ബാണാസുര സാഗർ ഡാമിലെ ഒരു സ്‌പിൽവെ ഷട്ടർ തുറന്നു. ജാഗ്രത നിർദ്ദേശമായി മൂന്ന് തവണ സൈറൺ മുഴക്കിയശേഷം വെള്ളിയാഴ്ച രാവിലെ 10 മണിയോടെ 10 സെന്റിമീറ്റർ ഷട്ടർ ഉയർത്തി ഘട്ടം ഘട്ടമായി കാരമാൻ തോട്ടിലൂടെ അധിക ജലം ഒഴുക്കി വിട്ടു. കാരമാൻ തോടിന്റെ ഇരുകരകളിലുമുള്ള ആളുകൾ ജാഗ്രത പാലിക്കണമെന്നും പുഴയിലേക്ക് ഇറങ്ങുന്നവർക്കെതിരെ കർശന നിയമ നടപടികൾ സ്വീകരിക്കുമെന്നും പോലീസ് അറിയിച്ചിരുന്നു. പുഴയുടെ തീരങ്ങളിലുള്ളവരും താഴ്ന്ന പ്രദേശങ്ങളിൽ താമസിക്കുന്നവരും ജാഗ്രത പാലിക്കണമെന്ന് ജില്ലാ ദുരന്ത നിവാരണ അതോറിറ്റി ചെയർപേഴ്‌സൺ കൂടിയായ ജില്ലാ കളക്ടർ ഡി ആർ മേഘശ്രീ നേരത്തെ നിർദേശം നൽകിയിരുന്നു. അടിയന്തര സാഹചര്യങ്ങളിൽ എമർജൻസി ഓപ്പറേറ്റിങ് സെന്ററിലെ 1077 നമ്പറിൽ വിളിക്കാം.
കേരളോത്സവം 2025: ലോഗോ എന്‍ട്രി ക്ഷണിച്ചു
സംസ്ഥാന യുവജനക്ഷേമ ബോര്‍ഡ് തദ്ദേശ സ്വയംഭരണ സ്ഥാപനങ്ങളുടെ സഹകരണത്തോടെ സംഘടിപ്പിക്കുന്ന കേരളോത്സവം 2025 ലോഗോയ്ക്ക് എന്‍ട്രികള്‍ ക്ഷണിച്ചു. എന്‍ട്രികള്‍ എ-ഫോര്‍ സൈസില്‍ മള്‍ട്ടി കളറില്‍ പ്രിന്റ് ചെയ്ത് ഓഗസ്റ്റ് 20 ന് വൈകിട്ട് അഞ്ചിനകം
