കൽപ്പറ്റ: വർദ്ധിച്ച് വരുന്ന ഉപഭോക്തൃ സൂചികക്കനുസരിച്ച് കേന്ദ്രം പ്രഖ്യാപിക്കുന്ന ഡി.എ വർന്ധനവ് കേരളത്തിലെ സർക്കാർ ജീവനകാർക്ക് കിട്ടാക്കനിയായി തീർന്നിരിക്കുകയാണ് . തീർത്തും ഉപഭോക്തൃ സംസ്ഥാനമായ കേരളത്തിൽ കേന്ദ്ര സർക്കാരിൻ്റെ വികലമായ സാമ്പത്തിക നയങ്ങൾ കാരണം കുതിച്ചുയരുന്ന വില കയറ്റം പൊതുജനങ്ങളെപ്പോലെ തന്നെ നിത്യനിദാന ചിലവ് അധികമായി വരുന്ന സർക്കാർ ജീവനകാർക്കും വലിയ ബാധ്യതയാണ് . ഇത്തരം സാഹചര്യത്തിലാണ് കേരളത്തിലെ സർക്കാർ ജീവനകാരുടെ ക്ഷമബത്ത കുടിശിക തടഞ്ഞു വെച്ചിരിക്കുന്നത്. ഇത് പ്രതിക്ഷേധാർഹമാണെന്നും , ജീവനക്കാരുടെ തടഞ്ഞ് വെക്കപ്പെട്ട ഡി.എ കുടിശിക , ലീവ് സറണ്ടർ , ശമ്പള പരിഷ്കരണ കുടിശിക എന്നീ അനൂകൂല്യങ്ങൾ അടിയന്തിരമായി അനുവദിക്കണമെന്നും ജോയിൻ്റ് കൗൺസിൽ സിവിൽ മേഖലാ കൺവൻഷർ ആവശ്യപെട്ടു .
കൽപ്പറ്റ എം.ജി.ടി ഹാളിൽ ഉദ്ഘാടനം ചെയ്തു കൊണ്ട് ജോയിൻ്റ് കൗൺസിൽ സംസ്ഥാന സെക്രട്ടറിയേറ്റ് അംഗം എസ്.പി സുമോദ് ഉദ്ഘാടനം ചെയ്തു. മേഖലാ പ്രസിഡണ്ട് ലതിൻ ജോസഫ് അദ്ധ്യക്ഷത വഹിച്ചു. മേഖലാ സെക്രട്ടറി സുനിൽ ജോസ് സ്വാഗതം പറഞ്ഞു . ജില്ലാ സെക്രട്ടറി ബിനിൽ കുമാർ ടി.ആർ, ജില്ലാ പ്രസിഡണ്ട് എം.പി ജയപ്രകാശ് , ട്രഷറർ ആർ.ശ്രീനു , കെ.ആർ സുധാകരൻ , റഷീദ പി.പി ,ഷെമീർ കെ എന്നിവർ സംസാരിച്ചു.
വൈദ്യുതി മുടങ്ങും
പടിഞ്ഞാറത്തറ ഇലക്ട്രിക്കൽ സെക്ഷൻ പരിധിയിലെ പടിഞ്ഞാറത്തറ ടൗൺ, പടിഞ്ഞാറത്തറ വില്ലേജ് ട്രാൻസ്‌ഫോർമർ പരിധിയിൽ വരുന്ന പ്രദേശങ്ങളിൽ ഓഗസ്റ്റ് 14ന് രാവിലെ 9 മുതൽ വൈകിട്ട് 5 വരെ വൈദ്യുതി പൂർണമായും മുടങ്ങും.
