വായു മലിനീകരണവും പുകവലിയും പുകപടലങ്ങൾ എന്നിവ മൂലം ലോകത്ത് ശ്വാസകോശാര്‍ബുദത്തിന്‍റെ നിരക്ക് വര്‍ധിച്ചു വരികയാണ്. ഇന്ത്യയില്‍ മാത്രം ആകെയുള്ള അര്‍ബുദ രോഗികളുടെ 6.9 ശതമാനം ശ്വാസകോശാര്‍ബുദം ബാധിച്ചവരാണെന്ന് റിപ്പോർട്ടുകൾ പറയുന്നു.
നേരത്തെയുള്ള രോഗനിര്‍ണയവും ചികിത്സയും ഇത് മൂലമുള്ള മരണങ്ങള്‍ ഒരു പരിധി വരെ കുറയ്ക്കാന്‍ സഹായകമാണ്. എന്നാല്‍ ഇവ നേരത്തെ കണ്ടെത്താന്‍ ബുദ്ധിമുട്ടുള്ള തരം അര്‍ബുദങ്ങളില്‍ ഒന്നാണ്.
അവസാന ഘട്ടത്തിൽ മാത്രമാണ് ശ്വാസകോശാർബുദം സ്ഥിരീകരിക്കുക. എന്നാൽ നേരത്തെയുള്ള രോഗ നിർണയം പല ആരോഗ്യ പ്രതിസന്ധിയിൽ നിന്നും രക്ഷപെടാനുള്ള വഴികളാണ്. സാധാരണ ചുമയാണെങ്കിൽ പോലും ചില ലക്ഷണങ്ങൾ ശ്രെദ്ധിക്കാൻ മറക്കരുത്..
1. കഫത്തില്‍ ചോരയുടെയോ തുരുമ്പിന്റെയോ നിറം
2.ശ്വാസം മുട്ടല്‍
3.നെഞ്ച് വേദന
4.ബ്രോങ്കൈറ്റിസ്, ന്യുമോണിയ പോലുള്ള അണുബാധകള്‍ വിട്ടുമാറാതെ തുടരുന്നത്
വിട്ടുമാറാത്ത ചുമയുള്ളവരിൽ ചുമയുടെ ശബ്ദ വെത്യാസവും ഏറെ ശ്രദ്ധിക്കേണ്ട ഒന്നാണ്.ചുമക്കുമ്പോഴും സംസാരിക്കുമ്പോഴും ഉണ്ടാകുന്ന വേദനയും ഇതിന്റെ ലക്ഷണമാകാം..
തൊണ്ടയടപ്പ്, വിശപ്പില്ലായ്മ, വിശദീകരിക്കാനാകാത്ത ഭാരക്കുറവ്, ക്ഷീണം, മുഖത്തോ കഴുത്തിലോ നീര്‍ക്കെട്ട് എന്നിവയെല്ലാം ശ്വാസകോശാര്‍ബുദത്തിന്‍റെ മറ്റ് ലക്ഷണങ്ങളാണ്..
