരിക്കണമെന്ന് അഭ്യര്ത്ഥിച്ച് കെഎസ്ഇബി. പീക് സമയ വൈദ്യുതി ഉപയോഗം ക്രമാതീതമായി വര്ദ്ധിച്ച സാഹചര്യത്തിലാണിത്. ഏപ്രില് 18-ന് സര്വ്വകാല റെക്കോര്ഡായ 117.16 ദശലക്ഷം
