Kerala
ദിവസങ്ങൾക്ക് ശേഷം സംസ്ഥാനത്ത് സ്വർണ വില കൂടി; പവന് വർധിച്ചത് 160 രൂപ
ദിവസങ്ങൾക്ക് ശേഷം സംസ്ഥാനത്ത് സ്വർണ വിലയിൽ നേരിയ വർധനവ്. ഇന്ന് 22 കാരറ്റ് സ്വർണം ഗ്രാമിന് 20 രൂപയാണ് കൂടിയിരിക്കുന്നത്. പവന് കണക്കാക്കുമ്പോൾ 160 രൂപയുടെ വ‍ർധനവാണ് കേരളത്തിൽ ഉണ്ടായിരിക്കുന്നത്. ഇതോടെ 22 കാരറ്റ് സ്വർണം ഗ്രാമിന് 13, 535 രൂപയിലും പവന് 1,08,280 രൂപയിലുമാണ് ഇപ്പോൾ വ്യാപാരം നടക്കുന്നത്. ഇന്നലെ വിലയിൽ മാറ്റമില്ലാതെ തുടരുകയായിരുന്നു. അതിന് ശേഷമാണ് നേരിയ തോതിലെങ്കിലും ഈ വില വർധനവ് ഉണ്ടായിരിക്കുന്നത്. അന്താരാഷ്ട്ര വിലയിലെ കയറ്റിറക്കങ്ങളാണ് കേരളത്തിലെയും സ്വർണ വിലയെ സ്വാധീനിക്കാറുള്ളത്. അതേ സമയം, സംസ്ഥാനത്ത് വെള്ളി വിലയിലും മാറ്റമില്ലാതെ തുടരുന്ന നിലയാണ്. നിലവിൽ വെള്ളി ഗ്രാമിന് 30 രൂപയിലും 10 ഗ്രാമിന് 2,300 രൂപയും എന്ന കണക്കിലാണ് വ്യാപാരം നടക്കുന്നത്.
സർക്കാരിന്‍റേത് ചരിത്രപരമായ മണ്ടത്തരമെന്ന് പിണറായി വിജയൻ, 50 വർഷം കൊണ്ട് നടക്കേണ്ട വികസനം കിഫ്ബി വഴി സാധ്യമാക്കിയെന്ന് പ്രതിപക്ഷ നേതാവ്
കേരളത്തിന്റെ വികസന സ്വപ്നങ്ങൾക്ക് ചിറകുനൽകിയ കിഫ്ബിയെ തകർക്കാനുള്ള കേന്ദ്ര അജണ്ടയ്ക്ക് കുടപിടിക്കുകയാണ് യുഡിഎഫ് സർക്കാരെന്ന് പ്രതിപക്ഷ നേതാവ് പിണറായി വിജയൻ. കിഫ്ബിക്കെതിരെ നിയോഗിച്ച സുധാ പിള്ള കമ്മിറ്റി റിപ്പോർട്ടും അതിനെ മഹത്വവൽക്കരിക്കുന്ന മുഖ്യമന്ത്രിയുടെ നിലപാടും കേരളത്തോടുള്ള യുദ്ധപ്രഖ്യാപനമാണ്. മുഖ്യമന്ത്രി പറഞ്ഞുകൊണ്ടിരുന്ന അടിസ്ഥാനരഹിതമായ ആരോപണങ്ങൾ അതേപടി പകർത്തിയെഴുതിയ വെറുമൊരു രാഷ്ട്രീയരേഖ മാത്രമാണ് നിയമസഭയുടെ മേശപ്പുറത്തുവെച്ച ഈ റിപ്പോർട്ട്.ഇരുപത്തഞ്ചോ അമ്പതോ വർഷം കൊണ്ടുമാത്രം നടക്കാനിടയുള്ള അടിസ്ഥാന സൗകര്യവികസനങ്ങൾ ഇപ്പോൾത്തന്നെ യാഥാർഥ്യമാക്കുക എന്ന ലക്ഷ്യമാണ് എൽഡിഎഫ് സർക്കാർ കിഫ്ബി വഴി സാധ്യമാക്കിയത്. കിഫ്ബിയെ പുനരുജ്ജീവിപ്പിച്ച ഘട്ടത്തിൽ അതിനെ ഏറ്റവും രൂക്ഷമായി പരിഹസിച്ചവരാണിപ്പോൾ അതിന്‍റെ അവിശ്വസനീയമായ വിജയം കണ്ട് കണ്ണുമഞ്ഞളിച്ച് അതിനെ ഞെക്കിക്കൊല്ലാൻ ശ്രമിക്കുന്നത്. കിഫ്ബിയെ തകർക്കുക എന്നത് കേവലമൊരു ചരിത്രപരമായ മണ്ടത്തരം മാത്രമല്ല, ഇന്നത്തെയും നാളത്തെയും തലമുറകളോട് ചെയ്യുന്ന കൊടും ക്രൂരത കൂടിയാണ്.
'പ്രിയദർശിനി നഷ്ടമുണ്ടാക്കി, മിനിമം ചാർജ് 20 രൂപയാക്കണം'; സംസ്ഥാന വ്യാപകമായി സ്വകാര്യ ബസുകൾ പണിമുടക്കിലേക്ക്
കൊച്ചി:സംസ്ഥാനത്ത് സ്വകാര്യ ബസുകൾ പണിമുടക്കിലേക്ക്. സമര പ്രഖ്യാപനം ഉടൻ കൊച്ചിയിൽ ഉണ്ടാകുമെന്ന് ഉടമകളുടെ സംഘടനകൾ അറിയിച്ചു. പ്രിയദർശിനി പദ്ധതിയിലൂടെയുള്ള സാമ്പത്തിക നഷ്ടം പരിഹരിക്കുക, ബസ് ചാർജ് വർധിപ്പിക്കുക, വിദ്യാർത്ഥികളുടെ കൺസേഷൻ നിരക്ക് വർധിപ്പിക്കുക തുടങ്ങിയ ആവശ്യങ്ങൾ ഉന്നയിച്ചാണ് സമരം. ആറ് സംഘടനകൾ അടങ്ങുന്ന സംയുക്ത സംഘടനകളുടെ നേതൃത്വത്തിലാണ് പണിമുടക്ക്. അതേസമയം, കേരള ബസ് ട്രാൻസ്പോർട്ട് ഫെഡറേഷൻ ഈ പണിമുടക്ക് സമരത്തിൽ പങ്കാളികളാകില്ല. പ്രിയദർശിനി നഷ്ടം മറികടക്കാൻ ബസ് ഉടമകൾക്ക് ആനുകൂല്യം പ്രഖ്യാപിക്കണമെന്നും ബസ് ചാർജ് മിനിമം 20 രൂപയാക്കണമെന്നും വിദ്യാർത്ഥി കൺസഷൻ 10 രൂപയാക്കണമെന്നുമാണ് പ്രധാന ആവശ്യംനേരത്തെ, നവംബര്‍ മുതല്‍ സര്‍വീസുകള്‍ പൂര്‍ണമായി നിര്‍ത്തുമെന്ന് സ്വകാര്യ ബസ് ഓപ്പറേറ്റേഴ്സ് ഫെഡറേഷന്‍ അറിയിച്ചിരുന്നു. പ്രിയദര്‍ശിനി സൗജന്യ യാത്ര പദ്ധതി നടപ്പിലാക്കിയ റൂട്ടുകളില്‍ ഡീസല്‍ അടിക്കാനോ തൊഴിലാളികള്‍ക്ക് മാന്യമായ വേതനം നല്‍കാനോ പോലും വരുമാനം ലഭിക്കാതെ സര്‍വീസ് നടത്തുന്ന സ്വകാര്യ ബസുകളെ സംരക്ഷിക്കുന്നതിനാവശ്യമായ നടപടികള്‍ സ്വീകരിക്കണമെന്ന് ആവശ്യപ്പെട്ട് ബസ് ഓപ്പറേറ്റേഴ്സ് ഫെഡറേഷന്‍ പ്രക്ഷോഭ സമരങ്ങള്‍ക്ക് രൂപം നല്‍കി. ഇതിന്റെ ഭാഗമായി ഈ മാസം 14ന് ഫെഡറേഷന്റെ നേതൃത്വത്തില്‍ സെക്രട്ടറിയേറ്റ് മാര്‍ച്ച് നടത്തി.പ്രിയദര്‍ശിനി പദ്ധതി കാരണം ദുരിതമനുഭവിക്കുന്ന ബസുടമകളെയും ജീവനക്കാരെയും സംരക്ഷിക്കുക, ദൈനംദിന ചിലവ് വര്‍ദ്ധിക്കുന്നതിനസരിച്ച് വരുമാനം വര്‍ധിക്കുന്നതിന് വിദ്യാര്‍ഥികളുടെ ടിക്കറ്റ് നിരക്ക് ഉള്‍പ്പെടെ ബസ് ചാര്‍ജ് വര്‍ദ്ധിപ്പിക്കുക, ടൈമിങ്ങ് കോണ്‍ഫറന്‍സുകള്‍ ഓണ്‍ലൈന്‍ വഴി മാത്രം നടത്തണം എന്ന ട്രാന്‍സ്പോര്‍ട്ട് കമ്മീഷണറുടെ ഉത്തരവ് പിന്‍വലിക്കുക തുടങ്ങിയ പ്രധാനപ്പെട്ട ആവശ്യങ്ങള്‍ നടപ്പിലാക്കണമെന്ന് ആവശ്യപ്പെട്ടാണ് ബസ് ഉടമകളും കുടുംബാംഗങ്ങളും 14 ന് തിരുവനന്തപുരം സെക്രട്ടറിയേറ്റിലേക്ക് മാര്‍ച്ചും ധര്‍ണയും നടത്തുന്നത്.
നവരാത്രിക്ക് ഇത്തവണ അവധി അഞ്ച് ദിവസം, തിങ്കളാഴ്ചയും പൊതു അവധി പ്രഖ്യാപിച്ചു, എല്ലാ വിദ്യാഭ്യാസ സ്ഥാപനങ്ങൾക്കും ബാധകം
ഈ വർഷത്തെ നവരാത്രി ആഘോഷങ്ങളുടെ ഭാഗമായി പൂജാവെപ്പ് ദിനമായ 2026 ഒക്ടോബർ 19 തിങ്കളാഴ്ച സംസ്ഥാനത്ത് പൊതു അവധി പ്രഖ്യാപിച്ച് സർക്കാർ ഉത്തരവിറങ്ങി. സംസ്ഥാനത്തെ എല്ലാ സർക്കാർ, അർദ്ധസർക്കാർ, പൊതുമേഖലാ സ്ഥാപനങ്ങൾക്കും നെഗോഷ്യബിൾ ഇൻസ്ട്രുമെന്റ് ആക്ട് പ്രകാരം പ്രവർത്തിക്കുന്ന സ്ഥാപനങ്ങൾക്കും പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ഈ പൊതുഅവധി ബാധകമായിരിക്കും.ഈ വർഷം ഒക്ടോബർ 18-ന് വൈകിട്ടാണ് പൂജവെപ്പ് ചടങ്ങുകൾ ആരംഭിക്കുന്നത്. ഇതിന്റെ അടിസ്ഥാനത്തിലാണ് ഒക്ടോബർ 19-ന് കൂടി അവധി അനുവദിക്കണമെന്ന ആവശ്യം സംഘടന മുന്നോട്ടുവെച്ചത്. ഒക്ടോബർ 19 തിങ്കളാഴ്ച അഷ്ടമിയും, ഒക്ടോബർ 20 ചൊവ്വാഴ്ച നവമിയും, ഒക്ടോബർ 21 ബുധനാഴ്ച വിജയദശമിയുമാണ്. കേരള സർക്കാരിന്റെ ഔദ്യോഗിക കലണ്ടറിലും ഒക്ടോബർ 18-ന് പൂജവെപ്പ്, 19-ന് ദുർഗ്ഗാഷ്ടമി, 20-ന് മഹാനവമി ആയുധപൂജ, 21-ന് വിജയദശമി പൂജയെടുപ്പ് എന്ന ക്രമത്തിലാണ് രേഖപ്പെടുത്തിയിട്ടുള്ളത്.പുതിയ ഉത്തരവ് പ്രകാരം ഒക്ടോബർ 18, 19, 20, 21 തിയതികളിൽ തുടർച്ചയായ അവധിയായിരിക്കും ലഭിക്കുക. ശനിയാഴ്ചത്തെ നേരത്തെയുള്ള അവധി കൂടി കണക്കിലെടുക്കുമ്പോൾ ഇത്തവണ നവരാത്രിയോടനുബന്ധിച്ച് ആകെ അഞ്ച് ദിവസത്തെ തുടർച്ചയായ അവധിയാണ് ലഭിക്കുന്നത്.
കേരളത്തിൽ തുലാവർഷമെത്തി: എല്ലാ ജില്ലകളിലും മഴ മുന്നറിയിപ്പ്, 4 ജില്ലകളിൽ ഓറഞ്ച് അലർട്ട്, ഇടിമിന്നലിൽ ജാഗ്രത വേണം
സംസ്ഥാനത്ത് തുലാവർഷം എത്തി. കാലാവസ്ഥ നിരീക്ഷണ കേന്ദ്രം എല്ലാ ജില്ലകളിലും മഴ മുന്നറിയിപ്പ് നല്‍കി. നാല് ജില്ലകളിൽ ഓറഞ്ച് അലർട്ട് പ്രഖ്യാപിച്ചു. പത്തനംതിട്ട, കോട്ടയം, ഇടുക്കി, എറണാകുളം എന്നീ ജില്ലകളിലാണ് ഓറഞ്ച് അലർട്ട് പ്രഖ്യാപിച്ചിരിക്കുന്നത്. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കാണ് സാധ്യത. ഇടിമിന്നലിൽ ജാഗ്രത വേണമെന്നും കാലാവസ്ഥ നിരീക്ഷണ കേന്ദ്രം നിര്‍ദേശം നല്‍കി. ഞായറാഴ്ച വരെ വ്യാപക മഴയ്ക്ക് സാധ്യതയുണ്ട്.വരും ദിവസങ്ങളിലെ മഴ മുന്നറിയിപ്പ്യെല്ലോ അലർട്ട്15/10/2026: തിരുവനന്തപുരം, കൊല്ലം, ആലപ്പുഴ, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസര്‍കോട്
ഇത് വമ്പൻ ഇറക്കം! 4 ദിവസം കൊണ്ട് സ്വർണത്തിന് കേരളത്തിൽ കുറഞ്ഞത് 2920 രൂപ
സംസ്ഥാനത്ത് സ്വർണ വിലയിൽ ഇന്നും ഇടിവ്. ഇന്ന് 22 കാരറ്റ് സ്വർണത്തിന് ഗ്രാമിന് 75 രൂപയും പവന് 600 രൂപയുമാണ് കുറഞ്ഞിരിക്കുന്നത്. ഇതോടെ ഇന്ന് ഗ്രാമിന് 13,515 രൂപയിലും പവന് 1,08,120 രൂപയിലുമാണ് സ്വർണ വ്യാപാരം നടക്കുന്നത്. കുറേ ദിവസങ്ങളായി കേരളത്തിലെ സ്വർണ വിലയിൽ ഇടിവാണ് കാണുന്നത്. അന്താരാഷ്ട്ര വിലയിലെ കയറ്റിറക്കങ്ങളാണ് കേരളത്തിലെയും സ്വർണ വിലയെ സ്വാധീനിക്കാറുള്ളത്. കൂടാതെ സംസ്ഥാനത്ത് വെള്ളി വിലയിലും ഇന്ന് ഇടിവാണ് രേഖപ്പെടുത്തിയിട്ടുള്ളത്. നിലവിൽ വെള്ളി ഗ്രാമിന് 30 രൂപയിലും 10 ഗ്രാമിന് 2,300 രൂപയും എന്ന കണക്കിലാണ് വ്യാപാരം നടക്കുന്നത്.
തുലാവർഷം വൈകിട്ടെത്തും, 12 ജില്ലകളിലും മഴ മുന്നറിയിപ്പ്, 4 ജില്ലകളിൽ ഓറഞ്ച് അലർട്ട്, 8 ജില്ലകളിൽ യെല്ലോ അലർട്ട്
സംസ്ഥാനത്ത് തുലാവർഷം ഇന്ന് എത്തും. ഇനിയുള്ള ദിവസങ്ങളിൽ മിന്നലോട് കൂടിയ ശക്തമായ മഴയ്ക്ക് സാധ്യത. കണ്ണൂരും കാസർകോടും ഒഴികെ 12 ജില്ലകളിലും ഇന്ന് മഴ മുന്നറിയിപ്പ് ഉണ്ട്. ഇന്ന് പത്തനംതിട്ട, കോട്ടയം, ഇടുക്കി, എറണാകുളം ജില്ലകളിൽ ഓറഞ്ച് അലർട്ട് പ്രഖ്യാപിച്ചു. തിരുവനന്തപുരം, കൊല്ലം, ആലപ്പുഴ, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിൽ യെല്ലോ അലർട്ട് ആണ്.
തട്ടിപ്പിനുള്ള ‘അവസരങ്ങൾ’; വിദേശരാജ്യങ്ങളിലേക്ക് അവസരങ്ങൾ വാഗ്ദാനംചെയ്ത് തട്ടിപ്പ് വ്യാപകം
വിദേശരാജ്യങ്ങളിൽ അവസരം വാഗ്ദാനംചെയ്യുന്നവരെ വിശ്വസിച്ച് പണം നഷ്ടപ്പെട്ട ഒട്ടേറെ ആളുകളാണ് മുന്നോട്ടുവരുന്നതെന്നു പ്രവാസി കമ്മിഷൻ. 51 പഴയ പരാതികളും 20 പുതിയ പരാതികളുമടക്കം 71 കേസുകളാണ് ഇന്നലെ പരിഗണനയ്ക്കെടുത്തത്. ലക്ഷങ്ങൾ തട്ടിയ ഒട്ടേറെ കേസുകളും പരിഗണനയ്ക്കെത്തി. പണംവാങ്ങിയശേഷം ഏജന്റുമാരുടെ ഫോൺ നമ്പറുകളിൽ വിളിച്ചാൽ കിട്ടുന്നില്ല. ഉന്നതബന്ധങ്ങളുണ്ടെന്ന് വിശ്വസിപ്പിച്ചാണ് ഇത്തരക്കാർ തട്ടിപ്പ് നടത്തുന്നത്. സാമ്പത്തികത്തട്ടിപ്പുമായി ബന്ധപ്പെട്ട പരാതികളാണ് സിറ്റിങ്ങിൽ കൂടുതൽ ലഭിച്ചത്.തട്ടിപ്പുകേസുകളിൽ തെളിവു കുറവ്തട്ടിപ്പുകളിൽ അകപ്പെടാതിരിക്കാൻ പ്രവാസികൾക്ക് ബോധവൽക്കരണം ആവശ്യമാണെന്ന് കേരള പ്രവാസി കമ്മിഷൻ ചെയർപഴ്സൻ ജസ്റ്റിസ് സോഫി തോമസ് പറഞ്ഞു. കാസർകോട് കലക്ടറേറ്റ് കോൺഫറൻസ് ഹാളിൽ നടന്ന പ്രവാസി കമ്മിഷൻ സിറ്റിങ്ങിനുശേഷം സംസാരിക്കുകയായിരുന്നു അവർ.വിദേശത്ത് പങ്കാളിത്ത ബിസിനസിൽ പണമിറക്കുകയും അത് തിരിച്ചുലഭിക്കാതിരിക്കുകയും ചെയ്ത ഒട്ടേറെ കേസുകൾ പരിഗണനയ്ക്കു വന്നു. എന്നാൽ, പലരുടെയും കയ്യിൽ പണം കൈമാറിയതിന്റെയോ ബിസിനസ് പങ്കാളിത്തത്തിന്റെയോ കൃത്യമായ രേഖകളില്ല. എതിർകക്ഷികളുടെ കൃത്യമായ വിലാസംപോലും കയ്യിലില്ല.ഇത് പൊലീസിന് പരിമിതിയുണ്ടാക്കുന്നു. ഇത്തരം കേസുകൾ പരിഹരിക്കുന്നതിൽ കമ്മിഷനും പ്രയാസങ്ങളുണ്ട്. നോർക്കപോലുള്ള സംവിധാനങ്ങളുടെ വെബ്സൈറ്റുകളും നമ്പറുകളുമെല്ലാം ഉപയോഗപ്പെടുത്തണം.ആശ്രയിക്കേണ്ടവരും തട്ടിപ്പു നടത്തുന്നു എംബസിവഴിയും നോർക്കപോലുള്ള സംവിധാനങ്ങൾ ഉപയോഗപ്പെടുത്തിയും പരമാവധി കേസുകൾ പരിഹരിക്കാൻ ശ്രമിക്കുന്നുണ്ടെന്നും ചെയർപഴ്സൻ പറഞ്ഞു. വാഗ്ദാനങ്ങൾ നൽകി പണം കൈക്കലാക്കുന്ന സംഘടനകളെയും അഭിഭാഷകരെയുംകുറിച്ചും പ്രവാസികൾ ബോധവാന്മാരാകണം. പെൻഷൻ വാഗ്ദാന ചെയ്തു പല സംഘടനകളും പണം വാങ്ങുന്നു. പിന്നീട് അവരുടെ പൊടിപോലും ഉണ്ടാകില്ല. എംബസിയിലെ എംപാനൽ അഭിഭാഷകർ തട്ടിപ്പുനടത്തി പണം തട്ടുന്നുണ്ടെന്നും കമ്മിഷൻ ചൂണ്ടിക്കാട്ടി.
വീടുകളിലെത്തി കർട്ടൻ, ഫ്ലോർ മാറ്റ് വില്പന: തട്ടിപ്പ് സംഘങ്ങൾ വിലസുന്നു.
വീടുകൾ കയറിയിറങ്ങി കർട്ടൻഫ്‌ളോർ മാറ്റ് വിൽപ്പനയുമായി എത്തി വൻതുക ഈടാക്കുന്ന തട്ടിപ്പ് സംഘങ്ങൾ വ്യാപകമാകുന്നു. ജില്ലയിലെ വിവിധ ഭാഗങ്ങളിൽ ഇത്തരം സംഘങ്ങൾ എത്തുന്നുണ്ട്. പിലാത്തറ, മാതമംഗലം, കൈതപ്രം, മണിയറ ഭാഗങ്ങളിൽ ഫ്‌ളോർ മാറ്റ് വിൽക്കാനെന്ന പേരിൽ ഇത്തരം സംഘങ്ങൾ ഇപ്പോൾ പതിവായി എത്തുന്നുണ്ട്. അമിതവിലയാണ് ഇത്തരക്കാർ ഈടാക്കുന്നത്. പിന്നാലെ, വീടുകളിൽ കർട്ടൻ ഫിറ്റ് ചെയ്തു നൽകാമെന്ന് പറഞ്ഞ് സമാന രീതിയിൽ തട്ടിപ്പ് നടത്തുന്നതായും വ്യാപക പരാതി ഉയരുന്നുണ്ട്. സംഘം വീടുകളിലെത്തി വളരെ ആകർഷകമായ വിലയ്ക്കും ഉയർന്ന ഗുണമേന്മയിലും കർട്ടൻ ഫിറ്റ് ചെയ്തുനൽകാമെന്നോ ഫ്‌ളോർ മാറ്റ് വിരിക്കാമെന്നോ പറഞ്ഞ് വിശ്വസിപ്പിക്കുംതുടക്കത്തിൽ ആകെ തുകയോ കൃത്യമായ അളവിലുള്ള വിലയോ വ്യക്തമാക്കില്ല. ചതുരശ്രയടി കണക്ക് പറഞ്ഞ് ഉപഭോക്താക്കളെ ആശയക്കുഴപ്പത്തിലാക്കും. താത്പ്പര്യമുണ്ടെന്ന് മനസ്സിലായാൽ, വില കൃത്യമായി ഉറപ്പിക്കുന്നതിന് മുമ്പുതന്നെ കർട്ടൻ തുണിയോ മാറ്റോ എടുത്ത് ജനലുകളിലോ തറയിലോ വിരിക്കാനും മുറിക്കാനും തുടങ്ങും. ബലമായി അളവെടുത്ത് സാധനങ്ങൾ മുറിക്കുന്നതാണ് രീതി. അളന്നു മുറിച്ചുകഴിഞ്ഞാൽ ഉപഭോക്താക്കൾ ആശയക്കുഴപ്പത്തിലാകുന്നത് മുതലെടുത്ത് ഭീമമായ തുക ആവശ്യപ്പെടും. വില ചോദ്യം ചെയ്താൽ തർക്കിക്കാനും ഭീഷണിപ്പെടുത്താനും തുടങ്ങും. ഇത്തരം തട്ടിപ്പുകാർ കൃത്യമായ ബില്ലുളോ ഫോൺ നമ്പറുകളോ നൽകാറില്ല.ശ്രദ്ധിക്കേണ്ട കാര്യങ്ങൾഏതൊരു സാധനമോ സേവനമോ സ്വീകരിക്കുന്നതിന് മുമ്പ് അളവും മൊത്തം തുകയും കൃത്യമായി ചോദിച്ചു മനസ്സിലാക്കുക.വിലയും വ്യവസ്ഥകളും വ്യക്തമാക്കാതെ വീടുകളിൽ കർട്ടൻ ഫിറ്റ് ചെയ്യാനോ മാറ്റുകൾ മുറിക്കാനോ അനുവദിക്കാതിരിക്കുകസമീപപ്രദേശങ്ങളിൽ ഇന്നലെ വിൽപ്പന നടത്തിയെന്നോ വലിയ ഡിസ്‌കൗണ്ട് ഉണ്ടെന്നോ ഉള്ള വാഗ്ദാനങ്ങളിൽ വീഴരുത്സംശയം തോന്നിയാൽ അപ്പോൾ തന്നെ ഇടപാട് ഒഴിവാക്കുകസംശയാസ്പദമായ വാഹനങ്ങൾ കണ്ടാൽ തൊട്ടടുത്തുള്ളവരെ വിവരമറിയിക്കണം. പരിചയമില്ലാത്തവരെ വീടുകളിൽ കയറ്റുന്നത് പരമാവധി ഒഴിവാക്കുക.
തുലാവര്‍ഷം വരുന്നു: സംസ്ഥാനത്ത് നാളെ മുതല്‍ അതിശക്തമായ മഴയ്ക്ക് സാധ്യത
തിരുവനന്തപുരം: സംസ്ഥാനത്ത് നാളെ മുതല്‍ അതിശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. നാളെ നാല് ജില്ലകളില്‍ ഓറഞ്ച് അലേര്‍ട്ടും എട്ട് ജില്ലകളില്‍ യെല്ലോ അലേര്‍ട്ടും പ്രഖ്യാപിച്ചു. ഞായറാഴ്ച വരെ വിവിധ ജില്ലകളില്‍ യെല്ലോ അലേര്‍ട്ട് പ്രഖ്യാപിച്ചിട്ടുണ്ട്.പത്തനംതിട്ട, കോട്ടയം, ഇടുക്കി, എറണാകുളം ജില്ലകളിലാണ് കേന്ദ്ര കാലാവസ്ഥ വകുപ്പ് ഓറഞ്ച് അലര്‍ട്ട് പ്രഖ്യാപിച്ചത്. ഒറ്റപ്പെട്ടയിടങ്ങളില്‍ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. ഇടിമിന്നലോടു കൂടിയ മഴയാണ് പ്രതീക്ഷിക്കുന്നത്. തിരുവനന്തപുരം, കൊല്ലം, ആലപ്പുഴ, തൃശ്ശൂര്‍, പാലക്കാട്, മലപ്പുറം, കോഴിക്കോട്, വയനാട് ജില്ലകളില്‍ മഞ്ഞ അലര്‍ട്ടും പ്രഖ്യാപിച്ചിട്ടുണ്ട്.
ഇനിയും കുറയുമോ? സംസ്ഥാനത്ത് സ്വർണവില വീണ്ടും കുറഞ്ഞു
സംസ്ഥാനത്ത് സ്വർണവില വീണ്ടും ഇടിഞ്ഞു. 22 കാരറ്റ് സ്വർണത്തിന് ഗ്രാമിന് 95 രൂപയാണ് ബുധനാഴ്ച രാവിലെ കുറഞ്ഞത്. ഇതോടെ ഗ്രാമിന് 13,590 രൂപയായി. പവന് 1,08,720 രൂപയാണ് വില. കഴിഞ്ഞദിവസം ഗ്രാമിന് 35 രൂപയാണ് കുറഞ്ഞത്.18 കാരറ്റ് സ്വർണത്തിനും ബുധനാഴ്ച വില കുറഞ്ഞു. ഗ്രാമിന് 75 രൂപ കുറഞ്ഞ് 11, 165 രൂപയാണ് ബുധനാഴ്ചത്തെ വില. പവന് 89,320 രൂപയായും കുറഞ്ഞു. 14 കാരറ്റ് സ്വർണത്തിന് 60 രൂപ കുറഞ്ഞു. ഗ്രാമിന് 8,700 രൂപയും പവന് 69, 600 രൂപയുമാണ് വില. 9 കാരറ്റ് സ്വർണത്തിന് 40 രൂപയാണ് കുറഞ്ഞത്. ഗ്രാമിന് 5610 രൂപയും പവന് 44880 രൂപയുമാണ് ബുധനാഴ്ചത്തെ വില. വെള്ളി വിലയിൽ മാറ്റമില്ല. ഗ്രാമിന് 235 രൂപയാണ് വെള്ളിയുടെ വില.
കണ്ണൂരിൽ വിമാനങ്ങൾ താഴ്ന്നു പറക്കും! ആശങ്ക വേണ്ട; എയ്റോ ജിയോഫിസിക്കൽ സർവ്വേ ആരംഭിച്ചു.
വടക്കൻ കേരളത്തിൽ ഭൂമിക്കടിയിലെ തന്ത്രപ്രധാനമായ ധാതുനിക്ഷേപ സാധ്യത കണ്ടെത്താൻ ജിയോളജിക്കൽ സർവേ ഓഫ് ഇന്ത്യ ശാസ്ത്രീയ എയ്റോ ജിയോ ഫിസിക്കൽ സർവേ ആരംഭിച്ചു.കണ്ണൂർ, കാസർകോട്, വയനാട്, കോഴിക്കോട് ജില്ലകളിലും കർണാടക അതിർത്തി പ്രദേശങ്ങളിലുമാണ് സർവേ നടക്കുന്നത്. തോറിയം, യുറേനിയം, മഗ്നീഷ്യം തുടങ്ങിയ ധാതുക്കളുടെ സാന്നിധ്യം കണ്ടെത്തുകയാണ് ലക്ഷ്യം.പരിശോധനയുടെ ഭാഗമായി വിമാനങ്ങൾ സാധാരണയിൽ കവിഞ്ഞ് താഴ്ന്ന് പറന്നത് ജനങ്ങളിൽ ആശങ്ക പരത്തിയിരുന്നെങ്കിലും ഇത് ഔദ്യോഗിക അനുമതിയോടെയുള്ള സുരക്ഷിത സർവേയാണെന്ന് അധികൃതർ വ്യക്തമാക്കി. ഡയറക്ടറേറ്റ് ജനറൽ ഓഫ് സിവിൽ ഏവിയേഷന്റെ മുൻകൂർ അനുമതിയോടെയാണ് സർവേ പുരോഗമിക്കുന്നത്.ഇതിനായി രണ്ട് ചെറുവിമാനങ്ങൾ കണ്ണൂർ വിമാന താവളത്തിൽ എത്തിച്ചാണ് സർവേ പ്രവർത്തനങ്ങൾ നടത്തുന്നത്. ഭൂനിരപ്പിൽ നിന്ന് 80 മുതൽ 120 മീറ്റർ മാത്രം ഉയരത്തിൽ പറന്ന് വിമാനങ്ങളിലെ അത്യാധുനിക സെൻസറുകൾ ഉപയോഗിച്ചാണ് ഭൂമിക്കടിയിലെ വിവരങ്ങൾ ശേഖരിക്കുന്നത്. വിവര ശേഖരണത്തിന് ശേഷം വിദഗ്ദ്ധർ നേരിട്ടെത്തി വിശദമായ ഭൂതല പരിശോധനകളും നടത്തും.
തുലാവര്‍ഷം വരുന്നു; ഇന്ന് മുതല്‍ ശനിയാഴ്ച വരെ മഴയ്ക്ക് സാധ്യത
തിരുവനന്തപുരം: സംസ്ഥാനത്ത് തുലാവര്‍ഷം വരുന്നു. ഇന്ന് മുതല്‍ ശനിയാഴ്ച വരെ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. മഴയ്‌ക്കൊപ്പം 40 മുതല്‍ 50 കിലോമീറ്റര്‍ വരെ വേഗതയില്‍ കാറ്റിനും സാധ്യതയുണ്ട്.അടുത്ത രണ്ട് ദിവസത്തിനുള്ളില്‍, രാജ്യത്തിന്റെ ശേഷിക്കുന്ന ഭാഗങ്ങളില്‍ നിന്നും തെക്കുപടിഞ്ഞാറന്‍ മണ്‍സൂണ്‍ പിന്‍വാങ്ങുന്നതിനും അതോടൊപ്പം തെക്കേ ഇന്ത്യയില്‍ വടക്കുകിഴക്കന്‍ മണ്‍സൂണ്‍ മഴ ആരംഭിക്കുന്നതിനും സാധ്യതയുണ്ടെന്നാണ് കാലാവസ്ഥാ വകുപ്പിന്റെ മുന്നറിയിപ്പ്.തെക്കന്‍ ശ്രീലങ്കന്‍ തീരത്തിന് സമീപം, തെക്കുപടിഞ്ഞാറന്‍ ബംഗാള്‍ ഉള്‍ക്കടലിനു മുകളിലായി ചക്രവാതച്ചുഴി രൂപപ്പെട്ടിട്ടുണ്ട്.കേരളത്തില്‍ ഇന്ന് മുതല്‍ 17 വരെയുള്ള ദിവസങ്ങളില്‍ നേരിയതോ മിതമായതോ ആയ മഴയ്ക്കാണ് സാധ്യത. ഒക്ടോബര്‍ 15, 16, 17 തീയതികളില്‍ ഒറ്റപ്പെട്ട സ്ഥലങ്ങളില്‍ ശക്തമായ മഴയ്ക്ക് സാധ്യതയുണ്ട്. ഒക്ടോബര്‍ 12, 13 തീയതികളില്‍ കേരളത്തിലെ ഒറ്റപ്പെട്ട സ്ഥലങ്ങളില്‍ ഇടിമിന്നലോടുകൂടിയ മഴയ്ക്കും, ഒക്ടോബര്‍ 15, 16, 17 തീയതികളില്‍ ഒറ്റപ്പെട്ട സ്ഥലങ്ങളില്‍ ഇടിമിന്നലോടുകൂടിയ മഴയ്ക്കും മണിക്കൂറില്‍ 40-50 കി.മീ. വരെ വേഗതയില്‍ ശക്തമായ കാറ്റിനും സാധ്യത
ഇന്ത്യയില്‍ നടക്കുന്നത് ജനാധിപത്യവിരുദ്ധ നടപടികള്‍'; പിണറായി വിജയന്‍
ഇന്ത്യയുടെ ജനാധിപത്യത്തെക്കുറിച്ച് അഭിമാനം കൊള്ളാറുണ്ടായിരുന്നു. എന്നാലിപ്പോള്‍ നടക്കുന്നത് ജനാധിപത്യവിരുദ്ധമായ നടപടികളെന്ന് പിണറായി വിജയന്‍. ലോകത്ത് നല്ല രീതിയില്‍ ജനാധിപത്യം പുലരുന്ന രാഷ്ട്രം ആയിട്ടാണ് ഇന്ത്യയെ കണ്ടതെന്നും അത്തരമൊരു രാഷ്ട്രത്തില്‍ സങ്കല്‍പ്പിക്കാന്‍ കഴിയാത്ത കാര്യങ്ങളാണ് നടക്കുന്നതെന്നും പിണറായി വിമര്‍ശിച്ചു.പ്രതിഷേധിക്കാന്‍ ജനങ്ങള്‍ക്ക് അവകാശമുണ്ട്. പ്രതിഷേധത്തെ സര്‍ക്കാര്‍ തടയാന്‍ പാടില്ല എന്ന് സുപ്രീം കോടതി തന്നെ പറയുന്നുണ്ട്. 50ലധികം മെട്രോ സ്റ്റേഷന്‍ അടച്ചപ്പോഴാണ് ഇത് പറയേണ്ടി വന്നത്. സഞ്ചാര സ്വാതന്ത്ര്യം പ്രധാനമാണെന്ന് സുപ്രീംകോടതി വ്യക്തമാക്കിയിട്ടും വില കല്‍പ്പിക്കാന്‍ മോദി സര്‍ക്കാര്‍ തയ്യാറാവുന്നില്ല. അവര്‍ നടപ്പാക്കാന്‍ ഉദ്ദേശിച്ചത് നടപ്പാക്കപ്പെട്ടുവെന്ന് പിണറായി വിമര്‍ശിച്ചു. സിപിഐഎം ജനറല്‍ സെക്രട്ടറിയാണ് സുപ്രീം കോടതിയുടെ മുന്നില്‍ ഈ പ്രശ്‌നം എത്തിച്ചത്. ഡല്‍ഹി മുഴുവന്‍ പൊലീസ് തടഞ്ഞിരിക്കുകയാണ്. സൈനിക അര്‍ദ്ധസൈനിക വിഭാഗങ്ങള്‍ എല്ലാം നിരന്നു നില്‍ക്കുകയാണ്. രാജ്യ തലസ്ഥാനം പൊലീസ് സ്റ്റേറ്റ് ആയി മാറിയ അവസ്ഥയാണുള്ളത്.
നെടുമ്പാശ്ശേരിയിൽ മിനികൂപ്പർ കാർ സ്കൂട്ടറിലിടിച്ച് മൂന്ന് പേർ ദാരുണമായി മരിച്ചു.
എറണാകുളം: നെടുമ്പാശ്ശേരിയിൽ പുലർച്ചെയുണ്ടായ വാഹനാപകടത്തിൽ മൂന്ന് പേർക്ക് ദാരുണാന്ത്യം. അമിത വേഗതയിലെത്തിയ മിനികൂപ്പർ കാർ സ്കൂട്ടറിൽ ഇടിച്ചാണ് ഈ വലിയ ദുരന്തമുണ്ടായത്.പുലർച്ചെ രണ്ട് മണിയോടെയായിരുന്നു അപകടം. സ്കൂട്ടറിൽ യാത്ര ചെയ്‌തിരുന്ന വയനാട് മടക്കിമല സ്വദേശിനി ദേവിക(21), പാലക്കാട് സ്വദേശിനി ഗോപിക(22), സൗത്ത് കർണാടക സ്വദേശി ഇയാസ്(21) എന്നിവരാണ് മരിച്ചത്.. അമിത വേഗതയിലെത്തിയ കാർ സ്കൂട്ടറിൽ ഇടിക്കുകയായിരുന്നു.അപകടത്തിന് ശേഷം നിർത്താതെ രക്ഷപ്പെടാൻ ശ്രമിച്ച കാർ ഡ്രൈവർ സുഹൈൽ സജീവിനെ നാട്ടുകാർ പിടികൂടി പോലീസിൽ ഏൽപ്പിച്ചു.ഇയാൾ ലഹരിഉപയോഗിച്ചിരുന്നതായിസംശയിക്കുന്നതായി പോലീസ്അറിയിച്ചു. സംഭവത്തിൽ പോലീസ്തുടർനടപടികൾ സ്വീകരിച്ചുവരുന്നു.
സർക്കാർ ജീവനക്കാരുടെ പ്രവൃത്തി ദിനം അഞ്ചാക്കൽ: പിണറായി സർക്കാറിന്റെ തീരുമാനം തുടരാൻ സതീശൻ സർക്കാറും, യോഗം ഈ മാസം 17ന്
പ്രവൃത്തി ദിവസം അഞ്ചാക്കൽ സംബന്ധിച്ച് സർക്കാർ ജീവനക്കാരുടെ സംഘടനകളുടെ യോഗം വിളിച്ച് സംസ്ഥാന സർക്കാർ. ഓൺലൈൻ യോഗം ഈ മാസം 17ന് നടക്കും. ഇത് സംബന്ധിച്ച് സർവീസ് സംഘടനകൾക്ക് സർക്കാർ കത്ത് നൽകി. എൽഡിഎഫ് സർക്കാറിന്റെ കാലത്തായിരുന്നു സർക്കാർ ജീവനക്കാരുടെ പ്രവൃത്തി ദിനം അഞ്ചാക്കുന്നത് ആദ്യമായി പരിഗണിച്ചത്. ഇത് സംബന്ധിച്ച് അന്നത്തെ ചീഫ് സെക്രട്ടറി വിളിച്ച സർവീസ് സംഘടനകളുടെ യോഗം വിളിച്ചിരുന്നു. പിന്നീട് തെരഞ്ഞെടുപ്പ് സമയമായതിനാൽ തീരുമാനമായില്ല. പ്രവൃത്തി ദിവസം ചുരുക്കുന്നതിനെ എല്ലാ സര്‍വീസ് സംഘടനകളും അനുകൂലിക്കുന്നുണ്ട്. എന്നാല്‍ ഓഫീസ് സമയം ദീര്‍ഘിപ്പിക്കുന്ന കാര്യത്തിലും അവധികളില്‍ കുറവ് വരുത്തുന്നതിലും വ്യക്തത വന്നിരുന്നില്ല.ബാങ്കുകളുടെ പ്രവൃത്തി ദിവസം അഞ്ച് ദിവസമാക്കണമെന്ന് ആവശ്യപ്പെട്ട് ജീവനക്കാർ സമരം ചെയ്തിരുന്നു. സംസ്ഥാന സർക്കാർ ജീവനക്കാരും കാലങ്ങളായി ഇതേ ആവശ്യം ഉന്നയിക്കുകയാണ്. പ്രവൃത്തി ദിവസം ആറിൽ നിന്ന് അഞ്ച് ആക്കണമെന്ന് ഭരണ പരിഷ്കാര കമ്മീഷനും ശമ്പള കമ്മീഷനും ശുപാർശ ചെയ്തിരുന്നു. പകരം ഒരു മണിക്കൂർ ജോലി സമയം കൂട്ടണമെന്നാണ് നിർദേശം. ഒരു മണിക്കൂർ ജോലികൂട്ടുന്നതിനെ സർവീസ് സംഘടനകൾ എതിർക്കുന്നില്ല. എന്നാൽ പൊതു അവധി ദിവസങ്ങൾ കുറയ്ക്കണമെന്ന നിർദേശത്തെ ശക്തമായി എതിർത്തിരുന്നു.
മഴ മുന്നറിയിപ്പ്; 4 ജില്ലകളിൽ യെല്ലോ അലർട്ട്
സംസ്ഥാനത്ത് ഇന്നും ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. പത്തനംതിട്ട, കോട്ടയം, എറണാകുളം, ഇടുക്കി ജില്ലകളിൽ യെല്ലോ അലർട്ട് പ്രഖ്യാപിച്ചു. തിരുവനന്തപുരം ജില്ലയിലെ കാപ്പിൽ മുതൽ പൊഴിയൂർ വരെയുള്ള തീരങ്ങളിൽ രാത്രി 11.30 വരെ ഉയർന്ന തിരമാലകൾക്കും കടലാക്രമണത്തിനും സാധ്യതയുണ്ട്. കന്യാകുമാരി തീരത്തും ജാഗ്രതാ നിർദേശം നൽകി.
സന്തോഷത്തോടെ പഠിക്കാം' വിദ്യാർഥികളുടെ മാനസികാരോഗ്യത്തിന് സംസ്ഥാനവ്യാപക കാമ്പയിൻ: മന്ത്രി കെ. മുരളീധരൻ
വിദ്യാർഥികളുടെ മാനസികാരോഗ്യസംരക്ഷണത്തിനും സന്തോഷകരമായ പഠനാന്തരീക്ഷം ഒരുക്കുന്നതിനുമായി ''സന്തോഷത്തോടെ പഠിക്കാം'' എന്ന പേരിൽ സംസ്ഥാനവ്യാപക ബോധവത്കരണ കാമ്പയിൻ സംഘടിപ്പിക്കുമെന്ന് ആരോഗ്യ ദേവസ്വം മന്ത്രി കെ.മുരളീധരൻ അറിയിച്ചു. വിദ്യാഭ്യാസ വകുപ്പിന്റെ സഹകരണത്തോടെ ലോക മാനസികാരോഗ്യദിനാചരണത്തിന്റെ ഭാഗമായി ഒക്ടോബർ 12 മുതൽ 17 വരെ സംസ്ഥാനത്തെ സർക്കാർ സ്‌കൂളുകളിലും സർക്കാർ നിയന്ത്രണത്തിലുള്ള വിദ്യാഭ്യാസ സ്ഥാപനങ്ങളിലുമാണ് വിവിധ പരിപാടികൾ സംഘടിപ്പിക്കുന്നത്.പഠനസമ്മർദം, പരീക്ഷാഭയം, ഉത്കണ്ഠ, ഒറ്റപ്പെടൽ തുടങ്ങിയ മാനസിക വെല്ലുവിളികൾ നേരിടുന്ന വിദ്യാർത്ഥികളെ നേരത്തെ തിരിച്ചറിഞ്ഞ് ആവശ്യമായ കൗൺസലിങും മാനസികാരോഗ്യ പിന്തുണയും തുടർപരിചരണവും ലഭ്യമാക്കുന്നതിനാണ് കാമ്പയിനിൽ പ്രത്യേക പ്രാധാന്യം നൽകും.
ഇന്‍ഡിഗോയ്ക്ക് പിന്നാലെ ഇന്ധന സര്‍ചാര്‍ജ് വര്‍ധിപ്പിച്ച് എയര്‍ ഇന്ത്യയും
തിരുവനന്തപുരം :ഇന്‍ഡിഗോയ്ക്ക് പിന്നാലെ ഇന്ധന സര്‍ചാര്‍ജ് വര്‍ധിപ്പിച്ച് എയര്‍ ഇന്ത്യയും. നിരക്ക് വര്‍ദ്ധനവ് ഒക്ടോബര്‍ 9 (നാളെ) മുതല്‍ പ്രാബല്യത്തില്‍ വരും. എയര്‍ ഇന്ത്യയ്ക്ക് പുറമേ ആകാശ എയറും നിരക്ക് വര്‍ധനവ് പ്രഖ്യാപിച്ചിട്ടുണ്ട്. വിമാന ഇന്ധനമായ എടിഎഫിന് വില കൂടിയ സാഹചര്യത്തിലാണ് എയര്‍ ഇന്ത്യയും എയര്‍ ഇന്ത്യ എക്‌സ്പ്രസുമടക്കം ഇന്ധന സര്‍ചാര്‍ജ് വര്‍ധിപ്പിച്ചത്. സെക്ടറിനും റൂട്ട് കാറ്റഗറിക്കും അനുസരിച്ച് സര്‍ചാര്‍ജില്‍ മാറ്റമുണ്ടാകും. ആഭ്യന്തര യാത്രയ്ക്കുള്ള സര്‍ചാര്‍ജ് നാനൂറ് രൂപയ്ക്കും 1200 രൂപയ്ക്കും ഇടയിലാകും. 500 കിലോമീറ്റര്‍ വരെയുള്ള യാത്രയ്ക്കും ഇന്ധന സര്‍ചാര്‍ജ് 400 രൂപയാണ്. അതേസമയം ആയിരം കിലോമീറ്റര്‍ വരെയുള്ള യാത്രയ്ക്ക് 600 രൂപ, 1500 കിലോമീറ്ററിന് 850 രൂപ, 2000 കിലോമീറ്ററിന് 1200 രൂപ എന്നിങ്ങനെയാണ് നിരക്ക് ഈടാക്കുക. വിദേശയാത്രകളില്‍ പശ്ചിമേഷ്യന്‍ യാത്രയ്ക്ക് 55 ഡോളര്‍, യൂറോപ്പ് 135 ഡോളര്‍, ഓസ്‌ട്രേലിയ 210 ഡോളര്‍, വടക്കന്‍ അമേരിക്ക 215 ഡോളര്‍ എന്നിങ്ങനെയാണ് പുതുക്കിയ നിരക്ക്.
പിണറായി വിജയന്റെ അഡീഷണൽ പ്രൈവറ്റ് സെക്രട്ടറിയായി വീണ്ടും പി എം മനോജ്
പ്രതിപക്ഷ നേതാവ് പിണറായി വിജയന്റെ അഡീഷണല്‍ പ്രൈവറ്റ് സെക്രട്ടറിയായി പി എം മനോജ്. മാധ്യമങ്ങളുമായി ബന്ധപ്പെട്ട ചുമതലകളാണ് മനോജ് നിര്‍വഹിക്കുക. മുഖ്യമന്ത്രിയായിരിക്കെ പിണറായി വിജയന്റെ പ്രസ്സ് സെക്രട്ടറി ആയി പി എം മനോജ് പ്രവര്‍ത്തിച്ചിട്ടുണ്ട്.ഓഫീസ് ചുമതലകളിലെ മാറ്റങ്ങളുടെ ഭാഗമായാണ് നിയമനമെന്നാണ് വിവരം. പ്രതിപക്ഷ നേതാവിനൊപ്പം മാധ്യമങ്ങളുമായി ആശയവിനിമയം നടത്തുന്നതായിരിക്കും ചുമതല.നിലവിൽ മാധ്യമങ്ങളുമായി ബന്ധപ്പെട്ട് പ്രവര്‍ത്തിച്ചിരുന്ന അഡീഷണല്‍ പ്രൈവറ്റ് സെക്രട്ടറി മനോഹരന്‍ മൊറായിക്ക് പകരമായാണ് ചുമതലയേല്‍ക്കുന്നത്. പാര്‍ട്ടി തലത്തിലെ മാറ്റത്തിന്റെ ഭാഗമായാണ് പ്രതിപക്ഷ സ്ഥാനത്തേക്ക് എത്തിയപ്പോള്‍ ദേശാഭിമാനിയിലെ മുതിര്‍ന്ന മാധ്യമപ്രവര്‍ത്തകനായിരുന്ന മനോഹരന്‍ മൊറായിയെ പ്രൈവറ്റ് സെക്രട്ടറിയാക്കിയത്.
'സ്പീക്ക് അപ്പ്'; ഗാര്‍ഹക പീഡനം തടയാന്‍ പ്രത്യേക ദൗത്യസേനയ്ക്ക് രൂപം നല്‍കി ആഭ്യന്തര വകുപ്പ്
തിരുവനന്തപുരം: ഗാര്‍ഹിക പീഡനത്തിനെതിരെ കേരള പൊലീസിന്റെ പ്രത്യേക ദൗത്യസേനയ്ക്ക് രൂപം നല്‍കി. 'സ്പീക്ക് അപ്പ്' (Speak Up) എന്ന പേരിലാണ് പ്രത്യേക ദൗത്യസേന രൂപീകരിച്ചത്. ഐ ജി അജിത ബീഗം ഐപിഎസിനാണ് സ്പീക്ക് അപ്പിന്റെ പ്രത്യേക ചുമതല. 'സഹനം മതി, ഇനി ശബ്ദമുയര്‍ത്തേണ്ട സമയമാണ്' എന്ന സന്ദേശമാണ് സ്പീക്ക് അപ്പിലൂടെ നല്‍കുന്നതെന്ന് ആഭ്യന്തര മന്ത്രി രമേശ് ചെന്നിത്തല പറഞ്ഞു.കഴിഞ്ഞ ഏഴ് വര്‍ഷത്തിനിടെ സംസ്ഥാനത്ത് 92 സ്ത്രീകള്‍ ഗാര്‍ഹിക പീഡനത്തെ തുടര്‍ന്ന് മരിച്ചു എന്നതാണ് ആഭ്യന്തരവകുപ്പിന്റെ കണക്ക്. ഗാര്‍ഹിക അതിക്രമങ്ങള്‍ വീണ്ടും ആവര്‍ത്തിക്കുന്ന പശ്ചാത്തലത്തിലാണ് ഇത് തടയാന്‍ ഒരു ദൗത്യ സേനയെ തന്നെ ആഭ്യന്തര വകുപ്പ് രൂപം നല്‍കിയിരിക്കുന്നത്. അതിക്രമം നേരിടുന്ന അതിജീവിതമാര്‍ക്ക് സംരക്ഷണം നല്‍കുക എന്നതാണ് ദൗത്യ സേനയുടെ പ്രധാന ദൗത്യം. പരാതി പറയാന്‍ മടിക്കുന്നവരുടെ അടുത്തേക്ക് ഉദ്യോഗസ്ഥര്‍ നേരിട്ടെത്തി പരാതി കേട്ട് നിയമ പരിരക്ഷ നല്‍കും. ഔദ്യോഗിക വേഷത്തില്‍ അല്ലാതെ തന്നെ അതിജീവിതമാരുടെ അടുത്തേക്ക് ഉദ്യോഗസ്ഥര്‍ എത്തും എന്നതാണ് പദ്ധതിയുടെ പ്രത്യേകത. അതിക്രമം നടന്നാല്‍ അതില്‍ കാലതാമസം ഇല്ലാതെ നടപടി ഉണ്ടാകും. സ്ത്രീകളെ ഗാര്‍ഹിക പീഡനത്തിന് ഇരയാക്കുന്നവര്‍ക്ക് പൊലീസ് ക്ലിയറന്‍സ് സര്‍ട്ടിഫിക്കറ്റ് നിഷേധിക്കാനും പാസ്‌പോർട്ട് നല്‍കാതിരിക്കാനും അടക്കമുള്ള നടപടികളിലേക്കാണ് കടക്കുന്നത്.
വാഹനങ്ങളുടെ നിറവും രൂപവും മാറ്റാം; കര്‍ശന നിബന്ധനകളോടെ ഏഴ് മാറ്റങ്ങള്‍ക്ക് അനുമതി നല്‍കി സര്‍ക്കാര്‍ ഉത്തരവ്
പ്രധാന മാറ്റങ്ങള്‍ക്ക് കര്‍ശന നിബന്ധനകളോടെ സര്‍ക്കാര്‍ അനുമതി നല്‍കി.ഗതാഗത കമ്മീഷണര്‍ ജി സ്പര്‍ജന്‍ കുമാറാണ് ഇതുസംബന്ധിച്ച ഉത്തരവിറക്കിയത്. എഞ്ചിനും ഷാസിയും ഉള്‍പ്പെടെയുള്ള ഏഴ് മാറ്റങ്ങള്‍ക്കാണ് പുതിയ ഉത്തരവിലൂടെ അനുമതി ലഭിച്ചിരിക്കുന്നത്. എന്നാല്‍ എല്ലാ മാറ്റങ്ങളും ഗതാഗത വകുപ്പിന്റെ മുന്‍കൂര്‍ അനുമതിയോടെയും രജിസ്ട്രേഷന്‍ സര്‍ട്ടിഫിക്കറ്റില്‍ രേഖപ്പെടുത്തിയതിനു ശേഷം മാത്രമേ ചെയ്യാന്‍ പാടുള്ളൂ എന്ന് ഉത്തരവില്‍ വ്യക്തമാക്കുന്നു. 1988ലെ മോട്ടോർ വാഹന നിയമത്തിലെയും ചട്ടങ്ങളിലെയും വ്യവസ്ഥകള്‍ കര്‍ശനമായി പാലിച്ചായിരിക്കണം മാറ്റങ്ങള്‍ വരുത്തേണ്ടത്.പ്രധാന വിവരങ്ങള്‍നിറം മാറ്റം: വാഹനത്തിന്റെ നിറം മാറ്റുന്നതിന് രജിസ്റ്ററിങ് അതോറിറ്റിയുടെ മുന്‍കൂര്‍ അനുമതി വാങ്ങി ആര്‍സിയില്‍ രേഖപ്പെടുത്തണം. കേന്ദ്ര മോട്ടോര്‍വാഹന ചട്ടം (സിഎംവിആര്‍) 121 പ്രകാരമോ സ്റ്റേറ്റ് ട്രാന്‍സ്പോര്‍ട്ട് അതോറിറ്റിയുടെ തീരുമാനപ്രകാരമോ നിരോധിക്കപ്പെട്ട നിറങ്ങള്‍ വാഹനങ്ങളില്‍ ഉപയോഗിക്കാന്‍ പാടില്ല.എഞ്ചിൻ മാറ്റം: വാഹനത്തില്‍ ഉപയോഗിച്ചിട്ടുള്ള അതേ സ്പെസിഫിക്കേഷനിലുള്ള (ഒരേ മോഡല്‍, കപ്പാസിറ്റി, പവര്‍ മുതലായവ) എഞ്ചിൻ മാത്രമേ മാറ്റിവയ്ക്കാന്‍ പാടുള്ളൂ. ഒരേ നിര്‍മാതാവിന്റെ എഞ്ചിൻ തന്നെയായിരിക്കണം ഇത്. മറ്റേതെങ്കിലും വാഹനത്തിന്റെ എഞ്ചിൻ ഘടിപ്പിക്കുന്നത് കര്‍ശനമായി നിരോധിച്ചിരിക്കുന്നു.ഷാസിയും ബോഡിയും:ഷാസി ഫ്രെയിം മാറ്റുന്നതിനും ബോഡി ഘടനയില്‍ വരുത്തുന്ന മാറ്റങ്ങള്‍ക്കും മുന്‍കൂര്‍ അനുമതിയോടെ ആര്‍സിയില്‍ രേഖപ്പെടുത്തേണ്ടതുണ്ട്. ഒരു തരത്തിലുള്ള വാഹനത്തിനായി നിര്‍മിച്ച ഷാസി മറ്റൊരു തരത്തിലുള്ള വാഹനത്തിനായി മാറ്റാന്‍ അനുമതിയുണ്ടാകില്ല.മറ്റ് പ്രധാന മാറ്റങ്ങള്‍:വാഹനത്തിന്റെ ഇന്ധന തരം മാറ്റുന്നതിനും, പ്രൊപ്പല്‍ഷന്‍ സിസ്റ്റം പരിഷ്‌കരിക്കുന്നതിനും, വാഹനം ഭിന്നശേഷി സൗഹൃദമാക്കി മാറ്റുന്നതിനും പുതിയ ഉത്തരവ് പ്രകാരം അനുമതി ലഭിക്കും.ഇതുസംബന്ധിച്ച വിശദമായ ഉത്തരവ് എല്ലാ ഡെപ്യൂട്ടി ട്രാന്‍സ്പോര്‍ട്ട് കമ്മീഷണര്‍മാര്‍ക്കും റീജിയണല്‍ ട്രാന്‍സ്പോര്‍ട്ട് ഓഫിസര്‍മാര്‍ക്കും (ആര്‍ടിഒ) സബ് റീജിയനല്‍ ട്രാന്‍സ്പോര്‍ട്ട് ഓഫിസര്‍മാര്‍ക്കും (എസ്‌ആര്‍ടിഒ) ഗതാഗത കമ്മീഷണര്‍ അയച്ചിട്ടുണ്ട്. അനധികൃത വാഹന രൂപമാറ്റങ്ങള്‍ക്കെതിരെ കര്‍ശന നടപടികള്‍ തുടരുന്നതിനിടയിലാണ് ഔദ്യോഗികമായി നിബന്ധനകളോടെയുള്ള ഈ ഉത്തരവ് പുറത്തിറങ്ങിയിരിക്കുന്നത്.
സംസ്ഥാനത്ത് ശനിയാഴ്ച വരെ ശക്തമായ മഴയ്ക്ക് സാധ്യത; വിവിധ ജില്ലകളില്‍ യെല്ലാ അലര്‍ട്ട്.
തിരുവനന്തപുരം: സംസ്ഥാനത്ത് ശനിയാഴ്ച വരെ ശക്തമായ മഴയ്ക്ക് സാധ്യതയെന്ന് കേന്ദ്രകാലാവസ്ഥ വകുപ്പ്. ശക്തമായ മഴ കണക്കിലെടുത്ത് വിവിധ ജില്ലകളില്‍ യെല്ലാ അലർട്ട് പ്രഖ്യാപിച്ചു. ഇന്ന് പത്തനംതിട്ട, കോട്ടയം, എറണാകുളം, ഇടുക്കി, മലപ്പുറം ജില്ലകളിലാണ് മഴ മുന്നറിയിപ്പ്.നാളെ പത്തനംതിട്ട, കോട്ടയം, എറണാകുളം, ഇടുക്കി, തൃശൂർ, മലപ്പുറം, കോഴിക്കോട്, വയനാട് ജില്ലകളിലും ശനിയാഴ്ച പത്തനംതിട്ട, കോട്ടയം, എറണാകുളം, ഇടുക്കി ജില്ലകളിലും ശക്തമായ മഴ കണക്കിലെടുത്ത് യെല്ലോ അലർട്ട് പ്രഖ്യാപിച്ചു.ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില്‍ 64.5 മില്ലിമീറ്റർ മുതല്‍ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.അതേസമയം കള്ളക്കടല്‍ പ്രതിഭാസത്തിന്റെ ഭാഗമായി തിരുവനന്തപുരം (കാപ്പില്‍ മുതല്‍ പൊഴിയൂർ വരെ) ജില്ലയിലെ തീരങ്ങളില്‍ വെള്ളിയാഴ്ച രാത്രി 11.30 വരെ 0.9 മുതല്‍ 1.1 മീറ്റർ വരെ ഉയർന്ന തിരമാലകള്‍ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്ര വിവര വിശകലന കേന്ദ്രംകടലാക്രമണത്തിന് സാധ്യതയുള്ളതിനാല്‍ മത്സ്യത്തൊഴിലാളികളും തീരദേശവാസികളും ജാഗ്രത പാലിയ്ക്കണമെന്നും മുന്നറിയിപ്പിലുണ്ട്.
30 കോടിയുടെ ആ ഭാഗ്യശാലി കണ്ണൂരിലുണ്ട്, സമ്മാനവും വാങ്ങി; പേര് വെളിപ്പെടുത്താതെ ലോട്ടറിവകുപ്പ്
തിരുവനന്തപുരം: ഓണം ബമ്പര്‍ 30 കോടി അടിച്ച ഭാഗ്യശാലി ടിക്കറ്റ് നല്‍കി പണം കൈപ്പറ്റി. എന്നാല്‍ ഭാഗ്യശാലി അജ്ഞാതനായി തുടരുന്നു. ഭാഗ്യശാലി പേര് വെളിപ്പെടുത്താത്തതിനാല്‍ ലോട്ടറി വകുപ്പിനും പേര് വിവരങ്ങള്‍ പുറത്ത് വിടാനാകില്ലെന്നാണ് വിവരം. കണ്ണൂരിലെ തളിപ്പറമ്പില്‍ വിറ്റ ടിക്കറ്റിനാണ് ഒന്നാം സമ്മാനം ലഭിച്ചത്. ടിഎല്‍ 360615 എന്ന ടിക്കറ്റിനായിരുന്നു ഇത്തവണത്തെ ഓണം ബമ്പര്‍ അടിച്ചത്.വലിയ തുകയ്ക്കുള്ള ലോട്ടറി അടിച്ചവരെ തേടി പല സ്ഥലങ്ങളില്‍ നിന്നു പോലും വിവിധ ആവശ്യങ്ങളുമായി ആളുകള്‍ എത്തുന്ന അനുഭവം നേരത്തെ ബമ്പർ അടിച്ചവർ പങ്കുവെച്ചിട്ടുണ്ട്. ഇതാവാം ആ ഭാഗ്യശാലി അജ്ഞാതനായി തുടരാന്‍ കാരണമെന്നാണ് നിഗമനം. നികുതിയും സെസും ഏജന്റ് കമ്മിഷനും കിഴിച്ച ശേഷം 16.47 കോടി രൂപയാണ് സമ്മാനാര്‍ഹന് ലഭിച്ചത്. 10 ശതമാനമാണ് ഏജന്റിനുള്ള കമ്മിഷന്‍. 30 ശതമാനം ആദായനികുതിയായും 25 സര്‍ചാര്‍ജായും 4 ശതമാനം ആരോഗ്യ, വിദ്യാഭ്യാസ സെസായും ഈടാക്കും.
വീട്ടിൽ എസി ഉണ്ടെന്ന കാരണത്താൽ ഇനി ക്ഷേമ പെൻഷൻ നഷ്ടമാകില്ല; മാനദണ്ഡത്തിൽ മാറ്റം
തിരുവനന്തപുരം :കേരളത്തിലെ സാമൂഹ്യ സുരക്ഷാ, ക്ഷേമ പെൻഷൻ ഗുണഭോക്താക്കൾക്ക് ആശ്വാസമായി സർക്കാർ. ക്ഷേമ പെൻഷന് അർഹത നിർണയിക്കുന്ന നിലവിലെ മാനദണ്ഡങ്ങളിൽ ഉൾപ്പെട്ടിരുന്ന താമസിക്കുന്ന വീട്ടിൽ എയർ കണ്ടീഷണർ പാടില്ലെന്ന വ്യവസ്ഥ ഒഴിവാക്കാൻ സർക്കാർ തീരുമാനം. ഇതോടെ വീട്ടിൽ എയർ കണ്ടീഷണർ ഉള്ളതിന്റെ പേരിൽ മാത്രം സാമൂഹ്യ സുരക്ഷാ പെൻഷൻ നിഷേധിക്കപ്പെടുന്ന സാഹചര്യം ഒഴിവാകും.സാമ്പത്തികമായി പിന്നാക്കം നിൽക്കുന്ന അർഹരായ ജനങ്ങൾക്ക് സാമൂഹ്യ സുരക്ഷ ഉറപ്പാക്കുന്നതിന്റെ ഭാഗമായാണ് മാനദണ്ഡത്തിൽ മാറ്റം വരുത്തുന്നത്. നിലവിൽ കുടുംബ വാർഷിക വരുമാനം, ഭൂസ്വത്ത്, വീടിന്റെ വിസ്തീർണ്ണം, വാഹന ഉടമസ്ഥത തുടങ്ങിയ വിവിധ മാനദണ്ഡങ്ങൾ അടിസ്ഥാനമാക്കിയാണ് സാമൂഹ്യ സുരക്ഷാ പെൻഷന് അർഹത പരിശോധിക്കുന്നത്. ഔദ്യോഗിക മാനദണ്ഡങ്ങളിൽ എയർ കണ്ടീഷണർ സംബന്ധിച്ച വ്യവസ്ഥയും നിലവിലുണ്ടായിരുന്നു.
സംസ്ഥാനത്ത് കുട്ടികൾക്കിടയിൽ അഞ്ചാം പനി വ്യാപിക്കുന്നു
കോഴിക്കോട്: സംസ്ഥാനത്ത് കുട്ടികൾക്കിടയിൽ അഞ്ചാം പനി വ്യാപിക്കുന്നു. മലപ്പുറത്തും കോഴിക്കോടുമായി കഴിഞ്ഞ ഒരു മാസത്തിനിടെ മൂന്നു കുട്ടികൾക്കാണ് ജീവൻ നഷ്ടമായത്. രോഗം വ്യാപിക്കുന്ന സാഹചര്യത്തിൽ ഇരു ജില്ലകളിലും ആരോഗ്യ വകുപ്പ് ജാഗ്രത നിർദ്ദേശം പുറപ്പെടുവിച്ചിട്ടുണ്ട്. പ്രതിരോധ കുത്തിവയ്പ്പിലൂടെ ഫലപ്രദമായി പ്രതിരോധിച്ചിരുന്ന ഒരു വൈറസ് രോഗമാണ് കേരളത്തിലെ ആരോഗ്യ രംഗത്ത് വീണ്ടും വെല്ലുവിളി ഉയർത്തുന്നത്, . അതും കുട്ടികൾക്കിടയിൽ. മുൻ വർഷത്തെ അപേക്ഷിച്ച് ഈ വർഷം അഞ്ചാം പനി അഥവാ മീസിൽസ് ബാധിച്ചവരുടെ എണ്ണം ഗണ്യമായി ഉയർന്നിട്ടുണ്ട്. കോഴിക്കോട് ജില്ലയിൽ കഴിഞ്ഞ വർഷം 30 കേസുകളായിരുന്നു സ്ഥിരീകരിച്ചത് എങ്കിൽ ഈ വർഷം ഇതുവരെ രോഗം സ്ഥിരീകരിച്ചത് 80 പേർക്കാണ്, ഏറെയും കുട്ടികളിൽ. കഴിഞ്ഞ ഒരു മാസത്തിനിടെ കോഴിക്കോട് ജില്ലയിൽ ഒരാൾക്കും മലപ്പുറം ജില്ലയിൽ രണ്ട് പേർക്കും ജീവൻ നഷ്ടപ്പെട്ടു. കടുത്ത പനിയും ശരീരത്തിൽ പ്രത്യക്ഷമാകുന്ന തടിപ്പുകളുമാണ് പ്രധാന ലക്ഷണങ്ങൾ. രോഗനിർണയവും ശരിയായ ചികിൽസയും വൈകിയാൽ മരണം വരെ സംഭവിക്കാം.പ്രതിരോധ വാക്സിൻ കൃത്യമായി എടുക്കുകയാണ് അഞ്ചാം പനി പ്രതിരോധത്തിനുള്ള മാർഗ്ഗം. എന്നാൽ ഇക്കാര്യത്തിൽ താളപ്പിഴകൾ വരുന്നതായി രോഗവ്യാപനത്തിൻ്റെ തോത് വ്യക്തമാക്കുന്നു. കുട്ടികളിൽ ഒന്പതാം മാസവും 16 മുതൽ 24 വരെയുളള മാസങ്ങൾക്കിടെയുമാണ് മീസിൽസ് റുബെല്ല വാക്സിൻ എടുക്കേണ്ടത്. ഇത് കൃത്യമായി എടുക്കാത്തവരിലാണ് രോഗം പടരുന്നതെന്ന് ഈ രംഗത്തെ വിധഗ്‌ധർ പറയുന്നു. ഒരേ കുടുംബത്തിലെ തന്നെ ഒന്നിലേറെ കുട്ടികൾക്ക് രോഗം ബാധിച്ച സാഹചര്യവും ഇക്കുറി ഉണ്ടായി. ആരോഗ്യ വകുപ്പ് പുറത്ത് വിടുന്ന കണക്കുകളിൽ രോഗം സ്ഥിരീകരിച്ചവരുടെ എണ്ണത്തോടൊപ്പമോ അതിലേറയോ വരും രോഗം സംശയിക്കുന്നവരുടെ എണ്ണവും. വായുവിലൂടെയും രോഗിയുമായുള്ള സമ്പർക്കത്തിലൂടെയും പകരുന്ന വൈറസ് രോഗമായതിനാൽ പ്രതിരോധ കുത്തി വയ്പ്പ് ഊർജ്ജിതമാക്കാനുള്ള ശ്രമത്തിലാണ് ആരോഗ്യ പ്രവർത്തകർ.
ലൈഫ് പദ്ധതി തുടരും, ഭവനരഹിതരില്ലാത്ത കേരളമാണ് ലക്ഷ്യമെന്ന് മുഖ്യമന്ത്രി; 'മത്സ്യത്തൊഴിലാളികൾക്കായി പ്രത്യേക ഭവനപദ്ധതി നടപ്പാക്കും'
കേരളത്തിൽ ലൈഫ് ഭവനപദ്ധതി തുടരുമെന്നും ഭവനരഹിതരില്ലാത്ത കേരളമാണ് സർക്കാരിന്റെ ലക്ഷ്യമെന്നും മുഖ്യമന്ത്രി വി ഡി സതീശൻ. മത്സ്യത്തൊഴിലാളികളെ ലൈഫ് പദ്ധതിയിൽനിന്ന് മാറ്റിനിർത്തി അവർക്കായി പ്രത്യേക ഭവനപദ്ധതി നടപ്പാക്കുമെന്നും മുഖ്യമന്ത്രി അറിയിച്ചു. മത്സ്യത്തൊഴിലാളികൾക്കായുള്ള ഷീ സ്‌കൂട്ടർ പദ്ധതിയുടെ ഉദ്ഘാടനച്ചടങ്ങിലാണ് പ്രഖ്യാപനം.യുഡിഎഫ് അധികാരത്തിലെത്തിയതോടെ ലൈഫ് ഭവനപദ്ധതി നിർത്തലാക്കിയെന്ന പ്രചാരണം പ്രതിപക്ഷമടക്കം ഉയർത്തുന്നതിനിടെയാണ് പദ്ധതി തുടരുമെന്ന് മുഖ്യമന്ത്രി വ്യക്തമാക്കിയത്. “ലൈഫ് പദ്ധതിക്കൊന്നും കുഴപ്പമില്ല. ലൈഫ് തുടരും. എന്നാൽ അതിന് മുമ്പുണ്ടായിരുന്ന ഭവനനിർമാണ പദ്ധതി വഴി നിർമിച്ചിരുന്നത്ര വീടുകൾ ലൈഫ് പദ്ധതിയുടെ ഭാഗമായതിന് ശേഷം നിർമിക്കപ്പെട്ടിട്ടില്ലെന്നത് സത്യമാണ്. ഇതുമായി ബന്ധപ്പെട്ട് മത്സ്യത്തൊഴിലാളി സംഘടനകളിൽനിന്ന് വലിയ പരാതികൾ ലഭിച്ചിരുന്നു. അതിനാലാണ് മത്സ്യത്തൊഴിലാളികൾക്കായുള്ള ഭവനനിർമാണ പദ്ധതി ലൈഫിൽനിന്ന് മാറ്റിയത്. ഇക്കാര്യം ബജറ്റിൽ പ്രഖ്യാപിച്ചിട്ടുണ്ട്” മുഖ്യമന്ത്രി പറഞ്ഞു.നിലവിൽ ലൈഫ് പദ്ധതിയിലൂടെ നാല് ലക്ഷം രൂപയാണ് ലഭിക്കുന്നത്. മത്സ്യത്തൊഴിലാളികൾക്കായി നടപ്പാക്കുന്ന പ്രത്യേക ഭവനപദ്ധതിയിൽ എത്ര തുക നൽകുമെന്ന കാര്യം ഇപ്പോൾ വെളിപ്പെടുത്തുന്നില്ലെന്നും മുഖ്യമന്ത്രി വ്യക്തമാക്കി. 'അത് ഇപ്പോൾ പറയുന്നില്ല. സസ്‌പെൻസായി കിടക്കട്ടെ' എന്നും മുഖ്യമന്ത്രി കൂട്ടിച്ചേർത്തു.
ശക്തമായ മഴയ്ക്ക് സാധ്യത; ആറ് ജില്ലകളിൽ ഇന്ന് യെല്ലോ അലേർട്ട്
തിരുവനന്തപുരം : സംസ്ഥാനത്ത് ഇന്ന് ശക്തമായ മഴയ്ക്ക് സാധ്യത.ആറ് ജില്ലകളിൽ യെല്ലോ അലേർട് പ്രഖ്യാപിച്ചു. കാസർഗോഡ്, കണ്ണൂർ,വയനാട്, മലപ്പുറം,ഇടുക്കി, പത്തനംതിട്ട ജില്ലകളിലാണ് കേന്ദ്ര കാലാവസ്ഥ വകുപ്പ് യെല്ലോ അലേർട് പ്രഖ്യാപിച്ചത്.മറ്റ് ജില്ലകളിൽ മഴ മുന്നറിയിപ്പില്ല.ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴയ്ക്കും മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ട്. നാളെ ആറ് ജില്ലകളിൽ യെല്ലോ അലേർട്ട് പ്രഖ്യാപിച്ചിട്ടുണ്ട്. വയനാട്, മലപ്പുറം, പാലക്കാട്, തൃശൂർ, എറണാകുളം, ഇടുക്കി ജില്ലകളിലാണ് നാളെ യെല്ലോ അലേർട്.അടുത്ത മൂന്ന് മണിക്കൂറിൽ എറണാകുളം, തൃശൂർ, പാലക്കാട്, മലപ്പുറം,കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ട്.ആലപ്പുഴ, കോട്ടയം, ഇടുക്കി ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഐടി വകുപ്പിന് ഇനി പുതിയ പേര്; 'വിവരസാങ്കേതികവിദ്യ, നിര്‍മ്മിത ബുദ്ധി, ഭാവി സാങ്കേതികവിദ്യ വകുപ്പ്'
തിരുവനന്തപുരം: ഐടി വകുപ്പിന്റെ പേര് മാറ്റി സംസ്ഥാന സര്‍ക്കാര്‍. വിവരസാങ്കേതികവിദ്യ, നിര്‍മ്മിത ബുദ്ധി, ഭാവി സാങ്കേതികവിദ്യ വകുപ്പ് (ഡിപ്പാര്‍ട്ട്‌മെന്റ് ഓഫ് ഇന്‍ഫര്‍മേഷന്‍ ടെക്‌നോളജി, ആര്‍ട്ടിഫിഷ്യല്‍ ഇന്റലിജന്‍സ് ആന്‍ഡ് ഫ്യൂച്ചര്‍ ടെക്‌നോളജീസ്) എന്ന പേരിലാകും ഇനി ഐടി വകുപ്പ് അറിയപ്പെടുക. ഇതുസംബന്ധിച്ച ഉത്തരവ് സര്‍ക്കാര്‍ പുറത്തിറക്കി.വകുപ്പിന്റെ ചുമതലകളും പ്രവര്‍ത്തനമേഖലകളും ഗണ്യമായി വികസിച്ച പശ്ചാത്തലത്തിലാണ് പേര് മാറ്റാനുള്ള തീരുമാനമെന്ന് സര്‍ക്കാര്‍ അറിയിച്ചു. 2026ലെ ഗവര്‍ണറുടെ നയപ്രഖ്യാപന പ്രസംഗത്തില്‍ പ്രഖ്യാപിച്ച കേരളത്തിന്റെ സാങ്കേതിക ദിശാബോധവുമായി ബന്ധപ്പെട്ടാണ് ഐടി വകുപ്പിന്റെ പേര് മാറ്റാനുള്ള നിലവിലെ തീരുമാനം. ഇന്നാണ് സര്‍ക്കാര്‍ ഇതുസംബന്ധിച്ച ഉത്തരവ് പുറപ്പെടുവിച്ചത്. ഇക്കഴിഞ്ഞ ബുധനാഴ്ച ചേര്‍ന്ന മന്ത്രിസഭാ യോഗത്തിലായിരുന്നു തീരുമാനമെടുത്തത്.
സംസ്ഥാനത്ത് കുട്ടികള്‍ക്കിടയില്‍ അഞ്ചാം പനി വ്യാപിക്കുന്നു:രോഗനിര്‍ണയവും ചികില്‍സയും വൈകിയാല്‍ മരണം വരെ സംഭവിക്കാം
സംസ്ഥാനത്ത് കുട്ടികള്‍ക്കിടയില്‍ അഞ്ചാം പനി വ്യാപിക്കുന്നു. മലപ്പുറത്തും കോഴിക്കോടുമായി കഴിഞ്ഞ ഒരു മാസത്തിനിടെ മൂന്നു കുട്ടികള്‍ക്കാണ് ജീവന്‍ നഷ്ടമായത്. രോഗം വ്യാപിക്കുന്ന സാഹചര്യത്തില്‍ ഇരു ജില്ലകളിലും ആരോഗ്യ വകുപ്പ് ജാഗ്രത നിര്‍ദ്ദേശം പുറപ്പെടുവിച്ചിട്ടുണ്ട്. പ്രതിരോധ കുത്തിവയ്പ്പിലൂടെ ഫലപ്രദമായി പ്രതിരോധിച്ചിരുന്ന ഒരു വൈറസ് രോഗമാണ് കേരളത്തിലെ ആരോഗ്യ രംഗത്ത് വീണ്ടും വെല്ലുവിളി ഉയര്‍ത്തുന്നത്, അതും കുട്ടികള്‍ക്കിടയില്‍. മുന്‍ വര്‍ഷത്തെ അപേക്ഷിച്ച് ഈ വര്‍ഷം അഞ്ചാം പനി അഥവാ മീസില്‍സ് ബാധിച്ചവരുടെ എണ്ണം ഗണ്യമായി ഉയര്‍ന്നിട്ടുണ്ട്. കോഴിക്കോട് ജില്ലയില്‍ കഴിഞ്ഞ വര്‍ഷം 30 കേസുകളായിരുന്നു സ്ഥിരീകരിച്ചത് എങ്കില്‍ ഈ വര്‍ഷം ഇതുവരെ രോഗം സ്ഥിരീകരിച്ചത് 80 പേര്‍ക്കാണ്, ഏറെയും കുട്ടികളില്‍. കഴിഞ്ഞ ഒരു മാസത്തിനിടെ കോഴിക്കോട് ജില്ലയില്‍ ഒരാള്‍ക്കും മലപ്പുറം ജില്ലയില്‍ രണ്ട് പേര്‍ക്കും ജീവന്‍ നഷ്ടപ്പെട്ടു. കടുത്ത പനിയും ശരീരത്തില്‍ പ്രത്യക്ഷമാകുന്ന തടിപ്പുകളുമാണ് പ്രധാന ലക്ഷണങ്ങള്‍. രോഗനിര്‍ണയവും ശരിയായ ചികില്‍സയും വൈകിയാല്‍ മരണം വരെ സംഭവിക്കാം.പ്രതിരോധ വാക്സിന്‍ കൃത്യമായി എടുക്കുകയാണ് അഞ്ചാം പനി പ്രതിരോധത്തിനുളള മാര്‍ഗ്ഗം. എന്നാല്‍ ഇക്കാര്യത്തില്‍ താളപ്പിഴകള്‍ വരുന്നതായി രോഗവ്യാപനത്തിന്‍റെ തോത് വ്യക്തമാക്കുന്നു. കുട്ടികളില്‍ ഒന്പതാം മാസവും 16 മുതല്‍ 24 വരെയുളള മാസങ്ങള്‍ക്കിടെയുമാണ് മീസില്‍സ് റുബെല്ല വാക്സിന്‍ എടുക്കേണ്ടത്. ഇത് കൃത്യമായി എടുക്കാത്തവരിലാണ് രോഗം പടരുന്നതെന്ന് ഈ രംഗത്തെ വിധഗ്ധര്‍ പറയുന്നു. ഒരേ കുടുംബത്തിലെ തന്നെ ഒന്നിലേറെ കുട്ടികള്‍ക്ക് രോഗം ബാധിച്ച സാഹചര്യവും ഇക്കുറി ഉണ്ടായി. ആരോഗ്യ വകുപ്പ് പുറത്ത് വിടുന്ന കണക്കുകളില്‍ രോഗം സ്ഥിരീകരിച്ചവരുടെ എണ്ണത്തോടൊപ്പമോ അതിലേറയോ വരും രോഗം സംശയിക്കുന്നവരുടെ എണ്ണവും. വായുവിലൂടെയും രോഗിയുമായുള്ള സമ്പർക്കത്തിലൂടെയും പകരുന്ന വൈറസ് രോഗമായതിനാല്‍ പ്രതിരോധ കുത്തി വയ്പ്പ് ഊര്‍ജ്ജിതമാക്കാനുളള ശ്രമത്തിലാണ് ആരോഗ്യ പ്രവര്‍ത്തകര്‍.
