Pulpally
ഗുരുദേവ ജയന്തി ആഘോഷിച്ചു.
പുൽപ്പള്ളി, എസ്എൻഡിപി യോഗം എംകെ രാഘവൻ വക്കീൽ മെമ്മോറിയൽ യൂണിയന്റെയും ശാഖാ യോഗങ്ങളുടെയും യൂത്ത് മൂവ്മെന്റ് വനിതാ സംഘം, തുടങ്ങിയ പോഷക സംഘടനകളുടെയും നേതൃത്വത്തിൽ ഗുരുദേവ ജയന്തി ആഘോഷിച്ചു. ക്ഷേത്രത്തിൽ നടന്ന വിശേഷാൽ ചടങ്ങുകൾക്ക് ക്ഷേത്രം ശാന്തിമാരായ ഷാജി ശാന്തി,രാജു ശാന്തി പാല തുടങ്ങിയവർ നേതൃത്വം നൽകി. ജയന്തി ആഘോഷത്തിന്റെ ഭാഗമായി നടന്ന വ ർണ്ണശബളമായ ഘോഷയാത്രയിൽ നൂറുകണക്കിന് ഭക്തർ അണിനിരന്നു. തുടർന്ന് നടന്ന ചതയ ദിന സദ്യയും പങ്കാളിത്തം കൊണ്ട് ശ്രദ്ധേയമായി. ചതയ ദിന ആഘോഷത്തിന്റെ ഭാഗമായിയൂണിയൻ വനിതാ സംഘത്തിന്റെ നേതൃത്വത്തിൽ നടന്ന കലാകായിക മത്സരങ്ങളിൽ വിജയിച്ചവർക്കുള്ള സമ്മാനദാനവും, വിവിധ മത്സര പരീക്ഷകളിൽ ഉന്നത വിജയം കരസ്ഥമാക്കിയ കുട്ടികളെയും അനുമോദിച്ചു. വയനാടിന്റെ സമകാലിക പ്രശ്നങ്ങളെ ആധാരമാക്കി നിർമ്മിച്ച ഷോർട്ട് ഫിലിമിന്റെ അണിയര പ്രവർത്തകരെയും ചടങ്ങിൽ അനുമോദിച്ചു. യൂണിയൻ ചെയർമാൻ എൻ കെ ഷാജി കൺവീനർ സജി കൂടിക്കുളത്ത് ക്ഷേത്ര കമ്മിറ്റി പ്രസിഡണ്ട് കെ ആർ കരുണാകരൻ വനിതാ സംഘം പ്രസിഡണ്ട് മിനി ശിവരാജൻ സെക്രട്ടറി രജനിമോൾ ഷിബു പൂ ഴിക്കൊല്ലി, പി എൻ സുന്ദരൻ ഏരിയ പള്ളി, സി എസ് ജനാർദ്ദനൻ, കെ പി രാജ്മോഹൻ, സി എസ് സുരേഷ്, അരവിന്ദാക്ഷൻ അയിനാട്ട്, അജിത റെജി, മോഹനൻ കാവും പറമ്പിൽ, സുധാകരൻ ചട്ടുകവ കുളത്ത് ശശി പുതുശ്ശേരി, കുമാരി പുതുക്കുളത്തിൽ, ചന്ദ്രൻ പാലേക്കാടൻ കെഎസ് സാജു, രാഞ്ജിത്ത് എം എസ്, വിനോദ് മണൽവയൽ, വിജയകുമാരി പുത്തനറയിൽ, എം ആർ മുരളി, സന്തോഷ് പന്നപുറത്ത്, മോഹനൻ വാരിശ്ശേരി, വത്സലൻ പുതുക്കുടി, സലിംകുമാർ പട്ടാണി കുപ്പ്, സനീഷ് കുമാർ പാലയ്ക്ക പറമ്പിൽ, പ്രസാദ് നിരവത്ത് പറമ്പിൽ, പി എൻ രാജൻ മാസ്റ്റർ വിദ്യാധരൻ ഉപ്പു കണ്ടത്തിൽ, വിജയകുമാർ കൊളറാട്ടുകുന്ന്, അമ്മിണി ടീച്ചർ തുടങ്ങിയവർ നേതൃത്വം നൽകി
ഗുരുദേവ ദർശനങ്ങൾ കാലാതീതം - സ്വാമിനി മാതാ നാരായണ ചൈതന്യമയി
പുൽപള്ളി ശ്രീനാരായണ ഗുരുദേവ ദർശനങ്ങൾ കാലാതീതമാണെന്ന് ശിവഗിരി മഠം സന്യാസിനി സ്വാമിനി മാതാ നാരായണ ചൈതന്യമയി അഭിപ്രായപ്പെട്ടു. ഗുരുധർമ്മ പ്രചരണ സഭ, മാതൃസഭ, യുവജനസഭ വയനാട് ജില്ലാ കമ്മിറ്റികളുടെ നേതൃത്വത്തിൽ കേണിച്ചിറ ശ്രീനാരായണ ഗുരുദേവ സേവാശ്രമത്തിൽ നടന്ന 172-മത് ശ്രീനാരായണഗുരു ജയന്തി ആഘോഷ പരിപാടികൾ ഉദ്ഘാടനം ചെയ്ത് സംസാരിക്കുകയായിരുന്നു സ്വാമിനി. ഗുരുവിന്റെ ഹോമ മന്ത്ര പ്രകാരമുള്ള ഹോമം, വിശേഷാൽ ഗുരുപൂജ, ഗുരു പുഷ്പാഞ്ജലി ഗുരുദേവകൃതികളുടെ ആലാപനം,ജയന്തി സമ്മേളനം,ചതയദിനസദ്യ എന്നിവയും ജയന്തി ആഘോഷത്തിന്റെ ഭാഗമായി നടന്നു. ജയന്തി സമ്മേളനം പൂതാടി ഗ്രാമപഞ്ചായത്ത് പ്രസിഡണ്ട് ഇ കെ ബാലകൃഷ്ണൻ ഉദ്ഘാടനം ചെയ്തു. ഗുരുധർമ്മ പ്രചരണ സഭ ജില്ലാ പ്രസിഡണ്ട് കെ ആർ ജയരാജ് അധ്യക്ഷത വഹിച്ചു. ഗ്രാമപഞ്ചായത്ത് മെമ്പർ എ വി ജയൻ മുഖ്യപ്രഭാഷണം നടത്തി. ജിഡിപിഎസ് ജില്ലാ സെക്രട്ടറി എൻ എൻ ചന്ദ്രബാബു മാതൃസഭ ജില്ലാ പ്രസിഡണ്ട് നിഷാരാജൻ സെക്രട്ടറി പി ബി സജിനി യുവജനസഭ ജില്ലാ സെക്രട്ടറി സി ആർ പ്രദീപ് കേന്ദ്ര സമിതി അംഗങ്ങളായ സരസു നാരായണൻകുട്ടി, സി കെ ദിവാകരൻ,കെ ആർ ഗോപി ജില്ലാ വൈസ് പ്രസിഡണ്ട് സി എൻ പവിത്രൻ സെക്രട്ടറി കെ എൻ ചന്ദ്രൻ ട്രഷറർ പി വി സന്തോഷ് ഭാരവാഹികളായ പി പുഷ്പവല്ലി, ഓമന ബഷി,പി കെ മാധവൻ,എം എൻ ഗോപാലൻ,കെ കെ രാഘവൻ,പി കെ നാരായണൻ, ടി കെ വിശ്വംഭരൻ ശ്രീനിവാസൻ പുന്നത്താനത്ത് പി ജനാർദ്ദനൻ എന്നിവർ സംസാരിച്ചു.
പുൽപ്പള്ളി ജയശ്രീ സ്കൂളിൽ എസ്.പി.സി ത്രിദിന ക്യാമ്പ് തുടങ്ങി
പുൽപ്പള്ളി: ജയശ്രീ എച്ച്.എസ്.എസിൽ ത്രിദിന എസ്.പി.സി ക്യാമ്പ് ആരംഭിച്ചു. പുൽപ്പള്ളി സ്റ്റേഷൻ എസ്.ഐ ബെന്നി പതാക ഉയർത്തി. വാർഡ് മെമ്പർ മിനി ഉദ്ഘാടനം ചെയ്തു. എ.ഡി ബിന്ദു അധ്യക്ഷയായി. സി.പി.ഒ വൈശാഖ്, ഡി.ഐ അനീഷ്, പി.ടി.എ പ്രസിഡന്റ് സൽമ, ശുഭ എസ് എന്നിവർ പങ്കെടുത്തു. നിയാദ് സാറിന്റെ ട്രാഫിക് ക്ലാസും ജിൻസ് സാറിന്റെ ഐസ് ബ്രേക്കിംഗ് സെഷനും നടന്നു.
വയനാട് പുൽപ്പള്ളി കബനി നദിയിൽ കാണാതായ മധ്യവയസ്കൻ്റെ മൃതദേഹം കണ്ടെത്തി.
മരിച്ചത് പുൽപ്പള്ളി വെട്ടത്തൂർ ഊരിലെ ചന്ദ്രൻ (50)കഴിഞ്ഞ ഞായറാഴ്ച ചങ്ങാടത്തിൽ പുഴ കടക്കുന്നതിനിടെയാണ് ചങ്ങാടം മറിഞ്ഞ് അപകടമുണ്ടായത്.കാണാതായി നാലാം ദിവസമാണ് വെട്ടത്തൂർ പമ്പ് ഹൗസിന് സമീപത്ത് നിന്ന് മൃതദേഹം കണ്ടെത്തുന്നത്.ഫയർഫോഴ്സും NDRF-ഉം സംയുക്തമായി നടത്തിയ തിരച്ചിലിനൊടുവിലാണ് മൃതദേഹം കണ്ടെത്തിയത്.
സ്കൂളിലെ ഓണാഘോഷത്തിൽ പങ്കാളികളായി യു.എസ് സംഘം
പുൽപ്പള്ളി: വിദേശത്തു നിന്നെത്തിയ വിശിഷ്ടാതിഥികളുടെ സാന്നിധ്യം കൊണ്ടും വിദ്യാർത്ഥികളുടെ ആവേശം കൊണ്ടും വേറിട്ടതായി പുൽപ്പള്ളി ജയശ്രീ ഹയർസെക്കൻഡറി സ്കൂളിലെ ഇത്തവണത്തെ ഓണാഘോഷം. യു.എസ് നേവി ചീഫ് എൻജിനീയർ മിനി അനിരുദ്ധൻ, യു.എസ് നേവി സീനിയർ പ്രോഗ്രാം മാനേജർ ആരോൺ ലോങ്, സൈബർ സെക്യൂരിറ്റി വിദ്യാർത്ഥിനി നന്ദന എന്നിവരാണ് സ്കൂളിലെ ആഘോഷങ്ങളിൽ പങ്കുചേരാൻ അമേരിക്കയിൽ നിന്ന് നേരിട്ടെത്തിയത്.രാവിലെ സ്കൂളിലെത്തിയ അതിഥികളെ അധ്യാപകരും വിദ്യാർത്ഥികളും ചേർന്ന് ഊഷ്മളമായി സ്വീകരിച്ചു. തങ്ങളുടെ പ്രിയപ്പെട്ട സ്കൂളിലേക്ക് വിദേശത്തുനിന്നും പ്രമുഖരായ അതിഥികൾ എത്തിയതറിഞ്ഞ് കൗതുകത്തോടെയും ഏറെ ആവേശത്തോടെയുമാണ് കുട്ടികൾ അവരെ കണ്ടതും പരിചയപ്പെട്ടതും. അതിഥികളുടെ സാന്നിധ്യം വിദ്യാർത്ഥികളിൽ വലിയ ഉന്മേഷം പകർന്നു.തുടർന്ന് വിദ്യാർത്ഥികൾ അവതരിപ്പിച്ച വിവിധ സാംസ്കാരിക പരിപാടികളും പരമ്പരാഗത കലാരൂപങ്ങളും അതിഥികൾക്ക് മുന്നിൽ അരങ്ങേറി. ആഘോഷങ്ങളുടെ ഭാഗമായി സ്കൂൾ മുറ്റത്ത് ഒരുക്കിയ ഓണപ്പൂക്കളവും വലിയ ഊഞ്ഞാലും, ഹരിതാഭമായ സ്കൂൾ പരിസരവും വിദേശ സംഘത്തിന് വേറിട്ടൊരു അനുഭവമായി മാറി.കുട്ടികളുടെ കലാപ്രകടനങ്ങൾ ആസ്വദിച്ച സംഘം, എല്ലാവരോടും വളരെ സൗഹൃദത്തോടും നിഷ്കളങ്കതയോടും കൂടിയാണ് ഇടപെട്ടത്. പരിപാടികൾക്ക് ശേഷം അധ്യാപകർക്കും വിദ്യാർത്ഥികൾക്കുമൊപ്പം പരമ്പരാഗത രീതിയിലുള്ള ഓണസദ്യയും കഴിച്ച ശേഷമാണ് മൂവരും മടങ്ങിയത്. സ്കൂളിലെ മനോഹരമായ കാഴ്ചകളും കുട്ടികളുടെ സ്നേഹവും മനസ്സിൽ സൂക്ഷിച്ചാണ് തങ്ങൾ മടങ്ങുന്നതെന്ന് അവർ വ്യക്തമാക്കി. സ്കൂൾ മാനേജർ കെ ആർ ജയറാം പ്രിൻസിപ്പൽ കെ ആർ ജയരാജ് വൈസ് പ്രിൻസിപ്പൽ പി ആർ സുരേഷ് എന്നിവർ ചേർന്ന് വിദേശ അതിഥികളെ സ്വീകരിച്ചു. അധ്യാപകരായ പി കെ രാജൻ,സ്വപ്ന പീറ്റർ, വി കെ സായൂജ്,പി ജി ദിനേഷ്കുമാർ,പി ആർ തൃദീപ്കുമാർ,കെ കെ ഷിജിത്കുമാർ, കെ ഷിജു,പി ബി വൈശാഖ് എന്നിവർ ഓണാഘോഷ പരിപാടികൾക്ക് നേതൃത്വം നൽകി.
മധ്യവയസ്കനെ പുഴയിൽ കാണാതായി
പുൽപ്പള്ളി: മധ്യവയസ്ക്കനെ പുഴയിൽ കാണാതായി. വെട്ടത്തൂർ ഉന്നതിയിലെ ശുംഭരൻ എന്ന ചന്ദ്രൻ (50) നെയാണ് ഇന്ന് ഉച്ചയ്ക്ക് ഒന്നരയോടെ വെട്ടത്തൂർ ഉന്നതിക്ക് സമീപമുള്ള കബനി പുഴയിൽ കാണാതായത്. ഉച്ചക്ക് ഒന്നരയോടെ. പുഴയിൽ കൊട്ടതോണിയിൽ വരവെയാണ് അപകടം. ഉന്നതയിലുള്ളവർ കൊട്ടതോണി മറിയുന്നത് ദൂരെ നിന്നും കണ്ടിരുന്നു . പ്രദേശവാസികളും ഫയർഫോഴ്സും പൊലീസും തിരച്ചിൽ നടത്തി.
കുരുതി ഷോർട്ഫിലിം കലാകാരൻമാർക്ക് ആദരം
പുൽപള്ളി :കാടും മനുഷ്യരും തമ്മിലുള്ള സംഘർഷത്തിന്റെ വൈ കാര്യത ചൂണ്ടികാണിക്കുന്ന 'കുരുതി' ഹ്രസ്വ ചിത്രത്തി ന്റെ അരങ്ങിലും അണിയറയിലും പ്രവർത്തിച്ച കലാ പ്രവർത്തകരെ കളനാടിക്കൊല്ലി ജയശ്രീ സ്കൂളിൽ ആദരിച്ചു. സ്കൂൾ പ്രധാന അധ്യാപകൻ കെ.പി. സുരേഷ് ഉദ്ഘാടനം ചെയ്തുതു. മാനേജർ കെ.ആർ. ജയറാം പൊന്നാടയണിയിച്ചു. കെ.ആർ. ജയരാജ്, ഷീനാ ജയ റാം എന്നിവർ സംസാരിച്ചു.
വണ്ടിക്കടവ് ഉന്നതിക്കാർ താമസിക്കുന്നത് ചോർന്നൊലിക്കുന്ന വീടുകളിൽ
പുൽപ്പള്ളി: കേരള കർണ്ണാടക അതിർത്തിയോട് ചേർന്ന വണ്ടിക്കടവ് ഉന്നതിയിലെ 25 ഓളം കുടുംബങ്ങളെ മാറ്റിപാർപ്പിക്കാൻ ഇനിയും നടപടിയായില്ല. കബനിയുടെ കൈവഴിയായ കന്നാരം പുഴയോട് ചേർന്ന വീടുകൾ ഇടിയുന്ന അവസ്ഥയാണ്. പുഴയോട് ചേർന്ന് താമസിക്കുന്ന കുടുംബങ്ങളാണ് ഇത് മൂലം ഏറെ പ്രതിസന്ധിയിലായിരിക്കുന്നത്. ചെതലയം വനമേഖലയിൽ കനത്ത മഴ പെയ്താൽ കരകവിയുന്ന കന്നാരം പുഴയിലേക്ക് ഇവരുടെ വീടുകളുടെ തറ യുടെ ഒരു ഭാഗം ഇടിഞ്ഞ് വീഴുന്ന അവസ്ഥയിലാണ്. പകൽ പോലും ബന്ദിപ്പൂർ വനമേഖലയിൽ നിന്ന് ആനയും കടുവയും കാടിറങ്ങുന്ന പ്രദേശമാണ് ഇവിടം. ഉന്നതിയിലെ കുടുംബങ്ങൾക്ക് പ്രാഥമിക ആവശ്യങ്ങൾക്ക് പോലും വനത്തിൽ പോകേണ്ട അവസ്ഥയാണ്.ഇവിടുത്തെ പലരുടെയും വീടുകൾ അപകടാവസ്ഥയിലാണ്.പണ്ട് കോൺക്രീറ്റ് ചെയ്ത വീടുകളെല്ലാം ചോർന്ന് തറയും ഭിത്തിയുമെല്ലാം വീണ്ടുകീറുന്ന അവസ്ഥയാണ്. വണ്ടിക്കടവ് ഉന്നതിയിൽ അടിസ്ഥാനസൗകര്യം ഒരുക്കാനും ഇവർക്ക് തൊഴിലവസരങ്ങൾക്കും പദ്ധതികൾ തയ്യാറാക്കുമെന്ന് ജില്ല കലക്ടർ ഉൾപ്പെടെയുള്ള ഉന്നത ഉദ്യാഗസ്ഥർ ഉറപ്പ് നൽകിയിരുന്നു. എന്നാൽ വർഷങ്ങൾ കഴിഞ്ഞിട്ടും ഇതൊന്നും പാലിക്കപ്പെട്ടില്ലെന്നാണ് ഇവർ പറയുന്നത്. ഇവിടെയുളള കുടുംബങ്ങളെ സുരക്ഷിത സ്ഥാനത്തേക്ക് മാറ്റി പാർപ്പിക്കാൻ നടപടി വേണമെന്നാണ് ഉന്നതിക്കാരുടെ ആവശ്യം
റാങ്ക് നേട്ടത്തിന്റെ തിളക്കവുമായി ജയശ്രീ കോളേജ് അക്ഷയ പ്രദീപിന് സ്വീകരണം
പുൽപ്പള്ളി : ബി എ സോഷ്യോളജി പരീക്ഷയിൽ കാലിക്കറ്റ് യൂണിവേഴ്സിറ്റി തലത്തിൽ ആറാം റാങ്ക് കരസ്ഥമാക്കിയ ജയശ്രീ ആർട്സ് ആൻഡ് സയൻസ് കോളേജ് വിദ്യാർത്ഥി അക്ഷയ പ്രദീപിന് കോളേജിൽ കൂട്ടുകാരും അധ്യാപകരും രക്ഷിതാക്കളും നാട്ടുകാരും ചേർന്ന് പ്രൗഢഗംഭീരമായ സ്വീകരണം നൽകി.ജയശ്രീ ആർട്സ് ആൻഡ് സയൻസ് കോളേജിൽ നടന്ന സ്വീകരണ യോഗം പുൽപ്പള്ളി ഗ്രാമപഞ്ചായത്ത് പ്രസിഡണ്ട് ബിന്ദു പ്രകാശ് ഉദ്ഘാടനം ചെയ്തു.കോളേജ് പ്രിൻസിപ്പാൾ ഡോ : വി. റ്റി സത്യൻ അധ്യക്ഷത വഹിച്ചു. സി കെ രാഘവൻ മെമ്മോറിയൽ എഡ്യൂക്കേഷണൽ ചാരിറ്റബിൾ ട്രസ്റ്റ് ചെയർമാനും കോളേജ് മാനേജരുമായ കെ. ആർ ജയറാം റാങ്ക് ജേതാവിന് ഉപഹാര സമർപ്പണം നടത്തി. പുൽപ്പള്ളി ഗ്രാമപഞ്ചായത്ത് വിദ്യാഭ്യാസ ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ ഷൈജ മഗേഷ്, ഗ്രാമപഞ്ചായത്ത് അംഗം പി ബി മിനി, പി. റ്റി എ പ്രസിഡന്റ് കൃഷ്ണൻകുട്ടി, ജയശ്രീ ഹയർ സെക്കൻഡറി സ്കൂൾ പ്രിൻസിപ്പൽ കെ ആർ ജയരാജ്,കോളേജ് വൈസ് പ്രിൻസിപ്പാൾ നിതിൻ കെ മാത്യൂ, അധ്യാപകരായ കെ കെ അതുല്യ, മർജാനാ പർവീൺ, കെ ആർ രാഗി, ശ്യാംജിത്ത് ശശിധരൻ തുടങ്ങിയവർ സംസാരിച്ചു.
മെഗാ മെഡിക്കൽ ക്യാമ്പ് സംഘടിപ്പിച്ചു.
വ്യാപാരി വ്യവസായി ഏകോപന സമിതി യൂത്ത് വിംഗിന്റെ നേതൃത്വത്തിൽ പുൽപ്പള്ളി വെൽനസ്സ് ഹോസ്പിറ്റലുമായി സഹകരിച്ചുകൊണ്ട് വ്യാപാരി ദിനത്തോടനുബന്ധിച്ച് സൗജന്യ മെഡിക്കൽ ക്യാമ്പ് സംഘടിപ്പിച്ചു. ക്യാമ്പിൽ വിദഗ്ദ ഡോക്ടർമാർ രോഗികളെ പരിശോധിച്ച് ചികിത്സ നിർദ്ദേശിക്കുകയും, രക്തസമ്മർദ്ദം,ഷുഗർ മുതലായവ പരിശോധിക്കുകയും ചെയ്തതിനോടൊപ്പം, ആവശ്യമായ മരുന്നുകളും സൗജന്യമായി നൽകുകയുണ്ടായി.യൂത്ത് വിംഗ് ജില്ലാ വൈസ് പ്രസിഡണ്ട് ബാബു രാജേഷ് അധ്യക്ഷത വഹിച്ച യോഗം, വ്യാപാരി വ്യവസായി ഏകോപനസമിതി പ്രസിഡണ്ടും സംസ്ഥാന കമ്മറ്റിയംഗവുമായ മാത്യു മത്തായി ആതിര ഉദ്ഘാടനം ചെയ്തു. കെ.എസ്.അജിമോൻ, ജോസ് കുന്നത്ത്,കെ.എ.സ്കറിയ,ജോബിഷ് യോഹൻ, സതീഷ് വെൽനസ്, സുനിൽ ജോർജ്,സലീൽ പൗലോസ് എന്നിവർ പ്രസംഗിച്ചു. ഡോ.സോഫിയ റാണി,ഡോ.ആൽഡിസ്, നഴ്സുമാരായ സി.ജിത്യ, ഷേർലി,ഷാന്റി,അജന്യ, വൈസ് പ്രസിഡണ്ട് ബിജു പൗലോസ്,നിതിൻ,പി.എം. പൈലി,മനൂപ്,പ്രഭാകരൻ, കെ.വി.റഫീഖ്, കെ.ജോസഫ്,ഹാരിസ്, വേണുഗോപാൽ,എം.വി.ബാബു,പ്രസന്നകുമാർ, ശ്രീജിത്ത് മുതലായവർ നേതൃത്വം നൽകി.
പുല്പ്പള്ളിയില് ഫയര് ആന്ഡ് റസ്ക്യൂ സ്റ്റേഷന് തുടങ്ങണം: ടിമ്പര് ലോഡിംഗ് യൂണിയന്
പുല്പ്പള്ളി: പെരിക്കല്ലൂര്, മരക്കടവ്, കൊളവള്ളി പ്രദേശങ്ങളില് ആളുകള് വെള്ളത്തില് വീണുള്ള അപകടം വര്ധിച്ചിരിക്കേ പുല്പ്പള്ളിയില് ഫയര് ആന്ഡ് റസ്ക്യൂ സ്റ്റേഷന് ഉടന് ആരംഭിക്കണമെന്ന് ടിമ്പര് ലോഡിംഗ് യൂണിയന്(എച്ച്എംഎസ്)യൂണിറ്റ് കമ്മിറ്റി സര്ക്കാരിനോട് ആവശ്യപ്പെട്ടു. നിവലില് പുല്പ്പള്ളി മേഖലയില് അപകടങ്ങള് ഉണ്ടാകുമ്പോള് ബത്തേരി, മാനന്തവാടി എന്നിവിടങ്ങളില്നിന്നു 25 കിലോമീറ്ററിലധികം സഞ്ചരിച്ച് അഗ്നി-രക്ഷാസേന എത്തേണ്ട സ്ഥിതിയാണെന്ന് യോഗം ചൂണ്ടിക്കാട്ടി. ജില്ലാ പ്രസിഡന്റ് വി.ടി. തോമസ് ഉദ്ഘാടനം ചെയ്തു. യൂണിറ്റ് സെക്രട്ടറി ടി.എ. അബ്ദുള്ള അധ്യക്ഷത വഹിച്ചു. എം.എ ജോര്ജ്, സജി കണ്ടംതുരുത്തി, പി.കെ. ഉമ്മര്, എം.ഡി. ഷിബു, ഷാജി ആനക്കുഴിയില്, സി.എസ്. ചന്ദ്രന്, സിദ്ദിഖ് എന്നിവര് സംസാരിച്ചു.
സി.കെ. രാഘവൻ മെമ്മോറിയൽ കോളേജിൽ ബിരുദദാന ചടങ്ങ് സംഘടിപ്പിച്ചു
പുൽപ്പള്ളി: സി.കെ. രാഘവൻ മെമ്മോറിയൽ കോളേജ് ഓഫ് ടീച്ചർ എഡ്യൂക്കേഷനിൽ 2024–2026 ബി.എഡ്. ബാച്ചിന്റെ ബിരുദദാന ചടങ്ങ് സംഘടിപ്പിച്ചു.പ്രശസ്ത വിദ്യാഭ്യാസ ചിന്തകനും കാലിക്കറ്റ് സർവകലാശാല മുൻ ഡീനുമായ പ്രൊഫ. ഡോക്ടർ കെ. ശിവരാജൻ ചടങ്ങ് ഉദ്ഘാടനം ചെയ്തു. അറിവിനൊപ്പം മൂല്യവിദ്യാഭ്യാസത്തിനും പ്രാധാന്യം നൽകുന്ന അധ്യാപകരെയാണ് ഇന്നത്തെ സമൂഹത്തിന് ആവശ്യമെന്ന് അദ്ദേഹം പറഞ്ഞു. സത്യസന്ധത, സഹാനുഭൂതി, സാമൂഹിക പ്രതിബദ്ധത, മാനവിക മൂല്യങ്ങൾ എന്നിവ വിദ്യാർഥികളിൽ വളർത്തിയെടുക്കുന്നതിൽ അധ്യാപകർ നിർണായക പങ്കുവഹിക്കണമെന്നും, സമൂഹത്തിന് മാതൃകയാകുന്ന അധ്യാപകരായി വിദ്യാർഥികൾ വളരണമെന്നും അദ്ദേഹം ആഹ്വാനം ചെയ്തു.കോളേജ് പ്രിൻസിപ്പൽ ഡോക്ടർ പി ടി രേഷ്മ അധ്യക്ഷത വഹിച്ചു. കോളേജ് ഐ ക്യു എ സി കോർഡിനേറ്റർ പി ബി നീതു സ്വാഗതം ആശംസിച്ചു.സി.കെ.ആർ.എം. എഡ്യൂക്കേഷണൽ ട്രസ്റ്റ് സെക്രട്ടറിയും ജയശ്രീ ഹയർ സെക്കൻഡറി സ്കൂൾ പ്രിൻസിപ്പലുമായ കെ.ആർ. ജയരാജ്, കോളേജ് വൈസ് പ്രിൻസിപ്പൽ ഷീന ജയറാം എന്നിവർ സംസാരിച്ചു.തുടർന്ന് ബിരുദ സർട്ടിഫിക്കറ്റുകളും മെമന്റോകളും വിതരണം ചെയ്തു. ബിരുദം നേടിയ വിദ്യാർഥികൾ, അധ്യാപകരെന്ന നിലയിൽ സാമൂഹിക പ്രതിബദ്ധതയോടെയും ധാർമിക മൂല്യങ്ങളോടെയും പ്രവർത്തിക്കുമെന്ന് പ്രതിജ്ഞയെടുത്തു.സ്റ്റാഫ് സെക്രട്ടറി ഇ.കെ മൈമൂനത്ത് നന്ദി രേഖപ്പെടുത്തി.നിരവധി രക്ഷിതാക്കളും പൂർവവിദ്യാർഥികളും ചടങ്ങിൽ എത്തിയിരുന്നു.
വാഹനാപകടത്തിൽ യുവാവ് മരിച്ചു:ഒരാൾക്ക് പരിക്ക്
പുൽപ്പള്ളി: പുൽപ്പള്ളി പാക്കത്ത് ബൈക്കും സ്വകാര്യ ബസ്സും കൂട്ടിയിടിച്ചുണ്ടായ അപകടത്തിൽ ബൈക്ക് യാത്രികനായ യുവാവ് മരിച്ചു. സഹയാത്രികനായ മറ്റൊരാൾക്ക് ഗുരുതരമായി പരിക്കേറ്റു.പാക്കം മാനിക്കാട്ട് തിമ്മപ്പൻ്റെ മകൻ സരീഷ് (35) ആണ് മരിച്ചത്. ഒപ്പമുണ്ടായിരുന്ന ഭൂദാനം ഉന്നതി സ്വദേശി ദിനേഷിന് (36) ഗുരുതരമായി പരിക്കേറ്റു.ഇന്ന് രാവിലെ 11 മണിയോടെയായിരുന്നു അപകടം. ഇരുവരും സഞ്ചരിച്ച ബൈക്ക് എതിരെ വരികയായിരുന്ന സ്വകാര്യ ബസ്സിലിടിക്കുകയായിരുന്നു. അപകടത്തിന്റെ ആഘാതത്തിൽ സാരമായി പരിക്കേറ്റ ഇരുവരേയും ഉടൻ തന്നെ മാനന്തവാടി മെഡിക്കൽ കോളേജിൽ എത്തിച്ചെങ്കിലും, അതീവ ഗുരുതരാവസ്ഥയിലായിരുന്ന സരീഷ് മരണപ്പെടുകയായിരുന്നു.ഗുരുതരമായി പരിക്കേറ്റ ദിനേഷിനെ വിദഗ്ധ ചികിത്സയ്ക്കായി മേപ്പാടി മൂപ്പൻസ് മെഡിക്കൽ കോളേജിലേക്ക് കൊണ്ടുപോയി.
കളഞ്ഞുകിട്ടിയ സ്വർണവും പണവും ലേലം ചെയ്യുന്നു
പുൽപ്പള്ളി പൊലീസ് സ്റ്റേഷനിൽ കളഞ്ഞുകിട്ടിയ സ്വർണത്തിനും ഒരു തുകയ്ക്കും അവകാശവാദം ഉന്നയിച്ച് ആരും വരാത്ത സാഹചര്യത്തിൽ സ്വർണം ലേലം ചെയ്യുമെന്ന് ജില്ലാ പൊലീസ് മേധാവി അറിയിച്ചു. ഈ സ്വർണത്തിന് അവകാശികളുണ്ടെങ്കിൽ 30 ദിവസത്തിനകം കൽപ്പറ്റ ജില്ലാ പൊലീസ് ഓഫീസിലെത്തി അവകാശവാദം ഉന്നയിക്കാൻ അവസരമുണ്ട്. അവകാശികളായി ആരും എത്താത്ത സാഹചര്യത്തിൽ സ്വർണം പൊതുലേലത്തിലൂടെ വിൽപ്പന നടത്തി ലഭിക്കുന്ന തുകയും കളഞ്ഞുകിട്ടിയ തുകയും സംസ്ഥാന ക്രിമിനൽ ജസ്റ്റിസ് മിസലേനിയസ് എക്സ്പെൻസ് ഫണ്ടിലേക്ക് ചേർക്കും.
പുൽപ്പള്ളി ജയശ്രീ കോളേജിൽ ഒന്നാം വർഷ ഡിഗ്രി പ്രവേശനോത്സവവും ഓറിയന്റേഷൻ ക്ലാസും സംഘടപ്പിച്ചു
പുൽപ്പള്ളി : ജയശ്രീ ആർട്സ് ആൻഡ് സയൻസ് കോളേജിൽ ഒന്നാം വർഷ ബിരുദ വിദ്യാർത്ഥികൾക്കായി പ്രവേശനോത്സവവും ഓറിയന്റേഷൻ ക്ലാസും സംഘടിപ്പിച്ചു.യുവ സാഹിത്യകാരൻ അജയ് പനമരം ഉദ്ഘാടനം ചെയ്തു.കോളേജ് പ്രിൻസിപ്പാൾ ഡോ : വി റ്റി സത്യൻ അധ്യക്ഷത വഹിച്ചു. സി കെ ആർ എം ട്രസ്റ്റ് ചെയർമാനും കോളേജ് മാനേജരുമായ കെ. ആർ ജയറാം മുഖ്യപ്രഭാഷണം നടത്തി.യൂണിവേഴ്സിറ്റി പരീക്ഷയിൽ ഉന്നത വിജയം നേടിയ വിദ്യാർത്ഥികളെ ചടങ്ങിൽ അനുമോദിച്ചു.ജയശ്രീ ഹയർ സെക്കന്ററി സ്കൂൾ പ്രിൻസിപ്പാൾ കെ. ആർ ജയരാജ്, സി. കെ. ആർ. എം ബി.എഡ് കോളേജ് പ്രിൻസിപ്പാൾ ഡോ : പി. റ്റി രേഷ്മ,പിടിഎ പ്രസിഡന്റ് കൃഷ്ണൻകുട്ടി, കോളേജ് വൈസ് പ്രിൻസിപ്പൽ നിതിൻ കെ മാത്യൂ, അധ്യാപകരായ ബിൻസി മാത്യൂ, കെ ആർ രാഗി , ശ്യാംജിത്ത് ശശിധരൻ, പി സി അനുഷ എന്നിവർ സംസാരിച്ചു.
ഡി.എൽ.എഡ്. 2026-28 ബാച്ച് ഉദ്ഘാടനം ചെയ്തു.
പുൽപ്പള്ളി: സി കെ രാഘവൻ മെമ്മോറിയൽ ഇൻസ്റ്റിറ്റ്യൂട്ട് ഓഫ് ടീച്ചർ എഡ്യൂക്കേഷൻ പുൽപ്പള്ളിയിൽ ഡി.എൽ.എഡ്. കോഴ്സിന്റെ ഉദ്ഘാടനം പുൽപ്പള്ളി ഗ്രാമപഞ്ചായത്ത് വിദ്യാഭ്യാസ സ്റ്റാൻ്റിങ് കമ്മിറ്റി ചെയർപേഴ്സൺ ഷൈജ മഗേഷ് നിർവഹിച്ചു. ഇന്ത്യൻ ക്രിക്കറ്റ് താരം മിന്നുമണി വിശിഷ്ടാഥിതി ആയിരുന്നു. ആദ്യമായി സ്ഥാപനത്തിൽ എത്തിയ മിന്നുമണിയെ ട്രസ്റ്റ് ചെയർമാൻ കെ.ആർ.ജയറാം പൊന്നാട അണിയിച്ചു ആദരിച്ചു. കാരുണ്യ പ്രവർത്തനങ്ങളുടെ ഭാഗമായി ഐ .ടി. ഇ .വിദ്യാർത്ഥികൾ ഡ്രസ് ബാങ്കിലൂടെ ശേഖരിച്ച വസ്ത്രങ്ങൾ ജയശ്രീ സ്കൂൾ വൈസ്പ്രിൻസിപ്പൽ പി.ആർ.സുരേഷ്, ഹോസ്റ്റൽ വാർഡൻ രമേശൻ എന്നിവർ ചേർന്നു സ്വീകരിച്ചു.ഡയറ്റ് വയനാട് ലക്ചറർ നസറുള്ള ടി.പി. മുഖ്യ പ്രഭാഷണം നടത്തി. ജയശ്രീ എച്ച്. എസ്. എസ് പ്രിൻസിപ്പാൾ കെ . ആർ . ജയരാജ് മാസ്റ്റർ, ഐ. ടി. ഇ പ്രിൻസിപ്പാൾ ഷൈൻ പി.ദേവസ്യ , ജയശീ സ്കൂൾ വൈസ് പ്രിൻസിപ്പാൾ പി.ആർ. സുരേഷ്, ഉജ്ജയ് പി.ഡി., ഗിരീഷ് ടി.ടി, കോളേജ് ചെയർ പേഴ്സൺ സാലിഹ ടി.കെ. , ദേവ പ്രിയ, ഫെബിന, നസ്രിയ തുടങ്ങിയവർ സംസാരിച്ചു. 2026-28 അധ്യയന വർഷത്തിലെ പി.ടി.എ. രൂപീകരിച്ചു. അക്ബർ അലി പ്രസിഡൻ്റായും , ഷൈമ എം.എം. വൈസ് പ്രസിഡൻ്റായും തിരഞ്ഞെടുത്തു.
ലീഗൽ മെട്രോളജി ഓട്ടോ ക്യാമ്പ്
സർക്കാറിന്റെ നൂറു ദിന കർമ പരിപാടിയുടെ ഭാഗമായി ലീഗൽ മെട്രോളജി വകുപ്പ് പുൽപ്പള്ളിയിൽ പഞ്ചായത്ത്തല ഏകദിന ഓട്ടോ ക്യാമ്പ് സംഘടിപ്പിച്ചു. ഗ്രാമപഞ്ചായത്ത് പ്രസിഡന്റ് ബിന്ദു പ്രകാശ് ഉദ്ഘാടനം ചെയ്തു. വൈസ് പ്രസിഡന്റ് ജോഷി ചാരുവേലിൽ അധ്യക്ഷനായ പരിപാടിയിൽ ഗ്രാമപഞ്ചായത്ത് അംഗം ലെസ്ന മുനീർ, ലീഗൽ മെട്രോളജി ഇൻസ്പെക്ടർ വി.പി ശരത്ത് ലാൽ, ക്യാമ്പ് കോഓർഡിനേറ്റർ നിസാർ മണിമ, സുൽത്താൻ ബത്തേരി താലൂക്ക് ലീഗൽ മെട്രോളജി ഇൻസ്പെക്ടർ ലേഖ കുമാരി, ഓട്ടോറിക്ഷ തൊഴിലാളി പ്രതിനിധി പി.ജെ ജോയ് എന്നിവർ സംസാരിച്ചു
ആ റെക്കോർഡും തൂക്കി വൈഭവ്!; പ്രായം കുറഞ്ഞ ഇന്റർനാഷണൽ ഫിഫ്റ്റി
ഇന്റർനാഷണൽ ടി20 ക്രിക്കറ്റില് അര്ധ സെഞ്ചുറി പൂര്ത്തിയാക്കുന്ന പ്രായം കുറഞ്ഞ താരമായി വൈഭവ് സൂര്യവംശി. 15കാരനായ സൂര്യവംശി സിംബാബ്വെക്കെതിരെ ആദ്യ ടി20 മത്സരത്തില് 18 പന്തില് അര്ധ സെഞ്ചുറി പൂര്ത്തിയാക്കി. നാല് വീതം സിക്സും ഫോറും ഉള്പ്പെടുന്നതായിരുന്നു വൈഭവിന്റെ ഇന്നിംഗ്സ്.15 വര്ഷവും 118 ദിവസവുമാണ് വൈഭവിന്റെ പ്രായം. ഐസിസി മുഴുവന് അംഗത്വമുള്ള ടീമുകളെ എടുത്താല്, അഫ്ഗാനിസ്ഥാന് താരം റഹ്മാനുള്ള ഗുര്ബാസിന്റെ പേരിലായിരുന്നു റെക്കോഡ്. 2019ല് സിംബാബ്വെക്കെതിരെ ഗുര്ബാസ് അര്ധ സെഞ്ചുറി പൂര്ത്തിയാക്കുമ്പോള് 17 വര്ഷവും 296 ദിവസവുമായിരുന്നു പ്രായം. ഈ റെക്കോർഡാണ് വൈഭവ് സ്വന്തം പേരിലാക്കിയത്.
ലോകകപ്പ് ഫുട്ബോൾ ആവേശം:ഫൈനൽ കാണാൻ കളനാടികൊല്ലിയിൽ ബിഗ് സ്ക്രീൻ ഒരുങ്ങി
കളനാടി കൊല്ലി : ലോകകപ്പ് ഫുട്ബോളിൻ്റെ നെഞ്ചിടിപ്പും ആവേശവും ഏറ്റുവാങ്ങാൻ വയനാട്ടിൽ കളനാടികൊല്ലി യുവശക്തി ആർട്സ് & സ്പോർട്സ് ക്ലബ്ബും ഒരുങ്ങി.മയക്കുമരുന്നിന് എതിരെകായിക ലഹരി എന്ന സന്ദേശം ഉയർത്തി പിടിച്ച് യുവശക്തി ആർട്സ് & സ്പോർട്സ് ക്ലബ്ബിന്റെ നേതൃത്വത്തിൽഫുട്ബോൾ ലോകകപ്പ്ഫൈനൽ മത്സരപ്രദർശനം കായിക പ്രേമികൾക്ക് ഫ്രീ ആയി LED WALLബിഗ് സ്ക്രീനിൽ കാണുവാനാണ് കളനാടികൊല്ലി ക്ലബ്ബിൽ അവസരം ഒരുക്കുന്നത്.
നീന്തൽ പരിശീലനത്തിൽ മാതൃകമായി ഡീവൻസ് മാഷ്
പുൽപ്പള്ളി: കായികാധ്യാപക ജീവിതത്തിൽ നിന്ന് വിരമിച്ചെങ്കിലും നീന്തൽപരീശീലനത്തെ പ്രണയിച്ച് നീന്തൽ പരിശീലക വേഷമഴിക്കാതെ പുൽപ്പള്ളി താന്നിത്തെരുവ് പുല്ലാനിക്കാവിൽ ഡീവൻസ് മാഷ് മാതൃകമാകുന്നു. കുടിയേറ്റ മേഖലയായ പുൽപ്പള്ളിയിൽ നിന്നാരംഭിച്ച് വയനാട്ടിന്റെ എല്ലാ മേഖലകളിലു മെത്തി വിദ്യാർത്ഥികളെ നീന്തൽ അഭ്യസിപ്പിച്ച ചരിത്രവും ഡീവൻസിന് സ്വന്ത മാണ്. ഒരു പതിറ്റാണ്ടുകാലമായി പരിശീലന ക്യാംപുകളടക്കം നടത്തി ഈ അധ്യപകൻ കുട്ടികളെ നീന്തൽ അഭ്യസിപ്പിച്ച് വരികയാണ്.പുൽപ്പള്ളി, മുള്ളൻ കൊല്ലി, കബനിഗിരി, പൂതാടി എന്നിവിടങ്ങളിലായി പരിശീലന ക്യാമ്പുകൾ നടത്തിവന്നിരുന്നത്. ആദ്യമെല്ലാം നീന്തൽ പരിശീലനരംഗത്തേക്ക് കടന്നുവരു ന്നവരുടെയെണ്ണം കുറവായിരുന്നുവെങ്കിലും പിന്നീട് നിരവധി പേരാണ് കൂട്ട ത്തോടെ ഈ മേഖലയിലേക്കെത്തിയതെന്ന് അധ്യാപകൻ പറഞ്ഞു.
ബൈക്ക് അപകടം: യുവാവ് മരിച്ചു.
പുൽപ്പള്ളി: ദേശീയപാത 766ൽ താമരശ്ശേരി ചെക്ക് പോസ്റ്റിന് സമീപംസ്വകാര്യ ബസ്സും മോട്ടോർ ബൈക്കും കൂട്ടിയിടിച്ച് ഉണ്ടായ അപകട ത്തിൽ പുൽപ്പള്ളി സ്വദേശിക്ക് ദാരുണാന്ത്യം. പുൽപ്പള്ളി ആലൂർക്കുന്ന് കൈതത്തറയിൽ അരുൺ സജി (പോപ്പി 27) ആണ് മരണപ്പെട്ടത്. ബൈക്ക് ഓടിച്ചിരുന്ന പുൽപ്പള്ളി മൂഴിമല കത്തനാരു തോട്ടത്തിൽ മനു പോളിനെ ഗുരുതരമായ പരിക്കുകളോടെ മുക്കം സ്വകാര്യ മെഡി ക്കൽ കോളേജ് ആശുപത്രിയിൽ പ്രവേശിപ്പിച്ചു. രാവിലെ പത്തുമണി യോടെയായിരുന്നു അപകടം ഉണ്ടായത്. വയനാട് ഭാഗത്തുനിന്നും വരികയായിരുന്ന ബൈക്കും കോഴിക്കോട് ഭാഗത്തുനിന്നും വയനാട്ടി ലേക്ക് വരികയായിരുന്ന സ്വകാര്യബസ്സും തമ്മിലാണ് കൂട്ടിയിടിച്ചത്.കൈതത്തറയിൽ സജി-ഷീജ ദമ്പതികളുടെ മകനാണ് മരണപ്പെട്ട അരുൺ. ഭാര്യ: സോണിയ. കഴിഞ്ഞ ജനുവരി 11 നായിരുന്നു ഇവരുടെ വിവാഹം. സഹോദരൻ: ആൻലിൻ. അരുൺ നെരോലാക് പെയിന്റ് കമ്പനിയിൽ വയനാട് സോണൽ മാനേജറായി പ്രവർത്തിച്ചുവരികയാ യിരുന്നു. മുക്കത്ത് കമ്പനിയുടെ യോഗത്തിൽ പങ്കെടുക്കുവാൻ ഇതേ കമ്പനിയിലെ ജീവനക്കാരനായ മനു പോളിനൊപ്പം പോകുമ്പോഴാണ് അപകടമുണ്ടായത്.
വാഹനാപകടം യുവാവ് മരണപ്പെട്ടു.
പുൽപ്പള്ളി - നടവയൽ റൂട്ടിലെ ചണ്ണക്കൊല്ലി വനാതിർത്തിയിലുണ്ടായ ബൈക്ക് അപകടത്തിൽ യുവാവ് മരണപ്പെട്ടു. പുൽപ്പള്ളിയിലെ കച്ചേരി ഹോണ്ട ഷോറൂമിലെ ജീവനക്കാരനായ മാനന്തവാടി മാതമൂല സ്വദേശി ശിവകുമാർ (24) ആണ് മരണപ്പെട്ടത്.രാത്രി എട്ട് മണിയോടെയായിരുന്നു അപകടം. പുൽപ്പള്ളിയിൽനിന്നും നടവയൽ ഭാഗത്തേക്ക് പോകുന്നതിനിടെയാണ് ബൈക്ക് അപകടത്തിൽപ്പെട്ടത്.പിതാവ് ശിവദാസൻ. അമ്മ: നിർമ്മല.സഹോദരി: മേഘ.
സിനിമ കഴിഞ്ഞു. 'ബാലന്റെ ' ബസ് സ്റ്റോപ്പ് ഇനി നാടിന് സ്വന്തം
പുൽപ്പള്ളി: സിനിമ ചിത്രീകരണത്തിന് വേണ്ടി മാത്രം നിർമിച്ച ഒരു ബസ് സ്റ്റോപ്പ് ഇന്ന് ഒരു നാടിന്റെ ആവശ്യത്തിനും സഞ്ചാരികളുടെ കൗതുകത്തിനും ഒരുപോലെ ഇടമായി മാറിയിരിക്കുകയാണ്.ബാലൻ എന്ന പുതിയ സിനിമയിലെ ഒരു രംഗത്തിനായാണ് പുല്പ്പള്ളി- ചേകാടി റോഡില് ബസ്റ്റോപ്പ് നിർമ്മിച്ചത്. പച്ചപ്പിന്റെ പുതപ്പണിഞ്ഞ് കാനന പാതയുടെ അരികില് തല ഉയർത്തി നില്ക്കുന്ന ഈ ബസ് സ്റ്റോപ്പ് സമൂഹ മാധ്യമങ്ങളിലും തരംഗമാണ്..കാണുമ്പോള് ആരും ഒറ്റനോട്ടത്തില് പറയില്ല, ഇത് ഒരു സിനിമാ സെറ്റിന്റെ ഭാഗമായിരുന്നെന്ന്. വയനാട് പുല്പ്പള്ളി-ചേകാടി റോഡിലൂടെ യാത്ര ചെയ്യുന്നവർ ഇന്ന് ഈ ബസ് സ്റ്റോപ്പ് കാണാൻ പോലും വാഹനം നിർത്തും.സിനിമയുടെ ഷൂട്ടിങ് പൂർത്തിയായി. ക്യാമറകള് മടങ്ങി. താരങ്ങളും അണിയറ പ്രവർത്തകരും പോയി. എന്നാല്, ഈ ബസ് സ്റ്റോപ്പ് പൊളിച്ചുമാറ്റരുതെന്നായിരുന്നു നാട്ടുകാരുടെ ആവശ്യം.
തിരുസ്വരൂപ പ്രതിഷ്ഠയും നൊവേനയും ആരംഭിച്ചു.
പുൽപ്പള്ളി:- തോമാശ്ലീഹായുടെ രക്തസാക്ഷിത്വ ദിനമായ ദു:ഖ്റാന തിരുനാളിനു മുന്നോടിയായി മരകാവ് സെന്റ് തോമസ് പള്ളിയിൽ ശ്ലീഹായുടെ തിരുസ്വരൂപ പ്രതിഷ്ഠയും 9 ദിവസം നീണ്ടുനിൽക്കുന്ന പ്രത്യേക നൊവേനയും ആരംഭിച്ചു. വയനാട്ടിൽ മാർത്തോമാ ശ്ലീഹായുടെ നാമധേയത്തിൽ ആരംഭിച്ച ആദ്യത്തെ ദൈവാലയങ്ങളിൽ ഒന്നാണ് മരകാവ് സെന്റ് തോമസ് പള്ളി . സ്ഥാപിതമായിട്ട് 80 വർഷങ്ങളോളമാകുന്ന ഇവിടെ, എല്ലാ വെള്ളിയാഴ്ചകളിലും തോമാശ്ലീഹായോടുള്ള പ്രത്യേക പ്രാർത്ഥനകളും നടത്തിവരുന്നു .ജൂലൈ മൂന്ന് ദു:ഖ്റാന തിരുനാളിൽ പ്രത്യേക തിരുകർമ്മങ്ങളോടുകൂടിയ ആഘോഷവും ഇവിടെ നടക്കും .ഇടവകയിലെ മൂന്നു വാർഡുകളിൽ പെട്ട കുടുംബങ്ങൾ ചേർന്നാണ് ഓരോ ദിവസത്തെയും പ്രാർത്ഥനകൾക്ക് നേതൃത്വം നൽകുന്നത്. ഇടവക വികാരി ഫാദർ ജോസ് കളപ്പുര തിരുസ്വരൂപ പ്രതിഷ്ഠ നടത്തി. തുടർന്ന് ദിവ്യബലി, നൊവേന, കുടുംബങ്ങൾക്ക് വേണ്ടിയുള്ള പ്രത്യേക സമർപ്പണ പ്രാർത്ഥനയും നടത്തി .
സ്നേഹാദരവ് 2026; ഉന്നതവിജയം നേടിയവരെ ആദരിച്ചു.
പുല്പ്പള്ളി: കോണ്ഗ്രസ് മണ്ഡലം കമ്മിറ്റിയുടെ നേതൃത്വത്തില് പുല്പ്പള്ളി മേഖലയിലെ വിവിധ മത്സരങ്ങളിലും പരീക്ഷകളിലും ഉന്നതവിജയം നേടിയവരെ ആദരിക്കുവാന് 'സ്നേഹാദരവ് 2026' എന്ന പേരില് പരിപാടി സംഘടിപ്പിച്ചു. ഡി സി സി പ്രസിഡന്റ് അഡ്വ. ടി ജെ ഐസക് ഉദ്ഘാടനം ചെയ്തു. വിവിധ പരീക്ഷകളില് ഉന്നത വിജയം നേടിയും, കലാകായിക രംഗങ്ങളില് മികച്ച സംഭാവനകള് നല്കിയും നാടിന്റെ അഭിമാനമായി മാറി വിവിധ മേഖലകളില് പ്രവര്ത്തിക്കുന്നവരെ അഭിനന്ദിക്കുകയും പ്രോത്സാഹിപ്പിക്കുകയും ചെയ്യേണ്ടത് നമ്മുടെ ഉത്തരവാദിത്വമാണെന്ന് അദ്ദേഹം പറഞ്ഞു. മണ്ഡലം കോണ്ഗ്രസ് പ്രസിഡന്റ് പി ഡി ജോണി അധ്യക്ഷനായിരുന്നു. കെ പി സി സി ജനറല് സെക്രട്ടറി കെ എല് പൗലോസ് മുഖ്യപ്രഭാഷണം നടത്തി. എന് യു ഉലഹന്നാന്, വര്ഗീസ് മുരിയന്കാവില്, ടി പി ശശിധരന് മാസ്റ്റര്, കെ ടി ജോസ്, മണി പാമ്പനാല്, ജോമറ്റ് സെബാസ്റ്റ്യന്, ജോളി നരിതൂക്കി, തോമസ് പാഴുക്കാല, ലിജോ ജോര്ജ്, ഷിജോ ജോസഫ്, സാബു ഫിലിപ്പ്, ജോര്ജ് കൊല്ലിയില്, ജോസഫ് കുന്നത്തുമറ്റം, സിജു പൗലോസ്, വിനോദ് കാഞ്ഞുകാരന്, ഗിരിജാ കൃഷ്ണന്, ബീന സജി, ശ്രീദേവി മുല്ലക്കല്, ഗീത കുഞ്ഞികൃഷ്ണന് തുടങ്ങിയവര് സംസാരിച്ചു.
ആറാം ക്ലാസ് വിദ്യാർത്ഥിയെ തൂങ്ങി മരിച്ചനിലയിൽ കണ്ടെത്തി
പുൽപ്പള്ളി: ആറാം ക്ലാസ് വിദ്യാർഥിയെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തി.കൊളവള്ളി പാറക്കവല കഞ്ഞിക്കുഴിയിൽ കലേഷിൻ്റേയും ലതിക യുടേയും മകൻ അഭിലാഷ് (11) ആണ് മരിച്ചത്. ഞായറാഴ്ച വൈകുന്നേര മാണ് അഭിലാഷിനെ മരിച്ച നിലയിൽ കണ്ടെത്തിയത്. സംഭവ സമയം വീട്ടിൽ മറ്റാരുമില്ലായിരുന്നു. മാനന്തവാടി ഗവ.മെഡിക്കൽ കോളേജ് ആശുപത്രിയി ലെ പോസ്റ്റുമോർട്ടത്തിന് ശേഷം തിങ്കളാഴ്ച വൈകുന്നേരത്തോടെ മൃതദേ ഹം വീട്ടുവളപ്പിൽ സംസ്ക്കരിച്ചു. കബനിഗിരി സെന്റ് മേരീസ് എ.യു.പി. സ്കൂളിലെ വിദ്യാർഥിയായിരുന്നു. സഹോദരങ്ങൾ: അഖിലേഷ്, ഗോപിക.
പാതിരി അങ്കണവാടിയിൽ ഇന്ന് പ്രവേശനോത്സവവും യാത്രയയപ്പും സംഘടിപ്പിച്ചു.
മുള്ളൻകൊല്ലി പഞ്ചായത്തിലെ പാതിരി അങ്കണവാടിയിൽ പ്രവേശനോത്സവവും യാത്രയയപ്പും സംഘടിപ്പിച്ചു. വാർഡ് മെമ്പർ മുനീർ ആച്ചിക്കുളം പരിപാടി ഉദ്ഘാടനം ചെയ്തു. അങ്കണവാടി വർക്കർ ഡെയ്സി സ്വാഗതം ചെയ്തു.ചടങ്ങിൽ ALMSE അംഗങ്ങൾ, രക്ഷിതാക്കൾ, പരിസരവാസികൾ എന്നിവർ പങ്കെടുത്തു. പുതുതായി പ്രവേശനം നേടിയ കുട്ടികൾക്ക് സ്വാഗതമൊരുക്കുകയും യാത്രയയപ്പ് സ്വീകരിച്ചവർക്ക് ആശംസകൾ നേരുകയും ചെയ്തു.
എം. ജെ ടോമിക്ക് യാത്രയയപ്പ് നൽകി.
പുൽപ്പള്ളി :പുൽപ്പള്ളി ബെവ്കോ ഔട്ട് ലെറ്റിൽ നിന്ന് 25- വർഷത്തെ ഔദ്യോഗിക ജീവിതത്തിൽ നിന്ന് വിരമിച്ച പുൽപ്പള്ളി, മരകാവ്, മണ്ഡപത്തിൽ എം. ജെ ടോമിക്ക് സഹപ്രവർത്തക ർ യാത്രയയപ്പ് നൽകി.അനീഷ് വി. ജി ( പുൽപ്പള്ളി ഔട്ട് ലെറ്റ് അസ്സി : ചെയർ പേഴ്സൺ, ) സ്വാഗതം ആശംസിച്ചു. പുൽപ്പള്ളി ബവ്കോ ഔട്ട്ലെറ്റ് ഷോപ്പ് - ഇൻ ചാർജ് മിഥിൻ രാജ് അധ്യക്ഷത വഹിച്ചു. ദീപാ ഷാജി (പുൽപ്പള്ളി ഔട്ട്ലെറ്റ് വനിത ചെയർപേഴ്സൺ ) , ജിമ്മി ജോസ്, അനു ആനന്ദ്, സിങ്കൽ തോമസ് , ആശംസ പറഞ്ഞു. ഔദ്യോഗിക ജീവിതത്തിൽ നിന്നും വിരമിക്കുന്ന എം ജെ ടോമിക്ക് സഹപ്രവർത്തകർ ഉപഹാരം നൽകി.ടോമി. എം. ജെ നന്ദി പറഞ്ഞു.ജമുന പ്രഹ്ലാദൻ ( അസ്സി : ചെയർപേഴ്സൺ പുൽപ്പള്ളി ഔട്ട് ലെറ്റ് ), സുധ ഷിമോദ്, അലീന ജിജോ, സന്തോഷ് വി. എ സ്, സുബ്രഹ്മണ്യൻ പ്രോഗ്രാമിന് നേതൃത്വം നൽകി.
