ആദിവാസി യുവാവിൻ്റെ കൊവിഡ് പരിശോധനാ ഫലം നെഗറ്റീവ്.

മാനന്തവാടി:നെഞ്ച് വേദനയെ തുടർന്ന് മരിച്ച ആദിവാസി യുവാവിൻ്റെ കൊവിഡ് പരിശോധനാ ഫലം നെഗറ്റീവ്.എടത്തന കോളനിവാസി കെ.സി ചന്ദ്രൻ്റെ ട്രൂനാറ്റ് ഫലമാണ് നെഗറ്റീവ് ആയത്.ഞായറാഴ്ച പുലർച്ചെ മൂന്ന് മണിയോടെ നെഞ്ചുവേദനയെതുടർന്ന് കുഴഞ്ഞ് വീണ ശേഷം ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. ഭാര്യ: ബിന്ദു. മകൾ: ശിവനന്ദ. വയനാട് ജില്ലയിലെ ഏറ്റവും വലിയ കുറിച്യ തറവാടുകളിലൊന്നാണ് എടത്തന. ഈ പ്രദേശമടങ്ങുന്ന വാളാടാണ് വയനാട്ടിൽ ഇപ്പോൾ ഏറ്റവും വലിയ കോവിഡ് ക്ലസ്റ്റർ . എടത്തനയിൽ ആന്റിജൻ പരിശാധന നടത്തണമെന്ന ആവശ്യം ഉയർന്നിരുന്നു.