Kalpetta
വിദ്യാർത്ഥികളിൽ പ്രതിരോധത്തിന്റെ കരുത്തുണർത്തി ലഹരിവിരുദ്ധ സെമിനാർ
കൗമാര-യുവതലമുറയെ ലഹരിയുടെ കരാളഹസ്തങ്ങളിൽ നിന്ന് സംരക്ഷിക്കുന്നതിനും ജാഗ്രതയുള്ള ഒരു വിദ്യാർത്ഥി സമൂഹത്തെ വാർത്തെടുക്കുന്നതിനുമായി ഡ്രീം വയനാടിന്റെ നേതൃത്വത്തിൽ കൽപ്പറ്റ എസ്.കെ.എം.ജെ ഹയർസെക്കൻഡറി സ്കൂളിൽ ലഹരിവിരുദ്ധ ബോധവൽക്കരണ സെമിനാർ സംഘടിപ്പിച്ചു. പരിപാടിയുടെ ഔദ്യോഗിക ഉദ്ഘാടനം എക്സൈസ് വിമുക്തി മിഷൻ വയനാട് ജില്ലാ കോർഡിനേറ്റർ എൻ.സി. സജിത്ത്കുമാർ അച്ചൂരാനം നിർവ്വഹിച്ചു.ലഹരി വ്യക്തിയെയും കുടുംബത്തെയും സമൂഹത്തെയും തകർക്കുന്ന മഹാവിപത്താണെന്നും, കൂട്ടുകാരുടെ തെറ്റായ സ്വാധീനങ്ങളിൽ വീഴാതെ ശക്തമായ പ്രതിരോധം തീർക്കാൻ വിദ്യാർത്ഥികൾക്ക് സാധിക്കണമെന്നും അദ്ദേഹം ഉദ്ഘാടന പ്രസംഗത്തിൽ പറഞ്ഞു. കായിക-സർഗ്ഗാത്മക മേഖലകളിലേക്ക് ശ്രദ്ധ തിരിച്ച് നാളെയുടെ മികച്ച കാവലാളുകളായി മാറാൻ കുട്ടികൾ തയ്യാറാകണമെന്നും അദ്ദേഹം ആഹ്വാനം ചെയ്തു.ചടങ്ങിൽ ഡ്രീം വയനാട് ഡയറക്ടർ ഫാദർ ജിതിൻ അദ്ധ്യക്ഷത വഹിച്ചു. എസ്.കെ.എം.ജെ സ്കൂൾ ഹെഡ്മാസ്റ്റർ എം.പി. കൃഷ്ണകുമാർ സ്വാഗതമാശംസിച്ചു. തുടർന്ന് നടന്ന ബോധവൽക്കരണ ക്ലാസിന് ഡ്രീം ജില്ലാ കൗൺസിലർ എൻ.റ്റി. റ്റാനിയ നേതൃത്വം നൽകി; ലഹരിവസ്തുക്കളുടെ ചതിക്കുഴികളെക്കുറിച്ചും മാനസിക കരുത്തോടെ അവയെ നിരസിക്കേണ്ട രീതികളെക്കുറിച്ചും വിദ്യാർത്ഥികൾക്ക് വിശദമായ മാർഗ്ഗനിർദ്ദേശങ്ങൾ നൽകി.പരിപാടിയിൽ ആൻറി നാർക്കോട്ടിക് ക്ലബ് കൺവീനർ എ.ഡി. പ്രവീൺ,എസ്.പി.സി. (സ്റ്റുഡന്റ് പോലീസ് കേഡറ്റ്) ലീഡർ എം.എസ്. ശിഖ എന്നിവർ ആശംസകൾ അർപ്പിച്ചു. ഡ്രീം ജില്ലാ കോർഡിനേറ്റർ പി.എം. അഭിനന്ദ് കൃതജ്ഞത രേഖപ്പെടുത്തി. അധ്യാപകരും വിദ്യാർത്ഥികളും ഉൾപ്പെടെ നിരവധി പേർ സെമിനാറിൽ സജീവമായി പങ്കെടുത്തു.
ഓട്ടോ ചാർജ് വർധനവ് നടപ്പിലാക്കണം: എസ്.ഡി.റ്റി.യു വയനാട് ജില്ലാ കമ്മിറ്റി
ഇന്ധനവില വർധനവും വാഹനങ്ങളുടെ അനുബന്ധ ചെലവുകളും കാരണം ഓട്ടോ തൊഴിലാളികൾ നേരിടുന്ന സാമ്പത്തിക പ്രതിസന്ധി പരിഹരിക്കാൻ കാലോചിതമായ ഓട്ടോ ചാർജ് വർധനവ് ഉടൻ നടപ്പിലാക്കണമെന്ന് എസ്.ഡി.റ്റി.യു വയനാട് ജില്ലാ കമ്മിറ്റി ആവശ്യപ്പെട്ടു. അറ്റകുറ്റപ്പണി ചെലവുകളും ഇൻഷുറൻസ് നിരക്കുകളും കുത്തനെ ഉയർന്ന സാഹചര്യത്തിൽ തൊഴിലാളികളുടെ ന്യായമായ വേതനം ഉറപ്പാക്കാൻ നിരക്ക് വർധന അനിവാര്യമാണെന്ന് ഭാരവാഹികൾ വ്യക്തമാക്കി. ഈ ആവശ്യങ്ങളുന്നയിച്ച് സംയുക്ത സമരസമിതിയുടെ നേതൃത്വത്തിൽ നവംബർ 12-ന് നടക്കുന്ന പ്രക്ഷോഭ പരിപാടികൾക്ക് എസ്.ഡി.ടി.യു പൂർണ്ണ പിന്തുണ പ്രഖ്യാപിച്ചിട്ടുണ്ട്. സമരത്തിൽ സംഘടനയിലെ തൊഴിലാളികൾ സജീവമായി പങ്കാളികളാകുമെന്നും അവകാശ പോരാട്ടങ്ങളിൽ മുന്നിലുണ്ടാകുമെന്നും ജില്ലാ പ്രസിഡന്റ് വി.കെ. മുഹമ്മദലിയും ജനറൽ സെക്രട്ടറി കെ. മമ്മൂട്ടിയും അറിയിച്ചു.
അഭിമുഖം മാറ്റി
കൽപ്പറ്റ മുനിസിപ്പാലിറ്റിക്ക് കീഴിൽ പ്രവർത്തിക്കുന്ന എം സി എഫ്/ ആർ ആർ എഫ് എന്നിവയുടെ സുഗമമായ നടത്തിപ്പിന് ദിവസവേതന അടിസ്ഥാനത്തിൽ കെയർ ടേക്കർ തസ്തികയിലേക്ക് നവംബർ 12-ന് രാവിലെ 11ന് നഗരസഭ ഓഫീസിൽ നടത്താൻ തീരുമാനിച്ചിരുന്ന അഭിമുഖം മാറ്റിവച്ചു.
മീനങ്ങാടി സ്കൂൾ വിനോദയാത്ര വിവാദം: വിദ്യാർഥികൾക്കെതിരെ സൈബർ ആക്രമണം; പോക്സോ, ഐ.ടി ആക്ട് പ്രകാരം കേസെടുത്തു
മീനങ്ങാടി സ്കൂൾ വിനോദയാത്രയുമായി ബന്ധപ്പെട്ട വിവാദത്തിന്പിന്നാലെ വിദ്യാർഥികൾക്കെതിരെ സാമൂഹിക മാധ്യമങ്ങളിലൂടെ അശ്ലീല പരാ മർശങ്ങൾ നടത്തിയവർക്കെതിരെ പൊലീസ് കേസെടുത്തു. വിദ്യാർഥികളു ടെ പരാതിയിൽ വയനാട് സൈബർ പൊലീസ് സ്റ്റേഷനിലാണ് പോക്സോ നിയമപ്രകാരവും വിദ്യാർഥികൾക്കെതിരെ സൈബർ ആക്രമണം; പോക്സോ, ഐ.ടി ആക്ട് പ്രകാരം കേസെടുത്തു ഐ.ടി ആക്ട് പ്രകാരവും എഫ്.ഐ.ആർ രജിസ്റ്റർ ചെയ് തത്.വിനോദയാത്രയ്ക്കിടെ പ്രിൻസിപ്പലും, പി.ടി.എ പ്രസിഡന്റും മദ്യപിച്ചെന്ന ആരോപണം ഉയർന്നതോടെയാണ് സംഭവം വിവാദമായത്. ഇതിനു പിന്നാലെ സ്കൂൾ ബസിനുള്ളിൽ നിന്നുള്ള വിദ്യാർഥികളുടെ ദൃശ്യങ്ങളും പ്രതികരണ ങ്ങളുമുൾപ്പെടെ സമൂഹമാധ്യമങ്ങളിൽ വ്യാപകമായി പ്രചരിച്ചിരുന്നു.വിവിധ മാധ്യമങ്ങളും ദൃശ്യങ്ങൾ വാർത്തയാക്കിയിരുന്നു. ഇതിൻ്റെ ചുവടുപിടിച്ച് സമൂഹമാധ്യമങ്ങളിലെ കമൻ്റ് ബോക്‌സുകളിൽ വിദ്യാർഥികളെ ലക്ഷ്യമിട്ട് ചിലർ അശ്ലീലവും അപകീർത്തികരവുമായ പരാമർശങ്ങൾ നടത്തിയെന്നാ ണ് പരാതി. വിദ്യാർഥികളുടെ സ്വകാര്യതയെയും അന്തസ്സിനെയും ബാധിക്കു ന്ന തരത്തിലുള്ള പരാമർശങ്ങൾക്കെതിരെയാണ് പൊലീസ് നടപടി. സംഭവ ത്തിൽ സൈബർ പൊലീസ് അന്വേഷണം ആരംഭിച്ചിട്ടുണ്ട്.
മന്ത്രി ബിന്ദുകൃഷ്ണക്ക് സ്വീകരണം നല്‍കി വയനാടിന്റെ തൊഴില്‍മേഖലയുമായി ബന്ധപ്പെട്ട പ്രശ്‌നങ്ങള്‍ക്ക് പരിഹാരം കാണുമെന്ന് മന്ത്രി
കല്‍പ്പറ്റ: വനിതാ - ശിശുക്ഷേമ, തൊഴില്‍, ക്ഷീരവികസന, മൃഗസംരക്ഷണ വകുപ്പ് മന്ത്രി ബിന്ദുകൃഷ്ണക്ക് ജില്ലാ കോണ്‍ഗ്രസ് കമ്മിറ്റിയുടെ നേതൃത്വത്തില്‍ സ്വീകരണം നല്‍കി. മന്ത്രിയായതിന് ശേഷം ആദ്യമായി ജില്ലയിലെത്തിയ ബിന്ദു കൃഷ്ണയെ ഡി സി സി പ്രസിഡന്റ് അഡ്വ. ടി ജെ ഐസകിന്റെ നേതൃത്വത്തില്‍ സ്വീകരിച്ചു. തുടര്‍ന്ന് ഡി സി സി പ്രസിഡന്റിന്റെ അധ്യക്ഷതയില്‍ ചേര്‍ന്ന യോഗത്തില്‍ മന്ത്രി സംസാരിച്ചു. വയനാടിന്റെ തൊഴില്‍മേഖലയുമായി ബന്ധപ്പെട്ട് പ്രശ്‌നങ്ങള്‍ പരിഹാരം കാണാന്‍ എല്ലാവിധ ശ്രമങ്ങളുമുണ്ടാകുമെന്ന് മന്ത്രി പറഞ്ഞു. ഉഷാവിജയന്‍ എം എല്‍ എ, കെ പി സി സി ജനറല്‍ സെക്രട്ടറി കെ എല്‍ പൗലോസ്, എ ഐ സി സി അംഗം എന്‍ ഡി അപ്പച്ചന്‍, പി കെ ജയലക്ഷ്മി, പി പി ആലി, കെ കെ വിശ്വനാഥന്‍മാസ്റ്റര്‍, എച്ച് ബി പ്രദീപ്മാസ്റ്റര്‍ തുടങ്ങിയവര്‍ സംസാരിച്ചു.
ഷെഫ്സ് സ്പെഷ്യൽ അസംബ്ലിയും പലഹാരമേളയും സംഘടിപ്പിച്ചു
എച്ച്.ഐ.എം.യു.പി സ്കൂളിൽ ഒന്നാം ക്ലാസിലെ പഠനപ്രവർത്തനമായ രുചിയുത്സവത്തിന്റെ ഭാഗമായി ഷെഫ്സ് സ്പെഷ്യൽ അസംബ്ലിയും പലഹാരമേളയും സംഘടിപ്പിച്ചു.കുട്ടികളിൽ വിവിധതരം പലഹാരങ്ങളെക്കുറിച്ചുള്ള അറിവും ഭക്ഷണവൈവിധ്യങ്ങളെക്കുറിച്ചുള്ള അവബോധവും വളർത്തുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്.അസംബ്ലിയിൽ സ്കൂൾ ഹെഡ്മാസ്റ്റർ അലി കെ., പി.ടി.എ പ്രസിഡന്റ് നവാസ് എം.പി., മദർ പി.ടി.എ പ്രസിഡന്റ് സാഹിറ മുജീബ്, സീനിയർ അസിസ്റ്റന്റ് ലെജി ജോൺ, എസ്.ആർ.ജി കൺവീനർ സുബിന, അധ്യാപകരായ സജ്‌ന, സഫ്ന, റഫ്‌ന, ഷെറിൻ സിതാര, അമീറ നുസ്റി എന്നിവർ പങ്കെടുത്തു.രുചിയുത്സവത്തിന്റെ ഭാഗമായി സംഘടിപ്പിച്ച പലഹാരമേള കുട്ടികൾക്ക് വേറിട്ടതും ആസ്വാദ്യകരവുമായ അനുഭവമായി.
ആർ.എസ്.പി മുട്ടിൽ ലോക്കൽ സമ്മേളനം നടത്തി
റവല്യൂഷഷണറി സോഷ്യലിസ്റ്റ് പാർട്ടി മുട്ടിൽ ലോക്കൽ സമ്മേളനം കെ.പങ്കജാക്ഷൻ നഗറിൽ വെച്ച് നടത്തി.കൽപ്പറ്റ മണ്ഡലം സെക്രട്ടറി കുഞ്ഞിമുഹമ്മദ് കൈതപ്പള്ളി സമ്മേളന നഗരിയിൽ പതാക ഉയർത്തി. ആർ.എസ്.പി ജില്ലാ സെക്രട്ടറി പ്രവീൺ തങ്കപ്പൻ സമ്മേളനം ഉദ്ഘാടനം ചെയ്തു. എം.കെരാമകൃഷ്ണൻ പൊതുസമ്മേളനത്തിൽ അധ്യക്ഷത വഹിച്ചു. മനു മാനന്തവാടി മുഖ്യപ്രഭാഷണം നടത്തി. അഷ്റഫ് എടവനി , പ്രകാശൻ മാനന്തവാടി, സുലൈമാൻ ബത്തേരി, പ്രിൻസ് പുൽപള്ളി, പ്രസാദ് മാളിയേക്കൽ, സി.എം ബാലൻ പൊഴുതന , മുഹമ്മദാലി എം പരിയാരം എന്നിവർ സംസാരിച്ചു.മുട്ടിൽ ടൗണിൽ പ്രകടനവും നടത്തി.
കേരളോത്സവം: രജിസ്ട്രേഷൻ ആരംഭിച്ചു
കൽപ്പറ്റ നഗരസഭയുടെ നേതൃത്വത്തിൽ സംഘടിപ്പിക്കുന്ന കേരളോത്സവം നവംബർ 15 മുതൽ 30 വരെ നടക്കും. കലാ–കായിക മത്സരങ്ങളിൽ പങ്കെടുക്കാൻ താൽപര്യമുള്ളവർ ഓൺലൈനായി https://keralotsavam.com എന്ന വെബ്‌സൈറ്റിലൂടെ അപേക്ഷിക്കണം. രജിസ്ട്രേഷൻ നവംബർ 12ന് വൈകിട്ട് അഞ്ചിന് അവസാനിക്കും. ഫോൺ: 9747261964, 04936-202349
ലേലം
വൈത്തിരി താലൂക്കിലെ തൃക്കൈപ്പറ്റ വില്ലേജിൽ ബ്ലോക്ക് 29 റീസർവേ നമ്പർ 278/2ൽപ്പെട്ട സ്ഥലത്തെ 90 സെന്റീമീറ്ററിൽ അധികം വണ്ണമുള്ള മരങ്ങൾ നവംബർ 17ന് രാവിലെ 11ന് സ്ഥലത്തുവെച്ച് പരസ്യമായി ലേലം ചെയ്യും. ഫോണ്‍- 04936255229
മന്ത്രി ടി സിദ്ധിഖിനെ അഭിനന്ദിച്ചു
കോട്ടത്തറ : പള്ളിക്കുന്ന് വെണ്ണിയോട് റോഡിനു വേണ്ടി വയനാട് പാക്കേജിൽ ഉൾപ്പെടുത്തി ബി എം ബി സി നിലവാരത്തിൽ നവീകരിക്കുന്നതിന് പത്ത് കോടി രൂപ അനുവദിപ്പിച്ച മന്ത്രി ടി സിദ്ധിഖിനെയും കേരള സർക്കാരിനെയും കോട്ടത്തറ പഞ്ചായത്ത് യു ഡി എഫ് കമ്മിറ്റി അഭിനന്ദിച്ചു . ചെയർമാൻ എംസി മോയിൻ അധ്യക്ഷത വഹിച്ചു. കൺവീനർ സുരേഷ് ബാബുവാളൽ , സി സി തങ്കച്ചൻ മാണിഫ്രാൻസിസ് പോൾസൺ കൂവക്കൽ, വി സി അബൂബക്കർ ഹാജി , രജിത സി സി, , പി പി റെനീഷ് , വിഅബ്ദുൾ നാസർ ,ഗഫൂർ വെണ്ണിയോട് ,പി എൽ ജോസ്,അജീഷ് ഇ സി , റംല അസിസ്സ് ,ഇആർ പുഷ്പ,ബേബി പുന്നക്കൽ, ജസ്റ്റിൻ സിറിയക്ക്, ബാലൻ വി.ആർ എന്നിവർ സംസാരിച്ചു .വോട്ട് ചോരിക്കെതിരെ നവംബർ 9 ന് കൽപ്പറ്റയിൽ നടക്കുന്ന യുഡി എഫ് പ്രകടനം വിജയിപ്പിക്കാൻ യോഗം തീരുമാനിച്ചു.
ചീരാൽ വെള്ളച്ചാൽ തോട്ടിൽ മരിച്ചനിലയിൽ കണ്ടെത്തിയാളെ തിരിച്ചറിഞ്ഞു
ഇന്നലെ ചീരാൽ വെള്ളച്ചാൽ തോട്ടിൽ മരിച്ചനിലയിൽ കണ്ടെത്തിയാളെ തിരിച്ചറിഞ്ഞു. കൊഴുവണ ഉന്നതിയിലെ കാക്കു എന്ന് വിളിക്കുന്ന (ബിനു-35 )ആണ് മരിച്ചത്. സഹോദരങ്ങളായ ബിജുവും, ദിനേശനുമാണ് മൃതദേഹം തിരിച്ചറിഞ്ഞത്.തുടർന്ന് നൂൽപ്പുഴ പോലീസ് മൃതദേഹം ബന്ധുക്കൾക്ക് വിട്ടുനൽകി.
റോട്ടറി- കേരളത്തോണിന് വയനാട്ടിൽ ഹൃദ്യമായ സ്വീകരണം നൽകി
കൽപ്പറ്റ : റോട്ടറിയുടെ നേതൃത്വത്തിൽമയക്കു മരുന്നിനെതിരായ ബോധവൽക്കരണ സന്ദേശവുമായി കാസർഗോഡ് നിന്ന് തിരുവനന്തപുരം വരെയും ഓടുന്ന മാരത്തോൺ കൂട്ടയോട്ടം മൂന്നാം ദിവസം മാനന്തവാടിയിൽ നിന്ന് രാവിലെ 4. 30ന് ആരംഭിച്ച് 10 മണിക്ക് കൽപ്പറ്റയിൽ അവസാനിച്ചു. വയനാട്ടിലെ 8 റോട്ടറി ക്ലബ്ബിലെ അംഗങ്ങൾ ചേർന്ന് കേരളത്തോൺ ഓട്ടക്കാരെ സ്വീകരിച്ചു. കുട്ടികളിലും മറ്റുള്ളവരിലും വ്യാപകമായി കാണുന്ന ലഹരി ഉപയോഗത്തിന് എതിരായ സന്ദേശവുമായി ആണ് കേരളത്തോൺ കൂട്ട ഓട്ടം സംഘടിപ്പിക്കുന്നത്. ഒരു ദിവസം 42 കിലോമീറ്റർ സ്ഥിരമായി ഓടുന്ന 14 പേരും പ്രാദേശികമായി ഓരോരോ സ്ഥലങ്ങളിൽ നിന്ന് കൂടുന്ന അമ്പതിലധികം ഓട്ടക്കാരും കേരളത്തോൺ കൂട്ട ഓട്ടത്തിൽ പങ്കെടുക്കുന്നു. ഓരോ ദിവസവും ഓടുന്ന ദൂരത്തിന്റെ ഇടയിലുള്ള സ്ഥലങ്ങളിൽ മയക്കുമരുന്നിനെതിരെയുള്ള സന്ദേശങ്ങൾ പ്രചരിപ്പിച്ചാണ് കൂട്ട ഓട്ടം നടക്കുന്നത്. ഓരോ ദിവസവും 42 കിലോമീറ്റർ വീതം ഓടി കേരളത്തിലെ 14 ജില്ലകളിൽ കൂടി കടന്നുപോയി 14 തീയതി തിരുവനന്തപുരത്ത് കേരളത്തോൺ അവസാനിക്കും. ഓരോ ജില്ലയിലും 42.2 കിലോമീറ്റർ വീതം ഓടി 590 കിലോമീറ്റർ ഓടിയാണ് ഓട്ടം അവസാനിപ്പിക്കുന്നത് എന്ന് കേരളത്തോൺ സംഘടിപ്പിക്കുന്ന കുമരകം റോട്ടറി പ്രസിഡന്റ് മധു കുമരകം അറിയിച്ചു. കൽപ്പറ്റയിൽ വെച്ച് നടന്ന സമാപന സമ്മേളനത്തിൽ വയനാട് ജില്ല റോട്ടറി ഡിസ്റ്റിക് ഡെപ്യൂട്ടി കോർഡിനേറ്റർ സണ്ണി വിളക്കുന്നേൽ അധ്യക്ഷത വഹിച്ചു. ഡോക്ടർ ടി പി വി സുരേന്ദ്രൻ സമാപന സമ്മേളനം ഉദ്ഘാടനം ചെയ്തു. ജോസ് മാത്യു, ഡോക്ടർ സാജൻ പണിക്കാർ, ജോജി മോൻ,. ക്രിസ്റ്റി പോൾ, സാജൻ കൽപ്പറ്റ എന്നിവർ സംസാരിച്ചു.
‘തൂഫാൻ 2026’: വിസ്മയക്കാഴ്ചകളിലൂടെ ലഹരിവിരുദ്ധ സന്ദേശവുമായി അമ്പലവയൽ ജി.വി.എച്ച്.എസ്.എസ് എൻ.എസ്.എസ് യൂണിറ്റ്
അമ്പലവയൽ: മയക്കുമരുന്നിനും മദ്യത്തിനുമെതിരെ വിദ്യാർത്ഥി സമൂഹത്തെ ബോധവൽക്കരിക്കുക എന്ന ലക്ഷ്യത്തോടെ അമ്പലവയൽ ഗവ. വൊക്കേഷണൽ ഹയർ സെക്കൻഡറി സ്കൂൾ (VHSE) നാഷണൽ സർവ്വീസ് സ്കീമിന്റെ (NSS) നേതൃത്വത്തിൽ ‘തൂഫാൻ 2026’ മാജിക് ഷോയും ബോധവൽക്കരണ പരിപാടിയും സംഘടിപ്പിച്ചു.സ്കൂൾ വി.എച്ച്.എസ്.ഇ ഓഡിറ്റോറിയത്തിൽ നടന്ന പരിപാടി എക്സൈസ് വിമുക്തി മിഷൻ വയനാട് ജില്ലാ കോർഡിനേറ്റർ എൻ.സി.സജിത്ത്കുമാർ അച്ചൂരാനം ഉദ്ഘാടനം ചെയ്തു.‘മയങ്ങില്ല കേരളം’, ‘ഓപ്പറേഷൻ തണ്ടർ’ എന്നീ വിപുലമായ ക്യാമ്പയിനുകളുടെ ഭാഗമായി സംഘടിപ്പിച്ച പരിപാടിയിൽ മാജിക്കിന്റെ വിസ്മയക്കാഴ്ചകളിലൂടെ വിദ്യാർത്ഥികളിലേക്ക് നന്മയുടെയും ജാഗ്രതയുടെയും ശക്തമായ ലഹരിവിരുദ്ധ സന്ദേശം പകർന്നുനൽകി.ചടങ്ങിൽ പി.ടി.എ പ്രസിഡന്റ് ഷമീർ മാളിക അധ്യക്ഷത വഹിച്ചു. സ്കൂൾ പ്രിൻസിപ്പൽ സി.വി.നാസർ സ്വാഗതം ആശംസിച്ചു. എബനേസർ ചാരിറ്റബിൾ ട്രസ്റ്റ് പ്രതിനിധി എൻ.എ.ബില്ലി ഗ്രഹാം മജീഷ്യൻ ശശി താഴത്തുവയൽ എന്നിവർ മുഖ്യാതിഥികളായി പങ്കെടുത്തു.കെ.പ്രവീൺ കുമാർ ആശസകളർപ്പിച്ചു സംസാരിച്ചു. എൻ.എസ്.എസ് പ്രോഗ്രാം ഓഫീസർ വി.പി.അനൂപ് ചടങ്ങിന് നന്ദി രേഖപ്പെടുത്തി. ലഹരിക്കെതിരെയുള്ള പ്രതിരോധം തീർക്കാൻ ഒത്തുചേർന്ന വിദ്യാർത്ഥികൾക്ക് കൗതുകവും ചിന്തയും പകരുന്ന അനുഭവമായി ‘തൂഫാൻ 2026’ മാറി.
കുടുംബ കോടതി ക്യാമ്പ് സിറ്റിംഗ്
കൽപ്പറ്റ കുടുംബ കോടതി ജഡ്ജ് കെ. കൃഷ്ണകുമാർ സുൽത്താൻ ബത്തേരിയിലും മാനന്തവാടിയിലും ക്യാമ്പ് സിറ്റിംഗ് നടത്തും. നവംബര്‍ 13 ന് രാവിലെ 11 മുതൽ വൈകിട്ട് അഞ്ച് വരെ സുൽത്താൻ ബത്തേരി കുടുംബ കോടതിയിലും 21 ന് രാവിലെ 11 മുതൽ വൈകിട്ട് അഞ്ച് വരെ മാനന്തവാടി കുടുംബ കോടതിയിലുമാണ് സിറ്റിംഗ്.
പ്രിൻസിപ്പൽ ഷിവി കൃഷ്‌ണന്റെ സ്ഥലം മാറ്റം സ്റ്റേ ചെയ്തു
മീനങ്ങാടി ഗവ: ഹയർ സെക്കൻഡറി സ്കൂൾ വിനോദയാത്ര വിവാദം.പ്രിൻസിപ്പൽ ഷിവി കൃഷ്‌ണന്റെ സ്ഥലം മാറ്റം സ്റ്റേ ചെയ്തു.കേരള അഡ്മ‌ിനിസ്ട്രേറ്റീവ് ട്രിബ്യൂണലാണ് സ്റ്റേ അനുവദിച്ചത്.
കൊളഗപ്പാറയിൽ വൻ കഞ്ചാവ് വേട്ട;ലഹരി കേസിൽ പിടിയിലായ ക്രഷർ മാനേജരുടെ മുറിയിൽ നിന്ന് 24 കിലോഗ്രാം കഞ്ചാവ് പിടിച്ചെടുത്തു
മീനങ്ങാടി: മീനങ്ങാടി, കൊളഗപ്പാറയിൽ വൻ കഞ്ചാവ് വേട്ട. രണ്ട് ദിവസങ്ങൾക്ക് മുമ്പ് ഒരു കിലോ കഞ്ചാവുമായി പിടിയിലായ എ.ടി.എസ് സാൻഡ്‌സ് ആൻഡ് ക്രഷേഴ്സ് എന്ന സ്ഥാപനത്തിലെ മാനേജരായ പുത്തൻകുന്ന്, മാക്കുറ്റി, പേള ക്കുടി വീട്ടിൽ, എബി ഏലിയാസിൻ്റെ (35) മുറിയിൽ നിന്ന് 24.164 കിലോഗ്രാം കഞ്ചാവ് പിടിച്ചെടുത്തു. ഇന്നലെ വൈകിട്ടോടെ നടത്തിയ പരിശോധനയിലാ ണ് വാണിജ്യ അളവിൽ കഞ്ചാവ് കണ്ടെത്തിയത്. ഇയാളുടെ കൂട്ടാളി പുത്തൻ കുന്ന്, മാക്കുറ്റി, തേക്കുംകാട്ടിൽ പുട്ട് എന്ന ടി.ആർ. നിഥുനെ (35) പോലീസ് കസ്റ്റഡിയിലെടുത്തു. വിൽപ്പനക്കായി കടത്തി കൊണ്ടുവന്ന ഒരു കിലോയില ധികം കഞ്ചാവുമായി നവംബർ ഒന്നിന് മാക്കുറ്റി പാലത്തിനടുത്ത് വെച്ച് എബി ഏലിയാസിനെ ജില്ലാ ലഹരി വിരുദ്ധ സ്ക്വാഡും ബത്തേരി ഡിവൈ.എസ്.പി യുടെ സ്ക്വാഡും ബത്തേരി പോലീസും ചേർന്ന് പിടികൂടിയിരുന്നു. തുടർന്ന് എബിയുടെ മാക്കുറ്റിയിലെ വീട്ടിൽ നടത്തിയ പരിശോധനയിൽ 7 ഗ്രാം കഞ്ചാവ് കണ്ടെത്തിയിരുന്നു. ഇയാളെ അറസ്റ്റ് ചെയ്ത് കൂടുതൽ ചോദ്യം ചെയ്ത തിൽ നിന്നും ലഭിച്ച വിവരത്തിൻ്റെ അടിസ്ഥാനത്തിൽ നടത്തിയ പരിശോധന യിലാണ് വലിയ അളവിൽ കഞ്ചാവ് കണ്ടെത്തിയത്. ക്രഷറിലെ എബിയുടെ മുറിയിലെ കട്ടിലിന്റെ അടിയിലെ പെട്ടിയിൽ 12 പാക്കറ്റുകളിലായി സൂക്ഷിച്ച നിലയിലായിരുന്നു കഞ്ചാവ്. ഒറീസയിൽ നിന്നുമാണ് കഞ്ചാവ് വാങ്ങിയതെ ന്നാണ് പ്രാഥമിക വിവരം. പോലീസ് കൂടുതൽ അന്വേഷണം നടത്തി വരികയാണ്.
വീട്ടമ്മയുടെ മരണം കൊലപാതകം; -അയൽവാസിയായ വയോധിക അറസ്റ്റിൽ
മീനങ്ങാടി : വാഴവറ്റയിൽ 46കാരിയായ വീട്ടമ്മയുടെ മരണം കൊലപാതകം. കേസിൽ അയൽവാസിയായ അറുപതുകാരിയെ അറസ്റ്റ് ചെയ്ത് റിമാൻഡ് ചെയ്തു. വാഴവറ്റ എടത്തിൽ ഉന്നതിയിലെ അമ്മിണി (60) ആണ് അറസ്റ്റിലായത്. ഇതേ ഉന്നതിയിൽ താമസിക്കുന്ന അമ്മിണി (46) ആണ് കൊല്ലപ്പെട്ടത്.ഒക്ടോബർ 28ന് രാത്രി എട്ടുമണിയോടെയാണ് കേസിനാസ്പദമായ സംഭവം. ഇരുവരും തമ്മിലുണ്ടായ തർക്കത്തിനിടെ കൊലപാതകത്തിലേക്ക് കഴുത്ത് ഞെരിക്കുകയായിരുന്നു. ഗുരുതരമായി പരിക്കേറ്റ അമ്മിണി പിന്നീട് മരണപ്പെടുകയുമായിരുന്നു. പോസ്റ്റ് മോർട്ടം റിപ്പോർട്ടിലാണ് കഴുത്തിലേറ്റ ക്ഷതമാണ് മരണകാരണമെന്ന് വ്യക്തമായത്.തുടർന്ന് അമ്മിണിയെ അറസ്റ്റ് ചെയ്ത് കോടതിയിൽ ഹാജരാക്കി റിമാൻഡ് ചെയ്തു.അമ്പലവയൽ സർക്കിൾ ഇൻസ്പെക്ടർ ബിജു ആന്റണിയുടെയും, എസ്.ഐ കെ.എം സന്തോഷ് മോൻ്റെയും നേതൃത്വത്തിലാണ് അന്വേഷണം നടക്കുന്നത്.
ശ്രേയസ് സ്വാശ്രയ സംഘം വാർഷികവും, കുടുംബ സംഗമവും നടത്തി.
ചീരാൽ :ചീരാൽ യൂണിറ്റിലെ നന്മ സ്വാശ്രയ സംഘത്തിന്റെ വാർഷികവും,കുടുംബ സംഗമവും ബത്തേരി മേഖല പ്രോഗ്രാം ഓഫീസർ പോൾ പി.എഫ്.ഉദ്ഘാടനം ചെയ്തു.സംഘം പ്രസിഡന്റ് ചന്ദ്രിക ബാലൻ അധ്യക്ഷത വഹിച്ചു.സെക്രട്ടറി ഷെറീന വാർഷിക റിപ്പോർട്ടും കണക്കും അവതരിപ്പിച്ചു.യൂണിറ്റ് പ്രസിഡന്റ് കെ. പൈലി മുഖ്യ സന്ദേശം നൽകി. വി.ഒ.ഷാജു,എൻ.എം. പൗലോസ്, സി ഡി ഒ മാരായ പി.പി.സ്കറിയ,റഷീദ ലത്തീഫ്, എന്നിവർ സംസാരിച്ചു.വിവിധ കായിക മത്സരങ്ങൾ നടത്തി വിജയികൾക്ക് സമ്മാനങ്ങൾ നൽകി.സ്നേഹ വിരുന്നോടെ സമാപിച്ചു.
കെ .എസ് .എസ് .പി . എ ആഹ്ലാദ പ്രകടനം നടത്തി
കൽപ്പറ്റ: കേരളത്തിലെ പെൻഷൻകാർക്ക് 2% ക്ഷാമാശ്വാസം അനുവദിച്ച യു.ഡി.എഫ് സർക്കാരിനും, മുഖ്യമന്ത്രി വി .ഡി . സതീശനും അഭിവാദ്യമർപ്പിച്ചുകൊണ്ട് കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ [KSSPA] കൽപ്പറ്റ നിയോജകമണ്ഡലം കമ്മിറ്റിയുടെ ആഭിമുഖ്യത്തിൽ ജില്ലാ ട്രഷറിക്കു മുമ്പിൽ ആഹ്ലാദപ്രകടനം നടത്തി. ജില്ലാ പ്രസിഡണ്ട് പി .എം ജോസ് ഉദ്ഘാടനം ചെയ്തു.നിയോജകമണ്ഡലം പ്രസിഡണ്ട് കെ.എൽ. തോമസ് അധ്യക്ഷത വഹിച്ചു .എൻ.ജി.ഒ. അസോസിയേഷൻ ജില്ലാ പ്രസിഡണ്ട് കെ. ടി. ഷാജി ,സംസ്ഥാന കമ്മിറ്റി അംഗങ്ങളായ വേണുഗോപാൽ എം കീഴ്ശ്ശേരി,ജി. വിജയമ്മ, സംസ്ഥാന കൗൺസിലർമാരായ ടി. കെ .സുരേഷ് ,വി .ആർ . ശിവൻ ,ജില്ലാ വൈസ് പ്രസിഡണ്ട് കെ. ശശികുമാർ ,വനിതാ ഫോറം ജില്ല സെക്രട്ടറി ടി.മൈമൂന ജില്ല ജോയിൻ്റ് സെക്രട്ടറി കെ. സുബ്രഹ്മണ്യൻ , സക്കറിയാസ് റ്റി ജെ, ടി. ഒ റെയ്‌മൺ,കൽപ്പറ്റ മണ്ഡലം പ്രസിഡണ്ട് രമേശൻ മാണിക്യൻ , സ്റ്റീഫൻ .കെ , അബു ഏലിയാസ് , സി. എം.സരസമ്മ ,ഡൊമിനിക് തോമസ് ,എന്നിവർ സംസാരിച്ചു.എ .വി . പൗലോസ്, കാസിം .ടി . പ്രഭാകരൻ സി .എസ് . ജോസ് പിയുസ്, സത്യൻ വി.സി, ഷിബു ജോസഫ്, ഹംസ .പി ,കെ.ജി. രവീന്ദ്രൻ ,ഷേർളി സെബാസ്റ്റ്യൻ, ശകുന്തള ഷൺമുഖൻ , സജി എം. ഒ , ആലിക്കോയ കെ , എ . പി നയനാനന്ദൻ , വിപിൻ ജോസഫ്, തദ്ദേവൂസ് ഡിസിൽവ, പോൾ അലക്സാണ്ടർ എന്നിവർ പ്രകടനത്തിന് നേതൃത്വം നൽകി
മടക്കിമല ആക്ഷൻ കമ്മറ്റിയും വയനാട് DAPL ലും ചേർന്ന് വയനാട് കളക്ട്രെറ്റിന് മുന്നിൽ സത്യാഗ്രഹ സമരം നടത്തി
കൽപ്പറ്റ .കോൺഗ്രസ്‌ പ്രസ്ഥാനംഉമ്മൻ ചാണ്ടിയോട് നന്ദി കാണിക്കണമെന്നും ഉമ്മൻചാണ്ടിയുടെ തറക്കല്ലിട്ട് , ബോഡ് സ്ഥാപിച്ച ചന്ദ്ര പ്രഭാ ട്രസ്റ്റ് ദാനമായി നൽകിയ 50 ഏക്കറിൽ തന്നെ മെഡിക്കൽ കോളേജ് സ്ഥാപിക്കണമെന്നുംആക്ഷൻ കമ്മറ്റി ഭാരവാഹികൾ പറഞ്ഞു. നൂറ്റാണ്ടുകളായി കർഷകരെയും വയനാടൻ ജനതയെയും മാറി മാറി വരുന്ന സർക്കാരുകൾ വഞ്ചി ക്കുകയാണെന്നും ഈ വഞ്ചന അവസാനിപ്പിക്കാൻ സമയമായെന്നും സത്യാഗ്രഹ സമരത്തിൽ പങ്കെടുത്തു സംസാരിച്ച ഭാരവാഹികൾ കുറ്റപ്പെടുത്തി.വയനാടിൽ പ്രഖ്യാപിക്കുകയും പിന്നീട് വഞ്ചിക്കുകയും ചെയ്ത 7000 കോടിയുടെ പദ്ധതി അടക്കം ഒട്ടനവധി പദ്ധതികൾ നിരത്തി ഈ വഞ്ചന അവസാനിപ്പിക്കണമെന്ന് ആക്ഷൻ കമ്മറ്റി ചെയർമാൻ ഇ പി ഫിലിപ്കുട്ടി പറഞ്ഞു.ആക്ഷൻ കമ്മറ്റി ജനറൽ കൺവീനർ മൊയ്തു കവുങ്ങൽ, ലത്തീഫ് പഞ്ചാര , അഷ്റഫ് പഞ്ചാര. ഡി എ പി എൽ ജില്ലാ പ്രസിഡന്റ് ഹാസക്കുട്ടി തുടങ്ങിയവർ സത്യാഗ്രഹ സമരത്തിൽ പങ്കെടുത്തു
കാൻസർ ബോധവൽക്കരണ ക്ലാസും സ്ക്രീനിംഗ് ക്യാമ്പും സംഘടിപ്പിച്ചു
കുടുംബശ്രീ മിഷൻ വയനാട്, എടവക പഞ്ചായത്ത് സിഡിഎസ്, FNHW, ഡോ. മൂപ്പൻസ് മെഡിക്കൽ കോളേജ് എന്നിവരുടെ സംയുക്താഭിമുഖ്യത്തിൽ കാൻസർ ബോധവൽകരണ ക്ലാസും സ്ക്രീനിംഗ് ക്യാമ്പും സംഘടിപ്പിച്ചു. സിഡിഎസ് ചെയർപേഴ്സൺ ഷറഫുന്നിസ അധ്യക്ഷയായ ചടങ്ങ് പഞ്ചായത്ത് പ്രസിഡണ്ട് ഗിരിജാ സുധാകരൻ ഉദ്ഘാടനം ചെയ്തു. വൈസ് പ്രസിഡണ്ട് മുസ്തഫ തയ്യുള്ളതിൽ, ചെയർമാൻമാരായ വിനോദ് തോട്ടത്തിൽ,ലീലാ ബാലൻ മെമ്പർമാരായ ജെസ്സി ,വത്സൻ, ഗോൾഡ എന്നിവർ സംസാരിച്ചു. ഡോ. മൂപ്പൻസ് മെഡിക്കൽ കോളേജ് ക്യാൻസർ ഡിപ്പാർട്ട്മെന്റ് മേധാവി ഡോക്ടർ രാധിക ക്യാൻസർ ബോധവൽക്കരണം നൽകി.ജിബിൻ ജോർജ്, ലിബിൻ സണ്ണി എന്നിവർ സംബന്ധിച്ചു.കാൻസർ പ്രതിരോധത്തെക്കുറിച്ചുള്ള അവബോധം വർധിപ്പിക്കാനും രോഗം നേരത്തേ കണ്ടെത്തുന്നതിനും ലക്ഷ്യമിട്ടാണ് പരിപാടി സംഘടിപ്പിച്ചത്. പരിപാടിയിൽ 150 ലേറെ വനിതകൾ സ്ക്രീനിങ്ങ് പൂർത്തീകരിച്ചു.
വിദ്യാർത്ഥികൾക്കായി ജി.എച്ച്.എസ് ഇരുളത്ത് വിമുക്തി സെമിനാർ സംഘടിപ്പിച്ചു
ഇരുളം:വിദ്യാർത്ഥികളിൽ ആത്മവിശ്വാസവും ആരോഗ്യകരമായ ജീവിതശൈലിയും വളർത്തിയെടുക്കുക എന്ന ലക്ഷ്യത്തോടെ ഇരുളം ഗവൺമെന്റ് ഹൈസ്കൂളിൽ വി വിദ്യാർത്ഥികൾക്കായി ജി.എച്ച്.എസ് ഇരുളത്ത് വിമുക്തി സെമിനാർ സംഘടിപ്പിച്ചു മുക്തി മിഷന്റെ നേതൃത്വത്തിൽ 'നേർവഴി' സെമിനാർ സംഘടിപ്പിച്ചു.എക്സൈസ് വിമുക്തി മിഷൻ വയനാട് ജില്ലാ കോർഡിനേറ്റർ എൻ.സി.സജിത്ത്കുമാർ അച്ചൂരാനം വിഷയാവതരണം നടത്തി വിദ്യാർത്ഥികളുമായി സംവദിച്ചു.ലോക സമ്പാദ്യ ദിനത്തിൽ ചേർന്ന ഒത്തുചേരലിൽ, പണത്തേക്കാൾ ഒരാൾ സൂക്ഷിച്ചുവെക്കേണ്ട ഏറ്റവും വലിയ സമ്പാദ്യം സ്വന്തം ആരോഗ്യവും ജീവിതവുമാണെന്ന് അദ്ദേഹം ഓർമ്മിപ്പിച്ചു. മൊബൈൽ ഫോൺ അമിതോപയോഗത്തിൽ നിന്നും തെറ്റായ ലഹരി കൂട്ടുകെട്ടുകളിൽ നിന്നും അകന്നുനിന്ന് കായിക-സർഗ്ഗാത്മക മേഖലകളിൽ കഴിവ് തെളിയിക്കാൻ വിദ്യാർത്ഥികൾ തയ്യാറാകണമെന്ന് അദ്ദേഹം ആഹ്വാനം ചെയ്തു.സ്കൂൾ ഹെഡ്മിസ്ട്രസ് ഷീജ നാപ്പള്ളി ചടങ്ങിൽ അദ്ധ്യക്ഷത വഹിച്ചു. അധ്യാപകരായ വി.വി. ജോസ്,അശ്വതി വയലാട്ട്, പി.ഹേമ,സി.കെ. സജിമോൾ,ആന്റി നാർകോട്ടിക് ക്ലബ്ബ് വളണ്ടിയർ ലീഡർമാരായ അലീന വിൽസൺ, മുഹമ്മദ് ഇർഫാൻ എന്നിവർ ആശംസകൾ അർപ്പിച്ചു സംസാരിച്ചു.സ്ഥിരം പ്രഭാഷണങ്ങൾക്ക് പകരം കുട്ടികളുടെ സംശയങ്ങൾക്കും ചിന്തകൾക്കും മറുപടി നൽകുന്ന തുറന്ന സംവാദ വേദിയായി മാറിയ സെമിനാറിൽ അധ്യാപകരും വിദ്യാർത്ഥികളും സജീവമായി പങ്കെടുത്തു. പരിപാടിക്ക് രജീഷ് കൂനേരി സ്വാഗതവും സി.വി.ഷജിൽ നന്ദിയും പറഞ്ഞു.
വയോധികയുടെ മാല പൊട്ടിച്ച് കടന്നുകളയാൻ ശ്രമിച്ച പ്രതിയെ നാട്ടുകാർ പിടികൂടി പോലീസിൽ ഏൽപ്പിച്ചു
പനമരം: ഒറ്റയ്ക്ക് താമസിക്കുന്ന വയോധികയുടെ മാല പൊട്ടിച്ച് രക്ഷപ്പെടാൻ ശ്രമിച്ച പ്രതിയെ നാട്ടുകാർ പിടികൂടി പോലീസിൽ ഏൽപ്പിച്ചു. ഗൂഡല്ലൂർ എസ്.എസ് നഗർ സ്വദേശി ശിഹാബുദ്ദീൻ (47) ആണ് പിടിയിലായത്. പനമരം ചുണ്ടക്കുന്നിലെ പുതിയ വീട്ടിൽ പാപ്പാതി എന്ന വയോധികയുടെ വീട്ടിലെ ത്തിയ പ്രതി വെള്ളം ചോദിച്ച ശേഷം കഴുത്തിലണിഞ്ഞിരുന്ന മാല പൊട്ടിച്ച് രക്ഷപ്പെടാൻ ശ്രമിക്കുകയായിരുന്നു. വയോധികയുടെ നിലവിളി കേട്ട് ഓടി യെത്തിയ നാട്ടുകാർ പ്രതിയെ സാഹസികമായി പിടികൂടി പനമരം പോലീസിന് കൈമാറി. സംഭവത്തിൽ പോലീസ് തുടർനടപടികൾ സ്വീകരിച്ചു.
'സ്ക്രീൻ ലോക്ക്' ഹ്രസ്വചിത്ര പ്രദർശനവും ഉദ്ഘാടനവും കൽപ്പറ്റയിൽ നടന്നു
കൽപ്പറ്റ: ശശി മാഹി സംവിധാനം ചെയ്ത 'സ്ക്രീൻ ലോക്ക്' എന്ന ഹ്രസ്വചിത്രത്തിന്റെ ഉദ്ഘാടനവും ആദ്യ പ്രദർശനവും കൈനാട്ടി എം.പി. വീരേന്ദ്രകുമാർ ഹാളിൽ നടന്നു. വയനാട് ജില്ലാ ലീഗൽ സർവീസസ് അതോറിറ്റി സെക്രട്ടറിയും സീനിയർ സിവിൽ ജഡ്ജുമായ ആർ.അനിത പരിപാടിയുടെ ഉദ്ഘാടനം നിർവ്വഹിച്ചു. കൽപ്പറ്റ മുനിസിപ്പാലിറ്റി ചെയർപേഴ്സൺ പി. വിശ്വനാഥൻ ചടങ്ങിൽ അധ്യക്ഷത വഹിച്ചു.പ്രമുഖ ചലച്ചിത്ര താരം അബു സലീം മുഖ്യാതിഥിയായി പങ്കെടുത്തു. വയനാട് എക്സൈസ് വിമുക്തി അസിസ്റ്റന്റ് കമ്മീഷണർ സജിത് ചന്ദ്രൻ സിനിമ സംവിധായകൻ ശശി മാഹിക്ക് മൊമെന്റോ സമർപ്പണം നടത്തി സന്ദേശം നൽകി.ചടങ്ങിൽ ഫിലിം ഡയറക്ടറും നടനുമായ പ്രസീദ് കൃഷ്ണൻ,യുവ കവയിത്രി ഷീന ഹരി എന്നിവർ ആശംസകൾ അർപ്പിച്ചു സംസാരിച്ചു.പത്മപ്രഭ ഗ്രന്ഥാലയം പ്രസിഡന്റ് ടി.വി.രവീന്ദ്രൻ സ്വാഗതവും സെക്രട്ടറി കെ.പ്രകാശൻ നന്ദിയും രേഖപ്പെടുത്തി. സാംസ്കാരിക,സാമൂഹിക രംഗങ്ങളിലെ നിരവധി പ്രമുഖർ പ്രദർശനത്തിൽ പങ്കെടുത്തു.
ഭിന്നശേഷിക്കാർക്ക് അടിസ്ഥാന സൗകര്യങ്ങൾ ഉറപ്പാക്കുന്ന പദ്ധതികൾ നടപ്പിലാക്കുക:ഡിഎ ഡബ്ല്യൂഎഫ്
ഭിന്നശേഷിക്കാർക്ക് മറ്റു ജനവിഭാഗങ്ങളെ പോലെ പൊതുസമൂഹത്തിൽ ഇടപെടുന്നതിന് ആവശ്യമായ പശ്ചാത്തല സൗകര്യം ഒരുക്കണമെന്ന്,2016ൽ കേന്ദ്രസർക്കാർ അംഗീകരിച്ച ആർ പി ഡി ആക്ടിൽ നിയമം ഉണ്ടായിട്ടും അവരുടെ ആവശ്യങ്ങൾ നിരാകരിക്കുന്ന സമീപനമാണ് കേന്ദ്ര-സംസ്ഥാന സർക്കാരുകളും തദ്ദേശ സ്വയംഭരണ സ്ഥാപനങ്ങൾ സ്വീകരിക്കുന്നത്. വിശേഷിക്കാർക്ക് അടിസ്ഥാന സൗകര്യങ്ങൾ ഉറപ്പുവരുത്തുന്ന പദ്ധതികൾ ഉടൻ ആരംഭിക്കണമെന്ന് ഡിഎ ഡബ്ല്യൂഎഫ് മീനങ്ങാടി പഞ്ചായത്ത് കൺവെൻഷൻ ബന്ധപ്പെട്ട അധികാരികളോട് ആവശ്യപ്പെട്ടു. മീനങ്ങാടി പഞ്ചായത്ത് കമ്മ്യൂണിറ്റി ഹാളിൽ, ഉപജില്ലാ പ്രസിഡണ്ട് വർഗീസ് എം വി യുടെ അധ്യക്ഷതയിൽ ചേർന്ന കൺവെൻഷൻ മീനങ്ങാടി പഞ്ചായത്ത് പ്രസിഡണ്ട് ശ്രീജ സുരേഷ് ഉദ്ഘാടനം ചെയ്തു.DAWF ജില്ലാ സെക്രട്ടറി കെ എൻ ഇന്ദ്രൻ, നൗഫൽ ടി കെ എന്നിവർ സംസാരിച്ചു. ഉപജില്ല പ്രസിഡണ്ട് ജോർജ് കെ പി സ്വാഗതവും വിപിൻ ചന്ദ്രൻ ആർ നന്ദിയും പറഞ്ഞു. ഭാരവാഹികളായി, വർഗീസ് വി ( പ്രസിഡണ്ട് ), പി എം സഹദേവൻ( വൈസ് പ്രസിഡണ്ട് ), വിപിൻ ചന്ദ്രൻ ആർ ( സെക്രട്ടറി),ബീന കുഞ്ഞപ്പൻ ( ജോയിന്റ് സെക്രട്ടറി ) എന്നിവരെ തിരഞ്ഞെടുത്തു. കെ എസ് ആർ ടി സിയിൽ ദൂരപരിധിയില്ലാതെ മുഴുവൻ ഭിന്നശേഷിക്കാർക്കും സൗജന്യ യാത്ര അനുവദിക്കുക, ആശ്വാസകിരൺ പദ്ധതിയുടെ മുഴുവൻ കുടിശ്ശിക കൊടുത്തു തീർക്കുകയും നിലവിലുള്ള തുക വർദ്ധിപ്പിക്കുകയും ചെയ്യണമെന്നും കൺവെൻഷൻ പ്രമേയത്തിലൂടെ ആവശ്യപ്പെട്ടു.
പ്രത്യേക പ്രോത്‌സാഹന സമ്മാന പദ്ധതിക്ക് അപേക്ഷിക്കാം
2025-26 അധ്യയന വർഷം സർക്കാർ, എയ്ഡഡ്, എം ആർ എസ് സ്കൂളുകളിൽ നിന്നും എസ്.എസ്.എൽ.സി, പ്ലസ് ടു, വി.എച്ച്.എസ്.ഇ, ഡിപ്ലോമ, ടി ടി സി, പോളിടെക്നിക്, ഡിഗ്രി, പി.ജി, പ്രൊഫഷണൽ കോഴ്സുകൾ പൂർത്തിയാക്കി ഫസ്റ്റ് ക്ലാസ്, ഡിസ്റ്റിംഗ്ഷൻ, നിശ്ചിത ഗ്രേഡ് എന്നിവ നേടിയ പട്ടികജാതി വിദ്യാർഥികൾക്ക് പ്രത്യേക പ്രോത്‌സാഹന സമ്മാന പദ്ധതികളിലേക്ക് അപേക്ഷിക്കാം.അർഹരായ വിദ്യാർഥികൾക്ക് ഇ-ഗ്രാന്റ്സ് 3.0 പോർട്ടൽ മുഖേന നവംബർ ഒന്നു മുതൽ ഡിസംബർ 31 വരെ ഓൺലൈനായി അപേക്ഷിക്കാം. ഫോൺ: 04936 203824
ഇന്ദിരാജി അനുസ്മരണം നടത്തി
കൽപ്പറ്റ: കേരള എൻ.ജി.ഒ അസോസിയേഷൻ്റെ നേതൃത്വത്തിൽ മുൻ പ്രധാനമന്ത്രി ഇന്ദിരാഗാന്ധിയുടെ രക്തസാക്ഷിത്വ ദിനത്തിൽ സിവിൽ സ്റ്റേഷനു മുമ്പിൽ അനുസ്‌മരണവും പുഷ്പാർച്ചനയും നടത്തി. ജില്ലാ പ്രസിഡൻ്റ് കെ.ടി. ഷാജി അനുസ്‌മരണ പ്രഭാഷണം നടത്തി. എം.വി.സതീഷ് അധ്യക്ഷത വഹിച്ചു.സംസ്ഥാന കമ്മിറ്റി അംഗങ്ങളായ സി.കെ.ജിതേഷ്, എം.ജി.അനിൽകുമാർ, ജില്ലാ വൈസ് പ്രസിഡൻ്റ് അബ്‌ദുൾ ഗഫൂർ സംസാരിച്ചു. സി.ആർ അഭിജിത്ത്, ബി. സുനിൽകുമാർ, നിഷ മണ്ണിൽ തുടങ്ങിയവർ നേതൃത്വം നൽകി
സമ്പൂർണ ഇ-മാലിന്യമുക്ത ഗ്രാമപഞ്ചായത്തായി തരിയോട് ഗ്രാമപഞ്ചായത്ത്.
കാവുംമന്ദം: വിവിധ ക്യാമ്പയിനുകളിലൂടെ വീടുകൾ സ്ഥാപനങ്ങൾ എന്നിവിടങ്ങളിൽ നിന്നും, പൊതു ഇടങ്ങളിൽ നിന്നും സമ്പൂർണ്ണമായി ഇലക്ട്രോണിക് മാലിന്യങ്ങൾ ശേഖരിച്ച് പഞ്ചായത്തിൽ നിന്നും ഇവയെ നിർമ്മാർജ്ജനം ചെയ്തുകൊണ്ട് തരിയോട് ഗ്രാമപഞ്ചായത്ത് സമ്പൂർണ്ണ ഇ വേസ്റ്റ് രഹിത പഞ്ചായത്തായി മാറി. ഇ വേസ്റ്റ് രഹിത പഞ്ചായത്ത് പ്രഖ്യാപനം തരിയോട് ഗ്രാമപഞ്ചായത്ത് പ്രസിഡണ്ട് സൂസി ബാബു നിർവഹിച്ചു. വൈസ് പ്രസിഡണ്ട് ഷമീം പാറക്കണ്ടി അധ്യക്ഷത വഹിച്ചു. ഗ്രാമപഞ്ചായത്ത് സെക്രട്ടറി ബിജു ടി പദ്ധതി വിശദീകരണം നടത്തി.പഞ്ചായത്തിന്റെയും ഹരിതകർമസേനയുടെയും നേതൃത്വത്തിൽ എല്ലാ വിഭാഗം ജനങ്ങളുടെയും സഹകരണത്തോടെ സംഘടിപ്പിച്ച ഇ-മാലിന്യ ശേഖരണ പ്രവർത്തനങ്ങളും ജനങ്ങളുടെ സജീവ പങ്കാളിത്തവും പദ്ധതിയുടെ വിജയത്തിൽ നിർണായക പങ്കുവഹിച്ചു. പരിസ്ഥിതി സംരക്ഷണത്തിനും ശുചിത്വപൂർണമായ ഗ്രാമാന്തരീക്ഷം ഉറപ്പാക്കുന്നതിനും ലക്ഷ്യമിട്ടുള്ള പ്രവർത്തനങ്ങളിൽ ജനങ്ങളുടെ സഹകരണം അഭിനന്ദനാർഹമാണെന്ന് ചടങ്ങിൽ വിലയിരുത്തി.ഇ-മാലിന്യങ്ങളുടെ ശാസ്ത്രീയമായ ശേഖരണവും സംസ്കരണവും ഉറപ്പാക്കുന്നതിലൂടെ പരിസ്ഥിതി സംരക്ഷണ രംഗത്ത് മാതൃകാപരമായ നേട്ടമാണ് തരിയോട് ഗ്രാമപഞ്ചായത്ത് കൈവരിച്ചത്. ശുചിത്വവും പരിസ്ഥിതി സൗഹൃദവുമായ ഗ്രാമം എന്ന ലക്ഷ്യത്തിലേക്കുള്ള സുപ്രധാന ചുവടുവെപ്പാണ് ഈ പ്രഖ്യാപനം.ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ ആമിന റുക്‌സാന ചടങ്ങിൽ സ്വാഗതം പറഞ്ഞു. ഗ്രാമപഞ്ചായത്ത് സ്റ്റാൻഡിങ് കമ്മിറ്റി ചെയർമാൻ ഷാജി വട്ടത്തറ, അംഗങ്ങളായ വിജയരാഘവൻ, ബേബി മൂത്തേടത്ത്, ഹെഡ്‌ ക്ലർക്ക് ഹംസ, ഹെൽത്ത് ഇൻസ്പെക്ടർ മേഘ പി ആർ, ഹരിത കർമ്മ സേന കൺസോർഷം പ്രസിഡണ്ട് ബീന ജോഷി, സെക്രട്ടറി ആയിഷ തുടങ്ങിയവർ സംസാരിച്ചു. വില്ലേജ് എക്സ്റ്റൻഷൻ ഓഫീസർ ശ്രീജിത്ത് നന്ദി പറഞ്ഞു. ജനപ്രതിനിധികൾ, ജീവനക്കാർ, ഹരിതകർമസേനാംഗങ്ങൾ തുടങ്ങിയവർ ചടങ്ങിൽ പങ്കെടുത്തു.
മുണ്ടക്കൈ-ചൂരല്‍മല ദുരന്തം; വ്യാപാര-വാണിജ്യ കെട്ടിട ഉടമകള്‍ക്ക് 7.19 കോടി രൂപ അനുവദിച്ചു.
മുണ്ടക്കൈ-ചൂരല്‍മല ഉരുള്‍പൊട്ടല്‍ ദുരന്തത്തില്‍ നാശനഷ്ടങ്ങള്‍ സംഭവിച്ച വാണിജ്യ കെട്ടിട ഉടമകള്‍ക്കും ലൈസന്‍സുള്ള വ്യാപാര സംരംഭകര്‍ക്കും നഷ്ടപരിഹാരം നല്‍കാന്‍ 7.19 കോടി രൂപ അനുവദിച്ച് സംസ്ഥാന സര്‍ക്കാര്‍. മുഖ്യമന്ത്രിയുടെ ദുരിതാശ്വാസ നിധിയില്‍ നിന്നാണ് 7,19,99,400 രൂപ നഷ്ടപരിഹാര തുകയായി അനുവദിച്ചത്. മുണ്ടക്കൈ-ചൂരല്‍മല പ്രദേശത്തെ 48 പേരുടെ ഉടമസ്ഥതതയിലുള്ള 128 വാണിജ്യ കടമുറികള്‍ക്കാണ് നഷ്ടപരിഹാരം നല്‍കുന്നതിന് 5,14,50,000 രൂപയാണ് അനുവദിച്ചത്. ഇതില്‍ 16 എണ്ണം നോ-ഗോ സോണില്‍ ഉള്‍പ്പെടുന്നതും ചൂരല്‍മല പാലം നിര്‍മ്മാണവുമായി ബന്ധപ്പെട്ട ഏറ്റെടുക്കല്‍ പരിധിയില്‍ വരുന്നതുമാണ്. ദുരന്ത ബാധിത പ്രദേശത്തെ അര്‍ഹരായ 28 ലൈസന്‍സുള്ള വ്യാപാര/വാണിജ്യ സംരംഭകര്‍ക്ക് നഷ്ടപരിഹാരം നല്‍കുന്നതിന് 2,05,49,400 രൂപയും വകയിരുത്തിയിട്ടുണ്ട്.
വയനാട് സമ്പൂർണ ഇ-മാലിന്യമുക്ത ജില്ലയിലേക്ക്
വയനാട് ജില്ലയെ രാജ്യത്തെ ആദ്യ സമ്പൂർണ ഇ-മാലിന്യമുക്ത ജില്ലയാക്കി മാറ്റുന്നതിന്റെ ഭാഗമായി ജില്ലയിലെ വിവിധ ഗ്രാമപഞ്ചായത്തുകളിൽ ഇ-മാലിന്യമുക്ത പ്രഖ്യാപനം നടത്തി. നവംബർ ഒന്നിന് കേരളപ്പിറവി ദിനത്തിൽ ലക്ഷ്യം കൈവരിക്കുന്നതിനുള്ള പ്രവർത്തനങ്ങളുടെ ഭാഗമായാണ് തദ്ദേശസ്ഥാപനങ്ങളിൽ ഇ-മാലിന്യ ശേഖരണവും ബോധവൽക്കരണ പ്രവർത്തനങ്ങളും ഊർജിതമാക്കിയത്.മാനന്തവാടി ബ്ലോക്ക് പഞ്ചായത്തിലെ ആദ്യ ഇ-മാലിന്യമുക്ത ഗ്രാമപഞ്ചായത്ത് എന്ന നേട്ടം തൊണ്ടർനാട് സ്വന്തമാക്കി. രണ്ട് ഘട്ടങ്ങളിലായി 1,686.75 കിലോഗ്രാം ഇ-മാലിന്യം ശേഖരിച്ചാണ് നേട്ടം കൈവരിച്ചത്. ഒന്നാംഘട്ടത്തിൽ 102.75 കിലോഗ്രാമും രണ്ടാംഘട്ടത്തിൽ 1,584 കിലോഗ്രാമും ശേഖരിച്ചു. മാനന്തവാടി ബ്ലോക്ക് പഞ്ചായത്ത് പ്രസിഡന്റ് മീനാക്ഷി രാമൻ പഞ്ചായത്തിനെ ഇ-മാലിന്യമുക്തമായി പ്രഖ്യാപിച്ചു. ഗ്രാമപഞ്ചായത്ത് പ്രസിഡന്റ് എസ്.എം. പ്രമോദ് മാസ്റ്റർ അധ്യക്ഷനായി. ആരോഗ്യ-വിദ്യാഭ്യാസ സ്ഥിരംസമിതി അധ്യക്ഷൻ ഷിന്റോ കല്ലിങ്കൽ, ക്ഷേമകാര്യ സ്ഥിരംസമിതി അധ്യക്ഷൻ ഷബീറ മൊയ്തു, വികസനകാര്യ സ്ഥിരംസമിതി അധ്യക്ഷൻ ആലിക്കുട്ടി ആറങ്ങാടൻ, പഞ്ചായത്ത് സെക്രട്ടറി ഡോ. എം. ഹരികൃഷ്ണൻ, വാർഡ് അംഗങ്ങളും ഹരിത കർമ്മ സേന അംഗങ്ങളും പങ്കെടുത്തു.നെന്മേനി ഗ്രാമപഞ്ചായത്തിൽ നടന്ന പ്രഖ്യാപനം പഞ്ചായത്ത് പ്രസിഡന്റ് ഗംഗാധരൻ ആത്താർ നിർവഹിച്ചു. കോളിയാടി പാരിഷ് ഹാളിൽ നടന്ന പരിപാടിയിൽ വൈസ് പ്രസിഡന്റ് സുജാത ഹരിദാസ് അധ്യക്ഷയായി. വികസനകാര്യ സ്ഥിരസമിതി ചെയർമാൻ മിനി തോമസ്, ക്ഷേമകാര്യസ്ഥിരസമിതി ചെയർമാൻ ജയ മുരളി, വാർഡ് മെമ്പർമാരായ എബി ജോസഫ്, ഖാദർ മാടക്കര,ടി.യു പ്രശാന്ത്, ഷീല പുഞ്ചവയൽ, യു.കെ. പ്രേമൻ, ഗ്രേസി ടീച്ചർ, ഹനീഫ ചുള്ളിയോട്, ജൂനിയർ സൂപ്രണ്ട് സന്തോഷ് കുമാർ എന്നിവർ പങ്കെടുത്തു. പഞ്ചായത്തിലെ എല്ലാ വാർഡുകളിൽനിന്നുമായി 1,400 കിലോയോളം ഇ-മാലിന്യമാണ് ശേഖരിച്ചത്. പരിപാടിയുടെ ഭാഗമായി ഹരിത കർമ്മ സേന അംഗങ്ങളെ അനുമോദിക്കുകയും ചെയ്തു.പൊഴുതന ഗ്രാമപഞ്ചായത്തിൽ നടന്ന പ്രഖ്യാപനം പ്രസിഡന്റ് നാസർ കാതിരി നിർവഹിച്ചു. വൈസ് പ്രസിഡന്റ് സുധ അനിൽ അധ്യക്ഷയായ പരിപാടിയിൽ വാർഡ് അംഗങ്ങളും ഹരിതകർമസേന അംഗങ്ങളും ജനപ്രതിനിധികളും പങ്കെടുത്തു. 70 കിലോയോളം ഇ- മാലിന്യമാണ് പഞ്ചായത്തില്‍ നിന്നും ശേഖരിച്ചത്.മുട്ടിൽ ഗ്രാമ പഞ്ചായത്തിനെ സമ്പൂർണ്ണ ഇ-മാലിന്യ മുക്ത പഞ്ചായത്തായി ഔദ്യോഗികമായി പ്രഖ്യാപിച്ചു. മുട്ടിൽ ഗ്രാമപഞ്ചായത്ത് ഹാളിൽ നടന്ന ചടങ്ങിൽ ഗ്രാമപഞ്ചായത്ത് പ്രസിഡന്റ് സി.പി രഞ്ജിത്ത് പ്രഖ്യാപനം നിർവ്വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് ലീന സി. നായർ അധ്യക്ഷയായി. ഗ്രാമപഞ്ചായത്ത് സെക്രട്ടറി ജിനാസ് നാസർ, ആരോഗ്യ വിദ്യാഭ്യാസ സ്ഥിരസമിതി ചെയർപേഴ്സൺ നിഷീദ് ചാഴിവയൽ, വികസന സ്ഥിരസമിതി ചെയർപേഴ്സൺ മുഹമ്മദ് ഷജീദ്, ക്ഷേമകാര്യ സ്ഥിരസമിതി ചെയർപേഴ്സൺ ആയിഷാബി എന്നിവർ പങ്കെടുത്തു. 2300 കിലോ ഇ-മാലിന്യമാണ് ശേഖരിച്ചത്. പഞ്ചായത്തിനെ ഈ ചരിത്രപരമായ നേട്ടത്തിലേക്ക് നയിക്കാൻ പ്രയത്നിച്ച ഹരിത കർമ്മ സേനാംഗങ്ങൾ, മുട്ടിൽ ഗ്രാമപഞ്ചായത്ത് ഹെൽത്ത് ഇൻസ്പെക്ടർ, എം.സി.എഫ് കെയർടേക്കർ എന്നിവരെ ചടങ്ങിൽ ആദരിച്ചു.പനമരം ബ്ലോക്ക് പഞ്ചായത്തിലെ ആദ്യ ഈ മാലിന്യമുക്ത പഞ്ചായത്തായി കണിയാമ്പറ്റ ഗ്രാമപഞ്ചായത്ത്. പഞ്ചായത്ത്തല പ്രഖ്യാപനം കമ്പളക്കാട് ടൗണിൽ പഞ്ചായത്ത് പ്രസിഡന്റ് വി.പി. യൂസഫ് നിർവഹിച്ചു. വൈസ് പ്രസിഡന്റ് രേഷ്മ രമേഷ്, ജില്ലാ പഞ്ചായത്ത് അംഗം കമല രാമൻ, പനമരം ബ്ലോക്ക് പഞ്ചായത്ത് ആരോഗ്യസ്ഥിരസമിതി ചെയർമാൻ സി.എച്ച്. ഫസൽ, പഞ്ചായത്ത് സെക്രട്ടറി എം.ബി. ലതിക, ആരോഗ്യ-വിദ്യാഭ്യാസ സ്ഥിരസമിതി ചെയർമാൻ സുരേഷ് ബാബു, വികസനകാര്യ സ്ഥിരസമിതി ചെയർമാൻ കെ.എം. ഫൈസൽ, ക്ഷേമകാര്യ സ്ഥിരസമിതി ചെയർപേഴ്സൺ മറിയം നസീമ എന്നിവർ പങ്കെടുത്തു. വാർഡ് അംഗങ്ങൾ, വ്യാപാരി വ്യവസായി ഏകോപനസമിതി അംഗങ്ങൾ, കുടുംബശ്രീ പ്രവർത്തകർ, ഹരിതകർമസേനാംഗങ്ങൾ, പഞ്ചായത്ത് ജീവനക്കാർ, പൊതുപ്രവർത്തകർ എന്നിവരും സന്നിഹിതരായി. പഞ്ചായത്തിൽനിന്ന് 2,666 കിലോ ഇ-മാലിന്യമാണ് ശേഖരിച്ചത്.
