Ariyippu
ക്വട്ടേഷൻ ക്ഷണിച്ചു.
നൂൽപ്പുഴ രാജീവ് ഗാന്ധി സ്മാരക ആശ്രമം ഹയർ സെക്കൻഡറി സ്കൂളിലെ വിദ്യാർത്ഥികൾക്ക് ബെഡ്ഷീറ്റും തോർത്തും വിതരണം ചെയ്യാൻ താത്പര്യമുള്ളവരിൽ നിന്ന് ക്വട്ടേഷൻ ക്ഷണിച്ചു. ബെഡ്ഷീറ്റിനുള്ള ക്വട്ടേഷനുകൾ ജൂൺ ആറ് രാവിലെ 10ന് മുമ്പും തോർത്ത് വിതരണം ചെയ്യുന്നതിനുള്ള ക്വട്ടേഷനുകൾ ജൂൺ ആറ് ഉച്ചയ്ക്ക് രണ്ടിന് മുമ്പും സീനിയർ സൂപ്രണ്ട്, രാജീവ് ഗാന്ധി സ്മാരക ആശ്രമം ഹയർ സെക്കൻഡറി സ്കൂൾ, നൂൽപ്പുഴ എന്ന വിലാസത്തിൽ ലഭ്യമാക്കണം. ഫോൺ: 04936 279139.
കടമുറി ലേലം
തവിഞ്ഞാൽ ഗ്രാമ പഞ്ചായത്തിലെ തലപ്പുഴ, വാളാട് എന്നിവടങ്ങളിലെ ഷോപ്പിംഗ് കോംപ്ലക്സിലെ കടമുറികൾ കൈവശം വയ്ക്കുന്നതിനുള്ള ലേലം ജൂൺ എട്ട് രാവിലെ 11ന് ഗ്രാമ പഞ്ചായത്ത് ഓഫീസിൽ നടക്കും. കൂടുതൽ വിവരങ്ങൾ പഞ്ചായത്തിന്റെ വെബ്സൈറ്റിലോ അല്ലെങ്കിൽ ടെൻഡർ സൈറ്റിലോ (വിൻഡോ നമ്പർ G277902/2026 ) ലഭിക്കും. ഫോൺ: 04935 256236
വിജ്ഞാപനം റദ്ദാക്കി
ജില്ലയിൽ കേരള എക്സൈസ് ആൻഡ് പ്രൊഹിബിഷൻ വകുപ്പിൽ സിവിൽ എക്സൈസ് ഓഫീസർ (ട്രെയിനി) - കാറ്റഗറി നമ്പർ 565/25) (ബൈ ട്രാൻസ്ഫർ) തസ്തികയ്ക്ക് 2025 ഡിസംബർ 15ലെ ഗസറ്റ് വിജ്ഞാപന പ്രകാരം അപേക്ഷകളൊന്നും ലഭിച്ചിട്ടില്ലാത്തതിനാൽ പ്രസ്തുത തസ്തികയുടെ വിജ്ഞാപന പ്രകാരമുള്ള തെരഞ്ഞെടുപ്പ് നടപടികൾ റദ്ദാക്കിയതായി ജില്ലാ പി.എസ്.സി ഓഫീസര് അറിയിച്ചു.
എം.എല്.എ ഫണ്ട് അനുവദിച്ചു.
ഐ.സി ബാലകൃഷ്ണന് എം.എല്.എയുടെ ആസ്തി വികസന നിധിയിലുള്പ്പെടുത്തി സുല്ത്താന് ബത്തേരി നിയോജക മണ്ഡലത്തിലെ പൂതാടി ഗ്രാമപഞ്ചായത്ത് - കേണിച്ചിറ ടൗണിലെ പാതയോരങ്ങളില് വിവിധ സ്ഥലങ്ങളില് മിനിമാസ്റ്റ് ലൈറ്റ് സ്ഥാപിക്കല് പ്രവൃത്തിക്ക് 28 ലക്ഷം രൂപയുടെ ഭരണാനുമതി ലഭിച്ചു
അഭിമുഖം മാറ്റി.
കല്പറ്റ ജില്ലാ ആയുര്വേദ ആശുപത്രിയില് ജൂണ് രണ്ട്, മൂന്ന് തീയതികളില് നടക്കേണ്ടിയിരുന്ന അഭിമുഖം ചില സാങ്കേതിക കാരണങ്ങളാല് മാറ്റി വെച്ചതായി അധികൃതര് അറിയിച്ചു. പുതുക്കിയ തീയതി പിന്നീട് അറിയിക്കും.
സിറ്റിംഗ് മാറ്റിവച്ചു.
ജില്ലാ പോലീസ് കംപ്ലയിന്റ്സ് അതോറിറ്റി ജൂണ് 10ന് രാവിലെ 11ന് കളക്ടറേറ്റ് മിനി കോണ്ഫറന്സ് ഹാളില് നടത്താന് നിശ്ചയിച്ചിരുന്ന സിറ്റിംഗ് മാറ്റി വച്ചതായി ജില്ലാ പോലീസ് കംപ്ലയിന്റ്സ് അതോറിറ്റി സെക്രട്ടറി അറിയിച്ചു.
വൈദ്യുതി മുടങ്ങും
വെള്ളമുണ്ട ഇലക്ട്രിക്കൽ സെക്ഷന് കീഴിലുള്ള പൊരുന്നന്നൂർ ട്രാൻസ്ഫോർമർ പരിധിയിൽ അറ്റകുറ്റ പ്രവൃത്തികൾ നടക്കുന്നതിനാൽ നാളെ (മെയ് 29) രാവിലെ 8.30 മുതൽ വൈകുന്നേരം ആറുവരെ വൈദ്യുതി വിതരണം ഭാഗികമായി തടസപ്പെടും.
അധ്യാപക നിയമനം
വാരാമ്പറ്റ ഗവ ഹൈസ്കൂളില് എച്ച്.എസ്.ടി ഇംഗ്ലീഷ്, എച്ച്.എസ്.ടി ഹിന്ദി, ഡ്രോയിങ് ടീച്ചര് (എച്ച്.എസ്), ജൂനിയര് ലാംഗ്വേജ് ടീച്ചര് ഹിന്ദി (യു.പി), ജൂനിയര് ലാംഗ്വേജ് ടീച്ചര് അറബിക് (യു.പി) തസ്തികകളിലേക്ക് താത്കാലിക നിയമനം നടത്തുന്നു. എച്ച്.എസ്.ടി ഇംഗ്ലീഷ്, എച്ച്.എസ്.ടി ഹിന്ദി, ഡ്രോയിങ് ടീച്ചര് (എച്ച്.എസ്) തസ്തികകളിലേക്കുള്ള അഭിമുഖം മെയ് 29ന് രാവിലെ 10നും ജൂനിയര് ലാംഗ്വേജ് ടീച്ചര് ഹിന്ദി (യു.പി), ജൂനിയര് ലാംഗ്വേജ് ടീച്ചര് അറബി (യു.പി) തസ്തികയിലേക്കുള്ള അഭിമുഖം രാവിലെ 11നും നടക്കും. ഉദ്യോഗാര്ത്ഥികള് യോഗ്യതാ സര്ട്ടിഫിക്കറ്റുകളുടെ അസല്, പകര്പ്പ് എന്നിവ സഹിതം എത്തണം. ഫോണ്: 9946460651
അധ്യാപക നിയമനം
വെള്ളാര്മല ഗവ. വൊക്കേഷണല് ഹയര് സെക്കന്ഡറി സ്കൂളില് വി.എച്ച്.എസ്.ഇ വിഭാഗം വൊക്കേഷണല് ടീച്ചര് ഇന് എഫ്.ടി.സി.പി, നോണ്- വൊക്കേഷണല് ടീച്ചര് ഇന് ഇ.ഡി തസ്തികകളിലേക്ക് ദിവസവേതനാടിസ്ഥാനത്തില് നിയമനം നടത്തുന്നു. ഉദ്യോഗാര്ത്ഥികള് യോഗ്യതാ സര്ട്ടിഫിക്കറ്റുകളുടെ അസല്, എംപ്ലോയ്മെന്റ് കാര്ഡ് എന്നിവ സഹിതം മെയ് 29ന് രാവിലെ 10ന് നടക്കുന്ന അഭിമുഖത്തില് പങ്കെടുക്കണം. ഫോണ്: 04936 236690
അധ്യാപക നിയമനം
വെള്ളാര്മല ഗവ. വൊക്കേഷണല് ഹയര് സെക്കന്ഡറി സ്കൂളില് വി.എച്ച്.എസ്.ഇ വിഭാഗം വൊക്കേഷണല് ടീച്ചര് ഇന് എഫ്.ടി.സി.പി, നോണ്- വൊക്കേഷണല് ടീച്ചര് ഇന് ഇ.ഡി തസ്തികകളിലേക്ക് ദിവസവേതനാടിസ്ഥാനത്തില് നിയമനം നടത്തുന്നു. ഉദ്യോഗാര്ത്ഥികള് യോഗ്യതാ സര്ട്ടിഫിക്കറ്റുകളുടെ അസല്, എംപ്ലോയ്മെന്റ് കാര്ഡ് എന്നിവ സഹിതം മെയ് 29ന് രാവിലെ 10ന് നടക്കുന്ന അഭിമുഖത്തില് പങ്കെടുക്കണം. ഫോണ്: 04936 236690
അധ്യാപക നിയമനം
വെള്ളാര്മല ഗവ. വൊക്കേഷണല് ഹയര് സെക്കന്ഡറി സ്കൂളില് വി.എച്ച്.എസ്.ഇ വിഭാഗം വൊക്കേഷണല് ടീച്ചര് ഇന് എഫ്.ടി.സി.പി, നോണ്- വൊക്കേഷണല് ടീച്ചര് ഇന് ഇ.ഡി തസ്തികകളിലേക്ക് ദിവസവേതനാടിസ്ഥാനത്തില് നിയമനം നടത്തുന്നു. ഉദ്യോഗാര്ത്ഥികള് യോഗ്യതാ സര്ട്ടിഫിക്കറ്റുകളുടെ അസല്, എംപ്ലോയ്മെന്റ് കാര്ഡ് എന്നിവ സഹിതം മെയ് 29ന് രാവിലെ 10ന് നടക്കുന്ന അഭിമുഖത്തില് പങ്കെടുക്കണം. ഫോണ്: 04936 236690
ഏകലവ്യ എം.ആര്.എസില് നിയമനം
പൂക്കോട് ഏകലവ്യ മോഡല് റസിഡന്ഷ്യന് സ്കൂളില് ദിവസവേതനാടിസ്ഥാനത്തില് കമ്പ്യൂട്ടര് ഇന്സ്ട്രക്ടര്, ജൂനിയര് പബ്ലിക് ഹെല്ത്ത് നഴ്സ്, ലൈബ്രേറിയന് നിയമനങ്ങള് നടത്തുന്നു. കമ്പ്യൂട്ടര് എന്ജിനിയറിങ്ങില് ബിരുദം, ബി.എസ്.സി കമ്പ്യൂട്ടര് സയന്സ്, പി.ജി.ഡി.സി.എ അല്ലെങ്കില് തത്തുല്യ യോഗ്യതയാണ് കമ്പ്യൂട്ടര് ഇന്സ്ട്രക്ടര് തസ്തികയിലേക്ക് ആവശ്യം. എസ്.എസ്.എല്.സി അല്ലെങ്കില് തത്തുല്യ യോഗ്യതയും ദേശീയ നഴ്സിംഗ് കൗണ്സില്/ കേരള നഴ്സിംഗ് ആന്ഡ് മിഡ് വൈഫ് കൗണ്സില് നല്കുന്ന ഓക്സിലറി നേഴ്സ് ആന്ഡ് മിഡ് വൈഫറി സര്ട്ടിഫിക്കറ്റോ തത്തുല്യ യോഗ്യതയോ ആണ് ജൂനിയര് പബ്ലിക് ഹെല്ത്ത് നഴ്സ് തസ്തികയിലേക്ക് ആവശ്യം. ലൈബ്രറി സയന്സില് ബിരുദമോ തത്തുല്യ യോഗ്യതോയാണ് ലൈബ്രേറിയന് തസ്തികയിലേക്കുള്ള യോഗ്യത. പ്രവര്ത്തിപരിചയവും, ഇംഗ്ലീഷ്/ഹിന്ദി ഭാഷകളില് ആശയ വിനിമയം നടത്താനുള്ള കഴിവും അഭികാമ്യം. പ്രായപരിധി 18നും 40നുമിടയില്. എസ്.സി/എസ്.ടി വിഭാഗക്കാര്ക്ക് അഞ്ച് വര്ഷവും, ഒ.ബി.സി വിഭാഗക്കാര്ക്ക് മൂന്ന് വര്ഷവും പ്രായപരിധിയില് ഇളവ് ലഭിക്കും. കമ്പ്യൂട്ടര് ഇന്സ്ട്രക്ടര് തസ്തികയിലേക്കുള്ള അഭിമുഖം ജൂണ് രണ്ടിന് രാവിലെ 10.30നും, ലൈബ്രേറിയന് തസ്തികയിലേക്കുള്ള അഭിമുഖം രാവിലെ 11.30നും ജൂനിയര് പബ്ലിക് ഹെല്ത്ത് നഴ്സ് തസ്തികയിലേക്കുള്ള അഭിമുഖം ഉച്ചക്ക് 12.30നും സ്കൂള് ഓഫീസില് നടക്കും. ഉദ്യോഗാര്ത്ഥികള് യോഗ്യത, ജാതി, പ്രായം, പ്രവൃത്തി പരിചയം എന്നിവ തെളിയിക്കുന്ന രേഖകളുടെ അസലുമായി വാക്ക് ഇന് ഇന്റര്വ്യൂവില് പങ്കെടുക്കണം. ഫോണ്: 04936 296095
ഇ.പി.എഫ് പെന്ഷന്കാര്ക്ക് സൗജന്യമായി ഡിജിറ്റല് ലൈഫ് സര്ട്ടിഫിക്കറ്റ്
ഇ.പി.എഫ്.ഒ പെന്ഷന്കാര്ക്ക് ഇന്ത്യ പോസ്റ്റ് പെയ്മെന്റസ് ബാങ്കിന്റെ ഡിജിറ്റല് ലൈഫ് സര്ട്ടിഫിക്കറ്റ് (ജീവന് പ്രമാണ്) സേവനം സൗജന്യമായി ലഭിക്കും. ഇ.പി.എഫ്.ഒ, ടെലികോം പെന്ഷന്കാര്ക്കാണ് സേവനം സൗജന്യമായി ലഭ്യമാവുക. എല്ലാ ബ്രാഞ്ച് പോസ്റ്റ് ഓഫീസുകളിലും തെരഞ്ഞെടുക്കപ്പെട്ട ഹെഡ്/സബ് പോസ്റ്റ് ഓഫീസുകളിലും ഈ സേവനം ലഭിക്കും. കേന്ദ്ര/സംസ്ഥാന സര്ക്കാര് പെന്ഷന്കാര്ക്കും സൈനിക പെന്ഷന്കാര്ക്കും ഈ സേവനത്തിന് ജി.എസ്.ടി ഉള്പ്പെടെ 70 രൂപയാണ് ചാര്ജ് ഈടാക്കുന്നത്. ശാരീരിക ബുദ്ധിമുട്ടുള്ളവര്ക്കും കിടപ്പുരോഗികള്ക്കും തങ്ങളുടെ പ്രദേശത്തെ പോസ്റ്റ്മാന് അല്ലെങ്കില് ഗ്രാമീണ് ഡാക് സേവക് വഴി വീട്ടിലിരുന്നുതന്നെ സേവനം പ്രയോജനപ്പെടുത്താം. ആധാര് നമ്പര്, മൊബൈല് നമ്പര്, പി.പി.ഒ നമ്പര്, പെന്ഷന് വരുന്ന ബാങ്ക് അക്കൗണ്ട് വിവരങ്ങള് എന്നിവ കൈവശം വെക്കണം. ലൈഫ് സര്ട്ടിഫിക്കറ്റ് സമര്പ്പിച്ചു കഴിഞ്ഞാല് ഉടന് തന്നെ ഫോണില് എസ്.എം.എസ് ലഭിക്കും. തുടര്ന്ന് ജീവന് പ്രമാണ് വെബ്സൈറ്റ് വഴി സര്ട്ടിഫിക്കറ്റ് ഡൌണ്ലോഡ് ചെയ്യാം. ഫോണ്:033-22029000
അപേക്ഷ ക്ഷണിച്ചു
കണിയാമ്പറ്റ ഗവ മോഡല് റസിഡന്ഷ്യല് സ്കൂളിലെ ആറ്, എട്ട്, പത്ത് ക്ലാസുകളിലെക്കും ഹയര് സെക്കന്ഡറി വിഭാഗം രണ്ടാം വര്ഷ ഹ്യുമാനിറ്റിസ്, സയന്സ് വിഭാഗത്തിലേക്കും ഒഴുവുള്ള സീറ്റുകളിലേക്ക് അര്ഹരായ പട്ടികവര്ഗ വിഭാഗത്തിലുള്ള പെണ്കുട്ടികളില് നിന്ന് അപേക്ഷ ക്ഷണിച്ചു. ഹയര് സെക്കണ്ടറി വിഭാഗത്തിലെ ഒഴിവുകളിലേക്ക് അപേക്ഷിക്കുന്നവര് മലയാളം രണ്ടാം ഭാഷയായി പഠിച്ചവരും ഒന്നാം വര്ഷ കോഴ്സ് പൂര്ത്തിയാക്കി പരീക്ഷ എഴുതിയവരുമായിരിക്കണം. താത്പര്യമുള്ള വിദ്യാര്ത്ഥികള് രക്ഷിതാക്കളോടൊപ്പം ജൂണ് രണ്ടിന് രാവിലെ 10ന് സ്കൂളില് എത്തണം. ഫോണ്: 04936 284818.
തൊഴിലധിഷ്ഠിത കോഴ്സുകളിലേക്ക് അപേക്ഷ ക്ഷണിച്ചു.
മീനങ്ങാടി ഗവ പോളിടെക്നിക് കോളേജിലെ തുടര്വിദ്യാഭ്യാസ കേന്ദ്രത്തില് ജൂണില് ആരംഭിക്കുന്ന ഹ്രസ്വകാല തൊഴിലധിഷ്ഠിത കോഴ്സുകളിലേക്ക് അപേക്ഷ ക്ഷണിച്ചു. പത്താം ക്ലാസാണ് യോഗ്യത. ആറ് മാസം ദൈര്ഘ്യമുള്ള റഫ്രിജറേഷന് ആന്റ് എയര് കണ്ടീഷനിങ്, 10 മാസത്തെ ഇലക്ട്രിക്കല് വയറിങ് ആന്റ് സര്വ്വീസിങ് എന്നീ കോഴ്സുകള്ക്ക് പുറമെ മിതമായ നിരക്കില് ഡ്രൈവിങ് പരിശീലനം നല്കി ലൈസന്സ് കരസ്ഥമാക്കുകയും ചെയ്യാം. കോഴ്സ് വിജയകരമായി പൂര്ത്തിയാക്കുന്നവര്ക്ക് പ്ലേസ്മെന്റും ലഭിക്കും. ഫോണ്: 9744134901, 9847699720
കൂടിക്കാഴ്ച്ച മാറ്റി
അമ്പലവയല് സര്വീസ് സഹകരണ ബാങ്കില് താത്കാലിക ക്ലാര്ക്ക് നിയമനത്തിന് മെയ് 28 നടത്താനിരുന്ന കൂടിക്കാഴ്ച മെയ് 29 ലേക്ക് മാറ്റിവെച്ചു. ഉദ്യോഗാര്ത്ഥികള് രാവിലെ 11 മണിക്ക് ബാങ്ക് ഓഫീസില് എത്തണം.
റോഡ് പ്രവൃത്തികള്ക്ക് 1.80 കോടി രൂപയുടെ ഭരണാനുമതി
ഐ സി ബാലകൃഷ്ണന് എം എല് എയുടെ ആസ്തി വികസന ഫണ്ടില് നിന്നും സുല്ത്താന് ബത്തേരി മണ്ഡലത്തിലെ വിവിധ ഗ്രാമ പഞ്ചായത്തുകളില് റോഡ് പ്രവൃത്തികള്ക്കായി 1.80 കോടി രൂപയുടെ ഭരണാനുമതി ലഭിച്ചു.✨✨✨✨✨✨നൂല്പ്പുഴ പഞ്ചായത്തിലെ നായ്ക്കട്ടി- മാതമംഗലം പുളിമരം കവല റോഡ് ടാറിംഗിന് 20 ലക്ഷം രൂപ, കാര്യമ്പാടി പണിയ ഉന്നതി റോഡ് ടാറിംഗിന് 15 ലക്ഷം രൂപ, ചിത്രാലക്കര വയല് വരമ്പ് റോഡ് ഫോര്മേഷന് 20 ലക്ഷം രൂപ എന്നിങ്ങനെ ഭരണാനുമതിയായി. ✨✨✨✨✨✨അമ്പലവയല് പഞ്ചായത്തിലെ മേനോന്മുക്ക് -കോട്ടൂര് റോഡ് ടാറിംഗിന് 15 ലക്ഷം, കൊട്ടമ്പംകാരച്ചാല് റോഡ് കോണ്ക്രീററ്റിന് 15 ലക്ഷം, വടുവന്ചാല് മലംകൊല്ലി റോഡ് ടാറിംഗിന് 10 ലക്ഷം, ചെറുവയല് പങ്ങലേരി റോഡ് ടാറിംഗിന് 15 ലക്ഷം, ആനപ്പാറ റേഷന്കട ചക്രൂട്ട് വയല് ടാറിംഗ്- കലുങ്ക് നിര്മാണത്തിന് 10 ലക്ഷം രൂപയും അനുവദിച്ചു. പൊട്ടന്കൊല്ലി -എം സി റേഡ് കോണ്ക്രീറ്റിന് 10 ലക്ഷം, കരിമ്പംകുന്ന്- കാവ് റോഡ ്(ചീങ്ങേരി) കോണ്ക്രീറ്റിന് 10 ലക്ഷം, പൊട്ടന്കൊല്ലി - ചെറുവയല് ഗുപ്തന് റേഡ് കോണ്ക്രീറ്റിന് 20 ലക്ഷം രൂപയും മെഴുകുതിരി കമ്പനി കൊട്ടമ്പം റോഡ് സൈഡ് കെട്ടും കോണ്ക്രീറ്റ് പ്രവര്ത്തിക്ക് 10 ലക്ഷം രൂപയും അനുവദിച്ചു.✨✨✨✨✨✨പുല്പള്ളി പഞ്ചായത്തിലെ ശങ്കുണ്ണികവല ഗാന്ധിനഗര് ഉന്നതി റോഡ് ടാറിംഗിന് 10 ലക്ഷം രൂപ അനുവദിച്ചു.
ജെറിയാട്രിക് കെയര് കോഴ്സ്
മാനന്തവാടി പി.കെ കാളന് മെമ്മോറിയല് കോളേജില് പുതിയതായി ആരംഭിക്കുന്ന ഡിപ്ലോമ ഇന് ജെറിയാട്രിക് കെയര് കോഴ്സിന് അപേക്ഷിക്കാനുള്ള തീയതി മെയ് 29 വരെ നീട്ടി. വയോജന പരിപാലനത്തില് നൈപുണ്യം നേടാന് ലക്ഷ്യമിടുന്ന ആറ് മാസം ദൈര്ഘ്യമുള്ള കോഴ്സിന് പ്ലസ് ടുവാണ് അടിസ്ഥാന യോഗ്യത. പ്രായപരിധി 50 വയസ്. ഫോണ്: 8547005060
പാലിയേറ്റീവ് നഴ്സിങ് സര്ട്ടിഫിക്കറ്റ് കോഴ്സ്
സുല്ത്താന് ബത്തേരി താലൂക്ക് ആസ്ഥാന ആശുപത്രിയിലെ പാലിയേറ്റീവ് കെയര് ട്രെയിനിങ് സെന്ററില് പാലിയേറ്റീവ് നഴ്സിങ് സര്ട്ടിഫിക്കറ്റ് കോഴ്സ് ആരംഭിക്കുന്നു. ജനറല് നഴ്സിങ്/ ബി.എസ്.സി നഴ്സിങ് ആണ് കുറഞ്ഞ വിദ്യാഭ്യാസ യോഗ്യത. കേരള നഴ്സസ് ആന്റ് മിഡ് വൈഫ്സ് കൗണ്സില് രജിസ്ട്രേഷന് ഉണ്ടായിരിക്കണം. പ്രായം 40നു താഴെ. താല്പര്യമുള്ളവര് ബയോഡേറ്റ സഹിതം secondarypalliativebathery@gmail.com എന്ന ഇ-മെയിലില് മെയ് 20നകം അപേക്ഷിക്കണം. ഫോണ്: 9778369162, 6282197908.
ലാബ് ടെക്നീഷ്യന് നിയമനം
വൈത്തിരി താലൂക്ക് ആസ്ഥാന ആശുപത്രിയില് കരാറടിസ്ഥാനത്തില് ലാബ് ടെക്നീഷ്യന് നിയമനം നടത്തുന്നു. ഡി.എം.എല്.ടി അല്ലെങ്കില് അംഗീകൃത സ്ഥാപനങ്ങളില് നിന്നുള്ള എം.എല്.ടി ബിരുദം, പാരമെഡിക്കല് കൗണ്സില് രജിസ്ട്രേഷന്എന്നിവയാണ് യോഗ്യത. പ്രായപരിധി 40 വയസ്. ഉദ്യോഗാര്ത്ഥികള് അസ്സല് സര്ട്ടിഫിക്കറ്റുകളും തിരിച്ചറിയല് കാര്ഡും സഹിതം മെയ് 15ന് രാവിലെ 10ന് വൈത്തിരി താലൂക്ക് ആസ്ഥാന ആശുപത്രി സൂപ്രണ്ട് ഓഫീസില് കൂടിക്കാഴ്ച്ചക്ക് എത്തണം.
