മാസങ്ങളായി രൂക്ഷമായ സംഘര്ഷം അരങ്ങേറുന്ന മണിപ്പൂരില് നിന്ന് വീണ്ടും നടുക്കുന്ന വീഡിയോ പുറത്ത്. മണിപ്പൂരിലെ പലചരക്ക് കടയ്ക്കുള്ളില് ഒരു സ്ത്രീയെ സൈനികന് ലൈംഗികമായി പീഡിപ്പിക്കുന്ന സിസിടിവി ദൃശ്യം പുറത്തു വന്നു. ഇതിനു പിന്നാലെ അതിര്ത്തി സുരക്ഷാ സേനയിലെ(ബിഎസ്എഫ്) ഹെഡ് കോണ്സ്റ്റബിളിനെ സസ്പെന്ഡ് ചെയ്തു. ഇയാള്ക്കെതിരെ കേസെടുത്തതായും എന്ഡിടിവി റിപോര്ട്ട് ചെയ്തു.
കടയ്ക്കുള്ളിലെ സിസിടിവി കാമറയില് നിന്നുള്ള ദൃശ്യങ്ങള് സാമൂഹിക മാധ്യമങ്ങളില് വ്യാപകമായി പ്രചരിച്ചതോടെയാണ് നടപടിയെടുത്തത്. യൂണിഫോമണിഞ്ഞ് തോക്കേന്തിയുള്ള സൈനികനാണ് യുവതിയെ പീഡിപ്പിക്കുന്നത്. ഹെഡ് കോണ്സ്റ്റബിള് സതീഷ് പ്രസാദ് ആണ് പ്രതിയെന്ന് തിരിച്ചറിഞ്ഞതായും വകുപ്പുതല അന്വേഷണം നടക്കുന്നതായും റിപ്പോര്ട്ടിലുണ്ട്.
‘ജൂലൈ 20ന് ഇംഫാലിലെ പെട്രോള് പമ്പിന് സമീപമുള്ള കടയിലാണ് സംഭവം. ഹെഡ് കോണ്സ്റ്റബിള് സതീഷ് പ്രസാദാണ് പ്രതിയെന്ന് തിരിച്ചറിഞ്ഞിട്ടുണ്ട്. ഇയാളെ സസ്പെന്ഡ് ചെയ്യുകയും കേസ് രജിസ്റ്റര് ചെയ്യുകയും ചെയ്തിട്ടുണ്ടെന്ന് മുതിര്ന്ന ഉദ്യോഗസ്ഥന് എന്ഡിടിവിയോട് പറഞ്ഞു. പരാതി ലഭിച്ചതിനെ തുടര്ന്ന് പ്രതിക്കെതിരെ ബിഎസ്എഫ് ആഭ്യന്തര അന്വേഷണം ആരംഭിച്ചിട്ടുണ്ട്. അദ്ദേഹത്തെ കസ്റ്റഡിയിലെടുക്കുകയും വകുപ്പുതല നടപടികള് ആരംഭിക്കുകയും ചെയ്തതായും ഉദ്യോഗസ്ഥര് പറഞ്ഞു.
