കോളേജ് തെരഞ്ഞെടുപ്പിലെ മിന്നിതിളങ്ങുന്ന വിജയം ആവർത്തിച്ച് ജില്ലയിലെ മൂന്നിൽ രണ്ട് പോളിടെക്നിക്കുകളിലും മുഴുവൻ സീറ്റും നേടി എസ്എഫ്ഐ. ‘നിഷ്പക്ഷതയുടെ നിശബ്ദതയല്ല നിലപാടുകളുടെ സമരമാണ് വിദ്യാർഥിത്വം’ മുദ്രാവാക്യത്തിൽ പോളിടെക്നിക്ക് കോളേജുകളിൽ വെള്ളിയാഴ്ച നടത്തിയ തെരഞ്ഞെടുപ്പിൽ മീനങ്ങാടി, മാനന്തവാടി പോളിടെക്നിക്കുകളിലാണ് ഏഴിൽ എഴു സീറ്റും നേടിയത്.
മീനങ്ങാടിയിൽ കഴിഞ്ഞ തവണ നഷ്ടമായ ചെയർമാൻ, ജനറൽ സെക്രട്ടറി, കൗൺസിലർ സീറ്റുകൾ മുന്നൂറിലധികം വോട്ടിന്റെ ഭൂരിപക്ഷത്തിൽ തിരിച്ചുപിടിച്ചാണ് എസ്എഫ്ഐ യൂണിയൻ നിലനിർത്തിയത്. മേപ്പാടി പോളിടെക്നിക്കിൽ കോളേജ് യൂണിയൻ യുഡിഎസ്എഫ് നിലനിർത്തി. അധ്യയന വർഷത്തിൽ കലിക്കറ്റ് സർവകലാശാലയ്ക്ക് കീഴിൽ ജില്ലയിൽ നടത്തിയ തെരഞ്ഞെടുപ്പിൽ 16ൽ 11 കോളജുകളിലും കണ്ണൂർ സർവകലാശാലയ്ക്ക് കീഴിൽ അഞ്ചിൽ മൂന്നു കോളേജുകളും എസ്എഫ്ഐ മികച്ച ഭൂരിപക്ഷത്തിൽ വിജയക്കൊടി പാറിച്ചിരുന്നു.
വിജയത്തിൽ ആഹ്ലാദം പ്രകടിപ്പിച്ച് മീനങ്ങാടിയിലും ദ്വാരകയിലും പ്രവർത്തകർ പ്രകടനം നടത്തി. മീനങ്ങാടിയിൽ ജില്ലാ സെക്രട്ടറി സാന്ദ്ര രവീന്ദ്രൻ ഉദ്ഘാടനം ചെയ്തു. ജില്ലാ പ്രസിഡന്റ് എം എസ് ആദർശ്, ഏരിയാ സെക്രട്ടറി അക്ഷയ് പ്രകാശ്, ഇ എ സായന്ത് എന്നിവർ നേതൃത്വം നൽകി. ദ്വാരകയിൽ സംസ്ഥാന കമ്മിറ്റി അംഗം കെ.എസ് മുഹമ്മദ് ഷിയാസ് ഉദ്ഘാടനം ചെയ്തു. ഏരിയാ സെക്രട്ടറി പ്രവീൺ കുമാർ, അഫ്സൽ എന്നിവർ നേതൃത്വം നൽകി.
വൈകുന്നേരം 6നും രാത്രി 11നും ഇടയിൽ വൈദ്യുതി ഉപയോഗം പരമാവധി കുറച്ച് സഹകരിക്കണം; അഭ്യർത്ഥിച്ച് KSEB
തിരുവനന്തപുരം : വേനല്ച്ചൂട് കടുത്തതോടെ പീക് മണിക്കൂറുകളിലെ വൈദ്യുതി ഉപയോഗം കുറച്ച് സഹകരിക്കണമെന്ന് അഭ്യര്ത്ഥിച്ച് കെഎസ്ഇബി. പീക് സമയ വൈദ്യുതി ഉപയോഗം ക്രമാതീതമായി വര്ദ്ധിച്ച സാഹചര്യത്തിലാണിത്. ഏപ്രില് 18-ന് സര്വ്വകാല റെക്കോര്ഡായ 117.16 ദശലക്ഷം
