സംസ്ഥാനത്ത് സ്വര്ണവിലയില് ഇന്ന് വര്ധന. പവന് ഒറ്റയടിക്ക് 1,680 രൂപ കൂടി 1,07,440 രൂപയിലെത്തി. ഗ്രാമിന് 210 രൂപ വര്ധിച്ച് 13,430 രൂപയുമായി. 18 കാരറ്റ് സ്വര്ണവില ഗ്രാമിന് 175 രൂപ വര്ധിച്ച് 11,035 രൂപയിലെത്തി. നികുതിയും പണിക്കൂലിയും കൂട്ടാതെ തന്നെ 18 കാരറ്റ് സ്വര്ണം പവന് വില 88,280 രൂപയാണ്. നികുതിയും പണിക്കൂലിയും ചേര്ന്നാല് വില ഒരുലക്ഷം രൂപയോളമാകും. 14 കാരറ്റ് സ്വര്ണം ഗ്രാമിന് 130 രൂപ ഉയര്ന്ന് വില 8595 രൂപയായി. പവനുവില 68,760 രൂപയുമായി.
ഈ മാസമാദ്യം 1,03,240 രൂപയായിരുന്നു പവന്വില. പിന്നീട് പല ദിവസങ്ങളായി 1,07,800 രൂപ വരെ ഉയര്ന്നു. ഈ വര്ഷം ജനുവരി 29നായിരുന്നു സ്വര്ണത്തിന് എക്കാലത്തേയും ഉയര്ന്ന വില. ഗ്രാമിന് 16,395 രൂപയും പവന് 131,160 രൂപയുമായിരുന്നു അന്നത്തെ വില.
