വേനലവധി കഴിഞ്ഞ് യുഎഇയിലേക്ക് തിരികെ മടങ്ങാന് നില്ക്കുന്ന പ്രവാസികള് അറിഞ്ഞിരിക്കേണ്ടതാണ് യുഎഇയുടെ ഏവിയേഷന് ആന്ഡ് കസ്റ്റംസ് നിയമങ്ങള്. യാത്രക്കാരുടെ സുരക്ഷയ്ക്ക് വേണ്ടിയാണ് ഈ നിയമങ്ങളെങ്കിലും പ്രവാസികള്ക്ക് ഏറെ ഇഷ്ടമുള്ള പലതും കൊണ്ടുപോകാന് സാധിക്കില്ലെന്നത് പലരെയും വിഷമത്തിലാക്കും. എന്നാല് മറ്റ് എയര്ലൈനുകളില് നിന്നും വ്യത്യസ്തമായ കടുത്ത നിബന്ധനകളാണ് ഇത്തിഹാദ് എയര്വേഴ്സ് മുന്നോട്ട് വെക്കുന്നത്.
ചക്ക, ഡ്യൂറിയന്, പെഡലായ്, മറാങ് തുടങ്ങിയ മണം അധികമുള്ള പഴങ്ങള് കൊണ്ടുപോകുന്നതില് നിന്നും ഇത്തിഹാദ് എയര്വേഴ്സ് വിലക്കേര്പ്പെടുത്തിയിട്ടുണ്ട്. യുഎഇയിലെ വിമാനത്താവളങ്ങളില് പൊതുവായി നിരോധിച്ച പല വസ്തുക്കളും നമുക്ക് പരിശോധിക്കാം. അളക്കുന്ന ടാപ്പ്, ക്രിക്കറ്റ് ബാറ്റുകള്, സ്കേറ്റ്ബോര്ഡുകള്, മീന് പിടിക്കാന് ഉപയോഗിക്കുന്ന ഉപകരണങ്ങള് തുടങ്ങിയവയ്ക്ക് ദുബായ് വിമാനത്താവളങ്ങളില് വിലക്കുണ്ട്.
