പടിഞ്ഞാറത്തറ പൂഴിത്തോട് റോഡ് പ്രവൃത്തി ഉദ്ഘാടനം നിർവഹിച്ച് 26 വർഷം പിന്നിട്ടിട്ടും റോഡ് നിർമ്മാണ പ്രവർത്തനവുമായി ബന്ധപ്പെട്ട് യാതൊരു നടപടിയും സ്വീകരിക്കാത്തതിൽ വ്യാപാരി വ്യവസായി ഏകോപന സമിതി പടിഞ്ഞാറത്തറ യൂണിറ്റിന്റെ നേതൃത്വത്തിൽ മെഴുകുതിരി കത്തിച്ച് പ്രതിഷേധ കൂട്ടായ്മ സംഘടിപ്പിച്ചു. യൂണിറ്റ് പ്രസിഡന്റ് പി.കെ ദേവസ്യ,സെക്രട്ടറി കെ.പി നൂറുദ്ദീൻ,ട്രഷറർ പി.പി അബ്ദുറഹ്മാൻ തുടങ്ങിയവരുടെ നേതൃത്വത്തിലായിരുന്നു പ്രതിഷേധ കൂട്ടായ്മ സംഘടിപ്പിച്ചത്.ആറര മുതൽ 7 മണി വരെ കടകളടച്ച് മെഴുകുതിരി കത്തിച്ച് പ്രതിഷേധ പ്രകടനവും നടത്തി. ടൗണിലെ മുഴുവൻ വ്യാപാരികളും പ്രതിഷേധ പരിപാടികളിൽ പങ്കാളികളായി.
ചുരത്തിലെ ഗതാഗതം ഭാഗികമായി പുനസ്ഥാപിച്ചു
വയനാട് ചുരം വ്യൂ പോയിന്റിൽ മണ്ണിടിഞ്ഞ പ്രദേശത്തെ വാഹന ഗതാഗതം ഭാഗികമായി പുന:സ്ഥാപിച്ചു. വ്യൂ പോയിന്റിൽ കുടുങ്ങിയ വാഹനങ്ങൾ അടിവാരത്തേക്ക് എത്തിക്കുകയും തുടർന്ന് അടിവാരത്ത് കുടുങ്ങിയ വാഹനങ്ങൾ വ്യൂ പോയിൻ്റ് ഭാഗത്തേക്ക് കയറ്റി വിടും.
